📲由黃頁到網絡搜尋，解構搜尋引擎如何運作｜格物冷知識｜格物致知

短短半年之間，佢哋嘅用戶已經由50個增加到391個，電話公司亦都睇準呢一個商機，正式發行收費嘅電話簿，每年$22美金，裡面吾單止有客戶嘅聯絡電話，亦都有好多商店同埋政府部門嘅電話。咁多版紙，所以慢慢就變咗本簿啦。

講到呢度，呢個蓋世簿嘅搜尋器都差唔多成形，但係只不過局限於某個地區，仲未達到覆蓋全世界。而真正搜尋引擎嘅始祖，就係黃頁。

1883年，懷俄明州一個印電話簿嘅印刷商，有一日發現唔夠白紙，點算呢？又趕住出版，呢個時候，佢一個三歲嘅女就走埋去安慰佢。爹哋唔使驚，王子會黎救我地。爸爸就恍然大悟，心諗冇錯啦！就係黃色嘅紙！唔夠白紙，用黃色紙咪得囉。於是誤打誤撞就用咗黃色紙去印刷，而且印完出嚟嘅效果相當醒。之後就有好多人擦傷跟住佢改咗用黃色嘅紙嚟印電話簿，久而久之喺班街坊嘅心目中電話簿嘅代表顏色就係黃色啦。

1886年，一個美國生意人Reuben H. Donnelley，佢發現唔同嘅電訊商都推出各自嘅電話簿，要搵人就好唔方便，於是佢就用自己嘅marketing公司Dex One Corporation，同唔同嘅大型電訊商傾掂數，發行一本全新嘅電話簿可以比廣大嘅市民而且唔使收錢，所有嘅利潤就淨係來自廣告商嘅廣告費。佢好有自信一定會有大把商家喺呢本簿落廣告，而呢本就係黃頁啦。

幾乎成個20世紀，都係黃頁嘅黃金時代，皆因當時手機、傳呼機、傳真機固網電話嘅發展，勢不可擋，已經成為生活嘅必需品。加上成本黃頁嘅設計分類做得好好，佢會按照唔同嘅範疇同埋行業分類，再以英文字母順序排列，搖身一變就由一個普通嘅聯絡簿變成一個搜尋引擎，真係用對手就可以尋找呢一個世界。冇呃你，當時有一個口號就係「We put your world at your finger tips.」，所以如果你同人有仇你就可以靠住一半電話號碼覆蓋全世界嘅電話簿我就查到佢個電話，跟住打電話去鬧佢，呢個就係所謂嘅「蓋世簿，X老母」。

黃頁嘅全盛時期，全球至少有75個國家同埋地區出版。1954年以來，每年出版黃頁數量有6000萬本增加到6.15億本。而黃頁每年廣告銷售額超過140億美金，不過隨着互聯網嘅興起，大家都相約看漫天黃頁（葉）遠飛，黃頁亦都隨着時代慢慢淡出，而新嘅搜尋引擎龍頭就等我Google一下係乜嘢先。

冇錯啦而家喺Google打幾隻字就自己會俾你幾千萬個答案，就好似演說法，帶你哋嚟睇格物咁樣。究竟打啲咩字眼會更加容易搵到你想要嘅答案呢。就要靠Google SEO (Search Engine Optimization) 嘅服務啦。

Google的故事
頭先講到搜尋引擎嘅龍頭就係Google，而Google嘅誕生，我哋就簡單講吓兩個創辦人，Larry Page同埋Sergey Brin嘅故事。Sergey自細計數就好犀利，我哋小學電腦堂偷雞玩無個性戰隊，佢已經學識用電腦做程式，老師當堂嚇咗一跳，佢繼續運用天才數學才能係1995年，佢連碩士都唔使讀直接被史丹福大學讀Computer Science博士學位，而呢個時候佢遇到生命中最重要嘅男人就係Larry。

