挑戰史上最爛的癲瘋之作！？《魔比煞》Morbius 簡評【𠝹櫈電影學會】

大家好，我喺米迦，歡迎大家返到黎<<𠝹櫈電影學會>>。無錯喇，今次我要講嘅電影就喺喺其他地方都上左好耐，但早幾日先喺香港上映，Sony精心製作嘅神級作品<<魔比煞 Morbius>>。我知道其實好多弟兄都期待左我講呢套戲好耐㗎喇，咁我亦都喺早前拉左愷哥同我一齊享受呢套戲，就喺為左出呢條片同大家一齊講吓呢套咁驚世駭俗嘅笑片。就好似我之前咁講，我早已經預咗，有住劇毒三寶對上兩次都已經咁，今次呢套Morbius仲走得甩？果然不出我所料，由呢套電影喺外國率先上映到而家喺香港上映嘅呢段時間入面，我哋都會好明顯見到主流大多數人對呢套戲嘅觀感喺點㗎喇。咁究竟點解會咁差嘅呢？呢樣野又要從頭開始講起。不過喺講之前，不如就先嚟個故事簡介先啦。

上次有觀眾話我做奇異博士續集，失控的緋紅女巫個影評個故事簡介就斷章取義，有侮辱電影創作者之嫌。不如今次我就攞返官方嘅故事簡介嚟噏啦。故事就喺咁嘅，Marvel宇宙中最具爭議性且複雜無比嘅角色，2022年將喺大銀幕同全球觀眾見面。奧斯卡得主謝拉力圖飾演像謎一般嘅故事主人翁魔比煞。為治療自身的罕見惡疾，並決心拯救其他遭受相同命運嘅人，魔比煞試圖進行一場絕望的豪賭﹗起初看似成功，漸漸卻發現這一切可能為他帶來比疾病更可怕的後果......

睇完呢個故事簡介之後，其實我覺得講得幾唔錯嘅。為魔比煞帶來比疾病更可怕嘅後果嘅後果就係，呢套戲真喺畀人負評到喊。原因就喺因為呢套戲實在寫得太差，喺真喺我人生入面嘅第一套喺會懷疑編劇同埋導演喺咪真喺知道自己做緊啲乜野嘅超級英雄電影。綜觀呢套戲成個劇情，你喺會有好多唔知點解要咁，同埋唔知點解會咁嘅位，令到你一頭問號，但呢D位又唔知點解會令你覺得好好笑。

講到呢到，就要加返個劇透警告先﹗以下落黎我講嘅所有內容都係完完全全毫無保留嘅劇透，雖然我知道入得黎睇呢條片既大家，應該大多數都唔會走入戲院睇呢套戲㗎喇，所以我喺呢度都係循例講返聲嘅姐，無問題我嘢就繼續喇。

喺故事一開始嗰陣，由Jared Leto所飾演嘅 Dr. Michael Morbius就去咗哥斯達黎加度搵蝙蝠洞，然後咗茄喱啡一連串對白又話咗咩好驚呀又剩，然後Morbius就用刀割開咗佢自己隻手，引咗蝙蝠出嚟。無錯，佢搞咁多啲都淨係為咗引咗蝙蝠出嚟畀佢捉﹗我嘢係完全唔知道點解佢會咁樣捉蝙蝠，而後面亦都無講呢咗蝙蝠實際上係咪有咗乜野特別，好似只不過係普通嘅吸血蝠亞科之下嘅吸血蝠，係真係需要咁勞斯動眾去捉咩？

算啦，都唔理喇，然後故事就突然返返去二十五年前嘅希臘。呢度我相信係為咗帶出兩個角色同埋主角嘅特質，就係由Jared Harris所飾演嘅醫生契爺Dr. Emil Nicholas，同埋細個版嘅Lucien，姐係之後Morbius稱兄道弟嘅Milo。而最癡線嘅係咩呢？就係哋哋Nicholas先介紹完Lucien係叫做Lucien，但當Lucien同Morbius打招呼嗰陣，Morbius就同Lucien講咗句，Lucien就話，唔係呀我叫Lucien，Mil喺之前瞓喺度嗰條友嚟。然後Morbius話，其實嗰個Milo本身都係一個新嘅Milo，總之有好多好多個Milo啦，而而家你就係新嘅Milo喇﹗之後Lucien就立即接受咗自己叫Milo。

