飲醉酒之匪夷所思part2🍻暖胃「碗仔翅」竟然可以解宿醉！？🤢幾百個蜘蛛俠不停打俾我😵‍💫？

鄭中基：咁依位朋友叫做Johnny Lai，佢就話啦：「有班朋友唔包括我係尖東飲酒，有女仔陪既。其中一個人諗屎橋，同班女仔講話玩十五二十，輸左要飲又要除衫。點知幾個鐘後成班男人又飲醉又除清光，仲要底褲都除埋。突然，爸爸桑入黎大叫話：『嘩，玩到咁大要查牌!』成班醉鬼就赤裸裸係廳比人笑，跟住返到屋企，成班碌柒又比女朋友老婆鬧，原因係個個著錯咗另外男人啲底褲同衫又解釋唔到。」Ohhhhh…要醉到一個點樣先可以著錯哂人地啲衫返屋企?但係一定有人清醒架嘛，會有人埋單又盛。咁個埋單個條友(指出Post者)好大嫌疑。

鄭中基：好，跟住依個叫Nakato Au，佢就話：「Weeeee~之前做酒吧，九點鐘左右有一檯後生仔女黎飲酒，一睇就知有位女仔生日不停咁比人隊，到差唔多十二點鐘有位男士就攞左個蛋糕入嚟同佢慶祝，但個女仔已經不醒人事咁坐係度頭向天，一班人起哄咁叫攞蛋糕入嚟嘅男仔嗱嗱聲，係機會鍚一啖，正當個男仔鍚左落個嘴度果時醉左個女仔個身震左一下，我見到成碟乾炒牛河就好似火山爆發咁向上噴，直接顏射面同口入面，搞到我每次見到乾炒牛河都會諗返起成件事…」機會嚟喇!飛雲!有炒牛河食呀。啫係個畫面應該都幾震撼，好似朱古力噴泉咁樣呢，係咁流出黎，但係依個係調轉既，係噴出黎。哇!正野。

鄭中基：跟住落黎依位…哇!依個名勁喎，叫做Leś Lî Éhö，佢就話：「Weeee，有次朋友結婚，結婚之前一晚係酒吧兄弟就狂歡夜，咁兄弟伴郎新郎個個都飲到好大，有個兄弟忽然話要教新郎明日結婚當日如何在感動位流眼淚。」嘩，依啲都要教啊? 「佢教佢用Tabasco，我哋糾正佢話係用Wasabi唔係用Tabasco，咁嗰位兄弟好high，堅持話用Tabasco都得…」嗯，我好鍾意依啲場面。(笑)因為應該可以做實驗。「仲即刻拎咗支即場滴眼俾我哋睇。」哇…拎支Tabasco…「佢滴完眼之後不哼一句，但就粒聲唔出、錢都冇夾就走咗。第二朝集合接新娘時候等極都唔見佢，以為佢飲大咗唔知醒，原來佢尋晚走咗之後隻眼一路痛到開唔到，卒之要去醫院，留醫左一晚，去唔到接新娘。事後佢話唔記得咗點解會有嘢入眼喎。好彩佢係攞自己嚟試，唔係搵新郎試。」啫係佢係兄弟黎架啫，如果係新郎就大鑊啦。

鄭中基：跟住依位叫Jazz Ma，「話說有次係卡啦OK，有個朋友飲醉瞓咗覺，仲好大鼻鼾聲，叫又叫唔醒，係佢個口點埋煙燒完成枝都唔醒，咁最後我地就將個咪對住佢個口同鼻，之後開到個喇叭最大聲，嗰一種震憾係條友彈咗起身，講，做乜撚野呀，爆炸呀，快撚啲走啊!」

湘姐：行Donki咪見到有個玩具呢係唱K俾自己聽㗎你記唔記得呀?

鄭中基：我記得呀，岔開個話題講講呢一個玩具，其實嗰個儀器呢，我覺得係全世界最撚黑人憎嘅一個儀器。啫係你唱歌俾自己聽，係呀，但係你側邊嗰啲聽撚到㗎嘛!你係好撚騷擾側邊嗰啲人，你仲要自己戴撚住個儀器聽，啫係你完全活喺自己嗰個世界，咁其實你自己係屋企唱咪得囉，做咩要帶住個舊野周街唱啫。好啦我講完啦。跟住落黎依個呢就係我哋嘅戰友嚟架啦，啊宇仔佢就話：「我有個friend飲醉酒，之後問我哋做乜嘢有杯碗仔翅喺張枱度…」我估到啦…「我哋咁多個人都話冇買過呀，後邊發現原來果杯熱熱地既碗仔翅係我另一個friend嘔落個杯度嘔吐物，我個friend成杯飲曬。」

眾人：啊啊啊啊啊啊啊!!!
《理性飲酒 以免降低智商》

鄭中基：啊啊…我又好鍾意食碗仔翅同埋呢個魚肉，咁最衰係個杯野暖暖地吖嘛。啫係你摸落去暖暖地，就覺得湯嚟㗎喎呢個。但係佢話有碗仔翅喎，啫係個碗嘔吐物係碗仔翅嘅味。飲個個人佢記得碗仔翅係依個個味道，咁其實佢人生入面食嘅碗仔翅係咪鑊鑊都係人哋嘔嗰啲嘢嚟㗎?

