爸爸的屙尿特技！？🤭傑出員工尋找File的故事🏃🏻‍♀️💨返工之匪夷所思🤓Feat. 行內爆笑助手事件簿😂

鄭中基：呢個叫Yeung Jojo, 佢就話Wee，有日喺公司呢就用緊計數機，太陽能嗰款，突然個同事整光管，熄曬啲燈，部計數機隨即一齊熄埋，我就好醒噉開我手機嘅電筒嚟照住部計數機嚟用，之後個同事問：點解唔直接用手機入面個計數機呢？
背景：哩個係咪湘姐嚟㗎？
鄭中基：（大笑）哈哈哈！
背景：唔係喎，我Get到喎！
鄭中基：（大笑）哈哈哈！
背景：係因為佢要計啲複雜數，即係佢要有式嗰啲囉，即係唔係就咁齋加減乘除囉。
鄭中基：電話都有㗎。
背景：可以嘅咩？
鄭中基：可以的。
背景：OK，好啊。
（一齊笑）

鄭中基：跟住落嚟哩個叫做Raf Ael，佢就話：Wee…話說上一份工呢，成班同事都好鍾意響公司一齊食飯嘅，有一日呢，我就同幾個同事呢，就一直食緊飯，我老細就喺隔離個微波爐度叮嘢，夠鐘佢就打開個微波爐，拎返啲嘢出嚟，就響佢打開微波爐嗰一刻，突然好似有嘢爆咁，噗一聲，全部同事嗰下都呆一呆，唔知發生咩事，到望過去微波爐方向時，個個都笑到收唔到聲，老細叮嘅嘢入面有蛋，一打開個時就爆。佢本身個Hairstyle好似當年葉劉個掃把頭噉，啲蛋白蛋黃好似聖誕裝飾噉掛曬喺佢個頭度，哈！真係有好多人係唔識用微波爐呀。你記唔記得我哋以前請一個同事呢，佢係唔識用微波爐。
背景：唔係我呀。
鄭中基：你將個沙嗲牛麵擺去叮一叮先啦，因為我哋買咗翻嚟呢，就要拍，但凍咗啦，叮一叮佢先攞返出來有啲煙......佢就打開咗個微波爐，見到入面有個碟，攞埋個碟出來，佢見到個碟下面有個坑呢就可以轉嘅碟，佢攞埋嗰個出來，跟住揼入去叮，跟住我睇到之後問：點解噉㗎？佢話：點解唔係噉？（笑）
背景：唔係啊，佢話唔知哩個咩嚟。
鄭中基：佢話我唔知哩個咩嚟㗎？但係佢喺入邊阻住咗個沙嗲牛麵，我咪攞佢出來囉。我話哩個碟呢，就係俾你將個麵擺上去，佢就係會轉㗎。

鄭中基：（扮同事講）哦！係咩？我未用過微波爐㗎！（笑）
背景：但我想講我同你分別叮嘢都瀨過嘢㗎。
精彩回顧：
：我唔記得咗拎嗰個豉油同嗰個辣醬，佢爆咗啊。
男同事：OMG
：OMG
—
鄭中基：我係叮月餅啫，俾你地拍到嗰話......（笑）
---
美男廚房環節：
「突然間廚房出事？」
：我頭先打開時都係啲白煙湧曬出黎噉啊。
女同事：小心熱啊......
（笑）
「出曬煙」
女同事：大火兩分鐘。
鄭中基：我打算快一點等外皮脆一點
—

鄭中基：跟住呢位叫Joe Lee，佢就話喇，Wee~以前個老闆呢國語講得唔好，有次星期六佢訂機票，同航空公司啲人個國語人講：
（國語）今天我不打飛機，你幫我吹簫。（大笑）
即係今天我唔搭飛機啦，你幫我取消，之後補多句：
（國語）我今天換賓周，下賓周不要打給我。
我今日返半晝，下半晝不要打給我。（笑）
背景：好勁啊哩個！
鄭中基：（國語）今天我不打飛機，你幫我吹簫。
鄭中基：哈哈，哩個都幾好。死啦，我地哩集死L梗（收益受限）。
鄭中基：噉呢個就叫Cyrus Cheung，佢就話Wee~之前喺某主題公園翻part time，得兩個㗎啫，門口有㗎火車啦，哦~噉係嗰個，有個大陸人問我：呢㗎火車，可唔可以去到羅湖？（笑）我問返佢：噉你帶齊行李未？（笑）
背景：好好，真係......

