經典重歸の學校之匪夷所思 🏫 返學派金老師嗌收返?!🤯 撞正阿sir與老婆的激情對話🔥

鄭中基：嗰套戲係鄧衍成導演，我們每次拍到天亮，我們都是維他奶配菠蘿包或麵包，他就真的每天喜力配麵包，見到他這樣子，我心想「吓，得嘅咩？」那在學校喝喜力…喜力也屬於貴的，那位同學也應該有些錢。我嗰時飲青島，就平啲嘅。

湘湘：其實我哋係冇人sponsor我哋㗎…所以千祈唔好…

鄭中基：哦…這樣子啊…那就不說那個了。那這個喜力是貴的。然後這位叫Chung Lau，他就說：（Wee～小一個陣唔做功課俾班主任的左出黎問，“你係專登定故意唔做功課？"）…

Step：呢個問題本身已經有問題…

鄭中基：（「你係專登定故意唔做功課？」個陣年少無知，淨係識專登點解，咁以為固意就係專登既相反意思啦…）

鄭中基：嗯…（我答故意唔做功課，之後我就俾人罰留堂，俾屋企人打到飛起。個幾日再問番屋企人故意係點解，先知我俾老師水左。Btw我真係故意唔做功課既..）

大家：哈哈..

Step：個老師都用心良苦，用呢個方式令佢認識故意係點解。

鄭中基：好啦！然後就是：（Weee～呢個係學校之匪夷所思！唔好開名。聽朋友講前年上zoom嘅時候，佢嗰班嘅同學為咗上堂上少陣，日日臨落堂前十幾分鐘都呃阿sir話今日有同學生日..）

鄭中基：哈哈..可以的嗎？（然後阿sir真係信咗，同佢哋講Let's sing a birthday song for
xxx ，佢隻手仲要喺度指揮叫同學一齊唱….真係勁匪夷所思點解阿sir咁q，真係會信日日都有人生日。）

鄭中基：我覺得佢係唔信㗎，佢和你們玩而已。你話有人生日，好！那就唱歌吧。

湘湘：咁可能個阿Sir想上少陣啲呢。

鄭中基：可能也是。

Step：但都幾開心。

鄭中基：係呀，我也覺得挺好。然後就是：（#一人一個學校之匪夷所思 Wee~唔好開名，我教外國中學生中文。有年中五考口試，其中一個小題目係“你喜歡家中哪一個房間”。個中五外國學生答到個一條就話“鍾意洗手間”，咁我就循例都會追問”點解鍾意洗手間呀？“佢望住我唔答我，我以為佢唔明啦，我就放到好慢咁再問佢一次”點解鍾意洗手間呀？”同佢對望左2秒左右，佢答“因為可以打飛機”空氣突然安靜了，應該隔多兩三秒個timer就響左，我就叫個學生離開試場班房，呢個對答我係有俾分佢，始終佢係有用中文答我。事後我問佢明唔明打飛機點解，個學生話明，但佢唔係突登講，因為佢唔記得沖涼同去開大細既中文點講，打飛機係佢腦內唯一既聲音。）

鄭中基：佢啱，佢又用中文答問題，請你再打多個！然後這位叫做Adrian Mak：（Wee~ 我係喺澳洲讀中學嘅。好有印象當年上上吓堂突然睇到有隻牛喺課室外面狂奔，當我仲諗緊"wtf" 哦時候有個學生追住隻牛大嗌 “help!! lt got away!!”下一個畫面已經係幾個班房嘅學生衝咗出黎一齊追L住隻牛，追追追，追到隻牛跑咗入教師停車場撞凹咗其中一架車先捉得返。原來學校有隻牛係因為有一科係讀 agricultural ，個一科的學生有時候會Walk the Cow，唔知邊個老師架車比人撞凹咗，但我一直都想知道佢報保險嘅時候對方嘅反應。#一人一個學校之匯夷所思）

