窮小子分享妻子性感照爆紅 經營不道德生意 卻獲國家頒獎？｜原子檔案

烏克蘭是非洲國家？

就在此時，一名同學告訴他，出國到烏克蘭留學，可能是他另一個出路。當時他對烏克蘭這國家一無所知，他不但不了解烏克蘭的語言和文化，更以為這是位於非洲的國家。可是經過他了解後，就發現烏克蘭的大學學費確實便宜，而且入學要求比中國的大學低，加上烏克蘭的簽證手續相對簡單，而另外當時中國亦興起一股留學熱潮，許多高考失敗的學生也會選擇出國留學。於是梅愛偲就和父母討論，父母認為他在國內出路不多，而且烏克蘭生活水平較其他國家低，所以便支持他的決定。就這樣，他便決定報讀烏克蘭東北部的哈爾科夫工藝美術學院，果然這間大學很快就取錄了他。就在２００１年９月，梅愛偲帶著家人給予的少量金錢，來到烏克蘭當地。

然而他剛到埗，便接二連三遇上生活上的考驗。事實上，當梅愛偲得知自己被取錄後，就已經在內地即時報讀了一個俄語課程。可惜在一個月後，他都只能說到幾句簡單句子。他認為學習俄語比英文難，但問題是他本身的英語也相當不濟，因此梅愛偲來到烏克蘭後，很快就發現他根本無法以英語和俄語與當地人溝通，只能透過誇張的肢體動作，手舞足蹈地讓對方了解他的意思。言語不通，除了令他無法結識當地人之外，亦令他日常生活出現不少尷尬的情況。例如，他曾在超市中因看不懂俄文，而把黑麵包誤當成朱古力麵包。而乘搭交通工具時，他因為看不懂站牌，所以必須請求其他中國留學生陪同。他又試過到理髮店剪髮，但就無法向髮型師表達想要的髮型。甚至他曾在街上被警察截查，因無法說明自己身份，最終遭對方罰錢。而因為生活上的種種不便，他決定乾脆減少外出，但同時一落千丈的學業成績卻令他很苦惱。

乒乓球高手

他在烏克蘭上學的第一個月，完全聽不懂教師的講解，所以第一次考試成績就非常差。初時他為了改善情況，就經常到圖書館自修。他不斷翻查字典，將不明白的內容翻譯成中文，但成績始終未有起色。所以他最後放棄了學業，日日夜夜都在玩電腦遊戲。而當時由於他的成績太差，甚至學校內的老師都嘗試勸他退學。不過，後來老師得悉他有言語上的問題後，便將他調至語言班，而梅愛偲亦因此逐漸融入了當地，更成為校內的乒乓球皇者。入讀了語言班後，梅愛偲的俄語水平和學業成績都迅速提升，而且他經常相約同學們在放學後到附近球場打乒乓球。由於每屆奧運會中國也幾壟斷乒乓球賽事的金牌，所以烏克蘭的同學皆認為中國留學生的乒乓球技一定很厲害。果然，梅愛偲憑著出色的球技，在當地打遍天下無敵手，許多同學也成為他的「波友」，常常跟他切磋。久而久之，他在校內結識了很多新朋友，俄語亦進步神速。

但由於他的家庭不富裕，父母每月只給他很少生活費，於是他就在課餘時間打工賺錢。事實上，他自小熱愛玩電腦遊戲，也花不少時間鑽研電腦程式，甚至自學動畫設計。所以他努力地在科技公司尋找實習機會，如他所願，他成功被一間動畫公司聘請，協助設計３Ｄ動畫。而這間公司業務龐大，當時正為風魔一時的電腦遊戲《魔獸世界》設計動畫。而梅愛偲在工作上得心應手，總算在烏克蘭創下一番成績，但好景不常，此時的烏克蘭卻面臨經濟問題。

第一次創業

梅愛偲工作一年後，烏克蘭經濟倒退，許多國際公司都撤走，包括他工作的動畫公司。所以還未畢業的他為了維持生計，只好到餐廳打工。而他在一次用膳時，就忽發奇想想開設中式餐廳。於是他找了幾名中國留學生合夥創業，由於大部份當地人也未曾吃過中餐，所以當餐廳開張後，就深受歡迎。它不但吸引了許多中國留學生，就連當地人都好評如潮。梅愛偲首次創業就獲得不錯成績，可惜在一年後，其他合夥人陸續畢業回國，餐廳人手開始不足，加上當地人對中餐的好奇度已大減，導致生意額下滑，於是在迫於無奈之下唯有結業。在２００５年他的中餐廳結業後不久，他也即將大學畢業，正當他猶豫他應留在烏克蘭還是回國時，他就受到一間互聯網公司聘請。

