31/7《圍爐取戀》送到埋口都唔食？

眾人: 大家好呀
導演：今日開始之前呢，就想問下兩位女仔，有冇追男仔嘅經歷呢?
D: 做咩咁樣笑法，做咩笑呀
S: 做咩淫笑兩下
K: 我唔想認有嘅，因為呢我係扮晒嘢等佢追我，但其實係我主動嘅
S: 哦！啫係勾引佢
K: 係啦！喂 你唔好咁難聽。
D: 點呢點呢
K: 總之令到佢嘅生活無時無刻都有我囉，即係譬如佢有夾band，有去教會
要係個啲時間到跟埋去。
N: 借啲意
K: 係啦！你中意夾band我都中意喎
S: 你犧牲好大喎你去教會喎
K: 係吖
S: 啫係點樣無啦啦會返教會呢
K: 我話「咦?你哋有返教會呀?」
S: 我想接觸下神呀
K: 係呀係呀
N: 最後尾得唔得手呀?
K: 得手得手
S: 哦~跟住令到佢追返你轉頭
K: 係呀
D: 那我呢個時候開始「PG家長指引」，啫係佢哋呢個方法呢，唔係一定work嫁。啫係只要嗰個人佢唔係中意你，佢會覺得好討厭你成日出現
K: 係咪會覺得好變態呀
D: 咪就係囉老是常出現
S: 咁你點樣令到佢追返你呢?
D: Er……佢冇追番我
眾人: 哈哈哈
S: 令唔到呀！咁好呀喂！今日係點呀? 今日都係相同嘅
導演：無錯 今日都係一個女追男嘅故事
S: 因為依家個男女比例係女仔多好好多
N: 係呀係呀
S:啫係以前可能係平衡呢，咁就唔使啦，男追女，唔使爭。依家女仔要爭男仔，所以呢個情況我覺得係愈來愈常見嘅。好!聽吓先
S: Polly你好
P: Hello
S: 喂你係咪追男仔呀?
P: 係呀
S: 係點樣㗎，可唔可以講呢聽吓先?
P: 咁我同佢呢係同事呢嘅，因為佢新入呢，所以佢唔知我有男朋友嘅
佢對我好似係一見鍾情，之後就開始flirt
S: 欸!點樣flirt你呀
S: 例如有次係，有小小想暈，跟住佢係keep住買早餐俾我囉
S: 哦~ 呢招好work㗎喎
N: 維持咗幾耐先?
P: 都有大概一個月左右，但係後尾因為佢問我攞咗IG。咁我IG係有我同我男朋友啲合照，所以佢就知道咗我有男朋友，就縮咗沙囉
S: 啫係日日買早餐俾你，但係你都唔同佢講你有男朋友
P: 係
S: 如果你日日對個女仔好，跟住原來佢有男朋友喎
D: 我會好晴天霹靂囉
S: 欸 但我問一問我哋兩個女仔先。咁如果又係有個男仔買早餐俾你啦，你就算有男朋友，會唔會主動同佢講先呢?
N: 我會俾番錢佢囉
S: 係呀係呀
N: 真係當順路囉，其實我多數係會主動講一聲先嘅，話我有男朋友咁樣囉
S: 咁Polly咁你有冇俾番錢佢呀
P: 無
眾人: 哈哈哈~ 哈哈哈!
S: 呀~ 咁你對佢有冇意思先?
P: 有呀，因為其實我好心動。因為佢對我一見鍾情喎，我都有有小小囉
S: 喔~都有啲feel嘅
P: 啫係如果佢進取小小嘅話，我應該會同佢一齊㗎
S: 但係咁…咁你又俾個IG佢?
P: 因為唔想好似瞞住咗佢咁樣，但係我又唔想好直接咁講「我有男朋友」。
咁萬一佢對我無意思，純粹就係佢個人好好，咁我好尷尬㗎嘛
眾人: 哦~
D: 咁嗰個男仔好正嘅?
P: 因為其實佢個人好funny嘅，佢一忙嘅時候呢，就會無啦啦爆啲好好笑嘅嘢出嚟囉
S: 哦~
D: 啫係幽默感原來好重要
P: 係呀係呀。之後佢就無做類似flirt我嘅行為啦
S: 咁你都無…………主動撩吓佢嘅?