鄭中基：（拍手）哩個答得好好（本月最佳回覆）。我有見過真係喺......又係某主題公園裡面有電車，噉我同啲小朋友影相呀嘛，噉啊出邊影，入面影，周圍影，噉就坐喺度見到有一對，大陸人坐咗喺度好耐，我見佢哋就好不安，跟住講（超高難度方言）。噉我冇偷聽啦，唔知佢哋講咩，噉過好耐，我真係忍唔住就去問：
（國語）有什麼我可以幫忙的？
佢就問我：
（國語）這個車......什麼時候開啦？
佢以為架車係會開㗎......
背景：佢坐喺乜嘢度啊噉？
鄭中基：㗎電車囉，嗰到有架電車係俾你影相。
背景：哦~我知邊個位啦？
鄭中基：佢以為架車可以遊覽哩個主題公園，跟住等咗好耐我見佢。
背景：噉點啊，你嗰刻個反應係......
鄭中基：我咪話哩㗎車唔開架......
!呀！

（國語）謝謝你
即刻起身，跟住兩個就@#%&*$@%#@$@$（高難度方言），幾驚佢講粗口鬧我。
背景:之前有張相係佢地拖住Gip喺電閘外等電梯。
（笑）
鄭中基：跟住呢就係Yuki Chan：剛畢業第一份工做Admin嘅，即係打雜。有位有點年紀嘅女同事做Reception，本身呢，佢腦筋呢就比較遲緩嘅，咁佢轉數呢就唔快的（有少少似某人），平時呢，已經好多笑料啦，但係隔咗成10年，我都仲好記得呢單嘢，有日做做下嘢，佢突然衝埋嚟我個位：我好肚餓呀，我要去一去廁所先。(笑）哈哈哈......未俾到反應，佢就已經沖走咗，睇嚟佢真係好餓......
背景：佢想講肚痛啊嘛？
鄭中基：即係佢想講肚痛，卻講咗肚餓。
背景：因為我都成日有哩啲事，所以我明白。
鄭中基：（笑）哈哈。

背景：我見到好多個你嘅影子啊。（大笑）哈哈哈！
鄭中基：我諗起嗰陣時，一位宣傳嘅同事好勁，就係好似哩一位reception咁樣，都比較轉數唔係咁快㗎咋。有一次XX（某歌手）胃痛，但係佢又要唱歌啦就嚟，佢就同嗰個助手講：喂我胃痛，同我買啲消化餅（消化藥）。
（扮助手）嗯。
咻一支箭般離開了，跟住咻一支箭噉返嚟，攞住咗麥維他消化餅，一陣再講埋，繼續落去係點，仲有㗎......
好,我哋讀呢個先，Ada Leung佢就話Wee~話説前公司請咗個fresh grad，咁有一日呢，上師就叫佢fax張報價單呢就去A公司果度，噉過咗一陣呢，A公司就打比我嗰位上司問佢，公司部fax機係咪壞咗？佢地係噉收到同一份保單N次，宜家部fax仲出緊張報價單,沒有停。上司收線之後就搵嗰位fresh grad，原來個fresh grad同事呢，企喺部fax機面前，fax同一份報價單俾嗰間公司，上司燥燥哋問佢做咩嘢係噉不停fax？同事就話公司部fax機好似壞壞哋，放咗張紙入去fax完，佢會嘔返張紙出嚟嘅？（笑）
背景：喂啊！好勁啊哩個真係。
鄭中基：又到XX時間（全新單完），哈哈哈（大笑）......