鄭中基：但我覺得喺澳洲被動物破壞去拿保險應該是很平常的事，澳洲有很多很奇怪的動物。

湘湘：因為佢哋真係周圍行。

鄭中基：係呀，家裏的廁所突然有條鱷魚伸頭出來，或者是一條蛇也有的，我們下次可以問一下KB，他是在澳洲讀書的，看看他那時候有沒有walk the Cow。

鄭中基：接下來這位就說：（Wee~中學時期有個同學唔舒服想嘔..）

鄭中基：唉，弊啦！又係講嘔吐物了…
（我叫佢快啲去廁所搞掂，但廁所距離課室太遠，佢塊面突然脹起上嚟，我叫佢忍住唔好口爆我，因為我同佢好好朋友，佢考慮要保護我，就衝出課室門口，喺最近距離既走廊外向地下籃球場嘔 ，我地課室係4樓。佢啲嘔吐物好似轟炸機咁直落，當時其實係小息時間，好多學生喺球場，有個女同學個頭食哂，佢係學校既校花，除左我冇人知係邊個嘔落球場。）

湘湘：個校花應該永遠都要擔遮出街。

鄭中基：這個畫面其實是很嘔心的。我試過嘔，但是我沒有試過嘔在街上，在學校裏面，我嘔落同學個書包度，我真的..佢真係擺喺我隔離，我唔係特登嘔落去㗎，想嘔喺地下，但可能我這個motion 太大了。

湘湘：哈哈..呢個motion ..

鄭中基：係呀，就係我嘔嘅時候，所以嘔嘅嘢就咁樣…

Step：有個拋物線..

鄭中基：係啦，就去了那個書包裏面，我都覺得其實要讚一讚自己，嗰個角度都幾好。

湘湘：嗰個同學係咪本來俾你欺凌嘅對象之一？

鄭中基：我唔記得啦！然後這位叫做Karen Cheang ：（老一輩嘅老師講廣東話都帶「康」音（鄉音），有次上上下堂，個阿sir突然拍一下黑板，大聲叫：「呢d女仔唔好hi下面咸濕！」成班即刻靜曬，咽一堂都好靜…因為大家都諗緊阿sir究竟講乜…事後d同學討論得出 「你地d女仔唔好喺下面談心」，因為黑板個講台高一級，所以阿sir上學生下。另外仲有個數學阿sir教幾何嘅時候成日講「雜果冰」…慢慢先至知原來佢係講緊 「直角邊」…weeeee…）

湘湘：哇…哈哈！

鄭中基：這個像我阿嫲，那時候我阿嫲說：「今日晏晝食咗個春卷冇得頂！」喺邊度食呀？好唔好味呀？「冇得頂呀！」佢係想講牡丹亭。然後這位就是徐謙：（Wee~~當年小學六年班，有一日課室入左隻大曱由入嚟（曉飛果種）..

鄭中基：嗰啲飛曱甴真係好乞人憎！（全班都驚到咩咁，當時佢潛伏係班房尾最側邊的櫃入面，班入面有位女同學，突然衝出嚟，走去個櫃度徒手捉住隻曱甴，跟住一臉喜悅好似捉到獵物咁，一手拎住去到班主任面前講：（阿sir 我捉到啦！）阿sir即刻就覆佢：（咁你仲唔殺咗佢？）果女同學就一句(哦！），就一手將隻曱由鏈死佢，全班都聽到果吓爆漿聲。
#一人一個學校之匪夷所思）

大家：嘩…女中豪傑呀！

鄭中基：試過飛曱甴撞過落嚟。在拍外景的時候，有一個很舊的..那些..又不是廟，類似石屎的地方，一進去的時候，突然間就有東西藏過來，幾個東西，不知道發生什麼事，然後就開燈看，原來入面好撚多曱甴。

鄭中基：這位叫Y L C：（Wee~學校之匪而所思，記得學校校服處有塊板貼左張失物認拎既通告出黎，雖然我無唔見野但係都八卦下人地唔見左d咩，好記得第一行失物係假牙，諗唔明假牙放係口點樣遺失 ？…）

