美版「血滴子」，地獄火R9X精準狙擊，恐怖首腦無所遁形【TODAY 看世界｜小發明大革命】

大家好，我係鄒宗𨌺，歡迎收看<<小發明大革命>>

地獄火一直都係好神秘嘅存在，最早關於佢嘅資訊係來自華爾街日報2019年嘅報道，內容指出奧巴馬擔任總統期間嘅2013年曾經表明美軍喺戰區外嘅地點展開行動嘅時候要確保唔會有任何平民傷亡，就係呢個聲明推動美軍研發地獄火R9X，而家有越來越多嘅恐怖分子掌握左美軍嘅作戰原則，知道只要匿埋喺婦女或者兒童當中就可以避免受到美軍空襲，報道中就有前官員證實有咗地獄火就算恐怖分子匿埋喺百姓之中都可以精準攻擊目標，連「左右座」嘅問題都解決左可以指瞄準車上嘅乘客但唔會影響到司機。

講返今次美軍暗殺薩瓦里嘅行動，專家認為今次行動比較似係建立一個典範去證明美軍可以非常小心謹慎咁樣攻擊特定嘅目標而唔會傷到其他人，但亦都有人權團體擔心雖然美軍係今次嘅行動中無傷及無辜，地獄火睇嚟好安全但前提係事前嘅情報收集做得夠好，而且就算美軍決定要殺死某個人都唔代表咁樣做係合法嘅。

咁聽起來好可怕嘅地獄火係點樣嚟嘅呢？佢最早係1980年代設計嘅反坦克飛彈，係一款可以安裝喺車、船、直升機或者無人機等平台上嘅空對地飛彈。今次美軍暗殺薩瓦里就係將地獄火飛彈裝喺無人機上面透過遠距離遙控展開攻擊，代表美軍甚至可以留喺美國嘅控制室透過無人機嘅鏡頭同埋衛星傳輸訊號遙距即時監察。2001年911事件發生之後，地獄火成為美國喺海外反恐行動嘅主力，美國嘅軍方同情報單位喺過去20幾年呢就曾經喺伊拉克、 阿富汗、葉門等地嘅反恐任務當中用過呢一款飛彈，好似係2011年喺葉門暗殺蓋達組織嘅教士奧拉基、2015年喺敘利亞嘅IS聖戰士約翰、2019年喺葉門暗殺曾經喺2000年轟炸美軍驅逐艦「柯爾號」嘅巴達威、2020年初喺伊拉克首都巴格達解決咗伊朗革命衛隊「聖城部隊」指揮官蘇雷曼尼同埋上年喺敘利亞殺害蓋達組織嘅高階領導人都係用咗地獄火。美軍咁鍾意用地獄火係因為佢好準，只要你用雷射光鎖定目標飛彈就會沿着路徑精準擊中目標車輛或者建築物。咁有幾準呢？華府智庫「捍衛民主基金會」嘅分析師指出地獄火飛彈嘅破壞力可以摧毁大多數嘅攻擊目標，好似係汽車或者建築物，但唔會造成成條街或者嚴重嘅平民傷亡。

