16/9《圍爐取戀》港女同鬼佬拍拖就係原罪？

眾人:大家好。
東方昇:今日有我哋3位啦，因為阿Charlie同Dickson都唔得閒。咁就正啦，我咃3個人傾，仲好傾呀真係。今日係咩Topic呢?
Terry:今日其實呢就係個事主打嚟想分享吓佢同外國人拍拖嘅經歷。
眾人:哦~
Terry:咁開始之前呢，其實我想問吓你哋有冇同外國人拍過拖呢?
東方昇:欸~我要搶答。
Terry:真係有咩?
東方昇:唔係，慢慢講先。我喺好多年前，我諗十幾年前啦，我有一次去德國，跟住我個friend呢就帶啲外國人去酒吧嗰度玩嘅，個團裏面有個澳洲嘅女仔
Terry:嘩
東方昇:跟住我望到佢，嘩!!!
叻叻:好正
東方昇:好靚呀，驚為天人咁正呀，金頭髮係勁靚嘅
Terry:跟住好白雪雪嘅
東方昇:係
叻叻:高挑嘅
東方昇:跟住我嘗試就飲一杯，我就飲大咗少少，唔知道哪來嘅勇氣，跟住用英文同佢溝通
Terry:你點樣講呢?
東方昇:I come from Hong Kong. Where do you come from?即係嗰啲啦，你嚟做咩嘢嗰啲啦，跟住但係冇理我
Terry:哎呀。咁如果用廣東話嚟灼佢，有冇信心先?
東方昇:灼硬啦，我直程而家抱住個混血兒，兩個喺度呀
Terry:即係你覺得個問題係語言不通啫純粹
東方昇:其實係嘅
叻叻:我都認同，雖然我冇拍過拖同鬼佬，但係我曾經試過有個外國人追過我嘅
東方昇:咩咩咩國籍㗎?
叻叻:法國人
東方昇:嘩
Terry:係咪Emily in Paris嗰個廚師咁嘅樣㗎?
叻叻:嘩!如果係我即刻飛咗過去啦。咁但係會諗囉，即係覺得呢啲係唔長久，但係點解呢?因為覺得佢始終有一日會翻返自己國家嗰啲咁
東方昇:咁係長短問題啫。
叻叻:長短問題
東方昇:哈哈哈。唔係，一齊嘅長短呀
叻叻:地理位置問題
東方昇:咁嗰啲文化嗰啲你驚唔驚?
叻叻:反而唔係好驚嘅，因為我覺得…
東方昇:因為你識法文?
叻叻:唔係，姐係我覺得好似學多樣嘢咁樣咋嘛。不過諗諗吓就會覺得如果真係拍拖嘅話，要應付埋雙方家長就有啲困難喇。
東方昇:我都覺得反而有啲人話會唔會文化唔同呢?我覺得如果我英文好啲，如果語言冇問題，我覺得文化反而直程開心啦，因為佢同你嘅背景唔同，咁咪每日都有啲新嘅體驗，我覺得仲好呀對我嚟講。點呀你有冇呀?
Terry:我梗係冇啦
叻叻:真係冇?
Terry:咁但係今日呢個事主就有好多段同外國人拍拖嘅經歷啦
東方昇:嘩!好令人羨慕喎咁樣
Terry:咁就要睇吓佢點講啦
東方昇:好，接佢過嚟
Terry:Hello阿Moon你好
阿Moon:Hello Hello大家好
Terry:聽講你有好多同外國人拍拖嘅經歷喎
東方昇:分享吓先
阿Moon:就第一個男朋友開始已經係外國人嚟嘅
眾人:嗯
阿Moon:咁去到而家嗰個都係。咁其實拍第一次拖之前自己一路鍾意緊嘅都係亞洲人或者係香港人啦，又或者甚至乎追星嘅都係追韓星，所以從來都冇諗過同外國人一齊
東方昇:咦，咁你同過咩嘢嘅國籍嘅外國人一齊呢?
