【直播精華#79】食物大戰之Lun唔Lun骨

頌頌：對於我嚟講就係單骨雞翼好過普通雞翼，而冇骨雞翼就排最頂嘅。我估唔到你 一個咁怕麻煩嘅人
Alex：即係你會改造啲基因，令到啲雞翼呢，係三條骨四條骨咁樣呀？
頌頌：去到嗰啲喪屍暴龍獸嗰啲，再多一排呀，正呀
Alex：喪屍暴龍獸（拍手叫好）
頌頌：最好冇埋肉，得返啲骨，係咁損
Alex：嗱，我有個問題，你覺得你鍾意喪屍暴龍獸，定還是機械暴龍獸？講呀，你講呀，係呀 
頌頌：定係普通暴龍獸？有肉地
豬文：好煩，機械暴龍獸都有骨㗎嘛，屌你
Alex：唔係啊，喪屍暴龍獸剩係得排骨呀
頌頌：喪屍暴龍獸得個骨咋嘛
豬文：同啲連登仔一9樣，即係嗰啲咩波派腳派嗰啲呢，就剩係得對波，剩係得對腳，同埋魚頭，魚頭人腳 ，跟住人身
頌頌：暴龍獸去骨，同埋喪屍暴龍獸
Alex：唔係，嗱，喪屍暴龍獸係有個心臟嘅 

阿裕：係喇，整支導彈，俾埋支導彈你喇
Alex：噒支導彈
頌頌：都硬㗎支導彈

豬文：個投票結果係咩
Alex：支啲導彈有青筋㗎喎
豬文：哇，近磅呀43對57呀，所以我見到哩個室係冇任何人認同我，係勁震驚喎。我對你哋，唉，本來你同我有啲品味上都有啲幾接近（指阿裕），竟然你今次完全唔撐。黐線㗎喎
Alex：啲人問呀 「食橙係咪要食橙皮」
豬文：我又唔係做校長，屌你，啲argument差撚到，開始亂鳩咁嚟嘅你班友，真心唔得喎，點解你雞翼唔食....
阿裕：牛油果食埋舊核呀
豬文：有冇搞錯呀
Alex：佢噒呀
阿裕：噒舊核，哇

豬文：不過龍眼有核又真係幾爽㗎喎
Alex：咩呀？幾爽？
豬文：即係可以噒嗰粒嘢囉
Alex：即係你西瓜寧願有核呀？
豬文：咁又唔係，西瓜就唔係，嗰粒核太細，即係荔枝咁樣囉，好撚爽喎，啜吓啜吓幾爽呀
阿裕：好折墮呀我覺得你
豬文：荔枝就冇咁obvious嘅我同意
阿裕：你係仲未過口腔期嗰啲小朋友
豬文：屌你哋好撚嬲喎
頌頌：掛住奶嘴嘅感覺呀
Alex：提子呀啲人問你
豬文：提子呀...
Alex：吓你要諗㗎
豬文：唔係我諗緊提子粒核幾大，你搞到我依家唔係好敢講嘢
Alex：喂一定唔食核㗎

豬文：我冇話食核呀（嬲嬲豬來了）我都冇話我食啲骨！
阿裕：喺到噒啲核呀唔通
Alex：唔係呀，但係你話你寧願噒呀嘛
豬文：雞翼真係一定要有骨喎，點解呀唔得囉
頌頌：有咩點解啫
Alex：我都想問番你點解呀
豬文：屌你DC有冇人撐我
Alex：你開始尋求啲，尋求啲認同喎
阿裕：芒果又要噒核呀？啲人又喺下面問...
豬文：唔係呀，芒果噒核都幾爽嗰喎又
阿裕：黐撚線㗎你條友
Alex：真係癲，你去許留山，跟住叫佢加粒核落去，俾返舊核我...
頌頌：我杯椰奶西冇核嘅？！
Alex：偷工減料！

豬文：跟住佢成舊核塞入去嗰杯嘢嗰到
阿裕：椰子又冇殼
豬文：成舊核塞落杯椰奶西到 ok喎
阿裕：你俾啲肉我做乜9，我要核呀
Alex：告你呀無核呀
豬文：唔係，核係冇咁誇嘅，即係講笑嘅啫，但係骨係必須囉，海南雞我寧願有骨喎，講真
Alex：點解嘅
豬文：我噒骨囉
阿裕：佢解釋唔到嗰喎，去到某個位
豬文：哇，牛仔骨嗰層衣咁樣噒，你哋有冇感受過先
阿裕：可以明嘅，但係唔關舊骨事囉
豬文：但係我唔係要直接食嗰個衣喎
阿裕：係要有個過程吖嘛
豬文：係要起喎，咁樣噒起去（Camera man：同啲狗一樣）
阿裕：嗰啲狗都係咁樣
豬文：冇辦法喇，今日宣布退出荼毒室