鄭中基：好啦咁依位係KWK Chan，佢就話：「Weee，話説有次成班friend一齊唱k飲到好爆，係咁話要去食宵夜。落咗樓最百厭嗰個一野爬咗上巴士站頂，頭先佢神不知鬼不覺咁拎咗唱k支咪擺落褲袋，之後拎支咪出嚟扮開concert，之後跳番落嚟話自己係minion。」(笑) 係咪湘姐嚟㗎?

湘姐：唔係我呀!

鄭中基：「之後就搵個街邊垃圾桶笠住自己行，見到間7仔就除底個垃圾桶，話要食燒賣。但係入到去見到人哋架板車就扮自己喺度wake surfing, 個7仔呀姐想阻止佢，點知個癲仔捉住七仔阿姐跳舞。」(笑)完全係湘姐嚟㗎喎呢啲，你都會捉住人跳舞，你話哂都係Dance Soc㗎嘛。Dance Soc個啲係應該係飲醉與唔飲醉都鍾意跳舞㗎嘛，Dance Soc喎。

鄭中基：好，下一位Mavis Yuen就話：「Wee…我老豆前幾年有晚同朋友食飯飲醉咗返屋企，但係嗰晚我咁啱出咗街，跟住係街度突然係whatsapp咗我一張自拍照，仲要超大頭嗰隻，跟住下面caption寫住：『喝醉了!』。跟住再send多個voice message嚟，內容係：『@_i)$()#$%*()@』嘰呢咕嚕咁，講咗一堆唔知咩出黎，嗰下我嚇到唔理三七廿一返屋企。返到去之後呢，我一打開門見到佢好精神咁坐咗係梳化睇電視，佢仲若無其事咁問我：『咦乜你咁早嘅你唔係出街咩?』我即刻關心問佢點啦!點知佢一句ban埋嚟：『你都痴撚線，我撚有醉!』嗰下真心匪夷所思，咁我whatsapp睇到嗰啲係乜撚嘢嚟嘅?」啫係佢睇到佢老豆：「!*#@(*#$)(!」飲醉酒之後#@*(#*@)#(!。死喇，一返到去見到老豆坐定定睇電視問：「咦唔係出街咩你?」就係咁樣喎。啫係佢可能係唔小心標左「少少童」，嗰下迴光返照咗。

鄭中基：依位叫做SY Tsui：「wee.... 我有個frd，男人黎，直既。有晚飲大左，返屋企途中暈左係噴水池隔離既長凳，點知醒返係一個陌生男人屋企。之後呢，我個fd就上左床訓啦，個男人問：『你平時著褲訓覺架?』你老味，我個fd真係即刻除褲訓。再過多陣 , 個男人又問佢啦：『你係咪好辛苦啊?我用口都得架。』我fd覆佢：『你唔好撚煩啦，你聽日記住8點叫我起身啊!!』好彩最後保住個屎忽，點知個男人仲煮埋早餐比我個frd 食，跟住成功安全離場。
後尾問返，佢記得自己應承跟人返屋企架!佢話因為個男人屋企第2日返工近D!但佢嬲鳩 , 因為個男人冇8點叫佢起身!!」算啦，咁又係佢自己應承去人度，人哋咁樣問都好君子啫我覺得，唔通嚟數牙籤呀?咁佢除到褲就數到啦，一條囉…一支牙籤。

鄭中基：跟住呢叫KD Moby，佢就話：「Wee~單野係我朋友做既。話說有次佢中午開始就係朋友屋企一班人飲酒啦，咁大家都醉醺醺既時候，佢突然大叫一聲就衝咗落街，然後去咗五金舖買咗枝螺絲批，一返上嚟佢就失驚無神鬆咗人地廁所度門啲螺絲，再拆左人地度廁所門放咗入人地老豆老母間房，之後就離開咗現場。成班朋友呆鳩左，到第日屋主打電話去屌柒佢，佢係唔知發生過咩事既情況下就上去幫人裝返度門。」啫係佢唔記得左。我覺得咁樣啫係譬如KD你想你個朋友做啲乜你就之前嗰日隊冧(灌醉)佢。跟住就話：「你個仆街，琴日攞撚咗我架法拉利，跟住揸撚到而家唔知去撚咗邊，你快撚啲賠翻俾我。」咁佢就會賠了。

