【#點解問點解】成碟青瓜過大海！香港曾經有機會有過海電車！？｜九龍原來有過電車！？｜揭開香港電車發展辛酸史｜點解乘電車可以跨過大海？— Google Map 不會告訴你的事 EPISODE NO.10

小雲：你哋呢有冇聽過張敬軒嘅櫻花樹下？

路人：有

小雲：入邊有嘅歌詞係：「如有天置地門外，乘電車跨過大海」，你覺得呢句歌詞係乜嘢意思？

路人：關於一啲港式嘅感情關係囉。

路人：同戀人一齊行嗰段路。

路人：下世再見。

路人：我覺得係好奇怪，呢句歌詞，我都唔知點去理解好。

路人：天馬行空嘅嘢因為電車本來唔係過海嚟㗎嘛佢淨係喺講到嗰邊。

路人：我淨係諗到成碟青瓜個大

路人：我聽到嘅版本係成碟青瓜過大海

路人：呢句會令我諗起成碟青瓜過大海

路人：我淨係知道，嗰時IG有啲人話，呢句佢呢句歌詞好似變到成碟青瓜過過大海

小雲：如果我同你講，呢個係關於一個香港嘅歷史嘅話，你又估唔估到係啲咩嚟？

路人：唔知，估唔到，no idea

路人：電車嘅嘢？

小雲：唔同嘅朋友都講咗啲好有趣嘅答案，不過想知點解電車可以跨過大海嘅話，我哋就要從電車呢種香港獨有嘅交通工具開始講起。

不如就趁今次機會，等我同大家一齊坐電車到置地門外，順便講吓電車嘅初期歷史。

香港電車，俗稱Ding Ding ，喺香港至開頭以來第三組出現嘅交通工具。僅次於之前我講過嘅係1888年啟用嘅山頂纜車，同埋喺1898年成立嘅天星小輪。

作為香港島地標嘅電車，佢嘅出現其實亦都係同另一個香港島地標，山頂纜車係有着莫大嘅關係嘅。

事緣就係1881年嗰陣，因為香港人口日益增加，馬車、人力車、同埋橋，呢啲古舊而且簡陋嘅交通工具，已經冇辦法應付到市民嘅需求。

有見及此，當時香港立法會嘅錢纏身，定例局入邊，唯一一位華人非官守議員伍廷芳周董二建立一個港島區電車系統，最後就獲得定例國通過，喺之後嗰年，當時嘅香港政府就頒布左《有軌電車事業條例》professional tramways ordinance，落實咗要起六條電車路線，其中一條路線就係來往山頂同中環嘅山頂纜車，而其餘嘅就係電車嘅五條路線。

你咁既然係同山頂纜車一齊落實，點解電車就會遲過山頂纜車26年先出現？就係因為一個情節。

事實上，係伍廷芳提議要起港島區電車系統之前，有一個商人早就覺得係要係呢個電車系統，而呢個人就係山頂酒店嘅創辦人亞歷山大．芬梨．史密夫A. F. Smith。

返嚟史密夫覺得當時啲人上山頂都比較麻煩，所以佢就諗會唔會可以搞一個講到纜車鐵路嘅計劃，可以係一條鐵路，將當時仲係中環嘅美利樓同山頂連埋一齊，咁就可以加快山頂地區嘅住宅項目發展。而佢後來亦都搵咗伍廷芳同埋當時嘅香港總商會主席Johnson，週五去傾呢個鐵路系列發展嘅計劃。

山頂纜車喺有軌電車事業條例落實咗三年之後嘅1885年就正式動工，去到1888年就已經正式投入服務，兒童山頂纜車唔同嘅係，其餘五條路線就遲遲都未有發展嘅消息。

原因就係因為當時嘅英國達官貴人，大多都係住喺太平山頂一帶，喺山頂纜車本身係有正常因素，但初期山頂纜車嘅營運狀況亦都唔係咁好，所以都令到其餘五條位於港島北嘅沿海電車系統無人問津。

一直去到1901年8月29日，當時嘅政府提出咗《有軌電車事業條例》嘅修正案，亦都頒布咗《1902年香港電車條例》，咁以及《纜車條例》，將電車路線圖山頂纜車分別獨立處理，同時鼓勵財團營辦港島北電車系統。