Alex：豬都不如喎你
阿裕：枉對豬文呢個名呀你
頌頌&Alex：狗文
豬文：呀？好撚煩呀，食屎啦
Alex：食麥樂雞會唔會食嗰條骨？嗱，有好多問題嘅。蝦你會唔會食...連埋啲殼呀？即係你寧願有冇殼先？
阿裕：佢鍾意搣殼囉
頌頌：係喎，你會唔會鍾意搣殼呀
Alex：噒啲蝦
豬文：蝦唔會蟹呢？
Alex：蟹呀？
頌頌：會唔會鍾意吮啲鉗呀？
豬文：蟹可能真係會嗰喎
Alex：即係有人如果起咗俾你，你會「呃秤呀？」咁樣
豬文：唔係呀你唔覺得呢...


頌頌：還原！（阿裕：畀返啲殼我）塞返入去！
豬文：就係我成日覺得呢嗰啲起咗骨嘅肉呢，好膚淺呀，同埋你令我唔珍惜佢囉，即係我就而家諗緊嗰啲起咗骨嘅海南雞啦，同埋起晒殼嘅蟹肉呢，唔係嗰樣嘢囉，佢係連住啲骨同埋連住啲殼，我係覺得會珍惜好多囉
Alex：咁你食飯食埋啲穀囉
頌頌：係囉，即係你要增加難度咋嘛，即係好地地一碗白飯你唔滿意嘅
Alex：即係佢喺到打穀 「欸 唔好！呃秤呀？」
阿裕：打走咗啲穀做乜9啫
頌頌：粒粒皆辛苦，我又打穀開始
Alex：食咪啲根囉
阿裕：榴槤你又唔好剝囉 （Alex：係呀）食埋個皮囉，珍惜個殼，海膽...
Alex：點解你食飯唔食埋啲榖呢（阿裕：咪係囉）（豬文：好煩...）你唔覺得... 唔係喎佢真係粒粒打出嚟㗎喎
豬文：唔係呀，同埋另一樣嘢係，個口感真係有啲唔同嗰喎
Alex：有穀都係㗎，真係喎，點會一樣啫 如果唔係人哋點解要打出嚟啫

阿裕：有榖起碼健康啲仲，你有嚿骨你做乜9啫，你又唔係食
Alex：飽啲又
豬文：我諗到個分別係咩啊，我係咁反省緊我嗰經驗呀
Alex：食糭又食埋啲荷葉
阿裕：食埋...綁住咗嗰條
頌頌：唔係呀，搣嗰下正呀
阿裕：綁住個荷葉嗰條嘢你都要食埋
頌頌：慢慢喺到拆
豬文：我係咁諗緊點解我鍾意囉，即係我鍾，仲有好多原因嘅，其中一個係...我覺得你起咗啲蟹肉，或者雞肉，或者乜嘢呢，有啲似現代社會呀，即係佢一體化咗嗰件事囉，冇咗個particularity呀，即係呢你有骨呢，你每一嚿譬如白切雞咁先算，你海南雞咁樣，成隻佢每一嚿斬，跟住係大細又唔同啦，跟住個部位又唔同啦，即係好殊別㗎，嗰個世界，有骨嘅世界。但係你起晒呢，佢就係就咁一pat（擗）囉，勁L多肉，勁L大啖肉，唔知做乜，佢冇咗嗰個獨特性呀。哩個point係唔係好勁先 你駁唔到啦？ 駁唔到啦

頌頌：但係你無骨海南雞，你都一嚿嚿㗎，每嚿肉都有唔同㗎
豬文：唔同，但係佢已經阿叔得好一體喇 
阿裕：即係你有雞你寧願唔切，成隻...
豬文：咁又唔係
頌頌：你成隻呢，咪享受到每個部位嘅獨特性
Camera man：馬肥話呢，你唔食菜，係唔係因為啲菜冇骨？
Alex：如果啲菜有骨呢，咁就食啦
Camera man：菜心有骨