27/5《圍爐取戀》前度喺公司有4個SP

圍爐buddy：Christine
東方昇：Christine你好！喂，你有一個好亂嘅故事同我哋分享喎，係咪呀？
Christine： Hello，係呀！
東方昇：好！我哋洗耳恭聽
Christine：話說我同我男朋友一齊咗三年，喺Office度識，係同事嚟嘅。上年開始覺得佢有啲奇怪，跟住佢突然間就話冇乜feel，冇乜解釋就分咗手啦。我嗰陣係好唔開心嘅，呢一年都有keep住箍煲、keep住見，但係佢只會同我做吓愛做的事，唔會一齊，即係話佢唔想拍拖、唔想一齊返
東方昇：咁呢個算係咩關係？算係SP係咪呀？
Christine：佢應該當我係SP，或者係friends with benefits，不過我哋又唔係真係friend囉， ex with benefits？Maybe
東方昇：總之就唔係女朋友啦
Christine：係呀！最近我就發現咗一個驚人嘅消息，就係Office裏面有一個女同事同我好似樣，即係似樣到一個位，係啲人行過會認錯我哋
Dickson：即係睇落去好似孖女咁樣呀嘛？
Christine：係好似，似到有人以為我哋係親戚咁樣，其實係我就嚟散嘅時候，都有見到佢成日flirt我個ex
東方昇：吓！哦……
Christine：我有同我個ex對質，有問「咁你係唔係有flirt佢？」佢就話佢冇，同埋佢哋兩個冇嘢，咁就完咗啦，但係我keep住呢一年都有見到佢哋有啲close。跟住我終於忍唔住去搵呢個女仔問佢哋係咩關係，佢開初都唔係好答我，最後佢同我講，原來佢哋喺我哋一齊尾段嘅時候，已經有一齊做愛做的事，而且有keep住做
東方昇：咦，等陣先等陣先，尾段嘅時候同你分咗手未先？
Christine：嗰啲冷靜期囉，即係話「我哋不如冷靜一下」嗰啲
東方昇：哦～即係疊住嘅，其實嗰時佢話對你冇感覺係因為對第二個有感覺
Christine：應該係掛
東方昇：咦，咁佢同你分手係咪因為性格不合嗰啲呀？
Christine：佢話冇feel囉，即係可能一齊太耐就冇feel囉
東方昇：咁但係又對另一個同你一樣樣嘅人有feel
Kneta：呢個真係最黐線，你望住呢個樣三年你話冇feel，之後望住嗰個好似樣嘅就話有feel
東方昇：因為好有趣，如果你哋分手嘅原因係性格不合，即係我哋性格唔啱，但我鍾意你個樣，我搵個同樣但係唔同性格嘅人，咁就好make sense嘅
Christine：我覺得我係靚過嗰個女仔嘅
Kneta：明嘅明嘅
東方昇：好，啱呀！一定係呀！
Christine：因為嗰個女仔其實會俾佢又攬又錫，跟住氹吓氹吓就做埋愛做的事嘅。之後其實佢都有同呢個男仔表白，就話「我好鍾意你，可唔可以一齊？」但係個男仔又同個女仔講「Er⋯⋯我唔想拍拖啊」或者「都係未ready開始一段認真嘅關係」我都同佢表達左，其實呢年我都keep住有同佢發生關係，佢都係勁shock嘅。我哋都覺得「吓？係唔係真㗎 ？」
東方昇：咁佢有咩反應呢？
Christine：佢係嬲同埋唔開心，不過嬲多啲
東方昇：但係我想問嗰個女仔其實嬲咩嘢呢？佢擺明同你個ex係SP，咁SP又冇理由話你係我「大會指定SP」， SP係可以有好多個㗎嘛。即係我哋會認為男女朋友一個好合理，但係我嬲你鍾意咗第二個？SP嚟咋嘛
