【#香港之最】本應係全香港最大嘅公園但未開放真係因為有沼氣？｜公園開放遙遙無期全因政府部門睇法衝突？｜全香港最早嘅垃圾堆填區— Google Map 不會告訴你的事 EPISODE NO.15

主持阿肥（身處希慎廣場前）：歡迎來到Google Map不會告訴你的事之香港之最。環保署喺2021年公佈有關廢物統計數字嘅報告入面就指出，喺2020年全香港嘅堆填區一共處理咗539萬公噸嘅固體廢物，可見堆填區每日都為我哋鯨吞大量嘅垃圾。既然堆填區對我哋嚟講係咁重要，唔知大家對堆填區嘅認識就有幾深呢？不如就等我問吓附近嘅人，睇下佢哋對堆填區嘅認知又有幾多啦？

阿肥：係，想問你第一個問題，你知唔知全香港每人每日總共棄置咗幾多公斤嘅垃圾呢？咁我畀四個option畀你揀，A. 1.314公斤 B. 1.44公斤 C. 3.69公斤 D. 9.527公斤

途人ssss:
C
C
C?
我覺得係B。（同行者插嘴）我都覺得係B。(阿肥：B姐係1.44係唔係?)
C D囉 (阿肥：哦 ok)
每人每日啊? (阿肥：係啦) 每人每日1.44?
應該係C! C! 3. 幾公斤! (阿肥：係，咁香港人就無抌咁多垃圾嘅，其實呢就只係每人每日就抌1.44公斤嘅姐。咁第二個問題啦，你估吓全香港有幾多個堆填區？)

8個?
地理白痴啊... (同行者: 我唔知喎，地理唔合格架喎。) 3個，撞啦。
唔係得一個咋咩? (同行者: 肯定唔止 x2 我覺得3個) 2個囉
3個?
3個? (阿肥：係喇，冇錯。)
(阿肥：咁你估下而家呢三個堆填區分別喺香港邊一個位置？)
將軍澳? 唔知咩角。 (阿肥：咩角？）唔知
將軍澳... 唔記得喇。（笑） (阿肥：唔記得喇）最記得係將軍澳囉
將軍澳，跟住就唔記得喇。
將軍澳囉，屯門
將軍澳，屯門
將軍澳，打鼓嶺？
將軍澳有一個啦， (阿肥：係喇），另外兩個唔知喎，有冇啲tips 啊? (阿肥：一個喺新界北，一個喺新界西。）最唔熟新界係我喎，好啦，你開估啦。 (阿肥：好，咁呢有一個就喺屯門。）好，有一個喺屯門。 (阿肥：咁有一個喺打鼓嶺。你估下將啲垃圾運咗去堆填區之後會點樣處理呀？）

應該就係唔處理嘅，就咁抌落去嘅。
就咁堆填。 (阿肥：即係就咁掉佢喺度係唔係？）
壓扁，應該要處理嗰啲廢水。
運咗去堆填區就由得佢哋堆埋囉，然後就一路壓壓壓壓壓，壓落去囉係咪呀。
有啲可能會收到就攞去回收囉，有啲可能回收唔到嘅就擺喺堆填區啦。

(阿肥：咁最後一個問題喇。咁你估下全香港第一個堆填區喺邊度？）
唔知 唔知
港島嗰邊？ 赤柱嗰邊？（同行者：新界？將軍澳？）
天水圍？
唔知。 (阿肥：唔知？你估吓，喺新界嘅地方。） 真係唔知。
將軍澳 (阿肥：唔係）（笑）打鼓嶺 (阿肥笑：都唔係）（笑）屯門 (阿肥笑：都唔係）

（市民黃先生上鏡。）
阿肥：你好啊，我想問你幾個問題㗎。你知唔知全香港每人每日棄置咗幾多公斤嘅垃圾呢？我畀四個option你揀啦。（好啊） A. 1.314公斤 （係） B. 1.44公斤 C. 3.69公斤（係） D. 9.527公斤
（果斷地：B啊）啱喇。

阿肥：咁你估吓全香港堆填區嘅數目總共有幾多個呢？（果斷地：3個囉）3個。（要估架咩？） 都唔係㗎，有啲人唔係好識㗎嘛。 （好啊x3)

阿肥：咁你估下呢三個堆填區喺香港邊一度？（喺邊度？）係啊。（打鼓嶺囉、將軍澳囉、屯門囉）（阿肥：滿意的聲音） 嘩，好犀利喎。 （好難咩？）都... 有好多人唔係好識㗎。（哦...)

阿肥：好，咁呀，你估姐係啲垃圾去咗堆填區，咁啲垃圾會點樣處理呢？（堆填囉） 仲有冇其他方法？（冚埋佢囉）哦... （擺喺度囉，跟住擺喺度囉）

阿肥（笑）：Ok咁最後一條問題喇， 咁你估下全香港第一個堆填區喺邊度？（第一個堆填區？醉酒灣囉？）嘩，全中喎，你做盛行啊？（吓，我係你老細...) （拍向阿肥膊頭）

阿肥：問完咁多位朋友之後，似乎大家都唔係好清楚個答案，不如就等我今日帶大家去睇下全香港第一個堆填區喺邊，睇下佢今日變成點，順便再講少少有關香港嘅垃圾處理發展史。

醉酒灣呢個地方，大家都可能冇聽過，但如果你對香港嘅歷史有啲認識，或者你係一位軍事迷嘅話，就應該會聽過喺二戰期間有一條對香港好重要嘅防線，就係以醉酒灣嚟命名嘅醉酒灣防線。喺上個世紀30年代嗰陣，因為國際形勢日漸緊張，面對日本嘅戰線不斷推進之下，政府就決定喺新界築起防線，希望抵抗日本嘅進攻。但由於新界地方遼闊，英軍好難防守，於是佢哋就決定縮窄防守嘅範圍，喺新界南部利用山勢地形設立防線。1936政府開始修建防線，由新界西面嘅醉酒灣開始，經過新界同九龍之間嘅各個山頭，一路起到新界東面嘅西貢牛尾海。呢條防線全長18公里，而呢一個就係「醉酒灣防線」。

當年英軍對呢條防線可以話係相當之有信心，認為呢條防線最少可以防守到半年（內容修正：呢個講法有啲問題，1941年駐港英軍都知道防線薄弱，打算大約守兩星期），更將呢條防線稱之為「東方馬奇諾防線」。（內容修正：「東方馬其諾防線」呢個係華文傳媒講法，而且1940年已經知道真嗰條馬其諾防線（響法國）都無用，英國唔會咁倒米叫條線做東方馬其諾防線引人遐想。）不過實情又係點樣嘅呢？1941年12月8號，日本陸軍第38師團正式越過深圳河進佔香港。 當時日本一開始都認為呢條醉酒灣防線好難攻破，於是佢哋就諗住集齊228、229、230呢三隊聯隊，再配合重砲一齊攻打呢條防線。喺一日之後，日軍第228聯隊嘅隊長土井大佐喺偵察期間，發現上城門水塘一帶兵力薄弱，於是佢喺未經38師團嘅批准之下，就連同228聯隊一共五百幾人一齊發起進攻，結果日軍成功打敗喺城門水塘防守嘅39名蘇格蘭營士兵，並佔據城門棱堡，而喺同年嘅12月10日

（修正資料來源：浸會大學歷史系副教授鄺智文博士）