19/8 《圍爐取戀》前度老竇想溝我

東方昇：「溝佢喇。嘩！！」
專家Dickson：「幾重關係。」
東方昇：「好複雜好複雜。我哋聽吓先即刻。」
（過場）
東方昇：「喂，晴晴你好。」
叻叻：「Hello。」
晴晴：「係～Hello。」
東方昇：「嘩，你有個好複雜嘅愛情經歷呀。想同我哋分享喺嘛？」
晴晴：「係呀。」
東方昇：「好，慢慢講，係點㗎呢？」

晴晴：「咁其實就係因為我個前度，佢個老竇就當我唔係女咁簡單。咁話說呢，我就係一個lesbian嚟嘅。咁我同我個Ex一齊第三個月嘅時候，就畀我父母發現咗我係同佢拍拖。咁我父母好傳統啦，佢哋係好反對，亦都好激動咁叫我話要即刻分手呀。咁嗰時我都同我父母鬧得好差嘅個關係。另一方面呢，唔知點解呢，我個Ex突然之間第二日就同咗佢自己父母出櫃喎。咁佢嘅呀爸其實就好接受嘅，佢會覺得個女開心就得啦。咁但係我個Ex嘅媽媽都唔係好接受。嗰一刻嘅我其實都好徬徨，之前拍咁多次拖都未試過去見家長。咁所以人際關係上面，其實我唔係好識得點拿捏啦。當時我Ex嘅老竇知道咗我哋嘅事之後，佢就靜靜雞同我話要單獨食飯。理由係話：『個Ex嘅媽媽唔係好接受你哋同性戀嘅關係呀，不如我教你幾招等你容易啲融入我哋屋企。』」

東方昇：「其實幾warm㗎喎，嗰刻你會覺得：『欸，真係……』」
叻叻：「想你哋好。」
東方昇：「『幫助你融入屋企㗎喎。』」
晴晴：「係呀，冇錯。特別係我自己父母嗰邊嗌晒交，突然間另一邊有個『嘩～咁窩心嘅老竇話想接納我喇，仲教我幾招𠻹。』嗰時佢就叫我靜靜雞約㗎咋，唔好話返畀我個Ex知咁樣。『我為你好，我先咁樣約你出嚟㗎。』咁我都冇理啦，我梗係照話返畀我個Ex知啦。咁當時我個Ex真係好反對嘅，好唔想我去，咁但係我自己就係覺得：『如果連佢哋都唔支持嘅話，段關係好難行落去。』」

東方昇：「咦？咁我想問吓喇，你個Ex佢點解反對呢？佢會唔會覺得：『欸！我知道我老竇已經係有啲奇怪呢！』定係咩原因呢？」
晴晴：「佢純粹係覺得佢老竇做乜要干涉我哋之間嘅事。咁結果出到嚟啦，我諗著佢會教我幾招，咁點知大部份嘅時間，佢都係講佢以前由唔知邊度鄉下落嚟香港，揸住幾舊水好辛苦……」
眾主持：「哈哈哈。」
東方昇：「啫係講自己嘅奮鬥史。」
專家Dickson：「通常爸爸都真係咁嘅。」
「我同李小龍根本就係兩師兄弟，唔通我四周圍咁話畀人聽咩？」
晴晴：「咁跟住講到最後呢，要教精我兩句。唉～我都唔係好記得教咗啲咩喇。」
眾主持：「哈哈哈。」

叻叻：「99%都係講佢自己之前發生過啲咩。」
東方昇：「但係嗰幾招係咩呢？大概係啲乜嘢呢？」
晴晴：「大概都係『幫手洗吓碗呀。』、『買啲你Auntie鍾意食嘅嘢，請佢食呀』」。
東方昇：「啫係廢話嚟嘅。」
叻叻：「真係好有用。」
東方昇：「我哋嘅意見仲好過佢啦總之，其實你應該打上嚟嗰時。」
專家Dickson：「係囉。」