其實幫人改花名係一個好正常嘅事，咁點解會將Milo呢個花名傳落去呢？點解Lucien要咁輕易接受呢個名？Milo究竟有咗乜啲意思呢？到最後係最完冇講﹗類似呢咗咁嘅情況都只係得一次。而呢度就係第一次出現嗰種「你明就明啦」嘅故事敘述。接著落嚟仲有好多次呢咗咁嘅情況，例如用原子筆整機械呢咗就唔再講啦。我嘢一直落到去Morbius攞諾貝爾獎之後，鏡頭返返去紐約，Morbius同一個患有相同疾病嘅黑人小妹妹喺度傾偈。其實喺呢段劇情入面，我嘢都可以理解成：啊，Morbius佢有好崇高嘅理想，就係為咗醫好同佢一樣有呢個病嘅人啊。佢係一個好有同理心嘅醫生啊。不過最好笑嘅係咩呢？就係喺嗰一幕之後，我嘢喺戲入面就無再見返呢個女仔，結果呢個小朋友就成為咗一個工具人。

而其實如果睇返呢套戲嘅所有角色嘅話，你就會發現除咗主角之外，喺呢套戲嘅所有角色都係工具人嚟。佢嘢嘅存在就好似NPC咁樣，就係為咗幫手解釋劇情同埋推劇情進度嘅姐。例如好似Jared Harris 嘅Dr. Nicholas咁，佢由細到大都係照顧Morbius同埋Milo，理應係作為一個Father Figure一樣嘅存在，問題就係呢個角色喺呢套戲入面嘅存在感，重衰過火影忍者入面嘅伊留卡老師，去到後面直頭消失埋添，係淨係喺登出世界舞台先至出返場咋。

另一個就係由Adria Arjona所飾演嘅Martine Bancroft，在作為工作上嘅夥伴，佢嘢兩個有少少愛情醞釀嘅感覺係有講到嘅，但係Martine同Morbius之間嘅感情關係，係唔知幾時開始升溫，亦都唔知點解會開始升溫嘅。你話因為Martine為Morbius付出咗好多，所以就代表佢好鐘意Morbius？好，就當Martine係暗戀Morbius先至會為佢做咁多啲都算喇，問題係喺成套戲入面，Morbius有邊一個位，係有講到佢係對Martine係有興趣有愛意嘅呢？除左喺Martine流血嗰陣Morbius真係想去吸佢血，去到Martine離場之前佢嘢之間嘅感情關係基本上係冇develope過，但就強行要觀眾腦補佢嘢兩個之間係有感情㗎。「你明就明啦﹗」

更加唔使講嘅就係由Matt Smith所飾演嘅Milo，你就要更加多嘅腦補，先感覺到佢嘢係有幾咁有兄弟情誼。一個話唔畀你啪針就唔畀你啪針，完全冇諗過要解釋點解唔畀啪。另一個話反面就反面，自己殺人重入埋自己兄弟數。嘩，你兩個都真係夠兄弟囉。你地兩個嘅友情認證，係咪問密特易斯達認證㗎大佬？咁樣都叫做兄弟情？然後更加唔使講Milo陷害Morbius係殺人兇手呢樣啲，係有幾咁唔合乎邏輯。我嘢先去理解一下成個過程先。

Morbius喺船上面殺咗成隊僱傭兵，然後Milo去搵佢果陣係知道呢一件事嘅，成隊僱傭兵死咗嘅呢件事。咁所以Milo 啪左針變成吸血鬼然後殺咗個姑娘之後，第一個反應就係嫁禍畀一個本身已經殺左好多人嘅人。Mobrius殺過人，你嫁禍畀佢，佢係咪要驚呢？定還是Mil喺會覺得大家打左嗰支針，Milo嗰支會勁咗因為佢識飛嚟飛去又有力量，而Morbius就係唔識呢？呢個行動我係完全唔知係做緊咗乜啲野。
?.,
然後劇情講到佢嘢打到落地鐵站，Milo打死咗班差佬，然後Morbius學識飛咁就飛走咗喇。喺呢度我嘢又要重組劇情先。Mobius 喺自己實驗室入面發現姑娘被殺，當時當刻嘅佢重懷疑緊係咪自己殺嗰陣，佢落到大廈門口就遇到FBI孖寶。FBI孖寶就追住Morbius，喺樓梯咪有個場境係警察開槍，然後Morbius喺度避子彈嘅，咁姐係證明Morbius嘅身法其實好似火雲邪神咁係快過子彈㗎囉。問題又嚟喇，咁呢個快過子彈嘅Morbius，去到天台畀警察攞住槍指住嗰陣，佢就直接投降束手就擒。大佬你都快過子彈啦，你束乜啲手就擒啊？﹗如果你係話OK我良心發現怕係自己做過，所以先束手就擒嘅話，咁當初你點解要跑呢？喺樓下就投降唔得架咩？係都要上到天台先投降？咁究竟你係覺得自己有做過定無做過呀？覺得自己做有過嘅話咁你跑乜啲呀？覺得自己無做過嘅話點解你要投降呢？呢一段又係完全唔合乎邏輯。