湘姐：但係你首先要先擁有一架法拉利先。

鄭中基：咁要請佢嚟兩晚啦，第一晚隊冧佢就話佢聽我有一架法利拉。(笑) 佢知道咗喇，第二次就隊冧佢就叫佢買返㗎法拉利。好啦跟住落嚟下一位叫繁花舞落：「Wee~有一次同班fd落club飲完酒，跟住去海旁行下，有個fd wing wing地，無啦啦拿咗條蕉出嚟，跟住大叫：『我係花果山水簾洞孫悟空!』然後係咁fing條蕉話係金剛棒，轉個撚頭就扔咗條蕉落海，佢仲要fing到連電話都跌埋，然後自己縮埋一邊成個波咁搵電話，仲要叫我地幫手call消防搵電話，其實部電話我地執起咗。」依個咪啫係好似嗰個要扮十二生肖扮龍嗰個係咁都估唔撚到，估蚯蚓，四腳蛇，唉啊又唔啱啊?冬菇啊唔係喎，依個就係搵電話扮冇睇到講唔知喎，係唔係喺嗰度啊?呢啲就係啦，真朋友嚟既，如果同我地識應該係fd嚟嘅。

鄭中基：跟住依個叫做林琛兒：「wee…記得有一次飲醉酒，電話成個contact list幾百個人，比人改曬做『蜘蛛俠』，係facebook講完件事諗住叫人打俾我改返啲名嘅時候，打返比我嘅朋友都不約而同咁同我講：『Hi，我係蜘蛛俠』到依家呢一刻，電話都存在好多蜘蛛俠，有一啲係我知佢係邊個但我懶得改，而另一啲就係已經冇聯絡了。」哇好野喎，但係佢哂咁多時間改人地contact做蜘蛛俠。

湘姐：係咪有得全部選擇哂啲contact黎改?

鄭中基：可能係掛…如果唔係既話你真係好有心，所以俾人玩嗰個都算啦。跟住啦依個叫King Woon Tam：「件事係朋友事後話我聽。話說公司有同事Farewell，我地成班去K房飲酒，我已經飲到斷咗片，係咁攬住我上司條頸，話要多謝佢，當時旁人話我爭啲箍死佢。擾攘咗一輪，到埋單走嘅時候，我竟然衝出馬路，叫啲車撞我。佢哋七個大男人都捉我唔住，我又跑又跳又叫，搞咗好耐，結果佢哋偷咗架百佳搬貨嗰啲籠車，推咗我去維記。當時維記counter係印巴藉人士，一直唔俾我哋入，驚我哋兩個男人整污糟個場。我朋友就一直同佢講：『Sleep only，No搞野!』雞同鴨講咗好耐先終於比我一個人入間房瞓覺。以上嘅內容，我係完全聽我朋友講返嚟，我係完全唔知情。結果呢班朋友話：『以後都唔同你飲酒啊!』」咁啫係你聽返嚟嘅…好勁㗎嘛呢下：「撞我!!!」哇，Sleep only，No 搞野，trust me!

鄭中基：跟住依位叫Felix佢就話：「Weeee~喺加拿大睇機動電視台。」多謝你。「話說我三年前year1嗰陣有次落bar同我啲fd去飲酒啦，於是我就同我另外幾個fd一飲就飲咗14，15個shots，我之後呢就仆咗係地下度碌落樓梯，就係喺呢個時候，我撞到教我Econ嗰個Professor。」咁你都唔係好醉啫，你認到佢係教Econ嘅。「跟住佢就問我：『Looks like you are ready for tomorrow's exam!』我串佢一句話：『OH YEAH I am ready! Are you ready?』」(眾人笑)好嘢，我覺得呢句好好。「講完就心諗GG啦，考完派返嚟Fail咗嘅，comment寫咗一句：『Weak!』」咁都勁吖，但係我好鍾意個句：「Looks like you are ready for tomorrow's exam!」「YEAH I am ready! Are you ready?」啫係個啲BABY!!!!!嚟嘅。其實呢啲場合就真係應該拍定片，跟住Send俾我地睇，咁我地就可以播出嚟俾大家睇。

鄭中基：我覺得今次依啲都幾好笑，今次好多都係湘姐會做嘅事，例如「撞我!唔好撞佢哋，你撞我一個得喇!你淨係撞我…」跟住啲車全部兜過去。爬上巴士站呢啲湘姐會嘅，我覺得今次唔錯，睇下仲有冇多啲喇。咁好喇，我地下次再見，byebye~