東方昇：「總之廢話啦，總之就係想同你傾計啦。」
晴晴：「係啦，總之就要我聽佢講嘢啦。唔係同我傾計呀，我冇乜點講嘢㗎。」
眾主持：「哈哈哈。係係係。」
晴晴：「咁跟住講完之後呢，其實去到後尾都用啲好類近嘅理由氹我單獨出嚟。」
東方昇：「咁你喺呢個過程中，你覺唔覺得有啲唔對路呢？」
晴晴：「唉～咁嗰陣呢，就係因為我未見過家長呀，又好想融入。佢講咩，我又真係好乖好聽，咁呢度係我好蠢囉。」

東方昇：「嗱，咁我想問一問，咁佢係用一個長輩同一個後輩嘅方式去溝通啦，定係有少少溝嘅角度呢？」
晴晴：「佢初時真係都係用長輩嘅角色講嘢嘅……」
東方昇：「嗯。」
晴晴：「去到後期就越嚟越唔妥㗎喇。」
東方昇：「有啲咩察覺到唔妥？唔叫你BB咁樣？」
眾主持：「哈哈哈。」
叻叻：「BB豬。」

東方昇：「有啲咩察覺到越軌呢佢？」
晴晴：「佢一出嚟會話：『哎呀，唔好意思呀～成日咁樣約你出嚟食飯。有時我都會唔開心，但同你傾計，我覺得好舒服！有時真係好掛住你！』」
叻叻：「嘩！唔得呀呢個！」
晴晴：「『唔好介意我咁講，我都知我咁講好似好奇怪，但係我好難掩飾，真係好掛住你！你唔好介意我咁講！』跟住我事後都返去問我個Ex話：『有啲怪喎！』佢就話：『唉～唔緊要啦～佢對住我都係咁講嘅。』」
東方昇：「欸，嗱嗱嗱。我問吓你哋Charlie埋呀叻叻，你哋如果聽到覺得怪唔怪呢？」
叻叻：「梗係怪啦，大佬！對方個老竇同我講話掛住我喎，我真係唔得呀。」
Charlie：「雞皮都起晒呀！我覺得Uncle喺到試緊水溫呀！」
東方昇：「係咩？」

Charlie：「啫係如果掛住你，睇吓你介唔介意先咁樣。」
晴晴：「同埋佢本身冇返工嘅、無業嘅，好得閒。」
東方昇：「哦～」
晴晴：「咁所以想搵人陪囉。」
東方昇：「好～跟住就越嚟越變本加厲呀。」
晴晴：「到我生日咁樣啦，佢就塞咗一封五千蚊嘅利是畀我，嚇死！」
東方昇：「嘩唉！」
叻叻：「我都係得五百蚊咋！」
晴晴：「呆咗！佢就話想同我上契，就：『欸～不如我契你做女啦。』

眾主持：「上上上契！哈哈哈！」
專家Dickson：「哦。」
晴晴：「佢就話：『不如我做你daddy啦。嗱，點解我咁樣提出呢？我都係為咗保護你同埋我個女嘅啫。咁以後有咩事，帶你哋兩個出去食飯，呀～撞見有啲熟人，佢問欸～點解又多咗個女仔嘅，我咪可以多個藉口話你係我契女囉，咁咪可以幫你哋掩飾。』」
東方昇：「佢呢個藉口幾精妙喎。」
專家Dickson：「但係你諗返轉頭，其實佢兩個自己出去食飯都得，點解要帶埋佢呢？」
眾主持：「哈哈哈。」
專家Dickson：「係～所以我都諗咗呢個問題好耐。」

東方昇：「但係佢度過嘅，咁佢嗰五千蚊畀咗你之後，有冇要你做啲咩呢？」
晴晴：「咪就係上契囉！佢叫我返屋企打開，我返到屋企真係呆咗，即刻話畀我嘅Ex知。然後最後呢，我就淨係攞入面一張500蚊啦，因為佢真係大紙嚟嘅，跟住其他錢還返晒畀佢囉，我話：『我唔收你咁多錢呀，我唔係咁好意思。』」
東方昇：「咦，咁我想問你個Ex，知道咗呢件事之後，佢有咩諗法呢？」
晴晴：「佢『吓』一聲囉，冇咩反應亦冇咩comment囉，咁總之就係傻傻地咁應承咗呀。『咁契你要嗌我做daddy㗎喇』跟住佢都會嗌我做阿女咁樣囉，之後又要我煮飯洗碗呀嗰啲。」

