5/8《圍爐取戀》調教A0男友！新女主持Charlie登場！！

東方昇： 吓冇嘢聽㗎 ？

Kneta： 有嘅有嘅

Charlie： 有好多朋友啲嘢拎出嚟聽！

東方昇： 哦！好好好！ 喂咁今日我哋咁大個party啦，我哋好開心有日新大閘蟹食品專門店贊助我哋三個超好食嘅邊爐。喂等陣先吓， Kneta你使唔使戒口呀？你唔食得個喎？

Kneta： 唔會呀

叻叻： 我幫你食埋

Kneta： 等陣先！飯桌冇孕婦，我乜都食得㗎我話你聽！

東方昇： 唔係今日食得嘅 ？

Kneta： 梗係啦

東方昇： 咁就正啦喂！咁喺美食當前我哋就一路食就一路傾，就接電話啦！好黎，起筷起筷！

Kneta：Yeah

東方昇： 雯雯你好呀！ 喂我哋食緊嘢你唔介意呀嘛？我哋食緊三個邊爐啊！

雯雯：唔緊要

東方昇： 喂我想知道今日你係分享一個調校A0男朋友嘅故事喎下話？

雯雯： 唔可以講話調教嘅

東方昇： 咁謙虛呀你！點樣嘅講嚟聽吓先？

雯雯： 我識個男朋友嗰陣係19歲，每逢夜晚就會玩game一齊開着speaker打機嘅

東方昇： 咁你係打機就鍾意咗佢啦？

雯雯： 唔係唔係，絕對唔係

東方昇： 即係唔係嗰啲打機好鍾意嗰啲，我掩護你

Kneta： 咩老公老婆嗰啲

雯雯： 未鍾意嘅嗰陣，跟住呢其實我同佢係讀同一間大專，發現佢都係一個好幽默嘅男仔啦，開始相處落就唔知點解就鍾意咗佢啦。跟住係我追佢嘅

主持：嗯

東方昇： 點樣追呢你

雯雯： 去到平安夜嗰日啦，出到嚟啦，咁喂平安夜喎

東方昇： 係點呢？失身夜喎

Dickson：好強調喎你

雯雯： 繼續出嚟睇燈飾嘅啫純粹

東方昇： 咁我想問嗰時你就鍾意佢啦，你覺得佢係咪都鍾意你呢？

雯雯： 我覺得係嘅，因為我同佢之間嘅對話都好曖昧

東方昇： 例如呢例如呢？因為你話佢係A0呀嗎，佢可能唔知咩叫曖昧呀嘛

雯雯： 即係佢講嘢都好識氹人，佢send啲心心呀豬豬呀，即係以前好興嗰啲呢

Dickson：唔係，你有所不知啦！所有A0嘅文字功夫都係一流㗎 ！

叻叻： 即係你會立亂send啲心心俾人嘅

Dickson：我係WhatsApp嗰啲都係好犀利㗎

Kneta： 我都收過Dickson好多心心㗎

東方昇： 吓！ 你個仔係咪Dickson 㗎 ？

Kneta：IG嘅Like

東方昇： 咁我平安夜嗰度點呢

雯雯： 我仲要好自大咁啦，我同啲friend喺度啊今晚實出Pool啊，點知行行吓跟住佢就無啦啦彈咗一句就話：「不如我哋做返朋友算啦」。重點係我未表白！

東方昇：哦！ 嗰日約佢，你都未表白，佢已經知道你嘅意圖啦！

雯雯：係啦

東方昇： 呀嘛，呢個未出閘已經⋯⋯ 脫腳啦喎

雯雯：係，即係我嗰刻係崩潰咗咁㗎，我話我想返屋企呀！跟住呢嗰陣就好興啲妹妹仔就問你：背叛買花送俾你女朋友呀？仲要講呢啲嘢喎！！

東方昇： 即係有個㗎兩走出嚟！

雯雯： 佢嗰陣又覺得尷尬佢又真係俾錢買咗

Dickson：佢拒絕得你，點解佢唔拒絕埋嗰個人？

Kneta：係囉，哈哈哈

東方昇：佢買咗個花之後送咗比你嘅？

雯雯： 係啦我拎咗嘅， 我見到垃圾桶我一野掉咗落去

主持：嘩

叻叻：好絕情呀

Kneta： 嗰吓佢有咩反應呀

雯雯： 佢驚咗嘅，之後我個樣又黑晒咁，我就喊住口即刻打俾我個friend「嗚嗚嗚」

東方昇： 嘩你呢一日個情緒波動都幾高喎

雯雯： 最重要係聖誕節我哋一早約咗成班friend開party，但係有佢喺度。咁照去啦，跟住佢嗰晚飲咗好多酒，咁就醉咗啦，喊晒口：「嗚～其實我好鍾意你㗎 ！」真係講咗20幾次呢句嘢