而最好笑嘅就係，一開始Morbius明明就係控制唔到自己，姐係好似喺隻船上面咁樣。但唔知點解之後又可以控制到囉喎，而佢又無講到點解佢可以控制到佢自己。呢咗啲又要靠大家腦補。「你明就明啦﹗」

好喇，咁畀人捉咗，知道自己兄弟嫁禍自己，咁梗係落去搵兄弟算帳㗎喇。落到地鐵站，見到兄弟隊冧咗咗差佬，然後Morbius第一個反應就係走佬。大佬啊你逃獄本身就係為咗搵你兄弟出嚟嘅姐，搵到之後，你都未同佢搞清楚又或者打返場熱下身先，你就笠水？咁你去搵佢做乜啲事呢？你為咗追佢而逃獄，追到佢就逃走？呢個係咩啲邏輯嚟㗎？

以上我講嘅呢咗劇情沙石，係呢套戲入面經常都會有。而呢咗劇情沙石，簡直每一粒都重大過哈雷彗星咁大粒，就好似導演Daniel Espionsa係刻意Cut走晒所有嘅脈落、劇情嘅合理性，同埋每一個角色本身可以有嘅發展，到最後成套戲就只係得返咗特技。而作為一套超級英雄題材類型嘅片，世界觀同其他設定都好重要。但似乎佢嘢好似無乜點樣著重過呢一樣啲，就好似主角Morbius咁，外表型係幾型，因為主要都係靠Jared Leto嘅面容，但係個角色就寫到1999。例如我當Morbius嘅描寫方向，係以西方文化入面嘅吸血鬼Vampire嘅角度去塑造嘅先，同華文化嗰種著住清潮官服，跳下跳下嗰一咗式殭屍唔同嘅係。

一直以嚟，西方文化入面嘅吸血鬼故事之所以會引人入勝，就係因為呢咗題才係嘗試用一個非凡人超自然之軀嘅角度，去講一咗人類生活入面有嘅人文價值元素，例如權力、憤怒、情慾、悲傷、愛情等等。而且當你嘅外睇落係好Sexy，好有錢同埋有力量嘅時候，呢咗都係同佢嘢永恆嘅生命一咗相對嘅概念，所以有好多講吸血鬼嘅作品，都會將佢嘢嘅主角整到係好有魅力嘅角色，例如係原祖Dracula德古拉伯爵故事入面嘅Dracula，同埋Twilight入面嘅Edward咁，都會係一咗好有魅力嘅吸血鬼。因為如果無咗呢種魅力嘅話，咁個主角就只會變成一隻好悶又好大隻又好煩嘅人型蚊。

而從呢個角度睇嘅話，除左Jared Leto睇落真係幾Charm幾正幾外，其他嘅元素都欠奉。咁姐係話到最後Morbius就只係一隻好悶又好大隻又好煩人嘅靚仔人型蚊嘅姐，因為我嘢係無乜機會睇到Morbius嘅力量係去到邊度，佢嘅弱點又係咗乜啲，再加上戲入面只係不停咁提住，佢飲人工血就係只係維持到四個鐘頭二十二分鐘嘅效用....而戲入面係點樣講出呢樣嘢嘅呢？冇錯啦，就系靠Morbius自己不停咁重覆，係咁講呢一個設定。

