3/9《圍爐取戀》條仔收埋Ex嘅情慾照

東方昇：係～即係相都OK嘅，唯有OK。
Charlie：唔好畀我見到。
東方昇：含⋯含⋯含淚接受。
Charlie：唔好畀我睇到呀。
叻叻：我又覺得真係冇乜嘢，咁每個人都有過去㗎嘛。
東方昇：我覺得呢，如果IG嘅相呢就我都未必得，畀人⋯
Charlie：見到！
東方昇：公開呀。但係如果佢收埋喺櫃桶底呢，我又OK喎，佢過去嚟㗎嘛，你都冇得避免，咁可能佢留為紀念，係記憶嘅一部份嚟㗎嘛。
［尊重對方的過去］

Charlie：嗯。
東方昇：點呀點解咁樣問呢？
導演：咁係因為呢，今日打上嚟位事主佢就發現咗佢個現任keep住咗佢前度嘅一啲情慾相！
［・本集主題・ 男友收埋Ex情慾照］

東方昇：嘩～唔係相咁簡單，係情慾相呀？
叻叻：有冇片㗎？
東方昇：嘩哈～嘩咁接佢嚟聽吓先，好Juicy喎呢個。Betty你好。

［・圍爐Buddy・ Betty（化名）］
Betty：係～Hello。
東方昇：你發現咗你男朋友有Ex嘅情慾相喎係咪呀？
Betty：係呀係呀。
東方昇：好，嗰件事係點樣呢來龍去脈，交畀你啦。
Betty：咁大約呢係，我就借咗佢部電腦嚟用啦呢排，跟住但係咁我自己都有少少好奇，即係究竟佢以前有冇收埋啲咩相，因為其實我同佢就係一齊咗兩三年啦，咁佢以前中學嗰啲我都唔係好識嘅，咁我都想睇多啲佢以前啲嘢，咁我又順便睇吓⋯
［好奇心作祟］

東方昇：受唔住嗰個引誘，嗰個引誘好鬼大。
Betty：咁跟住我就碌碌碌啦，突然之間比我見到開始有佢個Ex啲相啦，然後呢我就見到有幾張係比較暴露啲嘅自拍啦。
叻叻：係。
Betty：咁其實我都心諗作為情侶send呢啲其實冇乜嘢嘅。咁但係後尾就畀我見到有啲係⋯露點啦，咁亦都有啲係FaceTime嘅Cap圖嚟嘅，認得係我男朋友張床嚟嘅，我男朋友嗰邊就冇影條Jer。
［意外發現露點照］

東方昇：唔係你男朋友露點，係佢個Ex露點呀。
專家Dickson：係係係。
Betty：任何一張啫係我男朋友露械嘅相都冇嘅。
［404 Not Found］

東方昇：哦～即係你男朋友冇露械。
專家Dickson：佢就遮得好密實嘅。
東方昇：幾唔公平喎都。
叻叻：幾醒喎。
東方昇：好跟住呢？
Betty：咁跟住就數埋數埋其實都有頗多張，即係起碼我自己見到都有7-8張啦，但係計返個時間呢就應該都係佢哋自己一齊嘅時候，但係講真我自己就有少少Shock嘅，即係我冇諗過其實佢都仲keep住。
東方昇：合理呀。
Betty：咁我就唔知佢其實係唔記得咗del呀，定係⋯佢係真係keep住珍藏定係點樣？
［Betty糾結：到底男友念念不忘還是忘記刪除？］

Betty：好想睇吓你哋主持會有啲咩建議，即係我係而家應該要扮冇事發生啦？定係Chok下佢定係點樣呢？
［裝聾作啞 vs 旁敲側擊］

東方昇：嗯。我哋首先問吓兩位女仔先。如果你個另一半收埋咁樣嘅情慾相，你哋係咪好介意呢？
Charlie：咁通常呢啲相呢係用嚟重溫某啲回憶㗎嘛，咁我就會諗，佢會唔會係想重溫佢哋⋯嗰啲回憶呢？
專家Dickson：即係你個火就嚟啦，就上啦。
Charlie：我接受唔到我個另一半望住個Ex啲相或者啲片嚟⋯
東方昇：因為如果佢儲咗Ex嘅相係一齊去旅行，咁都係去旅行啫。
Charlie：係呀係呀
東方昇：但係做緊嗰啲嘢，你個腦裏面就幻想緊佢其實⋯
專家Dickson：個picture。
東方昇：或者你驚個男仔會唔會望住嚟就⋯解決呢？我諗阿Betty都最介意呢樣嘢啦。
［難免憶起情慾回憶］