佢哋兩個讀同一個學系，一見面就格劍。佢哋各自拎自己嗰條公式出嚟比較，所謂唇槍舌劍，大家都對自己嘅論點好有見解。雖然初次見面，但係識英雄重英雄，佢哋好清楚對方擅長嘅領域，於是就一齊組隊寫論文。當時冇人估得到，呢篇論文就係佢哋創科嘅契機。

史丹福大學呢啲高等學府當然精英雲集，嗰篇論文就係佢哋分高下嘅指標啦，當時佢哋兩個就頭痕緊做咩主題好，蘋果電腦應否熄機？指紋解鎖是否適用於國王？如何靜音打開…如何靜音打開魔術貼？榨汁機能否解決一切問題？嗱呢啲主題佢哋係冇諗過。最後佢哋諗咗一個主題就係當時流行嘅互聯網。嗰陣時上網搵資料，成日出現唔適合嘅答案。所以佢哋就諗可唔可以做到一個搜尋器令到大家方便搵到自己想搵嘅資訊。

miss佢哋係1996年， 1996年就共同開發左PageRank呢一個技術，而且研發左BackRub嘅搜尋引擎。以前喺網絡搜尋原理好簡單，就係邊一個網站出現最多搜尋字眼就會放嗰個網站喺前排。而PageRank wan嘅原理完全唔同，簡單來講呢搜尋嘅關鍵字越多網站有推薦相關嘅連結就會排得越前，如果公信力較高嘅網站有推薦呢個連結就會再排得前，再加上用戶點擊網站嘅次數統計所以佢未必係最好，但係結果一定係最準。

你哋搜尋格物全靠大家嘅支持連結點嚟點去又搜尋又讚好，所以我哋嘅結果排喺第一版而且超過香港大學添，純粹當例子講，冇其他意思。當然唔係簡單可以上第一頁，PageRAnk發展到今時今日已經有超過200個因素影響結果，究竟可唔可以上到第一版呢啲全部都需要透過SEO去處理。所以搜尋結果排到前面，對於一啲搵嘢嘅人來講比廣告更加準確同埋可信性。順帶一提，大家唔好幫我哋刷數據～唔好呀～唔好呀～

有一日，佢哋發現呢一個BackRub搜尋引擎大受歡迎，成千上萬嘅人喺度用緊，當時佢哋第一個諗法就係既然咁多人鍾意，不如我哋呢個技術改善得完整啲然後賣出去。經過兩年努力，佢哋係1998年開發左一個改良好嘅搜尋引擎。Larry同Sergey後來得到Founding Sun公司嘅聯合創辦人Andy Bechtolsheim嘅十萬蚊美金資助。佢哋喺車庫開設左佢哋嘅Office。

就係咁啦，就係呢個雜物堆裏面就咁搵一個位置放張枱同埋電腦然後就做嘢啦。順帶一提，呢一個車庫屬於佢哋第16位員工，佢叫Susan，目前已經成為YouTube嘅CEO。就係咁樣佢哋喺入邊默默耕耘，一路將自己嘅品牌推廣出去，一路提高服務嘅質素，員工都有兩個人變成十幾個人。

1998年9月4號，佢哋正式創立Google供公司，呢個時候， Google已經係一間稍有名氣同埋規模嘅初創公司，今次成功啦！錯喇佢哋唔做啦，佢哋直接想賣咗Google，因為當時佢哋仲喺度讀緊書，所以一邊創業同埋兼顧學業實在太辛苦，趁住仲值錢不如賣咗佢啦，於是係1999年頭，想將Google 賣比同樣都係搜尋引擎公司Excite，但係對方唔理佢，既然人哋冇眼光，咁我哋繼續發展，我哋放完眼光進入矽谷。

1999年3月，佢哋嘅Office就由車庫搬咗去加州帕羅奧圖市，即係好多初創公司嘅發源地，矽谷，而且短短兩年之間Google幾年收入，已經飆升到22萬美金。喺矽谷，好多投資者就睇中咗Google嘅潛力，同年六月，兩間大公司嘅投資者為Google注資兩千五百萬美元。一路發展落去，就成為幾乎全球使用嘅搜尋引擎。