誤把平民當恐怖分子地獄火並非萬無一失

地獄火聽起嚟好犀利但並唔係萬無一失，上年8月29日美軍聲稱佢哋利用無人機喺阿富汗首都喀布爾殺死一名IS嘅恐怖分子，呢個時間點有重要意義，因為塔利班喺兩個星期前嘅8月15日先啱啱攻下喀布爾，所以原本呢個行動係想對外展現就算阿富汗淪陷，美軍都仲係有能力遠距離打擊恐怖組織，聲稱係一場正義嘅攻擊。美軍嘅講法係如果唔暗殺呢啲IS恐怖分子，難保佢哋唔會發動下一個恐怖襲擊。但係美國國防部喺三個星期之後坦承當日擊斃嘅人唔係恐怖分子，而係一名長期喺阿富汗從事人道救援工作準備帶一家9口開車逃離阿富汗嘅平民艾哈麥迪。根據美國國防部嘅講法，當時MQ -9死神無人機偵測到一格白色豐田轎車嘅行蹤好可疑，車上懷疑有炸彈，追蹤咗八個鐘之後決定用地獄火展開攻擊， 一家9口包括七名小朋友就係咁樣命喪黃泉。一位唔願意公開名嘅美國高官表示爆炸前夕咁岩有三個小朋友靠近呢架車因此亦都喪命，美國中央司令部喺聲明中強調地獄火飛彈命中目標之後發生咗重大嘅易幟爆炸，顯示車輛確實載有大量爆炸品，意思即係話佢哋無炸錯人。但係華盛頓郵報搵咗物理學家同炸彈專家分析美國釋出嘅影像亦都訪問左艾哈麥迪所屬嘅慈善機構，認為美軍所講嘅易幟爆炸應該只係汽油箱嘅汽油起火爆炸，最後美國國防部先承認佢哋確實犯下左悲劇性嘅錯誤。

化成「人肉果汁機」六刀片旋轉撕碎目標

有鑒於一年前嘅失誤，而家美國軍方喺執行反恐任務時就變得更加小心避免傷及無辜，唔可以造成平民死傷。今次媒體報道或專家分析暗殺薩瓦嚟嘅行動當中亦都將焦點擺喺呢度，美軍雖然無講明係用咗邊一款地獄火飛彈暗殺薩瓦里，但好多專家都聯想到俗稱「忍者炸彈」或者「飛天菜刀」嘅地獄火，或者可以叫美版血滴子，地獄火R9X係地獄火飛彈嘅升級版，最大嘅特色就係佢唔會引爆而係喺飛彈裏面裝咗六片刀片，當飛彈就到目標嘅時候呢六片刀片會展開成果汁機刀片咁旋轉獅隧飛彈路徑上嘅目標。地獄火R9X最出名嘅案例就係美國中情局喺2017年2月暗殺喺蓋達組織排行第二大嘅馬士禮，當時大家仲未知地獄火R9X嘅存在只係覺得案發現場太奇怪，車頂開咗一個不規則嘅窿，擋風玻璃雖然都爛咗但係塊玻璃無碎開晒同埋雨刷依然無事，完全睇唔出發生過爆炸。如果係以前見過嘅地獄火理論上成架車都應該炸到只係剩返溶溶爛爛嘅車殼，但後來先知道係地獄火R9X嘅威力。

美國由阿富汗撤軍之後，好多所謂嘅恐怖分子返返去首都喀布爾過住相當奢華嘅生活。今次遭到暗殺嘅薩瓦里亦都隱身喺塔利班領導階級住嘅高級社區裏面，咁係咪代表我哋喺近期內可以見到美軍利用地獄火R9X進行更多類似嘅暗殺行動呢？捍衛民主基金會資深研究員表示美軍可以攻擊嘅目標有好多，蓋達組織嘅繼任領導人可能都係近期搬到阿富汗，美軍永遠唔會缺目標，但問題係而家美軍已經撤離阿富汗，要追蹤目標並唔容易。一開頭提到暗殺嘅薩瓦里係賓拉登嘅接班人，美軍喺2011年暗殺賓拉登之後雖然聖戰分子誓言要幫賓拉登報仇，但至今亦冇引發好似當年911嘅事件。恐怖主義專家曾經撰文分析喺賓拉登死後呢個世界係唔係變得更安全，佢指出消滅恐怖組織嘅領導人既唔會影響恐怖組織發動攻擊嘅頻率，亦唔會造成恐怖組織崩潰或者瓦解，但的確有可能造成內部溝通同運作上出現問題，打擊恐怖組織嘅時器。不過節目最好我想問吓大家美國積極研發呢一類殺人武器，雖然話係剷除咗好多敵人，但係亦都有軍人出面指控政府利用無人機殺人太氾濫，造成一啲人備受良心責備，內心感到好痛苦。你又點睇呢啲為咗精準殺人而發明嘅武器呢？

「小發明大革命」我哋下星期六再見！