從歐洲乞丐到經濟起飛，慘淪歐豬後又化身鳳凰，看愛爾蘭如何創造三重反轉，人均GDP衝上世界第二

呢樣就要由佢嘅發展歷史講起，追索返中世紀，當時蓋爾人喺愛爾蘭島建國，到咗12世紀就被隔離嘅強國英國吞併，雖然愛爾蘭人不斷反抗，但兩邊實力喺進入19世紀之後就越拉越遠，直到第一次世界大戰期間德國為咗製造英國嘅麻煩，運送大量軍火物資到愛爾蘭，當地勢力先有獨立嘅契機， 1919年愛爾蘭共和軍揭竿起義，同英國展開獨立戰爭。經過多次慘烈嘅對抗，雙方簽訂英愛條約，愛爾蘭成立自由邦，英國就保留北愛爾蘭六群。到咗1937年愛爾蘭正式建國，雖然好唔容易脫離英國嘅掌控，但愛爾蘭就喺內外大小戰爭導致國力大傷。喺歐洲國家快速成長嘅時期，佢哋嘅經濟發展就陷入左停滯，雖然政府努力救經濟，但直到1980年代愛爾蘭仍然背負巨大嘅預算赤字同公共債務，淨係赤字就佔咗GDP嘅15%，失業率亦都飆升到20%。呢個時期嘅愛爾蘭係歐洲發展最落後嘅農業國家，仲被經濟學人稱為歐洲乞丐，但係乞丐總有翻身嘅一日，共和黨執政後致力削減公共開支，推出減稅計劃，嘗試將產業重心由農業轉做知識經濟。愛爾蘭政府連番作為吸引到國內企業巨頭嘅目光，呢個國家可以話係外界嘅藐視之下悄悄地打下經濟暴發嘅基礎。由1995年到2007年，愛爾蘭經濟大幅成長，被經濟學家喻為「凱爾特之虎」，專家認為愛爾蘭嘅發展曲線堪比亞洲四小龍，由1995年到2000年期間愛爾蘭經濟已平均9.4%嘅幅度快速成長，由西歐最貧窮嘅國家變成一方富國。呢個時候嘅愛爾蘭除咗基礎建設大爆發，失業率更降到5%以下，人民消費支出隨着薪金成長而大幅增加。愛爾蘭人開始有錢到世界各地旅行，政府仲起咗都柏林尖塔象徵呢個國家邁入現代化階段。

由歐洲乞丐搖身變成凱爾特之虎，愛爾蘭嘅成功主要有以下幾個原因構成。第一個係低企業稅率，由1990年代開始愛爾蘭嘅企業税只有10%至12.5%，比其他國家少好多，加上佢哋陸續推出較寬鬆嘅商業監管政策，以及身為歐盟成員國伴隨嘅市場准入便利性，令愛爾蘭成為外企眼中最理想嘅根據地。喺英特爾等巨頭進駐之後，愛爾蘭就收穫巨額嘅外國投資。第二個原因係來自歐盟嘅幫助，歐盟當時提供愛爾蘭教育同基建基金，而愛爾蘭亦將呢筆錢嘅35%投入教育，藉此打造出一整代嘅高技術人才，對外國企業帶嚟更大嘅吸引力。第三個原因正係語言，對於美國企業來講雖然低勞動力成本嘅歐盟國家有唔少，但愛爾蘭提供可以講英文而且高技術嘅勞工，條件比起葡萄牙或者西班牙等國家優勝，而且政治環境又比東歐國家開放，因此唔少美國企業願意選擇愛爾蘭作為歐洲發展總部。

