5/7《圍爐取戀》野蠻外母拆散姊弟戀

東方昇：你個Ex都幾蠢喎，佢聰明嘅就係，咪喺你面前講你嗰套氹你，喺阿媽面前就講阿媽嗰套囉，佢又選擇真係偏幫阿媽，將阿媽嗰啲嘢直接話畀你聽，等你難受，逼你改變，就佢阿媽。
Ada：係呀…佢係所有嘢都表示認同㗎佢阿媽嗰啲嘢，我地喺迪士尼，嗰度城堡夜晚咪會放煙花咁樣嘅，即係啲咁浪漫嘅氣氛，應該係攬住個情人一齊喺度睇煙花啦。
叻叻：攬佢阿媽
東方昇：攬住佢老母
叻叻：好混亂呀呢個場面
東方昇：嗰啲迪士尼嗰啲煙花呢，我點都諗唔到孝順呀，嗰刻就諗到，米奇同米妮就好相愛，我諗唔到孝順。但係我其實聽你講，你同你男朋友拍咗拖五年啦喎。

Ada：係呀
東方昇：都咁脆弱？所以我懷疑其實你真正都唔係對外母失望，你係對你男朋友好失望呢。
Ada：係呀，即係我識咗你咁多年，我係一個點嘅人，你好清楚㗎嘛，咁但係佢就會完全係接受哂佢阿媽嗰套。「呢個女人唔好㗎」
東方昇：你有無同你個Ex講呢樣嘢呢？
Ada：我有同佢講㗎，但係佢又會覺得，「咁我阿媽唔開心吖嘛而家」「咁你想我點啫」「我都受咗佢好多㗎」「我阿媽成日咁樣同我講」「你唔好再逼我呀」
東方昇：佢都幾不負責任喎

Ada：我開頭都喺度諗，我可能忍下忍下都仲忍到嘅，咁後尾有一個位呢，就係佢啲同學都開始結婚啦，咁我問佢，「咁你有無打算將來同我結婚㗎？」跟住佢自己就話，「Er…我本身都無諗住結婚㗎喎」「我都唔係啲想結婚嘅人嚟㗎喎」咁OK fine，我將我個底線再拉低啲啦，我同佢講話：「咁我哋同居囉」「我哋搬出嚟住囉」跟住佢話：「唔可以呀」「因為阿媽會唔鍾意唔開心」
東方昇：呢個咪就係姊弟戀嘅問題囉，過咗五年之後佢都仲有得揀吖嘛
專家Dickson：甚至乎佢可能只不過覺得呢個係其中一段感情
東方昇：係呀，因為但係你已經年紀大啦嘛，就變咗你好急，佢唔急。
Ada：佢就係因為阿媽唔鍾意就….所有嘢都唔會畀
東方昇：我覺得唔關佢阿媽事，根本佢自己都唔想結

專家Dickson：佢唔夠愛你
東方昇：喂，如果係愛嘅話，就唔理阿媽私奔都得啦
Ada：如果佢愛我都維護我先啦
東方昇：係呀 係呀
專家Dickson：同埋啱啱你講咗咗耐呢，其實佢無一樣嘢諗過你感受，佢甚至乎覺得，如果你要走就走啦 ，我就唔會因為你而改變我自己㗎啦
Ada：係呀，佢完全係咁樣呀
東方昇：但係慘啦你，你用咗咗多年先睇到佢呢個特質
Ada：咁我又覺得…我好彩有去到個 trip 囉，如果唔係，再dump 多幾年至知係咁，就仲慘

東方昇：所以嗰個，佢阿媽都係care 姊弟戀呢樣嘢囉，嗰個係一個問題啦
專家Dickson：其一啦，其二係有少少可能係自己離過婚，所以佢唔想人搶走埋自己個仔
東方昇：呢個直情係啦，同佢個家庭，因為典型嘅單親家庭，個小朋友都會好黐住，無論係個阿媽定個呀爸，以佢為中心，因為佢都知道，佢呀媽或者個呀爸撐個家撐得咁辛苦，佢會擺佢去第一位，但係有時佢自己判斷唔到呀，因為佢自己嘅經歷
Ada：係呀，即係個阿媽會攬實個仔，邊個以埋嚟就覺得邊個同佢爭同佢搶
東方昇：佢放唔開到呀
Kneta：我覺得好似我阿媽，因為我阿媽都係啲好固執啦，好自我中心嘅人，咁呢佢每次邊一個我阿哥女朋友呢，都鬧混哂㗎啦，咁唯獨是有一個呢，就接受到嘅，佢非法之圓滑嘅個人，我阿媽講乜，佢話：「係呀」「Auntie你真係好叻呀」「原來係咁呀」久而久之呢，佢覺得佢聽我講㗎，得啦，個仔可以畀佢