阿Moon:如果真係拍拖嘅話有英國啦、美國啦、法國啦、紐西蘭。
眾人:嘩
Terry:幾大洲都一齊過喎
阿Moon:你又知
(叻叻即刻諗歪)
Terry:Sorry Sorry唔小心，我唔係嗰個意思
東方昇:即係嗰啲咩大洋洲呀、北美州
阿Moon:好~~
東方昇:咁我想問喇，以你嘅經歷啦，個別同佢哋你覺得每個國家有咩分別呢?可能係好個人嘅，咁啱佢係咁樣嘅啫
阿Moon:冇嘅我覺得
東方昇:哦，冇咩特質嘅?
阿Moon:就係如果就自己同呢一啲人相處，同自己同香港人嘅相處呢，咁個價值觀係有分別嘅
叻叻:分別係邊呢?
阿Moon:譬如香港好多會屋企人話咩嘢就咩嘢，少啲主見嘅，但係外國人會係諗咗自己鍾唔鍾意先，但係唔代表佢唔去尊重其他人啦
叻叻:我想問呢你頭先講話外國人比較主見一啲啦，咁會唔會忽略你感受呢?
阿Moon:我自己就覺得係調轉嘅，因為佢有自己嘅諗法，而我有自己嘅諗法，但係佢會選擇去尊重，然後大家就要用溝通嚟搵一個中間平衡點喇，咁就變咗你就容易磨合得更加好啦
東方昇:係咪比較反而少收埋喺心裏面呢?
阿Moon:係嘅，表達得多嘅，呢個幾好
東方昇:喂，咁等我哋香港人學吓嘢啦，佢會點樣…
叻叻:表達
東方昇:係啦用咩方法同你溝通呢?
阿Moon:冇咩特別㗎，譬如我當你同你女朋友鬧交，無論佢對定錯都好啦，都係佢走嚟氹返我先嘅，然之後就大家冷靜咗，開始講返嘢，講返嗰個問題其實喺邊度，然後大家都認錯，再傾返其實個問題喺邊度，咁點樣可以去解決呢個問題
Terry:呢樣嘢其實好緊要喎，因為呢我以前拍拖嘅時候好多時，我唔知係咪個教育或者成長環境，令到我唔敢將我自己嘅諗法攞出嚟講囉
東方昇:我都係咁嘅，雖然我本身鬼仔性格
叻叻:邊方面呀?
Terry:邊方面鬼仔呢?
叻叻:情慾個方面係咪呀?
東方昇:我都係…我都係覺得有啲嘢唔拎出嚟講「佢唔明㗎啦，算啦」
叻叻:講少錯少咁樣
東方昇:係呀有少少咁嘅情況嘅。欸，咁我問喇，係咪會浪漫啲呢?係咪feel到同外國人拍拖話真係好多浪漫嘅moment呢?
阿Moon:我自己覺得呢浪漫就應該係喺平日嘅時候都要對我好，咁就已經係浪漫啦。譬如男朋友會見我做緊嘢喺屋企啦，水都唔飲一啖，咁佢就會自己走去斟杯水，擺喺我枱側邊，我覺得呢啲已經係好浪漫
Terry:哦~即係美國隊長斟杯水畀你都開心啲啦
東方昇:都work嘅
叻叻:美國隊長𦧲啖口水都覺得係溫柔
東方昇:唔係可能香港人斟杯水畀女朋友都得嘅
Terry:即係其實無分國籍嘅浪漫係
阿Moon:嗱，呢樣嘢係你識唔識做嘅啫
眾人:嗯
東方昇:咁你覺得外國人追你嗰陣時，有咩招數係…
Terry:值得學習嘅呢?
叻叻:係咪會進取啲㗎?
