16/12《圍爐取戀》Friends with Benefits 沉船記

東方昇：哇我哋會唔會傾到整濕張床褥啊。接入嚟聽吓先！

〈圍爐Buddy：Irene（化名）〉

東方昇：Irene，你好。
Irene：Hello，你好。
東方昇：你係咪有個friend with benefits 嘅愛情故事啊？
Irene：咁我係外國中學嗰陣就識咗個男仔，中間呢都只不過係好普通普通嘅朋友嚟嘅啫。咁直到到上年暑假大家就多咗出去玩，close 咗啦。佢本身個人都幾caring，對女仔又幾nice 嘅 。誤打誤撞就做咗friend with benefit 啦。

〈由普通朋友進展到friend with benefits〉

東方昇：哦…嗱因為叔叔呢，我地就比較年紀大。我想問吓佢點樣開口同你講話做呢個關係嘅呢？
Irene：我覺得係冇開口㗎，夜晚就…
叻叻：飲咗少少酒吓話。（笑）
Irene：咁就開始咗。

東方昇：咁完咗之後佢點樣界定你哋嘅關係？

〈東方昇請問：如何界定你們之間的關係？〉

Irene：我記得係有講過話，我哋大家淨係friends with benefits 啦，就nothing to much 咁樣。
東方昇：即係唔會有愛情嘅出現啦，其實好清楚講咗。
Irene：個刻係啦。
東方昇：嗯~ 跟住呢？

Irene：咁就大概開始左呢段關係兩個月之後呢，咁我就沉咗船嘅。

〈事主極速沉船〉

東方昇：係，點解呢點解沉船呢？講明㗎嘛！
Irene：講明咗係啦。咁但係我就鍾意咗佢嘅因為都覺得有啲過意唔去咁，就同左佢講啦。
專家Dickson：咁佢點樣回應你呢？
Irene：佢第一句就：「問點解會咁嘅？」
全部人：吓…
東方昇：係，佢都幾愕然喎，即係佢唔知你沉咗船喎。即係如果你有咗佢就話：「點解會咁嘅？」就好合理吖。如果佢都鍾意你佢唔會問呢句吖。
Irene：咁我都好難答啦，鍾意咗咪鍾意咗囉，真係好難講話點解㗎嘛。跟住我自己印象中就記得佢係開始有啲push me away 咁樣囉。

〈沉船後對方疏遠〉

Irene：咁我自己係繼續黐埋去嘅，咁佢都冇拒絕嘅。
東方昇：嗯，即係反而疏遠咗嘅。咁你哋係唔係keep 住都係benefit 呢？
Irene：嗰陣係。跟住呢就大概上年暑假開始啦，然之後去到今年年初呢佢個ex 就知道咗我嘅存在嘅。因為嗰段時間佢都仲有同ex 聯絡嘅，所以之後佢就同我講話佢夾咗係中間好辛苦。咁就決定話我哋唔好繼續呢段關係啦。

〈對方因前度而終止關係〉

東方昇：咦我想問一個問題，咁你知佢同ex 有聯絡啦。你嘅感受如何呢？
Irene：基本上每次例如我喺屋企sleep Over啦，佢個ex 可能會打電話或者text 過嚟，咁我個心當然係好噏啦。但我又唔可以講任何嘢，因為我冇呢個身份冇呢個權利。
東方昇：其實你的確係鍾意咗佢囉，咁如果你繼續同佢Benefit呢，你都冇得介意啦 咁佢甚至乎坦白同你講佢個ex 搵返佢吖，咁你嗰下咪勁hurt？
Irene：當然好hurt啦，但係我都有心理準備會有呢一日囉。

〈事主早有心理準備〉

專家Dickson：所以你當時係冇任何挽留嘅反應嘅？
Irene：有挽留過嘅，但係之後都係唔work out 囉。
專家Dickson：你做咗啲乜嘢去挽留
Irene：我寫咗essay 咁樣佢話俾佢聽我啲感受啊嗰啲嘢，跟住見面再講呀。
叻叻：咁佢後尾仲有冇同返佢ex 係返埋一齊？
Irene：聽講呀…佢地兩個就真係somehow唔work out。
東方昇：嗯~
Irene：個陣時都冇一齊，只不過係可能keep 住咁樣出去呀，聯絡呀咁樣。咁佢哋而家都係keep 住普通friend 嘅關係囉。佢後尾就因為佢話咁繼續呢段關係呀嘛。咁我就自己決定咗block咗佢，同佢斷聯絡。