P: 冇呀 因為我覺得唔係幾好咁樣
S: 你都幾守婦道
眾人: 啱嘅啱嘅
S: 跟住呢
P: 啫係前兩個月啦，咁我同我前男友散咗，跟住咁佢又咁啱喺我story嗰度留咗言啦! 跟住我哋又開始傾返計
S: 都唔係咁啱㗎啦，
K: 佢捕住
N: 突登Po嗰啲咩:「呀!我一個人真係好寂寞呀!」
S: 佢知你分手㗎嘛。佢問我，啫係話咩:「你最近同你男朋友點呀?」咁樣。
跟住我先講話:「我冇男朋友呀依家」
眾人: 哦~
S: 咁佢隻眼「叮」一聲啦，就發展攻勢喇
P: 係。跟住然之後就繼續曖昧返啦，我哋依家keep住曖昧咗兩個月嘅
S: 欸!嗱咁呢刻你又冇男朋友啦，咁你同佢互flirt㗎嘛。你又點flirt佢呢?
P: 啫係講起有少少尷尬嘅，因為其實呢，講嗰啲嘢有少少暗示嘅。例如有一次我哋兩個食完飯，咁其實我仲有下場去酒吧嘅，咁我就「哎呀~不如我送你返屋企?」跟住我送咗佢返屋企之後，跟住我同佢講: 「其實我本身諗住去你屋企借個廁所嘅，因為我唔係幾想去酒吧廁所」
之後佢就話: 「吓!我驚你上咗嚟，去唔到酒吧喎~」
S: 哦~哇! 發展到…………講到好出面喎其實
P: 係囉!就係咁樣囉! 俾咗好大嘅強心針俾我㗎嘛。咁我就有一次啦，好唔知死同佢講話: 「我今晚屋企冇人呀，你要唔要過嚟呀?」
眾人: 喔!!
S: 呢個仲大喎
K: 枝針大碌過佢呀!
S: 中門大開喎! 佢要lur飯應啦吓話
P: 唔係囉! 跟住佢拒絕咗。佢話: 「好攰呀...唔嚟喇...」
S: 吓!!! 竟然咁樣? 喂如果有個女仔咁樣同我講，幾攰我擔完泥呀，打完椿，
トトトトト，我都上去啦！
K: 要再打多輪㗎喎，哈哈哈 一陣去，呢個時間上去
S: 但係佢竟然reject呀，點解呢??
P: 係呀，其實我都摸唔透點解，啫係個女仔咁主動，都開埋口囉，都可以拒絕囉…咁我就問咗佢話：「點解自動送上門嘅都唔要?」
S: 你咁樣問佢!!??
P: 係呀
眾人: 哇!!!
D: 咁你咪送上門，再送上門
S: 咪係囉
K: 好cute呀Polly真係
P: 因為其實我嗰吓我係覺得有少少惱羞，因為覺得點解嘅? 吓?
S: 哦~啫係你都function唔到，唔係!個故事唔係咁樣發展㗎!
K: 啫係咩事呀你? 我上嚟你都唔要!
S: 咁佢點答你呢?
P: 後尾係冇覆到嘅，啫係即時冇覆到啦
S: 哇!佢係憑實力單身喎呢啲
K: 唔係㗎，冇人知佢單身㗎! 你係咪肯定佢冇女朋友先?
P: 冇呀 一定冇，因為我哋同一間公司，我淨係成日見到佢OT OT 同埋OT囉
S: 但係你見啫，佢有冇同你講話佢冇另一半呀?
P: 有呀有呀
S: 哦~有firm嘅
P: 隔咗一段時間之後，佢有講話，其實自己真係好攰嗰日，跟住肚屙嗰啲。
K: 啫係佢驚做做吓運動瀨屎
S: 噴屎
眾人: 哈哈哈
S: 咁你有冇等到一日，佢唔攰跟住再問佢呢?
P: 自此之後 佢好似避我咁樣囉
D: 咁搞笑?
S: 吓?點解呢?
P: 係呀
S: 有冇啲咩例子證明佢係避你呢?
