導遊一家離奇現身億萬豪宅 藥盒竟埋藏黑暗秘密？| 奇案調查 | 原子檔案 Mr. Atom

第2步: 扮作可憐
係一個夜晚，楊寅帶住鍾慶春去到夜市遊玩嘅時候，佢突然一臉哀傷咁講出自己嘅家庭背景，佢表示自己嚟自杭州嘅農村，父親早亡，母親就患上末期夜尿毒癥。另外，佢有兩個姐姐，佢哋非常愛錫佢，佢哋為咗養家同埋幫母親賺取醫藥費，將讀大學嘅機會留咗比佢。後嚟，佢成功考上咗北京財經貿易學院，主修旅遊管理，但係當佢未入學嘅時候，母親已經去世，佢忍住喪母嘅傷痛，發憤讀書，希望學有所成之後能夠改善姐姐嘅生活。係畢業之後，佢經過多年嘅努力，終於成為咗一名導遊，可惜佢始終未能夠賺到大錢，生活依然貧困。楊寅一邊分享自己嘅身世，一邊流淚滿面，鍾慶春覺得佢身世淒慘，所以佢希望能夠幫助對方改善目前嘅生活，於是係旅程完結嘅時候，就同楊寅交換咗聯絡方法。喺鍾慶春翻到新加坡之後，兩個人仍然保持聯絡，佢哋以書信來往。楊寅多次喺書信中關心鍾慶春嘅近況。

時間到咗2007年鍾慶春嘅丈夫去世，佢導致承繼二億嘅財產，但生活就開始變得枯燥。楊寅得知道呢件事之後，就打算乘虛而入，信件就變得越嚟越頻密，而且內容更加熱情，不時都會送上禮物，更加多次寫上曖昧嘅句子。例如佢曾經喺信中表示「我們的心已經緊貼在一起」。喺鍾慶春喪夫之後，每次收到佢嘅來信都能夠慰藉佢空虛嘅心靈。係對話間，鍾慶春曾經透露，希望對方能夠嚟新加坡陪佢。楊寅聽見佢呢番說話之後就打蛇隨棍上，計劃前往新加坡。喺2009年，楊寅隻身去到咗新加坡探望鍾慶春。知道咗對方嚟到之後，鍾慶春非常開心，佢諗到楊寅喺新加坡人生路不熟，加上想答謝楊寅千里迢迢咁嚟探訪，所以就邀請佢入住豪宅，但係佢冇諗到，佢呢番善意嘅邀請竟然令自己引狼入室。

第3步: 尊貴身份
楊寅終於得償所願，嚟到咗鍾慶春嘅豪宅之後，好快就俾眼前奢華寬敞嘅豪宅吸引，佢即刻萌生起將佢據為己有嘅想法，於是就展開一連串騙取對方歡心嘅計劃。起初佢對鍾慶春照顧有加，又經常同佢出去玩，甚至會攬攬錫錫。鍾慶春寂寞多時，終於有人陪伴，非常高興。而經過半個月嘅相處之後，楊寅已經深得佢嘅信任。眼見時機成熟，佢就聲稱希望喺新加坡開始舞蹈學院，想向鍾慶春借一筆錢。鍾慶春對佢冇一絲嘅懷疑。好快就答應佢嘅要求，但當初同鍾慶春一齊去北京旅行嘅張姓朋友，得知自己嘅朋友竟然借錢俾當初嗰個男導遊嘅時候，就勸佢要小心，提醒佢對方可能意圖不軌。但係鍾慶春就堅稱自己視佢為個孫，兩人之間存有親情。聽到對方嘅講法之後，朋友都無可奈何，只好希望楊寅唔好打朋友嘅壞主意。之後楊寅順利咁利用鍾慶春嘅錢開設咗一間舞蹈學院，佢亦成為咗學院嘅董事。但係楊寅一啲都唔滿足，好快佢就遇上一個機會，令佢以艱險嘅手段慢慢走入佢夢寐以求嘅上流社會。

第4步: 侵佔豪宅
一年之後，即係2010年，由於年紀大亦可能加上早前痛失丈夫嘅緣故，鍾慶春開始出現失智症狀，佢經常唔記得自己講過嘅說話、做過嘅嘢。奸詐嘅楊寅冇放過呢個機會，乘機俾佢簽署多份法律文件，當中更加包括一份遺囑，令洋人可以繼承佢嘅財產，但係就要等待對方過身之後先可以令發達夢成真。所以為咗即刻攞到對方所有財產，心急嘅洋人更加迫鍾慶春簽署一份授權書，承認楊寅係佢嘅法定監護人，能夠代佢處理醫療、福利等事宜，更重要嘅係，佢可以全權管理佢嘅財產。就係咁，楊寅就名正言順咁變賣佢嘅資產，例如佢屋企嘅古董、名畫、珠寶首飾等，逐步將對方嘅財產轉為自己名下。但要真正成為富豪，身份背景亦非常關鍵，於是，楊寅就編造自己係新加坡中華總商會理事嘅身份，佢以呢個職銜加上舞蹈學院董事一職，成功申請新加坡永久居住權。而事實上，洋人一直隱瞞自己喺中國已經成家立室嘅背景。