這份工作收入穩定，而且梅愛偲認為當地生活成本低，所以決定留下。梅愛偲在互聯網公司工作繁忙，而放假時就經常相約好友到體育館打乒乓球。在一次機緣巧合下，一名烏克蘭女子留意到他精湛球技，主動認識他。這名女子名為伊拉，同樣喜愛乒乓球，她請求梅愛偲教授她一些技巧，自此二人便經常一起打球，朝夕相對，很快就成為情侶。在２００６年，二人相戀不足一年就結為夫妻，可是他們緍後磨擦很多，爭吵不斷，最終他們在２００８年便決定離婚。離婚後，梅愛偲將精神全投放在工作和興趣上，還開始鑽研攝影，但這個興趣不但令他尋找到另一段戀情，更是他成為了眾多男人的偶像。

街頭拍攝的艷遇

當時梅愛偲特地買了一部相機，想將烏克蘭的美麗風景拍下。在一次街頭拍攝時，他拍下一對情侶的甜蜜時刻。其中女方皮膚白晢，五官精緻，深深吸引梅愛偲目光。之後，他向情侶表示想將照片交給對方，因此得到女方的聯終方式，並得知對方名為達莎，比他年幼約１０年。之後，佢就成日同達莎傾計，兩個人更不時相約見面同影相。事實上，梅愛偲早已對對方有好感，但礙於對方有男友而一直維持好友關係。

終於直到有一日，達莎主動向梅愛偲表示已經同男朋友，而意想唔到既係，達莎竟然主動邀請梅愛偲一齊睇戲。係戲院入面，達莎更率先表明愛意，就係咁，兩個人正式成為情侶。梅愛偲同達莎一齊之後，佢嘅事業都起咗變化。當時有一啲烏克蘭人向佢表示希望佢可以幫手由中國進口物品，佢好快就意識到中國貿易市場好龐大，於是就辭去咗互聯網公司嘅工作，專心發展進出口貿易生意。係岩岩開始嘅時候，佢嘅生意唔理想，不過係達莎嘅協助下，佢嘅生意漸上軌道，更加賺到可觀嘅收入，而正當一切都漸入佳境嘅時候，後黎達莎嘅一張相更加令佢哋意外成為咗百萬網紅。

包餃子的相片

當時，梅愛偲嘅事業蒸蒸日上，於是佢就決定要畀達莎一個名份。係2010年，梅愛偲就同達莎結婚。當時梅愛偲年約27歲，而達莎仲未足18歲。兩個人結婚之後甜蜜恩愛，而事業亦一帆風順。之後佢用咗超過100萬人民幣，喺當地買咗一座3000平方米的別墅，更加建造咗私人花園同埋泳池。而係2013年，佢就開始喺中國汽車論壇上分享自己同妻子嘅生活點滴，當中最令網民關注嘅係達莎只係著住內衣褲包餃子嘅相，一眾網民見到佢性感美麗嘅妻子，紛紛留言表示羨慕不已。而且，因為梅愛偲學歷唔高，外貌同出身一般，如今竟然娶到個咁靚嘅少女，所以網民都稱佢做「人生勝利組」。

係結婚之後四年，達莎更加生咗一個混血女bb，一家三口幸福無比。係2016年，佢亦開始咗一間攝影公司，俾妻子擔任模特兒，拍攝廣告。之後佢勵志嘅事蹟陸續喺中國網絡廣泛流傳開去，令佢一躍成為網絡紅人。梅愛偲受到網民熱烈關注，就連中國駐烏克蘭大使館都係2019年邀請佢參加中烏建交70週年招待會。而係2020年，佢就以夫婦名義「達莎梅愛偲」喺唔同社交平台上開始帳號，分享生活影片。同時佢又有開設個人微博帳號「梅愛偲烏克蘭」，喺半年內已經獲得100萬粉絲。但世事難料，作為男人典範既梅愛偲竟然因為一場戰爭而被支持者離棄。