阿Moon:好進取嗰啲呢就係會令人卻步嘅。有一個就係……

moon: 好進取嗰啲呢就係會令人卻步嘅。有一個就係約佢食第二餐飯，坐低嗰一下啫，我淨係Hello左一句，佢已經話「err我諗住第時呢搵到下一個女朋友呢，就第時要結婚啦，就邊度邊度買樓啦」。
叻叻： 哇呢個誇張喎……
moon:係呀。
Terry:呢個係咪外國版嘅Dickson嚟㗎？
眾人:哈哈哈哈。
叻叻： Dickson唔喺度你都咁樣。
moon：咁然之後就走啦。一離開個餐廳，佢就拖住左我隻手。
眾人：哇。
叻叻：我諗阿Moon應該係好受外國人歡迎嗰種，鍾意嗰個類型嚟嘅。第一句Hello已經……
東方昇：咁呢個就梗啦。同埋都證明咗，就算外國人定香港人嗰啲方法錯。
Terry:都係唔得嘅。
東方昇：都係唔得嘅。
Terry：又係唔關國籍事嘅。
東方昇：反而關靚仔事啦。
東方昇：咁我再問一個，我代大家問㗎咋。外國人係咩喺性方面係覺得特別多要求嘅呢？
moon：即係佢會講：佢想，然之後就會問我好唔好囉，然之後我話唔好就唔好㗎啦。
東方昇：嗯嗯，即係都會聽嘅。
moon:聽！如果唔係咁咪強姦囉。
東方昇： 係係。
moon:係咪？咁所以係尊重嘅，所有人都應該要係囉。其實應該冇分國籍㗎喎應該。
東方昇：欸，好啦，你又經歷過同好多唔同國家嘅人拍拖，咁我想問一問好實際嘅問題，咁你每次咪又要重新去了解嗰個人嘅文化。你覺得係咪有趣呢其實呢？
moon:有趣嘅，而我又覺得呢樣嘢唔一定淨係喺男朋友身上先做嘅。即係你會識到其他朋友，有機會喺唔同國家嚟嘅人，咁你都會去了解人哋文化㗎嘛。即係其實佢嚟咗香港生活，佢都了解緊我哋嘅文化姐。咁調返轉，可能我哋應該做返一樣嘅嘢啦。
Terry：我明點解外國人會鍾意呀moon啊，因為我同你啱啱傾偈嘅時候，我感受到你對好多嘢都好open。
東方昇：係係。
Terry:都好你好願意去了解一啲同你唔同嘅嘢囉。即係你會分得好清楚，就算唔係愛情，友情你都好肯去了解佢。
東方昇：係呀。所以可能未必係樣或者咩，起碼我覺得你呢個諗法已經好吸引到外國人。
Terry:的確係。
東方昇：亦都好吸引到我哋。
Terry: 係呀真係。
moon：多謝多謝。
Terry:聽講你打上嚟其實係話你曾經都聽過有啲人，對你哋啲comment呢嗰啲。comment好可能係一啲偏見嚟。
東方昇：係咪啊。
moon：係嘅，不如有啲曾經好friend嘅朋友，自己出街拍拖啊，都會出下post拍拖咁樣嘅相，咁咪大家咪戥佢開心囉。調返轉因為之前有啲男朋友係Long d啲嘅，到我男朋友同我出去出街啦，咁我又出下post嘅時候，「食洋腸」、「呢個諗住食幾耐啊」點點點。
Terry:哦。
東方昇：嘩。
叻叻：但係嗰個係你好朋友嚟嘅？
moon:曾經係好朋友。
東方昇：係咪覺得你曬命呀？
moon ：係啦，佢覺得我曬命。但係我冇拍拖嘅時候，男朋友唔喺我身邊嘅時候，咁其實我都會覺得，車，其實你都係曬命姐。
叻叻：係呀只係唔同國籍姐。
東方昇：同埋佢嗰個Terms 「食洋腸」。我呢度自首，我有時都會咁諗嘅，亦都會咁講嘅。
叻叻：唔係我覺得我要企係女仔嗰邊囉。點解女仔同鬼佬一齊啦，外國人一齊啦就話係「食洋腸」我覺得有少少貶意咁樣囉。咁調返轉啦，男仔同鬼妹一齊呢——嘩～你真係識食。
moon:哈哈哈哈。
Terry：光宗耀祖啊。
叻叻：係咪！認唔認同？
東方昇：咪住先食羊腸冇貶意喎，都係光宗耀祖喎。但只不過係我覺得呢個Terms形容緊嗰啲……
