#MM｜挑戰一日送桶裝水 由尖沙咀送到大帽山！凌晨5點開工 一人送200桶水 月入約2萬 約10級樓梯要收額外費用 每支6蚊 走訪全港最需要桶裝水嘅地方！｜#試一次 #4K

主持:
佢哋嘅生產一個鐘頭，最多可以生產78噸水，即係大約4100桶，而生產好既水就會交畀十一條車隊，每朝五六點鐘開始送去吾同既地方。每架車要送600至700桶水。所以都要爭分奪秒咁去做。

聰哥(入行15年)︰
我地平均就係一個近嘅司機同埋三個跟車咁樣。

主持:
你地平均一日有幾多張單呀?

文哥(入行8年)︰
110至120張單左右，視乎返個路線啦。工廠區既用水量，最大量嘅係觀塘啦荃灣呀九龍灣嗰啲地方，工廈多啲嘅，因為地租平啲呀嘛，所以寫字樓比較多，人數上就會多啲所以水量高咗喇。侈如尖沙咀可能個單位比較細，因為貴租，人數就會少啲所以用水量就少啲啦。

聰哥︰
呢到其實會係一個地盤嘅終點站，呢到可能平日攞開成車300幾桶水，可能晏少少啦嗰邊就會有人將全部水連走，運去3號跑道，比班地盤工人飲。呢個已經算係最輕鬆。係一個冇咁多車同冇咁多人既情況下，一個好空曠嘅地方畀你可以就你自己去做到。新同事入嚟呢都應該係會做返類似呢啲地方架換水架或者平地工作。

主持:
呢個中轉站通常會準備好一個個水架，聰哥就需要將約莫20公斤重嘅水填滿呢個可以放到30支水嘅架，我就同佢鬥一鬥快睇下我哋時間會差幾多。

聰哥︰
好，黎。

(鬥快換水架中)

主持︰
冇氣啦~~~冇氣啦~~~冇氣啦~~~

(聰哥 1分16秒完成，牙朗仲有一半)

聰哥︰
推個頭入去，係啦，係得既牙朗，你得既!

(牙朗3分29秒完成)

聰哥︰
掂呀，好野好野!

文哥︰
你可以放飯啦。

主持︰
我腳軟呀。吾只手軟，仲腳軟。點樣可以分幾鐘搞掂佢呀?

文哥︰
啱啱見到你個情況呢就其實都比較危險既，可能換一架你唔覺啦，咁你係隻腳已經係一字馬咁呢，就靠你氣腰去攞水，同埋我哋都應該係其實你係擺曬下面啲水先嘅，其實我係抽空咗呢一個位，你咁樣放入去，如果上面有空樽，我咪永遠好似你咁捧住。所以其實你條腰就會辛苦咗喇

主持︰
呢種超大型地盆用水量固然驚人，就算一個中型地盤都好，平均每個工友一日都要飲成3公升水。

JOHN – 建築測量師︰
我哋邊個地盤大約呢一刻你係做緊地基機設嘅時候呢，有100個工友管理團隊人喺度運作，每個禮拜需要飲60-70支既水，呢個我地叫做水籠既物體最好最方便嘅。

中央處理咗，25樓用天秤吊落嚟就換水，你見地盤就係每一日嗰個環境轉變緊冒，今日駁水喉到呢個位置，可能三個月之後呢度其實有工程做㗎喇。咁我呢就要又要再改動條水喉啦，咁你非常之一個不便呀，都係成本嘅問題。

主持︰
講到最常用桶裝水嘅地方，大家都應該會諗起辦公室。送凡市區嘅話由泊車一刻開始已經係挑戰。

文哥︰
6點半我要到站頭囉早少少塞車囉，避開私家車爭位嘅情況啦，最麻煩喺尖沙咀好多舊嘅區呀，窄既路呀相對就比較難搵位啲囉，搵個我地啲16噸嘅大車位。

主持︰
我地今張單要幾多支水呀?

聰哥︰
10支。

文哥︰
姿勢方面你要再汁一汁佢，呢架車上2支先啦，成架車就上8支啦。

聰哥︰
兩個轆嗰隻呢就係以前比較舊式小小，我哋送貨就用嗰隻車仔嘅。

文哥︰
你可以望下點樣放10支水，出黎既效果都好靚仔好似變形金剛咁樣。呢個就係我哋舊陣時送水嘅方法。

(10支水重約190公斤)

主持︰
哇，點樣上到斜路呀?

聰哥︰
但係呢款車就比較容易整親，所以公司就換咗四個轆嘅車仔比我地用。

文哥︰
基本上我地砌四驅車原則，底部會砌8支水，會用2個Z字既形狀，你要再加上去呢就盡架啦。所以一架車最多可以擺到12支水，吾好再加上去啦，因為太過危險。

聰哥︰
尖沙咀啲路比較窄少少嘅，咁我哋用架叉車會比較方便啲囉，即係唔可以成日都咁大部車，有陣時撞到人都唔係幾好囉。

文哥︰
你想推2支定係8支呢?