為咗分享「有錢就係任性」呢個喜悅，佢喺2011年更加肆無忌憚咁邀請自己喺中國嘅妻子同埋兩名仔女入住新加坡嘅豪宅，誇張程度十足2019年韓國電影《上流寄生族》嘅情節，結果楊寅得償所願，唔單止掌管咗鍾慶春嘅財產，更加令妻子同埋仔女都成為咗豪宅嘅主人。初時，鍾慶春問起新入住嘅人嘅身份，楊寅就謊稱佢哋係自己嘅朋友，鍾慶春竟然信以爲真，熱情咁招待佢哋。但係楊寅一家達成目標之後，就對鍾慶春嘅態度180度改變，唔單止對佢不瞅不睬，佢同妻子更加自稱豪宅嘅主人，對屋企嘅女傭呼呼喝喝。女傭對佢嘅行為極度不滿，不過佢地自知自己只係打工仔嘅身份，只好一直吞聲忍氣，但係楊寅冇諗到，呢啲佢唔放在眼內嘅女傭最終會成為佢事敗嘅關鍵原因之一。

撞破好事
時間嚟到咗2014年，楊寅已經將富婆鍾慶春大部分嘅財產轉歸佢所有。短短5年間，佢由一名普通嘅中國導遊，搖身一變成為身家過億嘅新加坡富豪，正當佢享受住上流人家生活嘅時候，一個突然出現嘅人物，衝破咗佢嘅好事。鍾慶春嘅外甥女莫翠玲，因為多年都冇見過姨姨，竟然係毫無通知之下到咗新加坡探佢，打算俾對方一個驚喜。但係當外甥女嚟到咗豪宅之後，就竟然發現入邊住咗幾個陌生人，於是佢就詢問楊寅嘅身份，但係面對呢個突如其來嘅尷尬局面，楊寅同埋佢嘅妻子只好支吾以對，冇辦法解釋佢嘅身份。就係呢個時候鍾慶春慢慢走到外甥女面前，一臉呆滯咁講「洋人係佢嘅孫」，但係外甥女又點會唔清楚對方有冇孫呢? 所以就懷疑佢被騙，於是佢就即刻帶鍾慶春嚟開，仲報警求助。好快，警方就到場拘捕洋人，外甥女亦帶住鍾慶春翻到豪宅，將楊寅，佢妻子，同埋佢哋嘅仔女趕走。雖然突然殺出一個程咬金，但係楊寅就認為自己能夠成功脫罪，仲可以繼續強用鍾慶春嘅財產，因為喺法律上，鍾慶春的確親自授權佢掌管財產。但係隨住警方深入嘅調查，楊寅嘅發達大計就開始崩塌。

玩弄感情
當外甥女得知道眼前呢個個陌生人竟然突然變咗自己長輩嘅監護人同埋遺產繼承人之後，佢就即刻告上法庭，要求取消佢監護人嘅身份。同時，外甥女發現鍾慶春原本存有總共1500萬港幣嘅銀行戶口，而家竟然整番5萬蚊港幣左右。更過分嘅係，鍾慶春名下嘅財產，除咗淨係居住緊嘅豪宅之外，全部都變曬楊寅嘅名下，有啲甚至已經賣咗。外甥女不憤姨姨嘅財產俾無恥之徒奪走，佢想要追究到底。冇幾耐，鍾慶春張姓嘅朋友就話畀警方知道，楊寅係全心玩弄鍾慶春嘅感情，仲經常刻意同對方攬攬錫錫。

之後，女傭都向警方透露楊寅嘅所作所為，佢哋都表示，楊寅啱啱入住豪宅嘅時候都表現得非常有禮，而且佢對鍾慶春非常友善，經常扶佢出入。但係當中慶昌出現失智癥之後，佢就變得同之前判若兩人，更加當自己係豪宅嘅主人咁，同妻子同埋仔女入住，一家大細用鍾慶春嘅錢吃喝玩樂。其中一個女傭更加揭露鍾慶春嘅失智癥咁耐都未好翻，可能同楊寅有關。女傭表示，鍾慶春患上失智癥之後，醫生就開咗藥比佢每日都服食，按醫生嘅說法，如果佢每日都準時服藥，病情就好快好轉。但係佢嘅病情就越嚟越嚴重，身體亦變得虛弱，一眾女傭都對呢件事覺得好奇怪，所以就多次建議佢去醫生覆診，不過楊寅就唔願意帶佢到醫院。而有一次女傭打算打電話俾醫生，請醫生上門診治，但楊寅就隨即打斷佢，更加指「老太太需要休養，唔適宜打擾」。而楊寅阻止醫生上門呢個情況唔單止出現咗一次，當時女傭已經察覺異樣，但系唔知點算好。更過分嘅係，有女傭曾經目睹楊寅將鍾氣春嘅藥物換成維他命。警方推斷，楊寅蓄意令鍾慶春嘅病情惡化，令佢繼續可以呃對方嘅財產。根據眾人嘅口供，警方逐漸識穿楊寅嘅陰謀，而同時，警方亦逐步揭發佢嘅虛構背景。