Betty：係呀，因為仲有少少漏咗講嘅，就係佢有啲片都係個女仔自己單方面啦，一開始戴住Bra，咁跟住佢自己喺度係咁磋嚟磋去呀，跟住又影埋點呀咁樣，好明顯係引誘佢啦。即係喺我自己角度就會心諗，就算你唔記得，咁你冇理由會keep住一啲咁嘅片，之後我就心諗你係諗住留低，你得閒冇嘢做打飛機呀？定係點囉？
［影片內容極度挑逗］

叻叻：我會覺得你係咪好鍾意留戀佢個身材呀？定係其實你覺得佢正過我呢咁樣。自己會有啲唔開心。
［下意識與對方比較］

Betty：係呀，因為同埋好似講話性感相啦，即係可能有時我都會send畀佢嘅。
東方昇：哎呀！你都會send畀佢，大鑊啦。
Betty：我就心諗「下？啫係我send畀你你又唔cap低？但係⋯你電腦又有⋯」
［Betty反而介意男方不保留自己的慾照］

叻叻：呢個真係嬲呀。
專家Dickson：妒忌。
叻叻：咁佢係咪覺得嗰個正啲先宜家？即係我會嬲呢樣嘢囉。
Betty：啫係有呢個諗法囉。之後我就會心諗，吓佢個Ex有身材，咁我都有嘅，咁點解你要keep住個Ex，你唔keep我呢？
東方昇：好彩佢冇keep你咋，因為我就係想問你有冇畀佢keep低呀？
專家Dickson：如果唔係一陣間周圍又畀人發現，又周圍send咁就慘啦。
東方昇：係呀，因為你有機會成為佢個Ex㗎嘛。
［防人之心不可無］

專家Dickson：咪係囉。
東方昇：咁陣間佢keep低又流出咗咪大鑊？我係你呢就自己delete咗自己嗰啲先。
Charlie：同埋我覺得咁樣係代表咗呢，個男朋友真係可能會重溫個Ex嗰啲相喎，因為呢，女朋友已經keep住有send畀自己，覺得隨手可得呀，就唔使save啦。但係之前嗰個呢就要好好咁樣珍藏，因為你唔可以再嚟㗎啦嘛。
專家Dickson：唔係呀直程係有呢舖癮呀。
東方昇：同埋我都想講，你個男朋友佢就一定唔啱㗎啦，其實呢啲咁重要嘅嘢係冇得唔記得留咗喺電腦呀，萬一流出咗，即使佢係你嘅Ex啫，但係佢都受傷害㗎嘛。所以其實係一定不能夠話唔記得咗擺喺度，有一線機會流出都傷害咗嗰個Ex㗎嘛。
［東方昇認為：男方絕對有保護女伴的責任］

叻叻：係呀係呀。
東方昇：而你介意都好合理呀～所以你以後唔好send畀佢啦知唔知。
Betty：嗯。
東方昇：但係而家你嘅問題就係話唔話畀佢聽你睇到呀嘛？
Betty：係呀啫係因為我⋯我講出嚟我就覺得好尷尬，因為其實佢唔係授權我去睇呢啲嘢。
［Betty自知理虧］

叻叻：係呀係呀。
Betty：我其實嚴格嚟講我自己都係做咗衰嘢，我偷睇佢啲嘢啦。
叻叻：因為佢講呢就有少少理虧嘅，因為佢自己偷睇人哋在先，但係我唔講我都會忍唔到囉其實。
東方昇：其實呢個問題好普遍，就係其實摷唔摷前度，無論係相呀WhatsApp。我有時會覺得，唉～有時愛情就係咁樣，每個人都有啲秘密，其實嗰個潘朵拉盒子係好吸引，好想揭開佢，但係一揭開呢，就有個後果，係後患無窮。
［好奇心害死貓］