〈事主主動斷絕聯繫〉

Irene：可能IG story睇到佢哋可能出去呀，咁樣我唔掂呀。
東方昇：理解理解。
Irene：然之後過咗大概三個月之後，我哋有一個共同朋友呢就知道我哋之前嗰件事。咁佢就中間呢無端端做咗個媒人，令我同個男仔聯絡番。咁一開始嗰陣我都唔係好想理佢嘅，即係淨係一個月見一兩次咁樣，但之後就慢慢越見越多。最後又發展返去friends with benefits 呢嗰個關係。
Charlie：咁佢係咪即係同個ex 分咗手之後就透過呢個共同朋友搵返你㗎？
Irene：冇任何一方話透過呢個朋友聯絡我哋任何一邊嘅，係嗰個朋友自己做決定
東方昇：自己多事啦，okay~ （眾人笑）
Irene：我唔知啦，哈哈哈~
東方昇：咁我會問，咁第一下你聯絡佢嗰時，佢嘅…你哋嘅感覺互相係點樣呢？
Irene：我就當然緊張啦，嗰一刻。我都有問佢你做咩事搵返我。跟住佢就話因為同你做friend 我覺得好好玩。

〈同你做friend 好好玩〉

叻叻：好玩？
Irene：係呀，我都問號㗎呢一句。咩意思呀，但佢又冇解釋呢一句嘢囉。
東方昇：你覺得你點演繹呢句說話吖？
Irene：我覺得可能因為我鍾意啲outdoor activities呀，跟住又打機呀，然之後又有共同話題可以講呀。
東方昇：咁你覺得個好玩係講緊個興趣而唔係性趣？

〈東方昇請問：好玩究竟是興趣定性趣？〉

Irene：Er…我覺得都有掛。
東方昇：嗯…嗱我哋在座有兩位女仔啦，你哋如果有個男仔同你講好玩。係佢個situation，你會take係咩呢？
叻叻：性趣。
東方昇：Charlie呢？
叻叻：唔使諗。
Charlie：我覺得兩樣都有既，why not both？
專家Dickson：但係佢咁樣講，你地會唔會嬲先，真心。
叻叻：我會更加唔開心囉，即係你第一次咁樣抌低。你第二次返嚟，你可以同我講你想同返我做返朋友，但唔係for fun囉。
東方昇：因為如果係興趣嘅話你咪繼續outdoor activities，就唔好做啲indoor activities。

〈Outdoor activities GOOD, Indoor activities BAD〉

東方昇：可以係friend架嘛，就唔洗再benifits架嘛。所以其實某程度上佢個好玩，Indoor係肯定有份啦。
Irene：佢好坦白講話佢而家唔想要感情自己，淨係想要嗰樣嘢囉。
東方昇：明，咁你O唔OK呢？因為冇問題呀，佢又冇女朋友，你又冇男朋友。
Irene：我梗係唔OK啦我，哈哈哈…
東方昇：但係你最尾都有繼續呢個關係。
眾人：哈哈哈
專家Dickson：你應該要做一啲嘢令到佢要完成你嗰個deal 㗎嘛。
東方昇：咁好啦，跟住事情再發展成點呢？
Irene：之後因為佢工作嘅關係，佢九月個陣就返左去台灣啦。咁佢台灣人嚟嘅，咁我哋反而暑假到佢返台灣個段時間呢就，好好嘅。基本上可能係一個禮拜見成四五次咁樣。
東方昇：咁個刻我想問啦，佢開頭就話好玩啦。咁後尾會唔會，你會覺得佢對你係有愛情㗎呢？

〈事主同對方關係有進展？〉

事主Irene：⋯⋯但係今年呢佢係多咗約我出去玩啦（彈幕： 男方主動與事主約會）然之後佢都會問我「鍾意食啲咩嘢啊？跟住我哋去邊玩呀？」即係會少咗indoor反而多咗outdoor囉。
東：哦，咁睇落去幾好吖。有個問題我想問返呀，佢一路以嚟同你friends with benefits，佢有冇同其他人friends with benefits？
（彈幕： 男方有其他friends with benefits嗎？）
Irene：冇。（秒答）
東：你sure嘅？淨係你係唯一一個。
Irene：Sure！ Very Sure！！（秒答）
東：咁OK呀。其實佢都應該都開始沉沉哋吖，咁其實好事呀，不過佢就去咗台灣喇。
Irene：係喇，咁而家我哋日日都有聯絡嘅。
東：Um。


Irene：咁佢大概一個月左右之前終於有同我confirm話其實佢都有鍾意我嘅，同埋都有諗過想同我一齊，只不過我哋兩個都唔想遠距離咁樣囉（彈幕：遠距離的困擾）所以都kick住咁樣。
東：我覺得好樂觀喎，因為佢去咗台灣就擺明冇benefits啦，因為Long D（Long Distance Relationship）要keep都難吖，佢都寶係有搵你，係關心你呀。
專：即係精神上交流，肯同你。
東：係喇，咁其實係好事嚟㗎喎。