Dickson：定係佢想成為呢個SP排行榜第一位？
東方昇：個男仔有冇同佢講佢係唯一的SP呢？
Christine：冇啊
東方昇：係囉，我覺得其實佢係唔應該嬲啊
Kneta：我明啊我明啊
Christy：佢嬲係因為佢哋發生關係後，佢係真心鍾意個男仔，佢個期望係佢哋會一齊囉
東方昇：哦，即係你個ex就氹到佢都仲有啲希望
Christine：係呀
東方昇：啲，都幾仆街喎。好，跟住呢？
Christy：呢度都未算仆街，我可唔可以叫呢個女仔做A ？
東方昇：咁即係仲有Z嘅？
Dickson： 26個英文字母出齊晒咁樣吖嘛
東方昇：呢個SP(A) ， Spa
Dickson：哈哈哈哈哈
Christine：跟住A有keep住約吓個男仔仆街出嚟，仲睇埋佢個電話，然後發現佢同一位同級同事，仲有另一位大佢13年嘅上司都有呢啲曖昧、鹹濕同埋上床嘅對話。同佢同級嗰個同事我叫佢做B，其實佢同A兩個係好姊妹嚟嘅，同埋條仆街仲有喺Tinder度再搵SP
主持：Woooo
東方星：咪住先！B小姐係唔係即係SP(B)，定淨係真係B先
Christine：佢係SL囉
東方星：SL？Sick leave啊？
Kneta：係囉，我都諗緊邊個S L
東方昇： SL即係咩啊？
Christine：即係有Sex同love，但係冇commitment
東方昇：即係都係SP啦！咁大13年嗰個SP(C)係唔係都係SP嚟嘅？
Christine：應該都係啦
東方昇：嘩……哦……
Dickson：咁佢細佬都好唔得閒喎
Kneta：仲有Tinder喎！
東方昇：嘩……
Christine：佢真係黐線㗎，不過我覺得佢係幾持久嘅
Kneta：可能佢唔需要任何甜言蜜語，淨係用呢樣嘢就已經有A、B、C、D、E、F、G
Dickson：咁呢個就的而且確係《水滸傳》都有講「潘驢鄧小閒」
東方昇：Bruno鄧小閒係咩呀？係咪嗰個Bruno Mars啊？
Kneta：嗰個鑊呀！哈哈哈
Dickson：佢係講緊五個男仔能夠成功追到女仔嘅條件。「潘」就係話以前有個好靚仔嘅人叫潘安，代表要有潘安咁靚仔嘅樣；「驢」就係指好似驢仔咁大碌JJ
Kneta：即係馬L咁
Dickson：「等」就係話有個人叫鄧通，佢有座金山、好有錢嘅；「小」就係細心；「行」就係好得閒
東方昇：即係溝女一定要有呢五樣嘢？
Dickson：唔係，你有一瓣都有機會
東方昇：即係有個「驢」就得啦
Dickson：呢個男仔就係有個「驢」就搞掂啦
東方昇：哦，即係性奴啦喎
主持：哈哈哈哈
東方昇：咁我想問啦，你咪好多襟姊妹？
Christine：係呀，係我未同嗰個仆街分手嘅時候，我係有問過SP(B)「究竟我應唔應該同個男仔分開」， SP(B)仲話「分啦分啦，對你好啲啊！」原來佢哋嗰陣時已經係有㗎囉！
Kneta：即係你同個賤人仲藕斷絲連嘅時候，其實佢唔止係同SP(A)，佢仲有同SP(B)！因為如果唔係嘅話， SP(B)唔會咁踴躍叫你地分手
Christine：係呀，仲要我信佢㗎，大家都公認佢係一個好成熟、好好人、好Nice嘅同事，我估唔到佢背後係咁樣
東方昇：但係咁講喎，佢之前同你一齊嗰時佢有搵SP，佢一定係錯、一定係仆街，但係如果佢之後同你分咗手，佢搵10個SP我覺得又⋯⋯