東方昇：「吓！要你煮飯洗碗？」
叻叻：「五千蚊請咗個工人返嚟。」
晴晴：「佢就冇講到咁明顯嘅，話：『呀，你得閒幫吓auntie手呀，auntie做嘢都好辛苦㗎。』咁我又係心軟啦，同埋佢真係錫住我嘅心態『好想融入個家庭』。」
東方昇：「真係融入家中囉。『德成女傭～融入家中～』」
「佢都係我同鄉喎～」
晴晴：「係喇，就請左我呢個女傭喇，咁就真係情緒勒索我！佢阿爸就變咗變本加厲啦，係咁要我約單獨食飯啦。」

東方昇：「有幾密呢？隔一個禮拜就約你定係點呢？」
晴晴：「佢會想一個禮拜食一次囉。」
東方昇：「嘩～拍拖咁樣喎真係。」
專家Dickson：「咁佢係食飯嘅時候，佢嗰個言語同埋行為有冇變本加厲地要親熱咁樣？」
晴晴：「就係有呀！佢去到後尾呢，好似真係人哋拍拖咁。譬如約咗去油麻地食飯，佢話：『呀～前一日我已經睇定邊間餐廳好食㗎喇，點邊一啲菜特別好呀。』跟住先再約我去咁樣囉。」
東方昇：「即係溝女嘅mode呀！」

東方昇：「即係溝女嘅mode。」
晴晴(受訪者)：「係呀，我就覺得就係呢一種嚟㗎啦。跟住又會分享自己興趣啦，咁啱我又係鍾意聽歌嘅，咁佢又會話『啊好啱傾嗰啲話題』。」
東方昇：「吓？咁都啱，佢聽譚詠麟㗎喎。你都唔係聽譚詠麟啦下話？」
晴晴：「去到呢啲都算啦，佢有時出街，佢係想我幫手橋住佢隻手扶。」
東方昇：「已經超越咗嗰個關係啦。」
Dickson：「所以我本身我正想問佢同你傾偈嘅時候，有冇嗰啲磨砂手摸吓腳啊。」
晴晴：「有啊，有時佢如果飲酒嗰啲呢，佢就會突然間捉住我隻手上「亞女你真係好好啊』之後我就縮啦，縮完就答我膊頭令我好唔舒服㗎囉。仲有啲令我更加難受嘅。因為我有時會去佢屋企過夜㗎嘛，咁佢就話『你成日都嚟過夜啊，不如你俾啲污糟衫我攞去洗呀』我先唔會比佢掂我啲底衫褲囉！」
Dickson：「佢唔喺邊度拎去聞呀嘛？」
東方昇：「梗係啦。」
叻叻：「原味底褲呀。」
東方昇：「索啊，一定係啦。呢啲想像到啦。」
晴晴：「但係正常你都唔會攞一個異性嗰啲第衫褲去洗啦。跟住呢有一次佢有一句說話真係令到我好難受。佢會話『男女關係就話易有BB啫，女女就唔怕啦。唔知女仔同女仔之間係點樣做㗎呢？』。」
叻叻：「哇唔得呀我真係接受唔到。我會即刻報警囉。」
東方昇：「黐線㗎佢真係。」
晴晴：「仲要當住我同我個ex面前講喎。」
東方昇：「我覺得呢佢仲要唔係淨係問你，佢問埋佢個女喎。即係已經失去左常理嘅。真心，我老竇問我點樣做愛，我都好尷尬啦。」
Dickson：「咪就係囉。」
東方昇：「咁之後你嘅ex知道咗呢一個咁過分嘅事情之後有咩感受呢佢。」
晴晴：「佢又係冇咩comment冇咩反應嗰啲。可能大家都係好細個我哋。」
Dickson：「我唔單止對佢個老竇好反感，我對你個ex都好反感，佢應該要保護你。換轉係我，我都返去指住我老竇屌佢。」