叻：即係你就諗緊你好唔好過去台灣正正式式可能拍拖或者咁樣？
Irene：係囉，我就唔知點樣決定好囉，而家究竟要唔要過去。
叻：咁你有冇同佢傾過？
Irene： 有同佢傾過㗎，因為佢基本上都唔返嚟啦，然之後我又唔知會唔會過去啦。其實佢都有一路考慮緊要唔要放棄繼續同我維持呢個online嘅傾偈咁樣囉，但係最後我哋都係決定再試吓，可能有其他方法呢。
東：Um。


Charlie：咁可唔可以話係你應承咗過去就等如你一定做佢女朋友呀？
東：係囉，會唔會係你一廂情願你諗呢？（彈幕：只是事主一廂情願？）
Irene： （唐突）冇考慮過呢個問題喎！
東：都要考慮喎。
專：係呀。
叻：（點頭）呢個係最值得考慮嘅問題呀。
專：因為如果唔係你放棄晒所有嘢去到台灣，跟住原來發現佢話「其實呢，我都係想同你benefit返㗎咋。」。
叻、東：係呀，係呀。
東：即你過到去台灣，即係親身飛過去啦，起碼要做返個坐正先啦。（專：梗係啦，梗係啦。）因為你都要犧牲㗎嘛。（專：係呀。）你外國啲嘢。
專：係囉，如果你過去嘅話，你要犧牲啲乜嘢㗎？
Irene：犧牲⋯⋯屋企人？
全體：Umm。

Irene：但係我自己係想去台灣做嘢嘅一直都。
東：真係嘅？唔係因為佢？老實答我。
叻：唔係因為啲benefit？
Irene：我好幾年㗎啦已經，只不過一直冇去做呢件事。
東：咁點解你唔就襯呢個機會去呢？
Irene：係囉，所以我而家係度諗緊方法點樣去。
全體：哦～
叻：即係你已經決定咗去㗎喇，只不過未諗好點樣搬移過去。
東：所以你其實對你嚟講，其實嗰啲唔係犧牲嚟嘅，因為你本身都想去台灣，但係你嘅concern反而係去到之後同佢嘅關係係唔係可以坐正。
（彈幕：事主真正難題：去台灣後會否坐正？）


Irene：嗯，可以咁講嘅。不過如果坐唔正嘅話，我喺台灣咪搵過第二個囉。（震驚主持們 ）
專：咁嘅話突然之間變咗⋯⋯（叻：事情好峰迴路轉！）突然間變得咁豁達嘅，你之前明明沉晒船㗎。
Irene：可能我覺得自己有少少抽返出嚟啦，唔可以太沉有啲嘢，如果唔係會太主觀囉睇嘢。
東：嗱，反而我會分析為，就係你唔好同佢benefit，就係同佢做friend，真係培養左愛情先。但係你咁岩得咁橋佢去咗台灣。其實你哋嗰個Long D某程度上就係考驗緊你冇比benefit佢，而佢繼續同你溝通，其實佢真係關心你，真係愛你啦。所以我覺得其實你同佢開口同佢講呢個offer其實係okay㗎喎，起碼佢好似信得過先啦，呢一刻。係咪呀？女仔都覺得咁諗係咪？（望向女主持們）（叻：係嘅）（Charlie點頭）對你來講，你嘅籌碼就係「你係唔係都會想去台灣㗎喇」，你咪開呢個嚟同佢講囉：「不如我過嚟台灣，咁我做你女朋友呀 ？」你咁樣同佢講，其實你就算唔做佢女朋友，你係唔係都會去台灣，即係你有賺冇蝕呀，你明唔明呀？
Irene：明呀，明呀。
東：我覺得你咁樣可以講一個善良的大話，去睇吓佢係咪對你真愛。
Irene：Umm. Good plan.
東：但係我會覺得反而就係如果佢肯就最好啦，如果佢唔肯呢，你就算去到台灣可能都唔好同佢Benefit啦。
（彈幕：東方昇認為：就算不能坐正，也不要benefits）
叻：唔好咁容易心軟啊。
東：因為你知道佢最終唔會俾你坐正吖嘛。
專：同埋甚至乎要結束埋friend呢個關係，因為你會忍唔住，即係尤其是你去到台灣呢，呢個又唔識，嗰個又唔識最後，你到最後又搵返佢，然後佢又要求benefit，你又benefit㗎喇。
Irene：嗯。