過街老鼠
當時，楊寅一直自稱係新加坡中華總商會理事，仲以呢個身份申請永久居住權。由於當時呢件事已經曝光，所以當警方調查楊寅的背景嘅時候，就接到新加坡中華總商會嘅報案，澄清對方唔係自己會嘅成員。除此之外，楊寅曾經宣稱自己係北京財經貿易學院讀書，但係新加坡警方就質疑呢間學校只係虛假嘅機構，同時我哋可以喺網上面見到呢間學校已經被人民日報列為「中國392間野雞大學嘅其中之一」，中國經濟網更加指唔好受到呢個機構嘅欺騙。另外，警方更加查出佢喺新加坡開始嘅舞蹈學院，發現多年嚟都冇任何嘅教學課程，只係一間空殼公司。當警方發現關於讓人嘅資料都係造假之後，警方就質疑佢所謂嘅悲慘身世，只係用嚟博取鍾慶春同情嘅大話。隨住楊寅身份背景、學歷同埋公司都被揭穿，新加坡嘅移民與關卡局都介入事件，準備撤消佢永久居住權。

面對證據確鑿嘅指控，楊寅冇辦法反駁，只好轉移視線咁指自己同鍾慶春嘅感情係真實嘅。佢喺審訊嘅過程入面攞出一張相，喺相入面，佢淨係細心咁為鍾慶春剪腳甲。另外佢更加出示三封佢親筆撰寫嘅家書，係家書入面，佢自稱為乖孫，親暱咁稱呼鍾慶春為奶奶。喺其中一封家書入邊，佢更加表示「兩人的心緊緊在一起，永不分離」。但係女傭好快就講出呢張相嘅真相，原來呢張相係楊寅接受調查之後，佢要求鍾慶春影嘅，而且調查人員證實咗由2010年開始，佢多次擅自提取鍾慶春嘅銀行存款。最終，楊寅冇辦法再否認自己嘅罪行，終於係2016年認罪。係另一方面，由於冇證據顯示楊寅嘅妻子參與丈夫嘅騙財計劃，所以就冇起訴佢，佢亦早係兩年之前，即系2014年，帶同仔女翻翻中國。不過，外甥女就已經向法庭申請凍結佢嘅資產，同時法庭亦撤銷咗舊有嘅遺囑，令楊寅一蚊都攞唔到。而根據新訂立嘅遺囑，鍾慶春將2億港元嘅房地產同埋銀行存款等捐俾慈善機構，部份就俾咗姐姐同埋張姓摯友，淨翻落嚟嘅部份就用作自己嘅生活費。

未能追回的巨款
時間到咗2017年，楊寅被控349項民事同刑事罪名，被判處總刑期11年兩個月。外甥女莫翠玲憤怒咁指責楊寅喺失智嘅老人上取得好處，佢認為以楊寅嘅罪行，唔應該只係入獄11年。佢亦都指出，佢嘅姨姨鍾慶春好慶幸對方終於離開。另外，雖然楊寅嘅妻子成功免於入獄，但係法庭仍然凍結佢喺新加坡嘅資產。不過外甥女就認為楊寅一家早就將財產移到中國，但係法庭冇批下全球資產禁令，所以外甥女對呢個判決表示失望，更加表示唔排除會上訴。現年48歲嘅楊寅已經入獄多年，由於佢認罪，加上係被判刑之前已經被羈押多時，而且喺服刑期間表現良好，所以佢已經喺今年，即系2022年嘅6月9日提早出獄。不過佢出獄之後就即刻俾新加坡驅逐出境，遣返中國，而且仲永久被禁止進入新加坡。但係對佢而言，佢終於可以繼續喺中國同屋企人風流快活咁過有錢人嘅生活。

自從楊寅被捕之後，鍾慶春嘅失智癥亦迅速好轉，喺外甥女同埋女傭嘅悉心照料之下，佢好快就回復健康嘅生活。雖然楊寅已經服完刑戲，但係事件仍然未告一段落，因為警方仲有大約500萬嘅新幣，即係大約有2800萬嘅港幣未能夠被追回。而現年95歲嘅鍾慶春被記者問到呢個可怕經歷嘅時候，佢就大方咁表示「過去就好了」。或者鍾慶春樂觀豁達嘅性格，就正正係令佢可以迅速走出病情同埋騙局陰影嘅原因。

貪得無厭嘅性格，驅使咗楊寅隻身由中國嚟到咗新加坡，花盡心思騙取鍾慶春嘅財產。而年紀大加上喪夫時尋求相伴嘅心態，令鍾慶春對一個關心佢嘅陌生男人失去咗應有嘅戒心，亦令楊寅有機可乘。但正所謂天網恢恢，疏而不漏，佢嘅計謀最終俾突然出現嘅外甥女同埋女傭揭穿，阻止佢繼續墜入楊寅嘅騙局，實在不幸中之大幸。但可惜嘅係，楊寅雖然被判入獄11年，但係就能夠提早出獄，而且仲可以翻翻中國同家人享受富貴嘅生活，佢得到呢個禁幸運嘅結局，實在係天冇眼。