Apple10月出M2 iPad/MacBook Pro．NVIDIA發表RTX4090 4080．LG Rollable實機開箱 | 廣東話【Price Weekly #133 2022年9月 】

好多手機用家都鍾意用透明手機殼，唔想遮擋手機原本的顏色，但係又擔心用得一段時間之後透明殼會變得又黃又舊；而RHINOSHIELD 犀牛盾既Clear 透明手機殼，採用終結黃化設計，有5年抗黃保養，唔怕變黃，用耐左都唔會有油膩感；如果想更有特色，可以配搭唔同款式既掛繩，突顯個人風格。

剛才所提及既幾款 RHINOSHIELD 犀牛盾手機殼，全部都有支援MagSafe兼容版本。經過測試有高於原廠兩倍既超強磁吸力，用戶亦可以選擇無MagSafe既一般版本，螢幕保護貼方面RHINOSHIELD 犀牛盾既3D壯撞貼有別於市面玻璃貼，佢既高韌性特色能夠吸收外部衝擊力，分別有霧面、防窺同高透三種版本，仲會跟埋貼膜輔助器，方便大家DIY。

除此之外，RHINOSHIELD 犀牛盾仲有手機支架，犀牛盾固架可以自由配搭，有固架MINI同固架MAX兩種尺寸，黏膠版可以重覆黏貼，如果唔小心黐左灰塵，只要用水洗並且風乾就可以恢復黏性；固架MAX仲有MagSafe兼容版，搭配犀牛盾MagSafe系列手機殼，可以令固架好實淨咁吸喺手機殼度。無論係影相定煲劇都能夠好穩陣咁拎住部手機。RHINOSHIELD 犀牛盾手機殼同固架，有過千種圖案選擇、有品牌自創的獨家設計款式亦有唔同聯名既授權圖案，仲可以個人化設計，製作出獨一無二既配件。「犀牛盾固架MINI」、「犀牛盾固架MAX」同佢既MagSafe版本，可以滿足用家喺生活中唔同情境同使用習慣，有興趣既可以去官網購買。

好多人已經陸續收到新既iPhone 14，不過有14 Pro同Pro Max既用家就反映話新機係用第三方程式既時候，例如TikTok、 IG個陣，手機鏡頭會無故出現異常震動、出現喀喀聲、甚至有機件磨擦既聲音，情況都幾嚇人。除此之外，當喺safari複製相片、文字既時候，又會不停彈出詢問提示，亦都令到用家覺得相當困擾。蘋果方面就表示有關14 pro既鏡頭問題並非硬體所導致，所以毋須維修，日前更加發表iOS 16.0.2既更新，去解決呢啲 bug，今次反應都算幾快。雖然頭先所講既問題並非所有14 Pro既用家都會發生，但係依家既然已經有新iOS，都建議用家最好先update就比較穩陣。

之前都有同大家提過，Apple今年嘅秋季發布會將會分2場舉行喺第一場嘅發佈會，Apple就推出咗iphone、apple watch同埋airpods pro 2，最近Apple仲推出咗airpods pro 2嘅配件 「Incase Lanyard」，佢好似條電話繩咁，不過就係用嚟勾住充電盒，呢條掛繩喺要另外單買，宜家香港Apple官方售價就喺＄98。

而最近大家都開始關注Apple翻第二場嘅發布會，網上就傳出喺嚟緊十月中舉行，將會發佈全新iPad同埋MacBook Pro。我哋先講iPad，由於Apple今年已經出咗M1晶片嘅iPad Air，如無意外嘅話，10月中應該就係公佈一般版嘅iPad同埋iPad Pro，傳聞就話今年一般版嘅iPad將會採用新嘅設計，有機會採用類似 iPad Air 同埋 iPad mini 嘅全屏設計，而電源掣會整合 Touch ID 功能；而性能方面，將會採用 A14 或 A15 處理器，提升鏡頭質素同埋改用USB-C充電；iPad Pro主要喺升級做M2晶片，至於 11 吋版本會唔會升級到 mini-LED 暫時就仲未知，不過其他硬件睇落就同舊年嘅款無乜大分別。

至於 Mac 電腦方面，估計14吋同16吋嘅MacBook Pro，將會有採用 M2 Pro 同 M2 Max 處理器，而Mac mini相信都會更新，估計變化就唔大，主要都係改用M2 處理器；至於Mac Pro就好有可能會率先採用M2 Ultra，咁唔知大家對嚟緊新出嘅product又有冇興趣呢？

NVIDIA 喺GeForce Beyond 上，發佈咗採用「Ada」核心嘅新一代顯示卡RTX 4090 同 RTX 4080，官方指NVIDIA 指新卡嘅總運算力至少快上代一倍，而當中配備AD102-300 核心、16,384 個 CUDA cores同 24GB RAM 嘅 RTX 4090，更加係比依家嘅旗艦顯示卡 3090Ti 快「2~4 倍」，可以以每秒100格嘅速度run 4K Game，只不過呢張卡就賣成$1,599 美金，折合港幣$12,551；至於RTX 4080 一樣比 3080 Ti 快「2~4 倍」，而且會推出兩個版本，16GB RAM 賣 US$1,199，而12GB RAM 就賣US$899 起。

喺發佈會之後，各個牌子都陸續推出自己嘅40系顯示卡，包括ASUS、MSI、 GIGABYTE呢3間大廠，不過嚟緊嘅新卡就唔會有EVGA份啦，因為佢哋嘅CEO就指NVIDIA 唔尊重佢哋，唔單止唔向佢哋通報零售價、供貨情況之類嘅重要資訊，而且仲成日向佢哋壓價，所以未來唔會再同NVIDIA 合作。雖然EVGA就話之後會將重心放係火牛、cooler 呢啲砌機件到，但始終佢哋有成80%收入都係嚟自顯示卡，所以今次呢個決定都可以話係有骨氣得嚟又大膽。