又或者喺呢套戲入邊，究竟Morbius係有冇真真正正咁拯救過任何一個人呢？我哋係唔係應該認為佢係一個中意救人嘅人呢？呢啲嘅基本上都係冇乜提過咁滯。而到最後嘅就係，當初話因為打咗呢支編幅針係一個詛咒，佢兄弟打咗，所以佢就研發多一支針出嚟幫個兄弟啪，然係嗰支係一支毒死佢嘅毒針，嘩你都真係夠好兄弟囉。作為醫生，當你個好兄弟食錯藥，你唔係諗方法去醫翻好佢。而係幫佢打毒針啊? 都算啦，你整兩支針，亦都諗你係咪諗住一人一支，同兄弟玩起不求同年同月同日生，但求同年同月同日死都叫做幾有兄弟情誼啦，但係結果係啲咩嘢呢？一嘢快狠準就已經啪咗落兄弟度做瓜咗佢，然後個電影就出Title The End，之後返到嚟片尾畫面就係揸緊跑車。Excuse me Why? 當初整兩支針出嚟係為咗啲乜嘢呢，唔係為咗俾兩兄弟一齊用咁整兩支把鬼咩? 定係兩支都係其實用嚟畀兄弟用而唔係畀自己用嘅呢？嘩如果係咁嘅話都真係算好兄弟喎，我都幾肯定你嘅友情認證係嚟自密特易斯達嘅認證添。

諸如此類嘅笑話，其實充斥住成套戲，而且你係會好明顯咁感受到，呢套戲嘅結構上嘅唔平衡，係去到一個乜嘢嘅程度。喺呢度我哋有一個標準寫劇本，架構故事嘅概念去睇，即係美國劇作家Syd Field嘅Three-Act Structure - 三幕劇嘅概念去睇。電影劇情多數都係分為3個階段，第一個階段就係鋪陳，即係建構故事嘅時、地、人、事嘅設定，然後埋下角色將要面對嘅問題嘅伏線，大約就會佔全套戲嘅4分1時間。而第二個階段就係衝突，姐係角色為咗達到某一個目標，就需要諗方法去突破各種嘅難關同埋挑戰，呢個階段將會佔全套戲嘅一半時間。而最後一個階段就係解決問題，用最後淨翻嘅1/4時間去令到呢件事告一段落，角色就可以重回正軌，開展新嘅生活。其實你喺睇Marvel電影嗰陣，你係會好經常見到呢一種結構，因為呢個係一個慣常寫劇本都用嘅寫作技巧嚟嘅。

而將呢套理論套翻落呢套電影嗰陣，我哋就會見到呢套戲嘅問題喺邊度啦。首先，Morbius全長104分鐘，當扣除咗10分鐘左右嘅片頭片尾Credit List，正片94分鐘，咁即係話按標準嚟講，第一個階段係用23分半鐘嚟鋪陳，第二個階段係要用47分鐘嚟講衝突情況，第3個階段都要用23分半鐘嚟講埋個解決事件嘅情況，咁就啱啱好94分鐘啦。而為咗驗證個結構，我再用VPN喺Amazon Prime度睇多次呢一套戲，然後畫曬佢成套戲嘅結構出嚟。我嘅定義就係由一開始喺蝙蝠洞去到佢個啪針走咗佬之後為之第一階段。由FBI孖寶上船去到醫生契爺死果度為之第二階段。由搵女主角同兄弟隻揪之後，直落到片未為之第三階段。喺呢個定義之下，第一階段嘅鋪陳總共係用咗28分鐘，比標準多咗5分鐘左右。第二個階段衝突總共係用咗54分鐘，畀標準結構多咗7分鐘左右。咁結果我諗大家都估到，套戲94分鐘，減去咗第一階段嘅28分鐘，再減去咗第二階段嘅54分鐘，到最後嘅第三階段就只係得番12分鐘。咁即係話，要用12分鐘去解釋前面講過嘅乜野病啊，殺人案，呀蝙蝠DMA之類嘅嘢，仲要搞埋同女主角嘅對手戲，暫時完結咗同女主角條感情，然後仲要講埋同反派嘅對決? 咁老老豆你真系想講多啲都難，所以結果唔草草了事都唔得。

因此綜合以上嘅情況，再加埋啲仲有好多我未講到嘅嗰啲位啦，例如唔知點解Milo成日都用啲好咸濕嘅眼神望住Morbius嗰啲位呢，其實係整體上我哋都會見到，呢一套戲真係爛到七彩繽紛。雖然我情感上係覺得睇Venom兩集係更加厭惡同埋尷尬，而睇Morbius真係好笑好多都好，我都唔能夠唔承認，Morbius喺結構同架構上係差過Venom兩集好多好多，因為雖然Venom係睇到我覺得好尷尬，但起碼佢都有一個完完整整嘅故事，啲角色或多或少都有啲描述，而Morbius就真係乜嘢都冇。