嗰啲音樂節目啦，嗰陣時得嗰個台㗎啫，噉就上嗰啲音樂節目呢，噉當然佢就唔想你對嘴啦，噉但係都有得揀嘅，噉譬如你嗰日狀態唔好嘅，咁你就對嘴啦噉樣咁，噉對嘴呢就叫做MMM，唱嘅話呢，就叫MMO，即係得個backing嘅啫，噉啊XX就同嗰個助手講，喂，一陣間MMM知唔知呀？佢：知，知㗎啦。講咗好多次：得！我宜家即刻！即刻去辦。
跟住就咻走咗去，走返返嚟，攞住包M&M，咩事啊？
（ 扮助手）我知啊，你唱歌之前要補充體力呀嘛。（笑）
背景：好忠誠......
鄭中基：未完㗎，一陣就到唱歌環節，未完㗎。好，我哋讀埋最後呢一個先。（笑）
佢話：Wee~話說，大約10年前呢公司請咗個60幾歲嘅律師呢就做法律顧問，大老闆同我講：IT 員工講話，法律顧問唔係好識用電腦，叫我喺佢開工頭幾日呢，就幫法律顧問補習下如何就用電腦嘅，仲講咗幾次話：佢識用E-mail apply份工應該都唔係太差嘅，其實佢真係完全唔識電腦，因為連開機都有問題，喺教佢用個mouse做copy and paste嘅動作時呢，佢突然間問咗我一個問題：啊，有人同我講過，Copy時呢，嗰句嘢係Save咗喺Mouse度係咪？當時周圍Partition嘅同事，已經係噉僕低笑啦，為咗保持我專業IT形象，我去咗另外一個同事嘅位度，一齊僕低笑。
背景：好專業啊。

鄭中基：好專業。冷靜後，我很認真噉對佢説：如果真係想知可以俾你帶公司嘅Mouse返屋企搵答案，聽日覆我。佢嗰個對電腦呀，所有嗰啲嘢知識係真係零㗎。
背景：但係因為佢講十年前......
鄭中基：十年前都好......好多用電腦㗎啦喎。
背景：我諗因為個法律顧問佢都60歲啦，噉佢以前有好多人幫佢做㗎嘛，佢淨喺口講就得㗎啦嘛。
鄭中基：好啦，又到XX時間啦，噉去到搞掂曬啲嘢MMO，終於要唱啦，噉就有大字報啦，因為唔使記歌詞，噉佢個助手就舉個大字報，XX喺度唱，唱唱下就噉樣（頭向左搖擺），跟住佢（助手）就......（將大字報移向左邊），跟住XX再唱......（頭向右搖擺），跟住（助手將大字報移向右邊），又揶過一點，跟住XX冇再望佢，跟住唱曬成隻歌。一落台第一刻，嗰個助手問佢：點啊？跟住就搭住嗰個助手講：做人最緊要靠自己，跟住就走咗啦。因為嗰個歌詞其實唔係要移過啲，係個歌詞調轉咗，成份調轉咗，跟住要佢調返轉，佢就係噉左右移，我覺得係開心嘅，冇見佢炒呢一個同事，仲對佢好好，又買錶俾佢又盛，佢個同事好好笑，買錶之後，跟住就揸住杯嘢飲，係噉show隻錶俾人睇，我就走去問一問佢幾點：啊！噉就倒曬啲嘢落自己嗰度啦。哈哈哈。（笑）
背景：係咪因為佢夠Entertaining啊？

鄭中基：係呀，呢個係好......好少部分，其中一部分嚟嘅，可能我哋可以開一個叫做助手（湘湘）之匪夷所思。（笑）哩個我覺得會好好笑，各位可以投稿㗎，其實仲有好多嘅，不過今日就差唔多啦，我哋Part 2嗰時呢，就再繼續。
好，記得大家CLS同埋㩒叮叮鐘，記得加入自機友。下次Part 2見，Bye Bye……