及後1902年2月7日，「香港電車電力有限公司」係英國倫敦成立，負責建造同營運香港電車系統，當年年底，「香港電力牽引有限公司」亦都接管左呢間公司，所以去到1903年開始，「香港電力牽引有限公司」開展左鋪路軌嘅工程。

最後去到1904年7月30日，香港電車就正式啟用啦，同而家唔同嘅係，一開始電車係單層單軌設計，而路線都只係由堅尼地城去到銅鑼灣。

喺之後慢慢發展，先變成我哋而家見到嘅雙層雙軌，由堅尼地城一直去到筲箕灣嘅電車路線系統。

小雲：就正如頭先咁講，電車一開始嘅規劃係以港島區為主，咁點解又會喺我哋頭先所講嘅喺置地廣場嘅搭電車過海嘅奇想呢？呢個就要講到1902年嘅一份報告啦。

喺1902年，時任船政司林士如常發表部門嘅年度報告，打開入面佢就睇到話佢認為香港島嘅人口太過稠密，呢個亦都係1894年鼠疫發生嘅主因。同時英國啱啱租借埋新界，如果要發展新界嘅話，佢認為政府就要將香港島同九龍連結埋一齊。

唔係淨係單單靠渡輪，而係一條貫通港九兩地嘅跨海大橋，呢條橋本身係愈大約1里長，即係大約1.6公里左右，係呀砵典乍街去到尖沙咀，然後直接駁落當時仲係叫羅便臣道嘅彌敦道。不過之後亦都因為林士嘅離任，呢件事亦都不了了之。

一直去到1921年，喺多神西部上面就刊登左一份計劃書，就係一個廣告跨海大橋嘅計劃，就係喺畢打街同尖沙咀火車站中間，一條全長大約5100尺嘅過海大橋，二橋面就會鋪上電車路軌比電車過海，到最後都因為成本問題，同埋匯集左成個維多利亞港嘅海事交通運作而擱置。

去到二戰結束之後，大橋貫通港九呢個概念都成日被提出來，但好快就比一個新嘅想法取代咗，而呢個諗法就係起海底隧道啦，係1948年嗰陣，英國著名建築師亞拔高比爵士，針對香港嘅城市規劃，發表左一份名為《初步規劃報告書》嘅報告，有被稱之為《亞拔高比報告》。

呢份報告書基本上講齊晒香港所有有需要嘅城市規劃，有房屋的交通，市區稻香覺，經濟發展甚至係長遠嘅政策經濟定方面，都有詳盡嘅分析同建議。

而係呢份報告書入邊，亞拔高比爵士除咗提出左「香港必須發展新市鎮」呢個影響香港未來50年發展嘅建議之外，佢亦都為維港兩岸嘅碼頭同配套進行左規劃。其中較為有前瞻性嘅諗法，就係喺尖沙咀同中環之間有一條過海隧道，因此，過咗隧道亦都擊敗左1961年維多利亞發展公司提出，興建維港跨海大橋嘅方案，成為咗香港政府解決呢個港九連接問題嘅最終方案。

而當初1921年講嘅跨海大橋提議上面提到嘅畢打街，係1981年嗰陣亦都多咗一座由多棟建築物拆卸合併而成嘅置地廣場，咁所以「如有天置地門外 乘電車跨過大海」請播放呢句歌詞嘅概念，好可能就係來自呢個維港跨海大橋嘅諗法啦。

小雲：雖然我哋都知道左點解過海電車起唔成，但唔知大家又有冇諗過，點解九龍呢邊有冇電車嘅呢？其實在香港島呢邊嘅電車系統未起好之前，九龍就已經有電車㗎啦，呢個就係我背後嘅嘢有關。

喺我身後嘅海港城，其實前身就係九龍倉碼頭，喺19世紀晚期至20世紀初期，九龍規模最大嘅碼頭。作為貨運碼頭為主嘅九龍倉碼頭，點樣可以輕鬆咁將啲貨物運上貨船？當然就係其中一個好重要嘅營運問題啦，有見及此，九倉就向政府提出起運輸用交通工具嘅要求。

喺1897年，政府就通過咗一條法例，授權九龍倉喺九龍區嘅部份道路上鋪電車路軌，但係呢條電車路軌就只可以比九倉用嚟運送貨物。不過呢個就開啟咗喺九龍起電車系統嘅先河。