不過我諗今次Morbius之所以搞成咁，其實又有可能未必完全係電影製作團隊嘅責任，我會認為更大嘅責任就係在於Sony規劃上面嘅眼高手低，咁呢樣嘢我哋都可以從呢套戲開始策劃嗰陣講起。根據報道所講，其實Morbius呢套電影早喺2018年6月嗰陣，就已經開始咗籌備嘅工作，嗰時講緊嘅係Venom第一集，Venoman先啱啱上咗。雖然好多影評人包括當時嘅我都好唔鐘意呢一套Venoman，但係呢套Venom喺票房上可以話係大獲全勝，以一億美金嘅成本，為Sony帶來咗8億票房嘅收入，我相信亦都係嗰陣時開始，Sony就覺得，喂用蜘蛛俠反派再加個標青嘅男主角、再加亦正亦邪嘅角色設定、再加大啲特技效果、再加埋PG -13，將佢哋溝埋拍成一套電影，就好似好work咁喎，所以我諗呢個就係當初Sony決定拍Morbius嘅原因。當時佢哋決定咗Morbius會喺2020年7月就上映，不過唔知係因為啲乜嘢原因，Morbius嘅上映日期不斷被推遲，經歷咗7次嘅延期之後，至上映得到，我哋先至終於可以喺銀幕上面睇到呢一套偉大嘅傑作。

其實延期都冇所謂嘅，延期都可以有好嘢，正如都係由Sony自家制作嘅Spider-Verse動畫電影續集都要要延期一樣，嗰套我諗都會好似第一集咁唔會差得太多，都係一樣咁好睇，不過延期還延期，呃人入場就唔系幾啱啦。點解我會咁講嘅呢？就係因為其實我哋喺Morbius嘅Trailer入面會見到嘅嘢，喺正式電影入面係唔存在㗎。簡單啲嚟講呢就係，如果你睇翻Morbius嘅Trailer，然後再入場睇呢套戲，你會覺得好似睇錯咗另一套戲嘅Trailer咁樣。

首先第一個位係，如果我哋睇翻Trailer嘅話，我哋會見到有一幕係Morbius著住囚犯衫，拎住一堆衣物，係一個巷仔度行，右邊我哋會見到一幅蜘蛛俠嘅塗鴉，然后上邊就噴多咗句Murderer姐係殺人兇手。喺當時出咗呢條預告嗰陣，呢一幕掀起咗好大嘅討論，就係究竟Morbius係咪喺MCU入面？呢個就係源於喺《蜘蛛俠，決戰千里》(Spider-Man: Far From Home)入面，蜘蛛俠喺同Mysterio對決咗之後，喺電影嘅片尾，Mysterio放出咗個fake news，去老屈蜘蛛俠懟冧咗佢，同埋篤爆咗蜘蛛俠嘅真正身份係Peter Parker。然後之後嘅《蜘蛛俠:不戰無歸》(Spider-Man No Way Home)入邊就直接承接呢個位繼續講落去，先至有蜘蛛俠同奇異博士玩嘅令全世界都唔記得蜘蛛俠係邊個嘅故事主軸，因此Morbius呢個角色身處嘅宇宙同埋時間點，其實都成為咗Sony吸引MCU Fans入場睇呢套戲嘅其中一個誘因。而好可惜嘅就係，呢一幕喺正式電影入面係完完整整被剪走咗，咁即係話呢個位係呃人入場嘅。不過最好笑嘅位就係，片尾出現咗由Michael Keaton所飾演嘅禿鷹Adrian Toomes，佢就被傳送咗嚟呢個宇宙，又好似強行將MCU同Morbius要拉上關係咁。 But Why?

Errr……先唔講唔知點解佢可以傳送到嚟呢個宇宙啦，因為明明當時Dr Strange講嘅係「其他嘅宇宙嘅人係會嚟到佢哋嗰個宇宙，然後喺完結咗呢件事之後，只會送翻其他嚟佢哋宇宙嘅人去翻佢哋，原本個宇宙」，呢個就係點解Venom同埋Eddie Brock會去咗MCU嘅主宇宙，而喺最後亦都送翻佢自己嘅宇宙。而喺呢套Morbius入面亦都證實咗Venom同埋Morbius係喺同一個宇宙。問題就係點解禿鷹會去到一個新嘅宇宙嘅呢？然後禿鷹本身愛女嘅呢個設定又消失咗嘅呢?明明都冇諗住出賣蜘蛛俠嘅身份，但到最後去咗個新宇宙之後，點解要組隊要做蜘蛛俠呢？亦都唔講佢嗰一身科技裝備喺邊度撻嘅。反而我想問嘅就係，究竟點解Morbius會同佢見面嘅呢？乜你唔係好人黎㗎咩，Morbius又幾時黑化咗啊？點解套戲又冇講到嘅喂? 「你明就明啦!」