Betty：即係發生咗呢件事之後我有時我都會諗，佢會唔會都心思思想搵返佢定點樣，即係有少少囉。
專家Dickson：即係簡單嚟講就係佢覺得佢留住相，就係有啲想同前度復合啦。咁如果站在呢個角度呢，我覺得其實係要講嘅。
［Dickson認為：Betty要選擇坦白］

東方昇&叻叻：係。
Charlie：如果唔講呢，個心就會一直都有條刺喺度囉，可能佢唔見咗，係咪就去搵佢個Ex呢？咦佢突然之間唔覆我message，唔通佢開始唔愛我？定知道我發現咗？跟住我自己又會心虛㗎嘛，跟住一直以嚟長遠嘅信任都唔好囉。
［女生內心小劇場］

專家Dickson：因為有啲人呢，可能佢真係過兩日就唔記得咗，但我覺得你⋯
東方昇：咁就唔好講啦。但係如果你care嘅話，會影響你關係咁就要講啦。
專家Dickson：咁我會想問就係，你自己覺得講咗之後會有咩情況呢？
［情境題：如果攤牌會有甚麼後果？］

BETTY:其實我都有做心理準備嘅，咁當然我自己對佢信心就覺得佢會即刻del同埋道歉啦
Dickson: 係係係
BETTY:咁但係如果佢係話：「吓？好小事啫你做乜咁介意」「當我自己上IG睇大波妹咁樣囉」「同埋而家係你偷睇我囉」即係如果佢係有啲態度嘅話呢，咁我諗我應該就會可能分手或者，需要啲時間冷靜下囉
東方昇: 咦，咁你都幾決絕喎，有個機會就係你同佢講原諒你睇嗰啲嘢，不過就死都唔delete 㗎啦，咁你都會同佢分手？

BETTY: 係
東方昇: 哦咁好清楚，其實你就係一定要同佢講啦
Dickson: 係囉
東方昇: 不過嗱我覺得你都想挽救呢段感情㗎嘛？
BETTY: 係呀係呀
東方昇: 咁所以我個問題其實討論就係你點樣同佢講啦，得到最好嘅結果啦
BETTY: 其實我呢幾日都少左搵佢嘅，真係有啲冷淡，因為我覺得對住佢唔知點咁

Dickson: 嘩嚴重影響啊，
叻叻:所以其實係要講出嚟
Dickson: 係呀係呀
BETTY:咁跟住所以我就喺度諗，如果我見到佢嘅時候，我應該扮冇事提起話：「啊！係喎你部電腦 點點點啊」 定係我係要直接嚴正咁同佢講話：「喂我見到有啲嘢喎」
東方昇:嗯， 即係暗示定係明示？

叻叻表示-即使直接表明也能用不同語氣處理
叻叻:直接呢但係又唔一定要嚴肅咁講喎我覺得， 你可以好直接嬉皮笑臉咁同佢講話：「喂，好似發現呢部電腦有啲嘢喎」 可以嘻嘻哈哈咁樣講囉
東方昇: 因為你如果好嚴厲咁去鬧佢啦，佢就即刻反咬你一啖「喂你睇乜鬼呀！ ？」你咁樣俾人打擊，佢一定會係報復㗎，所以你嚴厲同佢講呢， 就實死㗎啦
叻叻: 係呀係呀， 溫柔啲
溫柔婉轉方為上策

東方昇: 可能你溫柔啲同佢講啦
Dickson:有得傾吓
東方昇: 係，嗯但係我覺得唔係喎，我覺得暗示都可能係一個方法，你頭先講過如果佢唔delete，你都嬲㗎嘛，所以我問你如果你暗示俾佢，好明顯嘅暗示㗎啦，但係佢有機會佢唔 delete你得唔得先？
BETTY:errr⋯⋯err
東方昇:嘩，好痛苦好痛苦，佢嗰兩下err炆囉。咁唔得，所以即係你要明示地同佢講

