新奇異湯底🍜🤯 點樣食豆腐會好味🔟倍？🤔你咁食法得唔得㗎😦飲食習慣之匪夷所思ft.神秘嘉賓

谷德昭：我有個friend呢，係鍾意用…… 筷子食蛋撻！

鄭中基：筷子食蛋撻？

谷德昭：係呀用筷子食。佢唔係夾起隻蛋撻食喎，佢係捧起個蛋撻之後呢… 佢好似扒飯，佢又唔用羮喎。

鄭中基：噢！

谷德昭：用筷子扒啲蛋漿落個口度喎。

鄭中基：呢個我都有聽人講過。有好多人都會用筷子夾薯片食…

谷德昭：哦薯片就唔使整污糟手指…

鄭中基：係呀唔使整污糟手指嘛，好多人都係咁樣夾㗎。

鄭中基：我去洗手間成日都唔係好想洗手，所以我都帶筷子入去。（笑）

谷德昭：你帶個嗰啲咩… 夾冰嗰啲夾都得。

鄭中基：我以為你會話「你攞眉鉗就得啦」。（笑）


鄭中基：哇你呢個雲吞加麥精，呢個係你嘅食法嚟㗎啫。你發明㗎嘛，喺《龍咁威2》嗰陣……

谷德昭：但係為咗要請你食，確保你係食得嘅，我都係食過嘅。

鄭中基：係，雲吞加麥精啊嘛。

谷德昭：仲熱嘅，啲(麥)精如果係凍嘅係唔好食嘅！

（播放龍咁威2片段 魯芬對鄭中基講：吞啦，啲精仲熱㗎！）


鄭中基：好啦！Thank you 多謝晒！

谷德昭：約食飯啊！約食飯啊！

鄭中基：好啊，食飯食飯。

谷德昭：Okay Okay

兩人：Bye Bye！



（過場）

跟住呢個叫做Lucar So：有次請客人食飯，Omakase嗰類啦，去咗食完某一個餸就放咗舊「白色小糕點」喺個小碟度，每人一碟仔（但當時唔係甜品時間）。我當然知嗰舊係咩嚟，個客就好似唔知。我就咁啱聽緊電話，咁個客用筷子夾咗第一次，夾唔起，我就咁啱傾完，佢扮無事咁放棄咗啦無理舊嘢。之後我去咗廁所洗手，好遠哋出嚟見到佢又再用筷子搞嗰舊嘢！佢就話有位侍應啱啱已經加咗啲嘢落去，問呢個係咪四川嗰啲涼皮。我話唔係啊，未食得㗎。之後我坐低，冷靜地忍笑地平心靜氣地用手拎起咗舊「糕點」慢慢攤開佢抹手。成晚之後都好尷尬，但我哋無因為咁而無呢個關係。 P.S.佢無我Facebook

Step：所以佢可以公開嚟講。 鄭中基：係。

湘湘：但我覺得佢有少少略嫌係跣佢之嫌。

鄭中基：即係佢無同佢講，應該見到佢準備夾嗰陣就即刻制止佢。

湘湘：佢講完電話之後仲要再去多個廁所。 鄭中基：係。



呢位叫做ColinWong：Weee~ 話說我有個識咗好耐嘅friend，佢每次同佢出街食飯，點都會同啲食物講：「嗱，我要食你啦，唔好介意，好對唔住啊。」同佢出嚟食飯，成日都會畀其他食客望住我哋嗰枱，勁尷尬。即使我哋識咗咁耐，同佢出街食飯嘅次數都唔多過十次。

湘湘：如果佢食buffet咪好笑囉。

鄭中基：即係佢攞咗一碟滿㗎喇，咁佢返位嗰時佢都經過其他食物㗎嘛，「嗱我一陣就嚟㗎喇，你唔好走啊，我一陣嚟㗎喇。」哈哈

鄭中基：唔怪得之佢唔同佢出街食飯啦，因為同佢出街食飯佢都唔同朋友講嘢，佢係咁同啲食物講嘢，無偈傾。（Step 湘湘笑）所以只係食過十次飯，識咗咁耐。



跟住落嚟呢位叫做Grace Lau：話說我個仔好鍾意食午餐肉，細細個好鍾意撈飯食。但佢係將件午餐肉放入口咬碎曬，再吐返落碗飯再撈嚟食。（鄭中基趴喺枱上以手遮面）
到依家就嚟三十歲人都仲係咁……（鄭中基一面愕然）