主持︰
試咗呢個先? 四個轆既好似易控制啲。

文哥︰
好好好，欣賞。

(水樽重151公斤)

主持︰
冇力轉彎啦我。

聰哥︰
12樓先，6樓同12樓。

主持︰
聰哥，你平時一個人點樣搬14支水?

聰哥︰
平時我地搬上黎之後，就即刻上樓梯再搬上手推車，我地做慣左，工多藝熟。

主持︰
你條腰吾覺得攰咩，我已經好攰啦。

聰哥︰
我哋盡量唔好用咁多腰力，即係用嗰個用個拋物線嗰個力。

主持︰
由地下上樓，聰哥佢哋都要諗下點樣出𨋢，假如一棟大廈有三層要送水， 通常佢哋就會將部分嘅水放喺最低嗰層，然後將成車由最高嗰層開始派落嚟。

聰哥︰
咁樣會舒服啲，同埋你唔使同人撞，人地落你上。

主持
有冇話如果食飯既時候，多數啲人可能已經落緊去，很難上到頂樓?

聰哥︰
所以我地就一定要避左，知道人哋幾點食飯，可唔可以避咗個段時間，因為下面做返上去多數都係工廠，可能個量比較多，我地就會將全部水入曬升降機之後hold住部升降機派水。

主持︰
每次送完水，聰哥都要一換一咁拎走啲空樽。依家我地推啲空樽去邊呀?

聰哥︰我地去前面，因為司機會將水樽放係附近比我地繼續做。

主持︰
即係佢吾會等我地放空樽。

聰哥︰
吾會，因為尖沙咀太多雙黃線。

主持︰
呢啲空樽會再送返公司經清洗再用。

聰哥︰
一般樓梯吾識發力，就會比較容易整親，手腕或者腰。啱啱頭幾年我都試過整親條腰，一蹲底起身就拉傷，抖左半年。

主持︰
今次送左14支啦，一座大廈呢個數目算多定小呀?

文哥︰
算少，如果好啲既大大廈，大約有20-30支。

聰哥︰
我地有樓梯費，每一支$6，大概10級左右就有樓梯費，人工就係底薪，加勤工再計每支水既佣金同埋樓梯費，2萬左右。

主持︰
依家有吾少既地方都會改用濾水機，咁就可以唔使人手換水咁麻煩，但係佢哋仲要咁樣搬法係因為有啲地方仲係好依賴桶裝水。例如coffee仲會用大約40蚊咁一桶桶去買。

OREO – coffee店員
因為我地沖咖啡嗰陣時呢，如果係訂桶裝水本身個水質會有保證，因為同埋可能油尖旺區水管嗰啲可能都會比較多雜質，就算裝左濾水器，有時都可能好快要換，可能一兩個禮拜就要清洗啦，一兩個月就需要換濾芯，如果用桶裝水係維修上比較簡單。我地依家一個禮拜用3-4桶左右，它有鉀 鎂同鈉，而且佢係偏向軟水，咁就對沖咖啡黎講係ok既。

主持︰
去到一啲冇食水喉既郊區，桶裝水既作用就顯得更加重要。

聰哥︰
Hi蓮姐，送水黎呀。

主持︰
點解呢到要訂水架呢?

蓮姐-大帽山士多店主︰
呢到係冇政府舖食水喉，成個大帽山都冇，桶裝水幫到大家好多，如果旺季，一個禮拜都用到8桶。如果冇左桶裝水就麻煩啦做吾到生意。因為好多人黎到都係refill水。

主持︰
但係連士多都冇既時侯又可以點? 就要靠呢啲自助加水站。2018年到依家大約15部係全港吾同既行山徑同跑步徑。

Tony，我想問下依家要去行山徑加水站，洗吾洗托住樽水行上山架?

Tony(入行20年)︰
哇，咁辛苦，吾會有人做架。一般黎講，啲加水站都係近車路附近既位置，如果去郊野公園，因為車路比較窄，我地會安排VAN仔送貨。

如果郊野公園黎講，都要一個禮拜換一次，多數都係跟返呢頭附近既水換個情況去更換。如果香港一般既天氣可能係10度，有時凍小小，夜晚得幾度。行夜山既人就好需要呢部機沖熱飲暖胃。

主持︰
有冇話呢啲機點樣幫到行山客?

行山客︰
盡量多啲水供應，因為最吾想係中間冇水，點算呢，呢啲水就可以用來救命。

主持︰
水，睇落好似好平常咁，但背後係經過一班師傅勞力運黎，勞損、體力要求、職位分配，種種因素影響下，呢班師傅平均係40歲左右，依家年紀最大既都係51歲。

聰哥︰
多數都係腰間盤突出，有啲師兄都有呢啲問題，風濕有陣時都會有，如果成日落雨，關節有時都會feel到痛，我地比較追時間，如果要抖既就係收啲空樽返黎唯一一輟段時間可以休息一下。

文哥︰
3點半，客仲有1個鐘頭就收工架啦，但係我地仲有20張單未送，你地要加油啦。

聰哥︰
我覺得送水呢份工都重要架，起碼有好多舊式大廈或者工廠區既水喉比較舊，個啲水都吾可以用濾水器，始終佢地都需要我地既服務。