BETTY:喂，但係但係，但係我覺得我有暗示過少少嘅，即係我有時我會喺度講話：「你仲有冇keep啲奇怪嘢呢？」咁樣，之後佢話：「吓？乜嘢奇怪嘢啊？」跟住我話…
東方昇: 佢會諗咗第二啲㗎，你係咪知道我收埋咗啲玩具呀
叻叻: 係呀我都覺得佢會咁樣諗
東方昇: 買啲高達啊嗰啲呀
BETTY:我就話：「吓唔知啊」「可能係以前同EX啊或者點樣」「啲性感相定係點樣」

直線抽擊！
全部人：嘩
Dickson: 都好明顯啦喎
東方昇:咁樣講好明顯喎， 講到出嚟喎你好明顯喎
charlie: 你講咗啦喎，咁佢點答你呀？

東方昇:點答你先？ 佢咩反應？
BETTY: 佢話：「吓？冇呀…」之後我話：下？真咩？ 之後我就…
東方昇: 你又唔好咄咄逼人啦，你咁明示你要留一線俾佢
BETTY: 即係其實我已經行錯咗路啦？
東方昇: 唔係唔係，我覺得你嗰個明暗示呢都ok嘅，應該話佢嗰刻反應佢為面子，佢 梗係話冇呀，反而我覺得如果你真係care，你有冇方法再潛入佢部電腦，睇吓佢有冇delete呀？
BETTY: Err 而家暫時就冇，因為我唔想再撳入去睇啦，不願觸景傷情

東方昇: 你唔想同你可唔可以係兩樣嘢喎
BETTY: 我諗如果我要問嘅話，應該可以問到嘅
叻叻: 嗱你哋男仔啦，如果我真係溫柔啲同你地講，真係認衰仔啦：「唔好意思啊我嗰日呢謝里電腦嘅時候唔小心忍唔住偷睇左之前嘅相，跟住我真係見到有你EX嘅情慾照」咁樣啦
東方昇: 可唔可以delete佢啊？
叻叻: 係呀我話「我有啲唔開心啊」，咁樣你哋接唔接受到先

Dickson: 接受呀
東方昇: （非常受落）接受呀， 接受，得呀
叻叻: 我覺得如果咁樣好明示咁話俾佢聽，我知道其實你有張相喺度啦，咁之後就睇到佢係咪真係會delete囉
東方昇: 因為我覺得你都係要一個好確實嘅答案，如果唔係條刺一路喺度
叻叻: 係呀，佢要啊
東方昇-即使男友承諾刪除， Betty也不會相信，所以其實你可能要叫佢親自delete 㗎啦，即是我覺得呀如果你好明示同佢講，跟住佢話：「得㗎啦，我會delete 㗎啦」 你都未必信佢啊

叻叻: 係呀係呀
BETTY: 我本身就應該會信嘅，但啱啱聽到你講…
全部:哇哈哈
叻叻: 你呀
東方昇:越幫越忙啊
叻叻: 你唔好喺度拆散人啦
Dickson: 你需要嘅係佢喺面前講話我會delete唶，係咪呀？

BETTY: 同埋實際做呢個行動囉
東方昇: 係咪呀， 同埋實際做啊係咪呀！真係要啊！ 所以你唯有明示啦，好似叻叻咁講，溫柔啲嗲啲咁去講，我覺得係男人都受㗎啦！ 除非佢真係好堅持keep嗰啲相
叻叻: 我唔會del 分手啦咁樣
Dickson: 你唔可以刪除我任何一張藝術品
東方昇: 係呀咁你都非得佢啦，溫柔地明示
BETTY: 好

東方昇: 講笑咁講呻笨，其實你睇到嗰刻，已經自己私底下delete咗佢
全部:哈哈哈哈
東方昇: 你又扮傻，佢又扮傻，佢一路搵返，咦？佢唔見咗唔通問你呀，立於不敗之地
叻叻:係喎
東方昇: 佢冇理由問你呀嘛
叻叻: 自打嘴巴