鄭中基：我好想約佢出嚟瘋狂食餐蛋麵。嚼嚼嚼… 然後lur返餐肉落去碗湯度。

湘湘：如果佢食餐蛋治唔知會點呢？

鄭中基：係呢，我應該請佢嚟食一個餐肉挑戰，唔同餐肉做嘅食物，睇吓佢係咪份份都係lur出嚟。

Step：畫面不好看。



呢個叫做RM WI：我有個中學同學鍾意將維他奶條飲管篤落份三文治度，咁條飲管抆返出嚟就會有啲三文治攝喺入面，然後佢會連埋啲奶啜入口。

湘湘：咁都得㗎咩？

鄭中基：我都試過啊。你將飲管戳落三文治嗰度呢，你篤咩嘢都會入晒去囉，就會變咗圓柱體嘅食物。

鄭中基：Ok啊，呢個幾好玩啊。

湘湘：但係work㗎咩？

鄭中基：得，！你等陣試吓…

湘湘：佢唔係塞咗入面，跟住你要好大力咁啜。

鄭中基：比如有個三文治，用飲管咁樣篤落去（用手比劃用飲管垂直向下插），篤穿咗佢，咁樣佢咪會喺入面，跟住你咪啜佢出嚟。（用手比劃從飲管吸食）

鄭中基：不過… 唔係㗎，因為湘姐細個無呢啲童年回憶，佢淨係劈啤同埋追逐㗎咋。

Step：係啊！

Jacky：劈啤就唔使飲管。

鄭中基：係㗎劈啤唔使飲管。



好，跟住呢個叫做_santaaaaa：Weee~ 我好鍾意茄汁搽白麵包，個個知道我會咁食嘅人都會好古怪，我都會同嗰啲人講「漢堡包走肉走菜走芝士blablabla 之後咪又係茄汁麵包」

鄭中基：咁，好少人叫個漢堡包會話「同我走鳩曬所有嘢」。（笑）

_santaaaaa：佢哋都一定會話「都唔同！」我完全理解唔到有咩唔同，佢哋玩歧視啊，無餸就唔畀茄汁搽個包。

鄭中基：（笑）呢個係你自己個人口味嚟啫。即係等於我個女，我個女係好鍾意mayonnaise(蛋黃醬)撈飯。佢就係一劈醬撈飯就咁食。我就係喺佢細個畀佢食過一次加州卷，嗰啲加州卷入面就係沙律醬，跟住又有飯，佢就係食過一次之後就成日劈啲沙律醬落去撈飯食。我係唔建議呢個㗎，小朋友就好啦，大人就唔好啦。好高膽固醇㗎，等陣爆血管點算。



呢個就係renee.cty：有次食譚仔，對面個阿嬸倒咗啲湯，將杯熱好立克倒落碗米線度，食食吓仲飲埋啲好立克湯。

鄭中基：呢個咪即係「吞精」囉，雲吞加麥精，倒晒啲雲吞湯，然後加麥精落去。喂Darling（谷德昭），原來好立克都得㗎。



呢個叫做Treeskin.c：話說細個有一次食雞翼食得唔乾淨就畀老母屌，叫我執返佢食乾淨啲。自從嗰次之後，我食雞翼我連骨都食撚埋。（鄭中基趴喺枱上笑）

鄭中基：點得㗎！我哋連啲動物啲狗都唔畀佢食雞骨，因為嗰啲雞骨好尖，會㓤穿腸。真係有冇搞錯。

Treeskin.c：唔食埋都覺得自己浪費食物，但自從搬咗去男朋友屋企住，為咗令佢屋企人唔好覺得我咁撚戇鳩，最近戒咗。（眾人笑）淨係食舊軟骨算撚數。（眾人大笑）

湘湘：好啊！

鄭中基：好啊！食到「索索」聲。吮完晒仲食埋嗰啲軟骨就好好味，真係識食。



鄭中基：頭先我哋係咪叫咗嘢食。 湘湘：係啊。

（有人將一袋外賣放到鏡頭前）

鄭中基：有冇筷子呀？ 幕後：裏面有。

鄭中基：麻婆豆腐啊嘛。好，我哋就睇吓… 係咪用筷子特別好味。首先係要… 夾唔夾到先，但係應該都差唔多㗎啫。

（用筷子夾一舊豆腐入口）鄭中基：我知啦，其實係睇本身嗰個麻婆豆腐整得好唔好味。（笑）

Step：使唔使畀個匙羮你試下個分別？

鄭中基：唔使，呢個就咁逐粒逐粒夾囉。咁樣就elegant啲，如果你要當匙羮就咁樣扒。（攞起碗將麻婆豆腐扒入口）

（鄭中基將嘴貼近咪高峰，嘗試令咀嚼聲入咪）

湘湘：食豆腐會唔會有聲㗎呢？

鄭中基：豆腐… 湘姐問咗一個好好嘅問題，食豆腐會唔會有聲嘅呢？

鄭中基：我示範畀你睇啦，其實食豆腐係有聲嘅，係牙撞牙嘅聲。（故意咬合牙齒，發出聲音）

（幕後眾人笑）


鄭中基：好啦，我試咗啦。其實今日好多習慣都係同筷子有關嘅。嗱我自己本身就鍾意大啖大啖，大羮大𡙡咁食嘢，我習慣將啲麻婆豆腐撈飯扒飯食嘅。咁逐粒逐粒食呢就當然會顯得你揸筷子嘅功力好深厚啦。今日嘅內容你哋覺得點呢？

湘湘：我覺得最勁係嗰個揚州炒飯。

鄭中基：揚州炒飯，係囉，同埋lur午餐肉嗰個囉。我都好想你試下攞支啜筒篤落去啲嘢食度，跟住啜返出嚟。

湘湘：我想試啊。

鄭中基：嗰個食法，我都想試… 我都想睇你試！

湘湘：因為我好懷疑係咪可以… 真係可以啜得返。

鄭中基：咁你唔好喺無嘢嗰邊啜啊嘛，你喺嗰度啜得唔得啊，即刻入口啦。唉算啦，我哋唔好再講啦，因為再講落去就顯示得呀湘姐… 好，cut咗佢啦依度。

鄭中基：好啦，今日嘅時間差唔多啦，如果大家鍾意我哋嘅片嘅話，記得㩒CLS同埋叮叮鐘，我哋下次見。Bye Bye～