歐盟拍板統一USB-C充電線規格！iOS 16 加入廣東話輸入法 、Nothing Phone (1) 透明電話下月發布 | 廣東話【Price Weekly #118 2022年6月】

【預計2024年秋季生效，歐盟統一USB-C充電線規格】

歐盟於去年年尾提出統一Type C接頭的議案，適用於所有喺歐洲地區銷售的流動裝置，近日終於都正式拍板，新規定預計會喺2024年秋季生效，意味住其他充電規格的線材，將會被淘汰，嚟緊大家就要同一大堆不同接頭的叉電線說拜拜。相信最受影響的，就係仲用緊Lightning線嘅Apple。佢哋曾經都批評過呢項規定，不過至今都已成定局。傳聞話佢哋已經開始研究為iPhone轉用Type-C port位，估計最快會喺iPhone 15上面見到。而對消費者來講，某程度上都係一件好事，因為大部份嘅gadgets，好似係耳機、喇叭，其實一早都已經轉哂Type-C，在新規定之下，iPhone用家就唔使再帶幾條線出街。歐盟就重申，統一充電設備是為了減少電子垃圾，又話相信可以幫助消費者每年慳返高達2.5億歐元的不必要充電器開支，手機、平板、數碼相機、無線耳機和喇叭等都必須採用這種規格，而laptop就會有較長的過渡期。


【iOS16加入廣東話輸入法，3款iPhone被定為過時產品】

一連五日的WWDC完滿結束，軟件方面的升級就有iOS16，每次iOS更新，Apple都會update返過時產品列表，今次亦都唔例外。官方公布了支援iOS 16的機種名單，其中第一代iPhone SE、iPhone 6s以及iPhone 7系列都無得升級，仲用緊嘅朋友會唔會考慮換新機呢？講返新功能嚟緊iOS 16將會加入廣東話拼音輸入法，就算本身唔識廣東話拼音，只要打到相關嘅英文字母，基本上都會搵到想打嘅字。雖然Android機一早已經支援呢個功能，但而家對iPhone用家來講都算係一大喜訊，唔識打倉頡同速成嘅朋友，以後就有多一個選擇。另外iOS16將會支援Switch Joy-Con及Pro款手掣，用藍牙就可以配對，鍾意用手掣打機嘅朋友就記得留意喇。如果大家想重溫返WWDC的重點內容，可以睇返右上角的link。


【未來或取代iPhone？首創透明電話Nothing Phone（1）】

主打透明設計嘅Nothing Ear 1真無線耳機大受歡迎，最近Nothing終於宣布會喺7月12日推出旗下第一款智能手機Nothing Phone（1），相信最矚目嘅就係新機個靚仔樣——透明嘅機背設計可以話係手機界入面獨一無二嘅一款，而機身的中框就會由循環再造的鋁金屬製造。效能方面，有傳新機將會採用Qualcomm Snapdragon處理器，並且行自家作業系統Nothing OS。它係一個修改版的Android系統，收集了Google操作系統的精粹，有望可以集Android的最佳功能為一體。傳聞指新機的字型、顏色和聲音都可以自定，而且有相當長的續航力，售價亦都會比iPhone平。Nothing仲好有信心話，相信新機未來將會取代iPhone，唔知大家又期唔期待佢嘅出現？發佈會當晚 11 點喺網上直播，有興趣嘅朋友可以在Nothing官網預約收睇。


【棄Google系統智能手機，Murena One X2】

隨住越來越多人發現俾Google偷聽，大家都開始正視私隱洩漏嘅問題，但始終都難以擺脫Google的束縛。最近就有外國公司推出了一部主打保障個人私隱的手機Murena One X2，它搭載由法國一間公司所研發的 /e/OS系統，無論係Message、browser定係地圖都不會用到 Google的服務。而資料儲存方面亦都係用返自家製的雲端Murena Cloud，不過如果有需要的話佢亦都不會阻止你裝返Google。至於硬體規格就相當入門，One X2只係支援4G，售價是 349 歐元，大約是$2900港元，已經喺美國、加拿大、歐洲等地開放訂購，但暫時都無存貨，亦都未知香港有冇得買。