東方昇： 係咪飲醉酒不斷重複嗰啲呀？「聽過講，我其實鍾意你呀！」 咁你就⋯⋯

Dickson： 咁你點應承呀 ？

東方昇： 你點應承㗎，係囉

雯雯： 我已經唔記得我確實講咗啲乜嘢但我記得係

東方昇： 你就咀埋去啦， 除咗件衫嗰啲！嘿嘿嘿

Dickson： 我都話咗啅硬你㗎啦

主持：哈哈哈

東方昇： 係咪咁先？

雯雯： 冇咁激動

東方昇： 有冇錫先嗰日

雯雯：Errrrrr

東方昇： 有啊！你一個心情嘅擁吻啦

叻叻： 法式濕吻

雯雯： 係啦，咁我時候有問返佢，因為A0嘅心態呢，我自己都經歷過嘅，即係希望自己嘅初戀係自己嘅理想型都係，但係我可能外表上或者性格上我唔係佢嘅理想型，但係奈何我又鍾意嗰個女仔喎，即係會內心有果種掙扎囉

東方昇： 究竟好唔好保留返初衷呢？我個初衷係鍾意靚仔或者靚女。Dickson有冇咁呢？

Dickson：我唔會㗎，我有我就（點頭＝lur飯應）

東方昇： 即係有就去嘅

Dickson：係呀

東方昇： 你哋啲女仔呢？

Kneta： 我唔係㗎，我好隨心㗎，因為我覺得呢啲所謂嘅準則啦，我下秒都可以變，總之啱就OK啦

叻叻： 同埋我係覺得尤其如果A0嘅時候係更加唔會知自己想要啲乜嘢囉，所以我唔會定一啲Standard喺度囉

Charlie：應該鍾意咗邊個，嗰個人就係佢完美嘅準則啦！

東方昇： 哦，咁你個男朋友佢expect女朋友係點樣㗎呢

雯雯： 係高嘅，頭髮長長，白嘅，個樣斯斯文文

東方昇： 係，咁你本身呢？

雯雯： 我係矮嘅，短頭髮，多嘢講

東方昇： 佢男朋友呢本來就係expect就係叻叻咁嘅樣，點知出到嚟就 charlie咁嘅樣

Kneta：喂呀～ 唔好咁衰啦

東方昇： 所以第一日就reject咗你，但係諗諗吓， 唉，Charlie都幾好呀，都OK呀

Charlie：性格好

東方昇： 因為夠開朗

雯雯： 同埋佢話嗰刻唔知原來講嗰句嘢會令到個女仔係可以咁傷心，佢話唔想再見到一個女仔咁傷心

Kneta： 唔係好識講嘢啊 聽得出佢男朋友

東方昇： 係呀呢個講法都唔知點樣

Kneta： 都好差喎

東方昇： 即係點樣可憐呀雯雯呀？其實又唔係，根本佢自己都鍾意你嘅。咁你就以為自己執到件寶啦，但係其實A0嚟㗎嘛，咁你點樣慢慢調教佢呢，佢有咩缺點先A0

雯雯： 乜嘢都要講出嚟囉，即係你唔可以收埋囉，但係我一個唔係好想我都要講到明嘅，我相信其實好多男仔呢，拍過幾次拖之後都會留意到一啲細節，例如同我一齊行嘅，咁你一定會等我慢慢行啦，或者係有好多時候都係想個男仔企係自己身邊嘅，但係佢好似冇諗過咁樣囉

東方昇： Dickson平時行嗰時等唔等你哋㗎 ？

Kneta：佢等㗎

Dickson： 大肚婆呀嘛

Kneta：大肚婆先可憐我

Dickson： 因為我已經超越咗嗰個階段啦嘛，我知道唔敢做追唔到女仔呀，所以我全部都咁做㗎

東方昇： A0仲有啲乜嘢唔好呢

雯雯： 多數一開頭佢就話：「都唔知你嬲咩！」「你想點啊」咁樣囉。然後我就要打晒成篇文「你應該第一時間講對唔住先囉！」「唔係同我喺度講道理囉！」mudmudmud

東方昇： A0得好好調校，因為佢冇咗先入為主啊，即係如果你教佢嗰套呢，佢就咁樣學㗎啦，你可以瘋狂洗佢腦呀

Kneta： 蹂躪佢

東方昇： 係呀！

Charlie：邪教嚟㗎喎呢個

Dickson：係呀，你先係專家嗎

雯雯： 冇呀其實我覺得最緊要係有耐性，同埋另外嗰個人想。㗎嘛，又唔會話得我教佢，或者我命令佢做啲咩嘢，咁我覺得一段關係大家一齊進步，大家一齊成長㗎嘛。可能有啲位佢做得唔好嘅，真係要主動講囉，但係唔係好多女仔係鍾意好似狗仔咁樣，乜都要講到明㗎嘛