或者Sony真係好想做一對新嘅邪惡6人組啦，但我係唔明以Sony前言不對後語嘅電影制作思維，連呢套Morbius都多Bug到傻同埋唔合邏輯到傻嘅情況之下，佢哋點解會覺得佢哋有能力可以做得好一個Universe嘅呢？就好似喺另一個位，喺Trailer上面又有另一幕，就係Morbius攻擊班偽鈔友，嗰陣就講咗一句 “I…am…Venom!” 不過就立即話鋒一轉，就變成咗 “I am just kidding, it is Dr. Michael Morbius at your services” 嗱呢個笑話睇落好似好白癡，但總算都叫做呼應翻呢一套戲係Connect咗落Sony嗰一個Spider-Man Universe入面啦。不過依家喺上映嘅呢一套戲入面，成個笑話嘅Punchline係完全唔見咗。先唔講佢仲係唔係一個笑話，我哋睇嗰陣究竟應唔應該笑先？問題係呢句嘢嘅意義係啲乜嘢嘢啊?點解無啦啦要扮Venom呀? 本身係為咗啲乜嘢呢？無啦啦做咩由咁苦大仇深，變成突然之間嗰個完全九唔搭八嘅對白啊? 套入邊係完全冇講到。

諸如此類嘅問題，其實都反映出Sony喺規劃呢套電影嗰陣，其實佢哋自身都可能陷入咗喺一個混亂嘅狀態入面。所以唔好講話要做一個Universe，而家可能連拍好一套戲都有啲難度。不過當我哋睇翻呢套戲出嚟嘅效果，我哋就會知道，就算呢套戲有幾爛都好，我哋都一定會見到Morbius重返大銀幕。因為Morbius依然都係有住一億6000幾萬嘅票房，觀眾嘅眼睛係雪亮嘅，都仲有咁嘅票房，即係代表Morbius依然都有存在嘅價值。而套戲拍到咁都仲有咁嘅票房，無疑亦都令到呢啲大型電影工作室繼續拍呢啲質素嘅電影落去，畢竟呢啲戲都只不過係需要一個IP，再加一大堆特技效果，喺片尾度加少少伏筆，俾其他人期待嚇討論下，就會有人入場睇。佢啲乜嘢人物設定、角色性格、成長、劇本魅力、取鏡呢啲基本上都唔需要太過重視㗎啦。啲入場睇呢套戲嘅觀眾，就用佢哋嘅消費嚟證明咗，好似Morbius呢啲戲係成功嘅。換句說話講，Sony電影嘅規劃雖然睇落係好混亂，但至少喺搵錢嘅概念上面，佢哋係搵到一條賺錢嘅方程式。所以實際上嚟講，佢哋應該被視為成功嘅，不過究竟大家係咪真係想要呢啲嘢呢？咁大家就要自己諗下喇。

總括嚟講，魔比煞Morbius為大家帶嚟咗好多問題，但係幾乎一個都冇解決到，同時亦都冇帶出到任何嘅意義。我哋睇翻我哋成個觀影嘅過程，諗番成套戲劇情同埋邏輯，都教識咗我哋，原來一套七八千萬美金成本嘅電影，就係得呢一啲嘢。如果你問我，我建唔建議你哋入場睇，我會話一嚟為咗支持戲院，我一定會鼓勵大家入場睇戲嘅。而且入場睇戲之餘，仲要買吓嘢食買吓嘢飲咁，叫做幫補下啲戲院咁啦。二嚟就係，我都入戲院睇咗囉，你唔係覺得你唔洗入去睇吓話? 是勇者不必怕，如果你當入場睇一套笑片嘅話，個觀感係真係會fit哂㗎。今集嘅𠝹櫈電影學會就講住咁多先，唔知大家睇完呢一套魔俾煞Morbius之後又有啲咩感覺呢？不妨留個言話俾我知啦。我係米迦，我哋下一集𠝹櫈電影學會再見啦。