【支援AptX HD 24-bit高質音頻，Belkin全新消噪耳機】

Belkin上年發佈了一款支援Find my的真無線耳機 —— Soundform Freedom，最近再為佢哋嘅耳機升級，同樣都支援「Find My」功能嘅新款耳機Soundform Immerse Noise Cancelling Earbuds，今次加入了混合式主動降噪，並且支援AptX HD 24-bit音頻，可以在多裝置之間切換，具備IPX5防水功能。而外形就唔同曬樣，無咗個耳柄，採用入耳式設計，有黑白兩種顏色可以選擇。耳機本身用到7小時，連埋充電盒就可以用到24小時，另外支援無線充電。定價係$1,598。


【效能只達RTX 3050水平？Intel Arc A730M】

Intel嘅Arc系列獨立顯示卡一直都備受關注，最近有網民發現，對比RTX 3070嘅中高階型號A730M，遊戲表現只係達到RTX 3050水平，實際效能未如理想。爆料嘅中國網民分別測試咗3隻Game，其中，《Metro Exodus》嘅表現，A730M同Mobile版嘅RTX 3060差唔多，但試玩《F1 2020》同《Assassin’s Creed Odyssey》的時候，就發現佢整體表現只係相當於入門級嘅RTX 3050，尤其係玩《Assassin’s Creed》，部份場景的Frame rate只係得10FPS，嚴重影響遊戲體驗。睇嚟Intel喺正式推出A730M之前，都要再改善下個driver喇。


【為Cloud Gaming而設計，Microsoft Xbox Keystone 】

一直都有傳Microsoft會推出一款叫Xbox Keystone嘅Could Gaming產品，而最近呢個傳聞終於得到官方證實。消息話Keystone嘅外型會好似一部壓扁‌咗嘅Xbox Series X，一樣都係四四方方，不過就會薄好多，厚度只係得2.54cm，同埋會採用精簡版嘅Windows，除咗玩到Xbox Game Pass的Cloud Gaming之外，亦都可以睇Netflix、Disney+或者其他影片串流平台。簡單嚟講，佢都係一個電視盒，只係support埋Cloud Gaming。至於售價方面，預計賣$99美元，折合港幣大約$778。


【傳Twitter已同意提供完整數據流，Elon Musk考慮放棄收購Twitter】

全球都關注究竟Elon Musk會唔會成功收購Twitter。五月中時，收購方案就因為未核實到虛假帳戶資料而暫時擱置，而最近佢就宣佈，如果Twitter堅持拒絕提供垃圾帳號及虛假帳號資料，將會考慮放棄收購。有報導指Twitter已經同意提供相關數據庫權限，包括平台的完整數據流、裝置的數據和帳戶資訊，又話相信可以順利完成交易。


【《精品玩具節》Price網購父親節】

唔知大家準備好父親節禮物未呢？Price網購為大家精選咗超過500款優惠產品，除咗家電同影音產品之外，玩具同模型都有優惠，由即日起至6月30日，Price網購嘅《精品玩具節》，多款Lego同埋Figure都有優惠。Lego蝙蝠俠戰車原價$1549，而家只係$1239；Bandai福音戰士 Action Figure原價$1430，而家平咗差唔多一半，只係賣$799；再唔係都可以買返枝靚酒，食飯嘅時候同爸爸摸吓酒杯底。即日起至6月19日於指定商戶買酒，輸入以下優惠碼，買滿$400就會有$50折扣，買滿$1400仲會減$200添。Price網購仲有好多唔同嘅優惠㗎，快啲去下面條link睇下啦！

今集Price Weekly又差不多，你們最喜歡期待邊件新product呢？歡迎在下面留言告訴我們。我們很快就會有新片跟大家見面，記得訂閱Price的YouTube channel，再按旁邊的鐘。