東方昇：啱呀，收咗佢囉
Kneta：咁同埋佢會避免成日見面嘅機會囉，即係寧願返工，寧願出去食飯，都唔返屋企食飯
東方昇：咁我想問，咁佢有無管住你？唔畀啲男仔黐埋嚟？覺得所有都係衰男人。
Kneta：有！但係我係佢個女吖嘛，我可以…XX佢吖嘛，即係新抱唔可以鬧奶奶㗎嘛，咁我係佢個女，所以點鬧佢都得
專家Dickson：但我想問一個好無聊嘅問題，聽完你講呢個故仔之後，你有無好似佢家姐咁，走去吟你呀哥，「做咩搵啲咁嘅女朋友呀」
Kneta：有呀 有呀
東方昇：你都咁樣做？
Kneta：梗係有啦
東方昇：唉 好恐怖呀

Kneta：唉 你識嗰啲咩人嚟㗎？
東方昇：唔係喎，你都似喎
Kneta：但係我覺得呢個問題，其實有機會好普遍㗎喎喺單親家庭
叻叻：因為你係單親家庭呢，個媽咪呢，係會好容易就會將個重心，淨係擺喺個小朋友度，所以其實係佢控制唔到
東方昇：唔識放手，因為個世界就係個小朋友，所以就變咗，就好難再放手
專家Dickson：個情感太濃烈啦
東方昇：所以你都要體諒少少啦
Ada：體諒唔到呀，所以換咗人
Kneta：都得嘅 都好嘅

東方昇：咁好啦，你哋結咗婚啦嘛？
Ada：係呀
東方昇：咁得啦，咁你上嚟做咩呀，你講出嚟提醒啲人，其實就係畀啲阿媽聽，叫佢哋唔好咁勒住個仔，或者對未來新抱咁嚴格
專家Dickson：同埋比啲家姐細妹聽
東方昇：係呀，畀你聽呀，我代佢哋多謝你嘅提醒呀，好，拜拜
叻叻：其實喺呢個婆媳糾紛上面呢，我有少少心得
東方昇：你有心得呀

叻叻：咁話說呢，啲男朋友呢，好鍾意帶女仔返屋企食飯，見未來奶奶嘅時候呢，就又夾餸啦，又照顧你啦，又斟杯水畀你啦，我求吓你哋千祈唔好再咁樣做
東方昇：吓？點解對你咁好都唔得呀
叻叻：你知唔知咁樣呢，個奶奶更加憎你，即係其實你調返轉頭，你係咁點個女仔去做嘢，你叫佢，你幫我媽咪手洗碗，佢就覺得呢個女仔嫁得過呀，第時結婚都有你照顧佢，唔使你幫手洗碗，同埋畀個仔恰
東方昇：會照顧得你個仔好好
叻叻：唔想個仔娶一個老婆返嚟，係要服侍佢
東方昇：哦，原來咁樣嘅
專家Dickson：你瀨過唔少嘢喎

Kneta：等我仲暗中下下同佢頂到行
叻叻：咁你結咗婚，搬咗出去就係另一回事，你鍾意點恰佢都無所謂啦
東方昇：嗰場戲嚟嘅
叻叻：係啦
東方昇：原來係咗，我真係學到嘢
Kneta：女人好難捉摸㗎
東方昇：係呀，所以呢個係一個招數，大家袋住

專家Dickson：記得記得呀
東方昇：咁你拍完第一集，感覺如何呀，應該唔想做啦
叻叻：咁又無…
東方昇：咁無吖嘛？ok ok
叻叻：不過我覺得有少少比我想像中緊張，其實我唔知大家睇唔睇到，我有少少面紅
東方昇：唔係Dickson攞隻腳撩你吖嘛
專家Dickson：我無…我無…

叻叻：其實我頭先feel到有啲嘢
東方昇：有枝牙籤…有枝牙籤拮你呀
專家Dickson：睇嚟我要畀錢請道士先得啦，唔關我事呀
東方昇：唔係有鬼吖嘛？
叻叻：我覺得ok嘅 so far 係 ok 幾開心，同埋我覺得真係好似傾計咁樣囉
東方昇：ok嘅，表現都幾好呀，我諗佢哋都收貨嘅
叻叻：最緊要係你哋收貨
東方昇：最緊要keep 住靚樣，大家有靚女睇就得㗎啦，好簡單㗎咋佢哋，好啦，咁我哋下集繼續啦，咁我哋下集再見，拜拜