日圓貶值對日本來說是好是壞？亞洲國家可能會被迫打貨幣戰？

根據日經中文網嘅資料，日元近期跌穿1美元兌135日元嘅大關，同一月嘅匯率（1美元兌113.4至$113.6）相比，貶值咗接近15%以上。 以全年波動幅度嚟睇，今次既貶值創下2016年以嚟嘅新高，單睇六月嘅數據就將近4%。 除咗兌美元匯率持續貶值之外，兌歐元匯率亦創下至2015年1月以來嘅新低，連帶日圓兌新興市場貨幣等都處於貶值嘅狀態，基本上可以話日圓正在獨自貶值，至於點解會咁呢？

除左市場對日本經濟嘅悲觀論之外，另一主要原因係全球各國中央銀行同日本央行嘅政策立場差異逐漸擴大。當聯準會顯示出對貨幣緊縮轉向積極嘅『鷹派』態度，日本央行同政府政策卻不為所動，與此同時歐洲中央銀行為咗抑制通貨膨脹都表明左將會啟動升息機制，預計九月會進一步提高基準利率。另外，市場仲意識到同日本同樣採取負利率政策嘅瑞士國家銀行亦有可能提高基準利率，代表幾乎所有主要國家都係升息嘅道路上前進，唯獨日本反其道而行。而日圓貶值係過去嚟講或者對日本係好事，依照日本智庫大和總研預測，現在來說日圓貶值下進口價格上漲嘅負面影響其實大於推動出口嘅效果，咁樣一上一落， 2022年1月到三月當日本貶值10%時，日本2022年度實際GDP會因為咁樣嘅貶值幅度而被拉低0.05%。如今日圓貶值早已超過10% 亦代表住 日元若果持續貶值，經濟衝擊將會比原本預計嘅仲要大， 可能會令整體經濟狀況陷入惡性循環。

貶值之所以會無法再次帶嚟足夠嘅正面效益， 除左進口成本上升之外， 另外一個原因就係訪日遊客銳減。即使日本政府已經恢復接納入境遊客，但根據資料日本每日嘅入境人數限定為兩萬人，而且要求必須要係有導遊陪同嘅旅行團， 所以訪日遊客嘅數量依然維持低迷。 喺疫情爆發之前訪日遊客每日高達九萬人，所以就算而家日本政府已經恢復一部份訪日限制恐怕亦都難以帶嚟真正所需要嘅消費能量。 根據日本政府經濟財政咨詢會議議員估計， 係日圓既貶值下訪日遊客必須回復至2019年嘅水平先有辦法喺觀光上令日本經濟獲得效益，意味着跨境限制要完全回復到自由嘅狀態先有可能。 再嚟就係日本嘅設備投資不如預期， 理論上如果日圓持續貶值，日本製造業喺海外嘅收益兌換返日圓嘅數值就會膨脹，以日經推算，按道理嚟講日本製造業喺設備投資嘅能力亦都將會提高， 但實際情況就同理論相反。 根據日本內閣府資料統計顯示，今年一月至三月期間日本企業喺設備投資部份不但冇增加反而仲減少，一共減少0.7%。部分原因來自於全球嘅能源價格上升，供應鍊不穩定所導致，於是因為對未來嘅景氣難以捉摸 企業唔願意貿然擴張 導致設備投資不如理想。另外一方面日圓貶值速度過快，企業喺投資計劃上嘅調整需要更長嘅時間準備以避免大幅增值或貶值所帶嚟嘅風險。

第三係出口問題，大家都知道貶值有利於出口， 但係呢個前提係國內出口產業要夠強。 根據法國巴黎銀行證券部門首席經濟家河野龍太郎所講， 喺過去幾次經濟危機下 好多日本企業已經將生產同研究基地搬移海外，剩低走唔到嘅企業比較似係不得不留喺日本， 以致日本國內製造業整體嘅生產率下降。 目前嘅日本因為產品同埋服務冇辦法有效提高附加價值已經無法抵銷貶值所增加嘅進口成本。 而家嘅日本相比於1998年對世界嘅出口額減少咗一半，整體貿易結構同勞動市場改變令日圓貶值好難重現過去大幅推高出口同股票上漲嘅局面， 咁點解日本央行拒絕同美國一齊同步升息呢？