P: 我會同佢話: 「不如一齊食lunch宵夜嗰啲?」佢話:「呀~唔喇唔喇~你去啦,未搞掂啲嘢」
D: 哇! 哇呢個好明顯喎
S: 轉得好勁喎
N: 咦?會唔會有其他女仔出現咗
S: Nat Nat講嘅有可能㗎，啫係我請你食buffet。喂嗰到有Omakase喎大佬
係，咁咪食Omakase唔食buffet囉，啫係有個咁嘅機會㗎
P: 真係唔知囉，但係我覺得難
S: 咁你有冇再問佢，點解我哋呢排疏遠咗嘅?
P: 都有嘅。但係尋日，佢無啦啦問我有咩目標囉。因為我其實想去英國嘅
跟住佢話:「但係我係想留喺香港，我想等我自己嘅收成期囉」
S: 咦佢咁樣講得，而佢咁樣答呢，其實佢係有諗過同你一齊㗎喎
D: 啫係試探大家嘅價值觀一唔一樣吖嘛
P: 但其實我都係摸唔透，點解我嗰陣話屋企冇人，佢都唔上嚟囉
S: 我反而會咁樣諗，佢追你嗰時呢，佢覺得你比較…正經，所以咪一路都追你囉。跟住後尾聽到你，又無端端話去酒吧，跟住呢又咁樣送上門，佢會唔會覺得原來你咁…wild嘅
P: 太主動
S: 係喇! 跟住佢覺得我唔適合呢啲咁嘅女仔喎，所以疏遠你呢?
P: 可能㗎我都覺得
S: 係呀
K: 嚇親佢呀
S: 哎呀，有時女仔就係太急進。欸~我想問一個問題喇，咁你哋互flit期間
有冇講 鹹濕嘢呢?
P: 哦有一次呢啫係，我見到m巾買一送一啦! 咁我就係咁買，之後呢就同佢講: 「喂,睇吓我買咗好多m巾呀」跟住佢就話：「喔~唔係買嗰樣嘢買一送一就得啦」
S: 哇 咁呢個奇怪，因為呢如果佢平時唔同你講鹹濕嘢，佢無啦啦咁樣做呢
就梗係覺得，正經女仔無啦啦咦咁放蕩嘅。但其實講開喎，女仔點睇呢?
K: 嗱 因為呢我嘅性格就比較乜都講，我想講我老公其實未一齊嗰陣呢
做friend，佢都係會同我講呢啲鹹濕嘢，但未去到好過份。但原來一齊咗之後，佢係一個好保守嘅人囉。社會嘅閱歷呀
S: 哎呀同我一樣呀我成日講呢，我本身都好保守㗎
K: 唔係㗎
S: 係呀係呀
K: 唔係㗎
S: 咁除咗口講之外呢，有冇動作，有冇借啲意掂吓佢咁樣呢
P: 唔掂我嘅。但係有一次就係佢俾公司個水壺辣親啦，跟住然之後我拎起佢隻手睇，佢縮囉
N: 其實佢可能，佢真係本身一個怕醜嘅人，同埋佢係一個正經嘅人囉
S: 所以哎呀你計錯數呀，你咁樣就急進咗呀
P: 係呀
S: 往事就冇得返轉頭啦，咁你依家都仲想同佢一齊㗎嘛
P: 係呀
S: 即使你諗住去英國，佢唔諗住去，咁你都想…開心幾耐得幾耐啦
N: 定係你會為咗佢留喺香港?
P: 呢個都有諗過呢一個
S: 喂你要講俾佢聽喎如果係嘅話，係你嗰邊方面講得咁白，但愛方面你就…
難以啟齒，其實你反轉咗喎你。你係咪覺得仲難開口過叫佢上去屋企，呀 啲女仔咁奇怪嘅
K: 唔係，可能Polly個plan係上完屋企，之後瞓喺佢側邊講呢啲嘅
S: 哦~~~啫係我哋梗係想幫你追返佢啦，我覺得你要少表達性暗示，你要多啲表達你對佢嘅愛意
P: 嗯…
S: 難唔難呀對你嚟講
P: 啫係係咁同佢講，我愛你呀好愛你
N: 欸 我就覺得唔係要講話有幾愛呢個人囉，係要俾一個男仔覺得你同佢
心入面有共同嘅價值同埋一個目標，即係我覺得呢個男仔，佢既然問得你會唔會留喺香港，或者將來嘅發展，其實佢係好睇重一個計劃嘅一個人啦。如果你俾佢知道，呀 其實我可以為咗你留喺香港又得，或者同你一齊共同完成一啲目標嘅話呢，佢就對你嘅未來好有憧憬囉
S: 所以可能你要借啲意，同佢講返呢個話題，「呀 其實呢我都諗過，如果……我係諗住去英國，但係如果有一個我鍾意嘅人呢，我係會為佢留低」
你要咁樣渗少少呢個concept比佢
P: 嗯
S: 好 呀Kneta仲有啲咩招數呢?