最近真喺好似都幾多新產品，華碩最近又再公佈 ROG Phone 6 系列嘅兩部新機，分別喺基本版嘅ROG Phone 6D同埋高階版嘅6D Ultimate，今次呢兩部機可以話喺ROG Phone 6嘅大膽版，因為部機嘅晶片由 Qualcomm S8+ Gen 1轉咗做聯發科 MediaTek 出品的嘅Dimensity 9000+。呢款晶片喺旗艦遊戲手機市場入面都比較少見，根據華碩數據指Dimensity 9000+ 嘅GPU，雖然不夠高通 Snapdragon 8+ Gen 1高，但整體跑分成績反而好過Snapdragon，加上有LPDDR5X嘅 記憶體，效能上甚至可以超越 Snapdragon 8+ Gen 1 10％

而今次基本版嘅 ROG Phone 6D，基本上都同 ROG Phone 6 差唔多，例如屏幕更新率、雙聲道喇叭等等，呢啲主要設計同硬件大致上都一樣；至於高階版本的 ROG Phone 6D Ultimate就無對應機種可以比較。而設計方面就同 ROG Phone 6 Pro差唔多都喺用咗「航鈦灰」色，但ROG Phone 6D Ultimate 就加入咗新嘅散熱設計，佢除咗可以加入 AeroActive Cooler 6 外置風扇之外，係機背頂嘅中間位度仲有一個「空氣動力散熱閥」，呢個散熱閥平時是閂埋，喺我哋打橫揸部機嘅時候、當 ROG Phone 6D Ultimate 接駁上咗AeroActive Cooler 嘅時候，個散熱閥就會打開，咁就會啱啱好對正風扇出風口，提升大約20%嘅散熱效率，令遊戲表現更穩定。兩部機都已經有得買，售價方面ROG Phone 6D賣$7,998；而ROG Phone 6D Ultimate 就賣$10,298。

推出手提遊戲裝置已經唔再係傳統遊戲品牌先會做，日前Logitech就發表名為 G Cloud 既手提遊戲裝置，新機採用7 吋 60Hz既IPS 熒幕 解像度係 1080p；處理器就用左 Snapdragon 720G，另外仲有 4GB RAM同 64GB 容量，機身重量就係 463g，設有USB C插位用黎充電，充滿電之後最多可以連續使用 12 個鐘。雖然 G Cloud 既規格唔算係好高階，主要係針對雲端遊戲而設，所以可以玩到 Xbox 雲端game同埋 NVIDIA GeForce Now 遊戲。G Cloud 下個月 17 號喺美國開賣，定價係 350 美元，但係暫時未知會唔會喺香港推出

唔知大家買到PS5未呢？PS5出咗已經有2年嘅時間，不過都仲有唔少朋友抽唔中籤要食炒價買，其實PS5由推出到宜家都已經就住機身性能推出過幾款改版，不過之前嘅改動只喺集中於提升性能。但最近就有消息傳出Sony會喺下年9月公佈新版嘅PS5，而今次新版改動嘅重點就放咗喺PS5嘅外型上，推出一個更輕薄嘅版本，今次新版 PS5 主機應該會喺D型機身同原本A、B、C型機身相比就會薄啲輕啲，另外新版會將原本收埋喺機身入面嘅藍光碟機轉成可拆式設計，利用主機機背嘅USB-C 接口位連接碟機。當新版 PS5 開賣之後，之前嘅版本就會停產，到時 Sony 淨喺會賣兩款 PS5 組合，分別喺淨喺得主機嘅獨立版同埋主機連碟機嘅版本。另外Sony 亦會獨立賣藍光碟機，就算大家一開頭淨係買咗主機，之後想升級嘅話都可以單獨再買，咁大家以後嘅選擇就更加靈活。

相信大家好耐都無見過LG手機，因為LG手機業務虧損嘅關係，LG喺舊年四月嘅時候已經退出手機市場，喺佢哋正式徹出之前，佢哋曾經展示過一部捲軸手機Rollarble，但當時就無順利推出。不過最近就有個韓國Youtuber，攞到部淨係得內部員工可以買到嘅LG Rollarble，佢仲拍咗條開箱片介紹部手機，喺條片度見到LG Rollable個包裝盒喺向左右兩邊打開，感覺同部機個型號名互相呼應，用咗類似捲動式的設計。而部機嘅外型睇落就同一般窄身長身嘅手機都無乜太大分別，但係當你喺個mon上面做相應嘅手勢之後，部機就會自動伸縮，根據手機睇緊嘅內容會自動調整比例，個mon最多就可以由6.8 吋嘅 AMOLED MON，變成 3：2 嘅 7.4 吋MON。雖然可以見到個mon都有啲輕微摺痕，不過都唔算好明顯，而且用嚟推動個捲軸mon嘅摩打都幾大、甚至連三本好厚嘅書都推得開。

規格方面LG Rollable 配備 Snapdragon 888 處理器，配備12GB RAM同256GB容量，主鏡頭同自拍鏡頭分別喺6,400 萬象素同1,200 萬象素，內建 4,500mAh 容量電池，不過佢嘅機身就有啲重，有成285g，但對當時嚟講都算喺旗艦級嘅規格，只喺可惜最後都無機會推出，如果唔係嘅話，大家就可以見到呢部電話都幾有創意。