Google嘅名其實源於數學嘅專用名詞，即係10嘅100次方，即係有好多個零，象徵佢哋可以提供究極超級無敵終極多嘅搜尋結果。不過去到註冊商標嘅時候，唔知道係特登定係唔小心，佢哋串錯Google做Googol，所以大家而家見到嘅串法就係咁嚟㗎啦。而Google早期嘅Logo仲多咗個感嘆號，因為佢哋當時好仰慕Yahoo!嘅成功，相信而家嘅Yahoo!都好仰慕Google嘅成功。

Google冷知識
又到左最無聊嘅冷知識時間， Google咁大間公司究竟有咩冷知識呢。

如火如塗
有冇發覺每逢大事大節，Google個logo總係會變化應吓節，原來呢樣嘢都有一段故事。1998年8月30號，Larry同埋Sergey去參加火人藝術節，所以就無啦啦起個logo加個塗鴉，俾人知道佢哋放假，呢個傳統都傳承落去。每逢節日或者大事件就會用途塗鴉裝飾logo。而Google呢一個獨特文化仲有另一個名叫做Google Doodles。

珍妮花對波圖
坊間除咗有馬賽對波圖，喺2000年出現一個熱潮，就係大家一齊搜尋珍妮花對波圖。大家唔好誤會唔係足球隊，當年格林美頒獎典禮上面，Jennifer Lopez着咗一條好性感好Deep V嘅綠色裙，所以第二日大家都不斷搜尋有關內容想睇吓有冇波圖。冇錯Jennifer就係為此而來，呢件事激發起Google嘅靈感，唔好淨係搜尋字眼不如搜尋圖片，於是Google image就誕生啦。講到呢度我哋都要同Jennifer講聲多謝，因為冇佢我哋就好難搵圖做片。

羊具有益處
冇錯，羊真係具有益處。Google都明白呢一個道理。2009年，佢哋對外宣布，唔再用割草機佢哋租用山羊，放喺Google嘅後花園用食草嘅方法修葺草坪，咁樣可以更環保更靜，空氣又會好啲，大家又會更加支持Google多啲。

網絡含龍
可能唔係個個都知道，其實用Chrome嘅瀏覽器上網，如果處於離線狀態嘅話，呢個時候只需按空白鍵，就可以召喚到隻恐龍出嚟，然後可以玩網頁小遊戲，仲可以計分添，俾你等緊連線嘅時候都可以解悶。大家睇完呢條片可以即刻掹咗上網線試一試。

搜尋小知識
大家做功課或者搵資料嘅時候，有時候未必搵到好貼切嘅搜尋結果，除咗關鍵字要諗得更加準確，仲有咩方法可以提高嘅準成度呢。Digital Zoo就醒咗啲行內嘅知識俾我哋，大家參考參考一下。

「-」
佢係用嚟剔除個別關鍵字，好簡單，如果我想搜尋「如何制伏誘惑」，但係我知道搜尋結果一定令我唔可以制伏誘惑，所以輸入制伏誘惑嘅同時輸入一個 「-」，然後唔使空格嘅再輸入「制服」，咁佢就唔會show一啲含有制服嘅結果。

「inurl：」
呢個方法就係直接搜尋網址入邊嘅關鍵字，例如我搜尋「格物」，但係呢一個詞語太偉大，所以有好多唔同嘅結果。呢個時候，如果我哋先輸入「inurl：」在輸入格物嘅英文「blankinblank」出嚟嘅結果就只有含有「blankinblank」嘅網址。

「“”」
雙引號嘅方法，係用嚟搜尋必定係相關字眼嘅結果，例如我想搵河北省彩色嘅花，我知道只要我輸入「河北省彩花」，我就一定唔會搵到我想搵嘅結果，所以我需要加雙引號，括住呢一個關鍵字，咁我就可以見到我最想睇嘅河北省彩色化。

大家學好呢三個方法，第日做功課做資料蒐集就得心應手啦。