鄭中基：放喺口度㗎喎，就係說話的時候飛了出來？然後不理了。（同埋學生應該比較少裝假牙？）那可能是那些校工囉…哦我知啦，可能個撚樣有幾副。

湘湘：個撚樣…（笑）

Step：但我欣賞學校個校務處係唔理啦，照擺咗先。

鄭中基：對啊，照樣先放着。可能那個假牙不是…即係可能唔係人跌嘅，道具嚟嘅啫。哈哈，好啦，我們繼續。然後這位就是：（學校之匪夷所思，Weeee~ 唔好開名。話說我嚟緊講嗰個學校經歷係我舅父嘅，我聽我阿婆講佢係細個嗰陣因為搞喪禮，就學識咗摺元寶，但係嗰陣佢唔知咩黎，然後因為有多咗嘅紙，佢就偷偷地攞啲紙返學校摺，摺完啲元寶仲逐個派畀啲同學，仲送埋畀老師。老師收到之後就問佢你知唔知咩嚟？我舅父就答唔知。老師就同佢講，老師而家唔需要，跟住老師發現原來 我舅父派咗畀好多學生之後即刻開廣播宣佈：「如果你有收到元寶摺紙，請立刻歸還給老師。」應該係費事畀啲家長知道佢哋啲仔女收到啲咁嘅嘢 …）

鄭中基：係囉…就係人哋摺星星，佢摺元寶，人哋嗰啲放喺一個罐度，佢嗰啲要放…好撚大個袋喎。這個就是叫做：（wee唔好開名，學校之匪夷所思。中學有個佛學miss(當年約4x歲）請假去左接池珍熙機，唔知佢係射波定有薪假，但就比娛樂板影到（不幸入鏡），搞到全校都知佢請假去接機，然後佢上堂講要斷除煩惱貪慎痴，我地就係度唱大長今。但唔知係咪教開佛學係比較豁達，呢位miss試過未拉好褲鏈比同學提醒，佢嘗試拉好但都係kick住，最後佢好豁逢咁講：「算啦，唔拉啦！」就繼續上堂。）

湘湘：好看好看好看。

鄭中基：那時候我有聽過台灣有個很出名的法師，他好像移民去了美國，但是那時候有人說那個法師戴假髮，跟住就去夜總會，又俾人發現他有吃肉，俾人知道之後就爆了出來，然後走去問佢，佢就話個肉到咗我肚嗰啲，就唔係牛肉嚟㗎啦。接機嗰位好過佢好多。

鄭中基：然後這位就是，又是不要開名的：（學校之匪夷所思(唔好開名）小學有個6張嘢教數學嘅阿蛇聽力好差，成日聽錯嘢。咁當年興玩陀螺，有次成班同學上堂傾點樣砌陀螺，同放學去邊度玩陀螺，阿蛇突然間大聲對住支咪話：我唔知點解你哋要講婆婆，但我聽到邊個再講婆婆，我就的佢去見訓導。就係咁，我哋全級男仔嗰年傾計都用婆婆呢兩個字嚟代替陀螺。Ps:早排喺街撞返個阿蛇，個樣keep得好好，精神應該唔差，講嘢仲大聲過以前。）

鄭中基：喂，我哋放學點樣去砌個婆婆？係囉，去邊度砌婆婆好？但係唔建議啦。這個可以開名字了，但係呢個名都幾犀利，呢位叫做Hamster is the best，係咪你嚟㗎，九虎。好啦，他就說：（Wee～學校之匪夷所思，是咁的，我個數學阿Sir真係好Cute，佢係嗰啲年紀偏大嘅阿Sir，但係好Nice，想佢數學堂係好輕鬆嘅（冇人聽緊，都喺度自己做數）但係佢成個Look真係好神奇，成日喺走廊見到佢就係雙手抱住個紙箱，好似俾人炒咗，加上佢枝mic一定係插喺佢條牛仔褲後面個袋度，而且上堂時候有時我哋做緊數，佢就喺佢嗰「炒魷紙箱」度搵個粉紅色小水樽（帶飲管嗰啲）出嚟飲水。佢講嘢好慢，但係教得好快，事關佢英文唔係咁好但係上堂堅持唔講中文。人哋「重要嘅嘢講三次」佢講八次（真心），而且「頻出金句」，例如「if you ask me why I know? Because I know」我成個華人問號？仲有開始講新課題時就講句「坐穩啦！」認真如果我小學係佢教，我應該會幾鍾意maths（I hate).. （之前有次因為前一堂Bio老師拖堂，我哋返到班房時見到佢已經喺度等咗10mins，仲記得當時大家啱啱都執緊嘢，佢就喺度講「下次…如果前一堂嘅老師唔記得咗「啲野」，希望…同學們可以提下佢，當然唔好太「直接」（戴晒頭盔搞到我哋成班笑死））