K: 我教你心機啲嗰方面
S: 喂 係係係
K: 因為佢係一個比較正直吖嘛，之後佢又事業心重啲嘅人
S: 係
K: 咁咪扮到同佢係同一type嘅人囉~啫係佢做嘢做到好晏，咁你咪又做嘢做到好晏囉。咁之後就: 「唉~好攰呀!我覺得好忙呀近排呢啲公司啲嘢真係好大壓力呀! 」
D:我鍾意你嗰幾下撥頭
Ｋ： 係係係要咁樣㗎，「你平時係點樣樣紓解壓力㗎?」啫係大家就會close咗喎好似。大家「呀!我都好辛苦喎!」我不如帶你去一齊放鬆吓啦，啫係我哋食個嘢。「咁哦好吖」「咁等我做埋啲嘢先~你等我一陣~」
眾人: 哈哈
Ｋ：仲要繼續扮勤力! 「等多我一陣囉」嗰啲。唔係話你要扮係呢種人，但係佢既然係，咁care呢方面嘅嘢，不妨放大自己呢啲所謂嘅優點啦
Ｄ: 啫係大家同一條船一齊撐!
K: 係喇係喇係喇!
S: 喂你做唔做到呀?
P: Er OK嘅 哈哈
S: 係呀呢個係work，同埋多啲欣賞佢工作表現嘅嘢，咁佢會覺得自己有人欣賞我嘅努力呀，畀人認同
S: 嗱 我比多個意見你，因為你已經衰咗喇，你唔好俾佢覺得你係一個咁隨便嘅女仔。可能你平時放咗工，你去酒吧嗰啲呢，盡量唔好俾佢知道
K: 其實係將佢覺得你係一個開放女仔，調轉係一個直接嘅女仔
S: 喂要咁樣喎
P: 嗯…
S: 有無難度呀?
P: 都無嘅! 同佢一齊OT囉
S: 哦~
K: 啫係盡量留喺佢身邊多啲，之後就唔好好似搞佢咁樣
S: 係呀係呀，忍住忍住，忍住hold住呀!
K: 好似我當初去教會咁咋嘛! 我又無搞佢呀! 大家一齊唱歌咋嘛! 有咩問題啫而家?
S: 係咪之前啲仔你都係咁樣追返嚟㗎?
P: Er唔係呀
S: 其實你都被追，唔係咁嘅，你今次因為真係鍾意佢就用錯方法，轉吓招應該得嘅! 唔好放棄佢，我都覺得你真係鍾意佢嘅，等你好消息!
P: 好呀好呀!
S: 好 拜拜!
眾人: 拜拜~

S: 咁我頭先分析返呀Polly嘅情況呢，我覺得好多時男仔係鍾意主動，咁當如果個女仔無啦啦咁主動，男仔會反而會避一避嘅，我覺得係有呢個情況。可能都解釋到點解好似呀Kneta咁講，其實你主動但係要扮返被動
K: 所以成功咗囉，但係我哋女仔呢係一定要個男仔主動啲囉我覺得，唔夠主動我就會覺得: 「咦 你都唔係好鍾意我啦，咁唔好一齊啦」咁樣囉
S: 所以其實溝個關係要猜吓猜吓，男仔要主動啲釣魚咁樣，我要主動啲勾引到你，跟住你又主動返，跟住你一退呢，我就要-chok咁樣chok住喇，咁樣就
K: 之後就chok上去咁樣
S: 係呀要咁樣先搞得掂㗎，所以大家學嘢學嘢學嘢。好呀好呀
眾人: 拜拜!! 下次見!