東方昇： 係呀係呀！

Dickson： 其實你啱啱話佢有啲位做得唔好，其實佢有啲咩位做得唔好呢？

雯雯：可能有陣時佢講嘢有啲串囉

東方昇： 佢串你咩呢

雯雯： 譬如人哋唔開心嘅，咁我就會同人哋講：「你唔好唔開心啦！」佢會一句答埋你就話：「你講呢個有咩用？」「講完我會開心咩？」

Dickson： 佢停留咗係一個哲學嘅世界（過於理性）

東方昇： 嘩佢都幾串喎！ 咁你點樣同佢講返呢？

雯雯： 我話都係講下啫，嗰個人都係咁樣安慰人。佢話：「咁我以後唔講囉」「你咁唔鍾意聽」（直接還擊！ ）

東方昇： 你個調教方法你係串番佢喎

Kneta： 呢個情趣嚟嘅

雯雯： 但我通常嬲嗰陣會唔出聲囉，唔聽佢電話

東方昇： 咁佢就會氹番你㗎喇？

雯雯： 係呀

東方昇： 所以呢啲咪就係調教左囉， 正常男仔邊會咁樣㗎

Kneta： 唔聽咪唔好聽囉

Charlie：可能佢真係要冷靜下喎

東方昇： 咪鬥長命囉，冷戰囉。 所以你已經調教左㗎喇你暗中

雯雯：係咩

東方昇： 梗係啦我聽到啦，我哋以為A0嘅缺點就係乜都唔識，好似阿媽咁教啦，其實呢個都係好處嚟㗎，就係佢乜都唔識，你就可以灌輸佢
叻叻：好似張白紙咁

東方昇： 係呀你點樣寫就係點樣啦

Dickson：黎呀Come on baby

東方昇：係呀！ 喂好啦喂，聽你講咁多開心野，我要挑戰下你啦。你拍咗七年拖下嘛？

雯雯：嗯

東方昇： 驚唔驚先？ A0係一個咩呢，就係佢一出世就係食呢個魚煲，但係佢見到隔離有個雞煲就：「正喎！」

Dickson： 花膠咁樣喎

東方昇： 其實佢會心癢癢想試其他嘢㗎喎

雯雯： 其實我自己都有諗啲人咪話會有七年之癢

東方昇：係呀

雯雯：仲要佢係一個A0，即係佢根本冇接觸過誘惑嘅

東方昇： 係呀，未食過其他嘢啊。 即使嗰個未必好食，但係佢都想試㗎嘛其實

雯雯： 其實所有女仔都會有呢個憂慮，如果喺個情況底下，但係我覺得你冇得咁樣諗得咁多，我同佢一齊咁耐就係因為我相信佢係一個點嘅人，我先同佢一齊咁耐囉，即係我冇得改變話原來佢係會選擇揀同第二個女仔一齊，但係我相信我呢一刻，我同呢個男仔一齊佢係唔係咁嘅人

（頓時充滿正能量）

Kneta： 信任度好高呀

Dickson： 感到愛的正能量

東方昇： 今日有冇一次係瀕危分手邊緣㗎呢

雯雯： 有冇話分手邊緣，反而係我哋有一下會傾，好似大家冇一個目標想去完成咁樣囉度

Dickson： 通常啲人逼婚嘅

東方昇： 係囉係囉
雯雯： 啲人話結婚多咗份責任，但係我覺得你男女朋友關係都要有嗰份責任㗎，唔係話你只係情侶關係你就唔需要負責任

Dickson： 我感覺到自己俾人教緊

東方昇： Dickson受教嘛？

Dickon：係

叻叻： 佢喺度係咁噏頭啊

東方昇： 所以你男朋友點解咁聽你講，其實因為你講嘅道理係啱，同埋講得好好聽

叻叻：好soft

東方昇： 好呀多謝你分享一個咁開心嘅故事啦，可以歡送呀Kneta

Kneta：係呀，yeah

東方昇： 走都走得瞑目啦下嘛

Kneta：係呀

雯雯：Kneta 好好照顧自己同個BB呀

Kneta： 多謝多謝多謝！大家都要！

東方昇：好！ 拜拜

Dickson： 咁呢我發覺呢大家呢好似好嫌棄同我哋呢啲A0拍拖咁呀

東方昇：嫌棄你呀

Kneta： 我冇嘅我冇嘅！

Dickson： 但係呢雖然呢我哋睇落去呢就好似話冇乜經驗啊，或者咩都要問啦，又好似咩都唔識咁樣，但係我哋有樣嘢係大家冇嘅，就係嗰種對第一次嘅熱誠

東方昇： 咩意思呢

Kneta： 第一次嘅熱誠啊，明㗎啦！

Dickson： 你哋諗咩呀，嗱我打個比喻，即係啱啱畢業第一次返工嗰啲呀，佢係樣樣野都問，驚自己做得唔夠好啊，幾正㗎

Kneta： 明啊，即係你想同大家講，你有幾好

Dickson： 唔係！係sell緊所有A0嘅人好！

東方昇： 好啦下次見