部份原因可以歸咎於日本持續低迷嘅經濟， 喺多數嘅情況下銀行提高 利率會令企業同市民減少貸款投資同降低消費意願，但目前日本經濟停滯如果進一步加息民眾降低消費嘅意願， 海外原料持續上漲導致商品漲價嘅情況下， 升息恐怕會令日本陷入停滯性通貨膨脹危機， 因此對目前經濟停滯嘅日本來講升息嘅風險太高。 再者，日本政府同央行嘅政策喺近10年嚟 一直係以量化寬鬆嘅貨幣政策嚟刺激日本景氣， 日本央行總裁黑田先生更加曾經表示「 從長期嚟睇量化寬鬆係好嘅」 如果而家升息等於相應嘅所有政策都要重新規劃， 風險難以估計。 而日圓不斷貶值對亞洲嘅影響有可能非常嚴重，提出「 金磚四國」（BRIC）一詞嘅著名經濟學家歐尼爾（Jim O’Neill)提出警告， 佢認為日圓如果持續貶值到1美元兌150日圓， 可能將會引起一場規模堪比1997年亞洲金融風暴嘅危機， 而其中嘅關鍵角色就係中國。首先日圓貶值下嘅日貨 會令中國出口商品相對變貴咗， 影響中國出口。對於需要穩定經濟成長嘅中國嚟講， 影響出口將對經濟造成一定程度影響，歐尼爾 預計如果日本政府放任日圓繼續貶值， 中國或者會將日本嘅貨幣政策視為不公平嘅貿易競爭優勢，到時唔排除中國政府會出手干預匯率市場貶低人民幣。要知道係1997年亞洲金融風暴期間， 美國同日本等國都曾經呼籲中國唔好引導人民幣貶值，因為會觸發亞洲貨幣競爭貶值嘅連鎖效應，而中國最後亦決定維持人民幣嘅緊釘政策， 協助為亞洲貨幣匯率設定下限使金融風暴得以緩解。

再嚟從歷史上睇 亞洲貨幣貶值嘅「傳染性」好高， 亞洲地區經濟睇擁有「出口導向」嘅共性， 當一個貨幣不斷下跌嘅時候 一定會擠壓到其他國家嘅商品出口，日圓嘅貶值除咗對中國造成壓力之外， 對韓國以及東南亞地區嘅貨幣來講都會帶來進一步嘅影響。 日本央行嘅持續性寬鬆政策亦會令跨貨幣套利嘅投機活動加劇， 對於中國同東南亞地區嘅金融體系穩定構成衝擊，匯率實際上係一個「 以鄰為壑」嘅經濟變數，國際貨幣基組織（IMF）2019就提出警告 呼籲各國唔應該過分倚賴貨幣寬鬆政策，如果爭相採取寬鬆政策祭出「 以鄰為壑（Reggar-your-neighbor)」的政策，最後恐怕將會引爆各國之間嘅貨幣戰爭。 用一個簡單嘅計算嚟形容日本貶值對貿易帶嚟嘅影響程度， 當日圓貶值10%時，中國出口到日本嘅商品必須要上漲10% 先可以兌換同等價值嘅人民幣， 若果唔上漲即係等於兌換人民幣時利潤減少10%， 成本不變嘅情況下商品必須漲價先可以維持原本嘅利潤， 但係漲價係一把雙面刀。一旦漲價，銷售嘅業績一定會受到影響， 但若果唔漲價呢？

對於企業嚟講要從人力成本或者研發上擠多10%嘅空間一定唔係一件簡單嘅 事情，除咗需要優化人才配置之外 甚至仲需要採購新型技術甚至係研發新嘅管控、製造流程， 呢啲都唔係幾日就可以完成嘅事， 閑閑地都要用幾年嘅時間又或者要直接搬到人力成本更平嘅地方。相反，日圓貶值會令日本出口到中國嘅商品更有價格上嘅競爭力， 喺正常情況下或者仲可以接受嘅，但以日圓貶值幅度黎講呢一年日圓兌人民幣貶值超過10%， 相對嚟講中國嘅日系進口產品 喺短時間內獲得極大嘅價格競爭力， 當然針對日圓會唔會持續貶值，歐尼爾 認為貶值嘅趨勢非常有可能告終， 因為日圓若果進一步貶值 會完全唔符合日本同其他國家嘅利益，日本政府或者將會開始面臨盟友嘅壓力而阻擋日圓貶值， 而實際情況到底會係點呢？就不得而知啦！畢竟如果每一次都可以依照最合理嘅情況推算嘅話就唔會發生咁多次金融危機啦！

好啦今集嘅窮奢就黎到呢度啦！ 我哋下一集再見啦！拜拜！