「我是中國公民」

時間到左2022年，烏克蘭遭到俄羅斯入侵，令全世界都震驚。當時唔少烏克蘭人流離失所，而身處當地嘅梅愛偲就喺網上面相傳多條影片，拍佢哋一家三口正係喺豪宅嘅地下室躲避，佢又表示親眼目睹戰機同埋導彈係上空飛過，非常不安。係呢個時候，有唔少網民都擔心佢哋嘅安危，就留言祝福佢哋，甚至建議佢去到大使館尋求協助。當時梅愛偲喺影片中聲淚俱下咁表示，佢唔可以拋低妻子獨自回國。佢有情有義既舉動得到咗大家的認可，好多媒體都轉發左佢感人嘅事蹟。除此之外，梅愛偲亦一直強調我是中國公民。佢愛國既表現令網友們都對佢敬佩萬分。之後，佢更加上傳一條影片，內容係佢同妻兒一齊製作中國國旗，請求中國政府救援。另外，佢又上傳多條戰爭現場的影片，表示局勢緊張。呢啲愛國情懷嘅行為本應該會令大陸網民好受落，但就開始有人唔賣帳。

首先，梅愛偲自製國旗呢個舉動，已經引黎唔少網民嘅不滿，佢哋認為梅愛偲身為愛嘅中國人，點解冇中國國旗呢？有人甚至表示家連一面國旗都沒有，你還是中國人嗎？亦有人指出佢嘅行為只係臨急抱佛腳，搏人關注。 除左國旗事件之外，甚指有人指佢之前上傳既戰爭影片都係造假，因為有人發現佢加入咗非當時戰爭現場片段，當中夾雜咗俄羅斯閱兵飛行綵排，同埋黎巴嫩大爆炸嘅片段。面對呢啲質疑，佢即刻發文致歉，佢表示受到當地人民事跡打動，於是剪接影片宣揚和平，但由於當地資訊混亂，佢唔知道咩片段先係真實嘅，所以先做成誤解。然後，佢徹底咁刪除所有戰爭影片。但係佢嘅微博帳號仍然被官方禁言，指佢違反相關法律法規，佢影片造假一事被曝光之後，一眾原本同情佢既網民即刻狠批佢，有人認為佢利用虛假資訊博取關注，更有人質疑佢可能因為放棄左中國國籍先唔可以回國。另外亦有唔少網民開始對佢大起底，發現佢富貴嘅生活背後，原來一直經營兩大不道德生意。

少女代孕服務

有人發現早喺2018年，就有傳媒報導左一個中國烏克蘭結婚戀愛網站。呢個係一個跨國相親平台，畀中國男會員結識烏克蘭女會員，而呢間公司嘅創辦人，就正係梅愛偲同達莎兩夫婦。有指男會員嘅報名費相當昂貴，三十萬甚至達到一百萬嘅vip會員年費，而成為會員之後有唔同嘅福利，可以參加團體活動約6次，更加可以單獨約會24個烏克蘭女仔。而相對高昂既男會員年費，烏克蘭女會員只係需要繳交象徵式嘅100蚊會員費，當中參加呢啲活動，例如晚宴，既烏克蘭女仔會打扮得艷麗又得體。佢地由旋轉樓梯走落嚟，供前往尋求配對既男性客戶選擇，十足十皇帝挑選佳麗一樣，所以內地的網民質疑呢個網站根本就係畀有錢人士用嘅賣淫平台，更有人稱之為國際皮條客。但霸氣嘅梅愛偲就懶理大家既質疑，更曾經回應：「對於思想淺薄同低俗的人，我只想說一句我加美女萌娃常相伴，你卻在鍵盤上扯」

但高潮一浪接一浪，因為更令內地網民大啲眼鏡既係，原來梅愛偲係烏克蘭更開設咗專門招攬少女做代孕服務嘅公司，「優愛寶寶生殖醫療中心」。由於當地生活指數比較低，代孕服務相對平，試管嬰兒嘅費用只係內地嘅40%左右。但雖然代孕行為係烏克蘭係合法既，而呢間公司更加獲得烏克蘭國家友誼貢獻獎，不過一眾大陸網民則認為佢憑著不道德的業務謀取暴利，除左打造一條龍色情服務之外，更加公然將女人當成生產工具，所以紛紛譴責佢。

原本好多網民都以為佢獨自去烏克蘭打拼，憑著堅毅同埋才能白手興家創出一番成就，由窮小子變成富貴人家，而且憑著平凡的面孔獲得美人歸，係一個勵志嘅故事。但當網民同埋媒體後呢意識到，佢藉住不道德嘅生意致富之後，網絡上就幾乎冇人再羨慕佢嘅生活，反而對佢嘅謾罵聲不斷。由當初嘅人生勝利組，一下子變成搵污糟錢既商人。時至今日，梅愛偲既微博已經被解封，不過佢亦無再就呢件事作出回應。而且上一次更新已經係2022年2月，到底佢哋一家三口喺戰火不斷既烏克蘭過成點呢？咁你認為，梅愛偲自己一個喺國外成就一番事業係勵志既故事，定係一個有違道德、發國難財既「國際皮條客」呢？