及後係1904年，香港電車正式啟用咗之後，因為發展得唔錯，好快就上咗軌道。所以當時仲係叫做「香港電力牽引有限公司」嘅電車公司，就已經着手草擬喺九龍區開多一個電車系統，當時電車公司顧問工程師狄金森就曾經寫信比英國殖民地部，你唔建議喺九龍發展一個可以直達深圳嘅電車網絡。

不過其實早係1898年，喺租借新界嘅《拓展香港界址專條》簽訂之前，由香港上海匯豐銀行同怡和公司組成嘅中英銀公司，同中國鐵路總公司嘅新任督辦大臣盛宣懷就已經達成協議，中英銀公司取得特許權，興建一條由廣州到香港嘅鐵路。

不過喺1899年至1902年間，由於南非波耳戰爭同埋中國嘅義和團事件，影響到中英銀公司嘅財政，佢哋冇辦法籌集足夠嘅資金去興建鐵路。

另一方面，港府亦都認為鐵路係要起，因為呢條鐵路可以大大有利於中英嘅商業交流同發展，所以佢哋亦都同中英銀公司同埋英國殖民地部談判，最終去到1904年就搭乘協議，由香港政府負責融資，興建，同埋營運位於香港殖民地範圍內嘅鐵路路段，即係所謂嘅「英段」，而呢個英段就係以羅湖為終點。而呢個可能係狄金森嘅建議不獲接納嘅其中一個原因。

小雲：不過電車公司仍然都係冇放棄到，佢哋係1913年， 1914年同埋1916年，都在同英國殖民地部門申請興建九龍電車路線，不過仍然都係不被接納。

有傳一開始英國殖民地部係考慮到第一次世界大戰之後百業蕭條，香港市區進行重新規劃係首要工作，所以唔考慮興建電車系統，而去到1923年，政府又再需要發展九龍一帶，所以又提出喺九龍興建新電車路線。

同年10月4日，立法局通過咗撥款作前期興建費用，不過冇幾耐之後，政府又再否決左呢個事情嘅可能性，因為佢哋認為相比起電車來講， 巴士嘅服務更加有彈性，例如佢速度冇咁快，有冇咁嘈，同時亦都唔會限制咗道路使用嘅情況，唔需要好似電車咁樣要起條軌道先行得，再加上當時世界各大嘅大城市都開始淘汰電車，因此順理成章，政府又再擱置左喺九龍興建電車鐵路系統嘅計劃。

去到80年代，政府決定發展新界西北嘅新市鎮，屯門，天水圍，元朗等地區，並且打算興建電車作為新界西北新市鎮嘅主要交通工具。

係1982年，當時政府先搵咗電車公司大股東九倉洽談，九倉當時希望喺新界呢邊，建造一個同港島嘅雙層香港電車差唔多嘅電車鐵路系統，不過因為九倉冇辦法喺分帳問題，同埋易地營運協定同政府達成共識，佢哋就只能夠退出呢個項目。最終由九廣鐵路公司投得呢個項目，適合當區嘅輕盈鐵路系統，即係輕鐵啦。

二30年之後嘅2011年，政府提出啟德新發展區需要發展一個名為環保連接系統，即係啟德單軌鐵路計劃，香港電車有限公司亦都研究喺東九龍興建現代化嘅電車系統，及後喺2013年又再同政府提出建議方案或起電車系統，不過喺童年就好快被政府否決左。啟德單軌鐵路計劃亦都喺2020年擱置埋添。

小雲：經歷咗咁多次係嘅失敗，截至目前為止，電車都係依然過唔到海，我都係一種遺憾。不過作為香港嘅著名地標之一，電車對於香港人嚟講，除咗係一種交通工具之外，亦都係一個流動活化嘅化石，見證住香港呢一百年嘅發展歷史。

搭電車可以跨過大海呢一件事，填詞人嘅一句歌詞，其實好可能就係講述緊一個歷史故事，喺香港歷史入面嘅一段小段歷史。其實身處喺呢個城市之內，每件事情，每件物件，背後都可能係一個獨特嘅故事，希望大家都會繼續留意身邊嘅微小事物，了解佢哋背後嘅故事，同埋多多支持香港嘅廣東歌啦。

多謝大家。

主持：小雲
文案：米迦、阿芝
拍攝：峻爺、Mathew
剪接：峻爺
設計：分身
導演： mathew
監製：米迦