叻叻：係有少少色情嘅動作係入邊。
東方昇：係啦呢個就有問題姐。
Terry：太露骨。
東方昇：咁你作為當事人，你聽到其實都有冇唔舒服?有咩感受呀？
moon：一開始我都以為佢係講笑啫，所以我咪串番佢你拍拖你都有出post姐。跟住佢就有講啦：「咁我嗰個都唔係外國人」。
東方昇：係啦，其實佢係來自妒忌。
Terry：係囉，好似好酸喎，個PH值好低喎呢個。
moon：以前啱啱同第一個男朋友一齊，即係一開始有post相嘅時候，已經有啦都有啲人會串下我：「你係咪想移民呀？」、「你想去第二度住呀咁？」咁我自己心諗：且我要移民靠自己啦，我洗靠條仔咩。
Terry：同埋我都聽你又講啦，你話呢啲經歷其實唔止關唔關於Passport 㗎喎。係直程你身邊有啲朋友覺得，你同外國人一齊就代表你好開放。
moon：係啦：啲人有一個錯覺就係：「你哦你同得外國人一齊，你係一個對性好開放嘅人，一定係咁樣。」然後以前追過或者佢追過我幾個男仔，香港人啦，數落都識咗好多年啦，咁跟住去咗外國讀書返嚟，咁就同佢哋食飯嘅時候有個人直接問：「喂跟住去開房啦」咁咁樣一個就……
叻叻：咁直接？
moon:咁有一個就未食餐飯，之前嗰一個兩個禮拜先至新婚，跟住問我：「你食完飯之後有咩做㗎」我話：「我可能會搵其他friend囉做乜嘢？」佢話：「吓？即係冇下場啊？」我話：「下場？食糖水嗰啲下場定咩？」
Terry：其實呢，呢啲男仔係黐線㗎喎。同過外國人一齊嘅女就可以用佢上。黐線㗎呢啲男仔係。
東方昇：啱呀係呀。
moon：係呀，有幾個都係。
東方昇：即係唔係單一嘅情況黎添。
Terry：就算唔係講佢係咪有另一半啦，佢一個老友呀，咁樣問你都有問題啦。即係點呀同一個人一齊就代表濫交啊？唔係呀嘛。
moon：咪係囉，呢個偏見真係太差。
東方昇：所以對你來講都好大嘅傷害。
moon：係呀係呀。即係會好失望囉，即係識咗咁多年，點解到頭來原來係咁樣就結束左大家咁多年嘅友情。
東方昇：好啦咁今日多謝你嘅分享。Thank you for your sharing ar 。
眾人:bye bye。
Terry：欸~聽完啊moon咁講呢，我都要自首一個先。
東方昇：吓？
Terry：因為我啱啱聽完佢講，之後我就去反省。咦，其實我日常生活，都有好多對人嘅偏見啦。即係好容易見到一類，人就會覺得佢係呢類。譬如我一開始見到叻叻時候，就覺得佢一個港女嚟嘅，唔知你feel唔feel到呢？
叻叻：我梗係feel到啦。
東方昇：咁識咗之後係咪真係呢？
Terry：唔係，咁又唔係嘅。
叻叻：唔係，即係我都想講呢姐，即係我都feel到嘅。即係俾人用一種奇怪嘅眼光去定型左我嘅時候呢，其實心入邊係唔好受嘅。所以我有陣時呢當我會對人哋有偏見嘅時候呢，我就會stop自己囉。我就覺得，啊，如果人哋都係咁樣嘅時候呢，都會好似我咁難受啦。
東方昇：嗯~所以有時候有啲先入為主，我哋都好難避免。因為我哋心理學嘅角度就係話，其實我哋有時透過呢啲咁樣嘅歸納其實係幫你再處理咗啲信息，嚟離開一啲危險，增加我哋嘅生存本能。例如可以人話見到獅子，就有危險就要走啦喎。但係其實我哋作為一個有理性嘅人類，其實我哋要分析，咁呢啲資訊係咪真嘅呢？即係例如以前可能覺得，紋身就係壞人，但其實隨着時間，而家紋身未必係一定壞人㗎嘛。
叻叻:好普遍啫。
Terry：好casual啫。
東方昇：所以呢個歸納未必係正確㗎喎。所以我哋理性地，應該要再分析一下，檢視下，係咪真係咁先，要咁樣先係正確嘅。
東方昇：好咁就差唔多，我哋拜拜。