晴晴：「即係我喺佢屋企過夜㗎嘛，咁我嘅ex都會好奇怪點解我會同佢之間啲親密嘅行為會少咗。咁其實因為我知道佢同佢父母中間淨係隔住塊枱好應聲，形住形住覺得佢會偷聽好不安囉。去到同佢老竇最後食嘅一餐飯，就係佢老竇同我講話上『我覺得我嘅生活，唔需要有佢老婆仔女囉，有我同你兩個人咪夠囉。』嘩，我聽完之後覺得佢黐線㗎呢個人。」
Dickson：「佢直程係表白㗎喇喎。係呀。」
東方昇：「我想問吓Charlie同叻叻啦。如果係你去到呢個情況你會點樣解決呢個問題呢？」
charlie：「第一樣嘢，我一定唔會上契嘅。即係覺得上契呢啲嘢，就好似呢係某一方面呢好想向另外某一方攞着數。我阿媽就係個好例子啦。我有個女仔就無啦啦背住我，同我阿媽上咗契啦。跟住以我所知呢，嗰個契女就係咁問我阿媽攞着數。」
東方昇：「哦~」
charlie：「咁所以契呢個關係呢。」
東方昇：「對你感覺好差，你直程係姜濤嗰度戲《我阿媽有咗第二個》呀嘛。」
charlie：「真係有咗第二個。跟住我就質疑我阿媽啦。你做咩要想第二個契女啫？咁有我咪得囉。『契女同親生女係唔同嘅咁樣』。」
Dickson：「所以你就唔相信佢爸爸係成雙純粹上契佢咁簡單。」
charlie：「呢個情況，一定係個契老竇想攞着數啊。真係唔好亂咁契呀。」
叻叻：「我會同我個ex傾咗先嘅，要話俾佢聽個嚴重性係去到邊度囉。即係如果覺得係OK嘅話，我就會同埋佢媽咪講囉。講返話返比佢哋聽佢老竇傾呢件事。」
東方昇：「即使佢有機會家破人亡，都唔理因為道理係你嗰度啊。」
Dickson：「梗係啦。」
東方昇：「咁晴晴你點樣解決呢個問題呢？」
晴晴：「到最後咪直接同個ex講話『喂唔得啦，我真係唔想再咁樣同你阿爸單獨食飯，佢有時會摸手摸聲』跟住我就再冇上過佢屋企，冇再同佢阿爸一齊單獨來往。」
東方昇：「啱呀。咁佢都冇搵你啦？佢有冇話上「做咩呢排唔搵我呀好掛住你啊』。」
晴晴：「佢又係咁搵我啦，跟住仲喺WhatsApp度鬧我啦。」
東方昇：「啱吓。」
晴晴：「鬧我唔孝順啦。」
東方昇：「啱唔孝順？黐線。」
晴晴：「其實佢阿爸都講過話『你遲啲真係出咗糧，記得都要俾家用我哋呀』咁樣囉。」
叻叻：「嘩佢係又食又拎喎。」
Dickson：「係囉佢唔單止出嚟摸手摸腳喎，佢諗住打埋荷包喎直程。」
charlie：「一個俾錢你嘅工人姐姐呀
Dickson：「係呀,係呀,係呀,啱啱啱。」