從以上資料我哋可以睇得出愛爾蘭行嘅係「科教興國加吸引外企」嘅路，清晰嘅政策邏輯令佢哋快速成長，但凡事總有正反兩面。凱爾特虎快速嘅興起背後其實埋下不少隱憂，好似係經濟快速發展導致當地房地產出現泡沫，2004年愛爾蘭建造左八萬套新房，人口多出15倍嘅老鄰居英國同期只係起咗十六萬套，當時愛爾蘭房子出現明顯供需失衡嘅情況，房價反而因為經濟異常繁榮而漲左一倍，泡沫危機一觸即發。經濟快速發展仲伴隨左另一個問題，就係當地工資快速上漲，一方面導致愛爾蘭失去廉價勞工嘅優勢，另一方面更加劇左當地貧富不均嘅狀況。聯合國喺2004年嘅報告中指出愛爾蘭社會財富不平等程度喺西方國家中僅次於美國，呢啲問題喺全球經濟上經常被忽視，然而一旦經濟走勢反轉，未爆彈就有爆炸嘅可能。2008年悲劇就係咁發生，當年全球爆發金融危機，歐洲國家政府財政隨之惡化，歐洲第一個出現萎縮嘅國家就係愛爾蘭。頭先提到佢哋嘅房地產有泡沫風險，結果世界性金融危機直接戳破泡沫。營建業嘅產值萎縮超過50%，失業率亦暴增到10%以上。最初推動愛爾蘭經濟起飛嘅愛其投資模式同樣亦隱藏咗不少嘅問題。至2000年前後開始愛爾蘭由於支付外國投資人利息同外資企業嘅利潤會出造成貿易經常將由順差變成逆差，而且亦差規模仲不斷擴大。為咗彌補失衡嘅國際收支，愛爾蘭只好開始大賣債券。

根據台灣中央銀行公布嘅研究數據，當時愛爾蘭外債接近GDP嘅10倍，而且公債持有人幾乎都係外國投資人，愛人持有比例高達72%，要知道日本嘅外人持債比例只係佔唔到10%。因此，脆弱嘅主權債務結構令愛爾蘭由凱爾特之虎淪落為歐豬五國之一，仲比財經專家評為破產風險最高嘅歐洲國家。由乞丐翻身在淪落為人人嘲笑嘅歐豬，愛爾蘭嘅韌性實在驚人，經歷過咁嚴重嘅經濟危機佢哋居然喺短時間內成功復甦。隨着全球經濟環境好轉，喺量化寬鬆、歐元疲軟同低油價等因素嘅驅動下，愛爾蘭好快又贏得一個新封號「凱爾特鳳凰」，象徵着浴火重生嘅漂亮表現。呢個時候嘅愛爾蘭成為危機後歐盟成長最快嘅經濟體之一，唔單止國債大幅減少，預算赤字同失業率亦都快速下降，不過愛爾蘭喺呢個時期嘅復甦狀況有啲複雜，雖然經濟數據的確亮眼，但有唔少專家認為愛爾蘭仍然未妥善處理青年失業同弱勢貧困嘅問題。2017年更發生一件大事，當時有國際黑客揭露一份秘密文件，顯示愛爾蘭2015年公布26%嘅GDP成長率係虛假數字，由於蘋果等外企利用愛爾蘭稅法喺當地創造出大量無形資產，亦即係話有一大批外國企業被指控利用法律漏洞，喺愛爾蘭大玩避稅遊戲。

喺美國參議院調查以及蘋果執行長Timothy Cook作証下愛爾蘭更改外企稅法條文，更喺2021年宣布同意將企業稅調高到15%配合全球最低企業稅率嘅設定。新稅制估計會喺2023年開始，雖然可能會導致愛爾蘭喺稅賦上失去競爭力，不過長年累積嘅營商環境優勢令佢哋依然係外國企業最愛嘅根據地。數據顯示， 2022年嘅愛爾蘭企業稅收入預計可以創下歷史新高，唔少財經專家認為愛爾蘭嘅成功經驗好難複製，原因在於世界上主打低稅嘅國家有好多，但係好似佢哋咁樣同樣擁有高技術勞工、英語環境以及歐盟資格嘅就好少，特殊嘅條件集合加上清晰而且正確嘅執政路線，最終先造就咗一隻猛虎鳳凰。好啦今集窮奢就嚟到呢度！