東：即係你問我，我又冇乜道德批評嘅。我覺得你去到台灣，你咪試吓識新男仔囉，行一段正常嘅關係囉，最尾真係搵唔到，咁我覺得繼續都冇所謂，但起碼唔會擺佢為首要嘅位置囉。
專：沒有男朋友還有朋友。
東：係啦！我覺得咁樣係對你最大利益。
Irene：對我最好嘅一樣嘢。
東：起碼你開心先啦。
Charlie：同埋我覺得就算你留喺邊度都好呢，你都要以自己為最核心嘅原因而去留一個地方囉。（彈幕：Charlie認為：到哪裡都要以自己為生活核心）如果你過到去係為咗佢呢，佢掉低你你就大鑊啦。（東：係呀。）同埋你要比佢知，等佢知道佢唔係咁矜貴嘅。
Irene：係，我先係最矜貴嘅。
東、Charlie：梗係啦，啱呀。
東：咁就掂啦，解決咗啦。
Irene：多謝各位。


東：喂～，最後我想問一個問題。咁你經歷咗咁多嘢啦，下次又有機會friends with benefits，你係過來人，你覺得呢個係唔係一個好嘅關係？
（彈幕：東方昇請問：Friends with Benefits是否好的關係？）
Irene：唔係。
東：點解呢？
Irene：我自己太過冇辦法將性同愛分開，所以我知道自己如果淨係得friends with benefits，我一定賴嘢。
東：即係試過咗，你就了解自己係咩嘢人，就發覺唔得啦。
Irene：係喇。
東：嗯，我都好開心其實你好清楚自己要乜嘢。祝你馬到功成啦。可以去咗台灣之後，攞到你正印嘅位置又可以幸福快樂啦。
Irene：好，我同你做update呀。
全體：好！掂！拜拜。
Irene：多謝拜拜。（收線）


東：咁頭先我哋收咗線之後呢，我哋嘅導演Terry呢喺鏡頭後面呢就好嬲，佢就話覺得個事主嘅男朋友呢係賤男。入嚟（鏡頭前）講吓你嘅偉倫先，點解覺得佢係賤男呢？
Terry：我又冇話好嬲嘅，不過有啲意見你哋竟然冇人講！Irene個男朋友係小仆街（彈幕：Terry認為：男方是小PK？）有兩個原因，第一個就係Irene話鍾意佢之後呢，跟住男仔已經知道佢沉咗船，依然同佢繼續friends with benefits，即係我覺得佢有啲利用咗個感情。第二樣嘢，佢（男方）返嚟搵佢（Irene），同佢講話「好玩」。即係呢兩樣嘢加埋，我覺得佢係一個小仆街。
東：係，嗱女仔點睇喇？（望向女主持們）
Charlie：但係個男仔由一開始已經講到明係話「我一定唔會同你一齊㗎啦」，但係係個女仔仲抱有希望。
東：啱呀，係個女仔沉船咋喎。
叻：個男仔係仆街嘅，但係呢佢道理上係冇錯囉你明唔明？因為你冇得逼個男仔鍾意個女仔。
東：因為佢哋玩之前係開呢個條件吖嘛，咁個男仔即係犯咗規一齊玩，所以我嗰刻唔會覺得個男仔係衰吖。咁第二個point就係，佢返嚟咁佢就話「點解揀返你呢？」（Terry：好玩啊。）因為好玩，咁你哋點睇？（望向女主持們）
專：嗱，我係認同你（Terry）嬲嘅，就係因為我覺得呢佢呢個說話呢冇照顧他人感受，但係我而家再冷靜啲諗返轉頭，可能人哋flirt緊你唔知呢。
東：女仔點睇先？
叻：我頭先個反應都係真係嬲嘅，咩好玩真係食屎啦。Charlie：我個吓聽到「好玩」同埋佢係英文人嚟㗎嘛，可能真係”Funny”咁樣。（主持們起鬨）
（彈幕：突破盲腸，好玩＝funny）
Terry：喂，咪住先，你做咩幫個男仔辯護？
東：但係我反而覺得，我睇佢行為，後尾真係無論係outdoor，indoor佢都有玩。
專：同埋我係一定要幫佢辯護㗎，因為我係唔介意friends with benefits。
其他主持：哈哈哈哈哈哈
叻：同埋我覺得個男仔雖然有少少仆街，但佢都算誠實，起碼冇呃住佢（Irene）話「我都鍾意你」，然後繼續咁樣氹住個女仔囉。
東：係囉，所以你（Terry）唔好咁樣諗，你自己冇份玩，你嬲咋嘛。
Terry：呢度有冇觀眾認同我，認同請喺下面留言。
（彈幕：觀眾請在留言參與討論！）
東：大家討論吓，因為就係每個人嘅諗法都有啲唔同嘅。好啦，冇你（Terry）嘅事啦，出返去。（推走Terry）最後問大家張床舒唔舒服啊？
Charlie：張床超舒服啊！坐喺度都咁舒服，瞓喺度咪仲舒服。
東：咁就啱啦，而家大家用呢個Code買嘅話呢就有九折，呢個優惠期去到12月31號，咁大家有興趣就快啲嚟買啦。好，今日時間差唔多，拜拜～～