東方昇: 其實應該你自己偷偷地已經delete咗
Dickson:錯過左
charlie: 咁又唔好，陣間佢搵返個EX，你再影過俾我睇
東方昇: 唔會
Dickson: 喂唔係喎，但係如果你咁講，我又有另一個方法喎，就係你唔好拆穿佢，唔好同佢講，然後借啲意再問佢借個電腦，再嚟過delete佢
東方昇: 係呀，都得啊大家喺個謊言之中喺度

叻叻: 咁樣咪唔係幾好囉我覺得，影響個信任囉
charlie: 咪係囉教壞人
東方昇: 講笑啫講笑啫，所以你係溫柔地明示啦
BETTY:嗯，要懂得保護自己
東方昇: 你要Make sure佢delete埋你嗰啲相，因為呢個會影響你
Dickson: 係呀係呀， 呢個危險大啲
東方昇: 就算同佢分咗手，如果真係流出左都影響到你，咁就唔好啦

BETTY:嗯明白
東方昇: 係咪啊好唔好啊？希望幫到你
BETTY: 好唔該晒你地
東方昇: 好感謝您，拜拜！
出人意表的 抱怨
東方昇: 哇頭先個case令我最震驚嘅係呢Betty唔單止介意佢個另一半keep住EX嘅情慾相，佢仲介意佢另一半唔keep佢嘅情慾相啊

Dickson: 呢個好黐線呀真係
東方昇: 呢個我真係聽完之後我真係好震驚啊
charlie: 但我又好明喎，呢個女仔個妒忌心嚟㗎嘛我覺得，你竟然珍藏個EX，都唔清楚我，係咪我唔正定點？
東方昇: 但係佢唔會驚自己嘅相都會流出嘅咩
charlie: 你愛佢嗰時呢呢啲嘢唔會諗㗎喇，即係覺得，啊，我就係要佔滿你嘅全部咁樣
叻叻: 係呀，因為呢其實女人呀陷入咗個戀愛腦嘅時候呢，佢會付出所有，同埋佢唔會諗住同佢分手㗎嘛既然揀得佢，所以佢就唔會諗太多流唔到出嗰啲嘢囉

東方昇: 所以女仔嘅可愛之處，就係佢全程投入，所以女仔要自己小心啲呀， 一定唔可以影嗰啲相
叻叻: 係呀，不過我覺得女仔呢 點都要留一線嘅理性，保障返自己
東方昇: 即係享受嗰個moment文算啦，就唔好keep住啦呢啲嘢
叻叻:嗯嗯
Dickson: 而我話俾你聽呢件事係極度危險呀，雖然我呢啲啦就唔係啲咩IT界嘅代表啦，但係一個正常人都知道啦如果個男仔佢中咗病毒，然後呢有黑客入侵，咁佢就可以開晒佢入邊嗰啲file，咁你啲片就已經開晒公諸於世
東方昇: 或者唔見嘢嗰啲都會啦，你睇唔少人哋嗰啲啦

全部： 哈哈哈哈
Dickson:我都知你一定咁講㗎啦，應該多為對方着想
東方昇:唔係唔係，所以就係 有時候我哋可能男仔啦知道女仔就係咁全程投入啦，所以我就覺得男仔梗係想影啦，亦都想女仔send過嚟啦，但有時無論係eX定現任，都係你想保護佢咋嘛，所以即使女仔咁樣send俾我，我都叫佢：「喂唔好呀！」
叻叻: 係你面前路俾你睇算啦係咪啊？

東方昇: 係呀！即係當劇轟烈啲， 唉，咁就算啦，唔好留底，因為始終有一線機會傷害左你嘅EX或者咩，都唔係一件好事啦，所以作為一個負責任嘅男人應該唔收呢啲片或者相
叻叻: 係嘅係嘅
Dickson: 直接除俾佢
東方昇:係呀！即是要黎就即刻嚟啦，就地正法，好拜拜！