Step：佢堅持唔講中文，但係佢後面嗰啲對話全部都係中文嚟。

湘湘：係囉，坐穩啦！佢又唔講英文。坐穩啦英文係咩啊？九虎。

九虎：sit stable

鄭中基：（#學校的匪夷所思 Wee~唔好開名thx 。件事係發生係小弟讀大專嗰陣。話說我同班朋友上堂都基本上係吹水打機多，咁有一次我地吹吹下水(都唔記得係講開啲咩喇)，就係度講緊打飛機，點知我地個聲量又太強，而個老師好有意慾咁想加入我地既話題，於是佢就拎住佢枝mic話「我都有呀，我老婆成日幫我打，佢做護士架」於是我地全班原本嘈到拆天既同學靜左三秒，然後一齊笑L到仆街。去到最後，我地每次上嗰位呀sir 堂，都例牌問
一句「呀SIR你今日打左未，佢都會答「打左呀」最ON9既係，去到學期後，我地有一個
同學忍唔住問佢其實知唔知我地嗰次講緊咩，佢答「我知呀，你地講緊打針嘛」）

Step：我覺得佢係知講咩嘅。

鄭中基：你覺得那位老師是知道的，我學生們打成一片是好老師來的。

湘湘：打成一片。

Step：「打」成一片。哈哈。不打不相識啊！果然係。

鄭中基：湘姐而家先get到。哈哈。

湘湘：繼續啊！

鄭中基：好啦，繼續：（#一人一個學校之匪夷所思（幼稚園三歲班）有個小朋友有一排感冒，所以個鼻可能好多分泌物，令到佢一日到黑都係撩緊鼻屎（仲要係撩到入咗忘我嘅境介，不能自拔。所以老師都放棄咗阻止佢。）去到 circle time 上堂嘅時候，佢依然係繼續採緊礦，採到冇聽書，我都已經開始眼火爆，所以決定叫佢去握張tissue處理然後揼咗佢。佢隔離個同學仔聽到我叫講之後就好熱心咁想幫手。於是就徒手搶咗個小朋友手上粒鼻屎，衝去垃圾桶度揼咗佢，然後用好熱切嘅眼神望
住老師想我地讚佢幫咗手。撩鼻屎個小朋友反應過嚟之後就崩潰大喊，一路喊一路話："粒鼻屎係我嫁！要揼都係我自己揼！"我都O曬嘴，唯有忍住笑咁草草了事繼續上堂..
Ps:當一個小朋友手指公同食指黐住然後示意想比啲嘢你嘅時候，最好唔好接，因為有90%都係想比粒鼻屎你。）

湘湘：咩三歲已經識咁樣嘅咩。

鄭中基：我想這是很個別的例子來的。

湘湘：但係奕奕成日都會遞嘢俾你㗎嘛。

Step：係…

湘湘：我真係想像唔到三歲可以講出。

鄭中基：佢只差在未拍枱，粒鼻屎我㗎！要揼都係我揼！這個很厲害，為咗粒鼻屎殺幾個人。哈哈…

鄭中基：接下來：（＃一人一個學校匪夷所思
weee~記得之前有一次上數學堂(zoom）個老師係阿 sir，都有返咁上下年紀㗎啦，唔知阿 sir係唔知有mute咪呢個function定係咩，公然係全班同學面前同佢老婆講：之前買咗套情趣內衣俾你呀～不如今晚著俾我睇啊。把聲勁
猥瑣，由於無mute咪嘅關係全班同學親耳聽到以上所有嘅對話內容，笑而不語…作為熱心助人嘅學生我當然企出嚟第一個提阿 sir：阿sir記得mute 返個咪先講其他嘢啊～從此佢再無試過上堂前開咪…）這個也OK啊！其實這也不算很頑皮、很壞。

湘湘：你講個阿Sir呀？哈哈

鄭中基：唔係，我講今日所有的學生，有啲也不關學生事，有些是關於老師。

湘湘：同埋我覺得嗰個保護朋友所以要嘔落街都勁嘅。

鄭中基：都會痛㗎你知唔知呀，咁高嘔落去，都有重力，你係估唔到粒粟米可以揼咁撚痛，或者剛剛吃完的燒肉。哇！原來比燒肉揼仲係咁痛。

湘湘：嘩，但係好驚。

Step：唔敢想像。

鄭中基：好啦，我哋唔好想像呢啲。大家如果喜歡我們的影片記得CLS和按叮叮鐘，我們下次再見，拜拜！