東方昇：「咁我想問吓Dickson，你覺得Uncle個腦袋出現咗咩問題呢？。」
Dickson：「平時睇得鹹片多啊！佢冇嘢做吖嘛。」
東方昇：「係AV情節！」
Dickson：「冇嘢做咪日日對住部電腦喺度『ererererer』囉。」
東方昇：「精蟲上路啊黐線。去到呢個地步呢，所有倫理冇晒。」
Dickson：「睇還睇呀嘛，你唔好當現實都係咁呀嘛。」
東方昇：「之後後尾你同過你個ex分手係咪都關於呢個關係啊？」
晴晴：「呢個都有少少嘅因為佢係咁叫我『唉你原諒我老竇啦』。」
東方昇：「吓！佢都好有問題喎。」
Dickson：「咁你個ex都好有問題喎。」
叻叻：「黐線。」
東方昇：「係咪夾定㗎佢？真係有問題喎，冇理由你個ex咁樣做㗎喎。」
晴晴：「咁我都覺得好失望嘅呢方面。佢唔係好識點樣陪人渡過難關。」
叻叻：「呢個唔係陪到個難關添囉，完全係唔會理你感受喎。」
Dickson：「呢個難關係佢成個family整俾你㗎嘛。」
叻叻：「係呀。」
東方昇：「所以你斷咗關係係完全正確嘅。」
叻叻：「係呀係呀係呀啱呀。」
走得好啊。」

東方昇：「離開呢個愛登士家庭，係完全正確啊。」
晴晴：「其實我都有啲地方我想警世一下嘅。第一頭先都有講嘅，就係要寫返啲界線呀嘛，千祈唔好為咗討好另一半嘅父母，越過分去滿足佢哋搞到冇咗自己囉。同埋就係如果要融入另一半嘅屋企呢，其實唔應該淨係靠我一個人㗎，我嘅另一半要去做一個調解角色㗎嘛。」
東方昇：「其實呢個唔單只只係同性戀嘅關係，普通異性戀都有呢個問題啊。你講得啱呀，其實唔係淨係另一半要努力，其實你自己都要努力令到嗰段關係合理呀。」
晴晴：「係呀，所以既然佢咁唔珍惜咁唔care你嘅付出嘅時候即係你要諗清楚呢個人係咪真係適合你囉。」
東方昇：「係呀，所以其實你都好清醒。」
晴晴：「係呀，同埋以前自己真係太蠢啦，所以我真係唔希望第二個人好似我咁蠢囉。」
東方昇：「哇，好啊，感謝你將呢個你自己嘅經歷同大家分享。教醒大家。呢個好用嘅呢個好有用啊。希望你搵到另一段幸福好冇。」
晴晴：「係已經搵到㗎喇。」
東方昇：「嘩正呀點呀。」
東方昇：「好啦，好啦，拜拜。」

叻叻：「好多時候呢都女仔都比較乖巧啦，咁所以當人哋會提出一啲要求嘅時候呢，佢哋多數都會say yes嘅係。但其實當遇到一啲唔恰當或者唔合理嘅要求呢，我覺得女仔一定要識得拒絕囉，一定要識say no。」
charlie：「同埋一啲位我覺得會set返個底線俾自己囉。譬如如果假設一個上司啦，跟住佢平時好錫我嘅，跟住佢無啦啦約我出街，我覺得怪怪地喎，咁唔妥呀嘛。咁我就要搵啲朋友仔啊，同事啊睇吓會唔會一齊可以解決到，或者陪我一齊去。」
東方昇：「所以要保護自己啊其實真係。」
Dickson：「但係我自己覺得最重要係咩呢，就係千祈唔好做啲鹹濕伯父。」
東方昇：「啱呀。」
Dickson：「喂有啲嘢其實你幻想，你咪由佢停留喺自己幻想入邊囉，做咩攞出嚟現實世界姐喺度flirt人哋。」
東方昇：「呢啲擺明就係精蟲上腦，影衰晒我哋啲男人啦。」
Dickson：「就係囉。」
東方昇：「影到啲男人全部都係咁嘅樣，我哋好正經㗎嘛。。」
Dickson：「我哋如果唔正經都唔會搞到今時今日咁啦。」
叻叻：「哈哈哈哈。」

東方昇：「好啦，咁大家有咩奇怪，疑難雜症嘅問題都可以同我哋分享。警醒下大家。」
東方昇：「好拜拜。」