Kneta： 即係challenge唔到佢囉
東方昇：係呀，你明唔明呀，因為SP本身就係
Kneta：冇一個commitment喺度
東方昇：係呀， 冇commitment㗎嘛
dickson：除非 佢係以commitment為前提，去引嗰啲人成為SP
東方昇：啱呀 ，即係如果我同佢講話，佢同每個SP都講「SP」，但實質唔係呢，咁佢就講大話啦
Christine：佢係咁啊係呀，所以阿 A佢係唔知道一直原來佢仲有阿B同個上司 同埋其他Tinder同埋我啦。然後阿B呢就係全程都知道所有嘢囉，跟住佢仲要睇住嗰條仆街喺度扑佢個好姊妹囉！

東方昇：所以我覺得呢，呢個男仔都幾仆街，其實佢每個人有唔同講法，佢知道你沉船呢，佢唔講有其他SP啦。佢知道SP B其實唔介意呢
Kneta： 佢就講晒比佢聽
Dickson：即係每一個人有唔同嘅心理戰術嘅
東方昇：即係佢除咗將呢度諗嘢之外呢（胸部），佢都用呢度諗嘢㗎 （腦）
東方昇提問-事主有何打算？
東方昇：喂，咁而家情況係點呢？

Christine：而家就係我同個女同事就係兩個都係嬲嘅，同埋覺得好驚訝啦，因為我哋係覺得首先我哋被傷害啦，第二就係原來我哋兩個一直信任嘅B 佢都係一個咁嘅人囉！即係友情上都被傷害嗱，所以我哋兩個都係嬲嘅（友情愛情同時受到打擊），亦都有諗住要報復，但係我哋有好多嘅Concern囉。
東方昇：咁你哋有冇同佢講呢件事呢？
Christine：未講，如果我哋一講嘅話就會有好多嘢都收唔到囉，即係我覺得我哋要部署得好啲，諗埋個後果先至下決定 （復仇計劃有潛在隱患）
Dickson：而家佢說法就係去組織一個大嘅聯盟，去戰勝呢個⋯⋯
東方昇：係呀，SP苦主大聯盟

Dickson：戰勝呢個肉慾諸葛亮
東方昇：係！
Dickson：係！
東方昇：喂，但係呢下你死心㗎啦嘛下馬？
Dickson：簡單啲問，就係你呢個行為其實你純粹想擊倒個大魔頭啊，定係你諗住擊倒完大魔頭之後，然後同返佢一齊㗎 ？
Kneta： 返返佢身邊
Christine：哦我唔會我唔會（事主已對前度死心）
東方昇：係呀，因為就係要知道你，你要死心啊

Christine：因為其實喺我哋分開嗰排呢， 辦公室呢好多是非啊，其實係好多人都喺度講我，或者佢又有講我唔好囉。所以我就覺得如果我再爆出黎嘅話，啲謠言就會再刮起過，然後好煩囉我覺得。所以我覺得我好攰囉，但我覺得要還返個公道囉。
東方昇：我會咁諗囉，你要知道你諗住爆佢大鑊個原因係乜嘢囉，究竟你係報復心理呀，定係儆惡懲奸心理呢。因為如果你報復都冇話唔得嘅，但係你儆惡懲奸又唔同喎，你係唔想有其他受害者 再出現啦嘛。因為我肯定如果你講出嚟之後呢，你會面對好多閑言閒語囉，啲人會覺得你係咁嘅人，如果你純粹為報復呢，你又要諗吓值唔值得啦。但係如果你為儆惡懲奸啦，咁理由就多個意義呀，即使你知道面對住咁樣，但係我係為正義而做，因為你一定會受到好多傷害嘅。首先我唔知你點解搵我哋先啦， 你應該搵《東張西望》
Kneta：哈哈，去採訪呀

Dickson：哈哈，揸住部機入去拍
東方昇：係，會做得更加好嘅，但係你搵得我哋，我會咁樣俾意見你囉，如果你爆佢大鑊，其實係全同事都會知道。
Christine：所以我一直冇講，係因為我覺得好唔專業囉。因為我哋係專業人士。
東方昇：哦，你係專業人士？
Christine：係啦，咁我覺得係我人品嘅問題，係咪真係要報復呢？同埋我覺得有啲嘢其實係咪一定要由我去處決嗰個人囉，即係我覺得人在做天在看。
東方昇：我覺得好難處理，我頭先都提出一個問題就係，因為如果你一爆大鑊呢，外人會開始評論啦，而呢件事係講唔清嘅，因為啲人就會話「咁你根本知道自己係SP」，就同我講 一樣囉， 點解你要係唯一唶， SP擺明就係好多個㗎啦！ 冇咗個對錯啊！如果你仲同佢一齊，你可以字字鏗鏘，擲地有聲咁樣話佢，佢咁樣搵SP唔啱。但係本身可能你同嗰個EX 已經有啲糾纏不清，咁佢搵SP，佢唔係錯呀嘛，就算爆出黎你哋都會中箭中到死呀（事件曝光只會引來更多批評聲音）。

Kneta： 所以呢所以我自己覺得就係，如果你係想對得住天地良心嘅，想自己好過啲，咁就同其他女仔（ SP ）講呢件事，咁佢哋鍾意點決定就佢哋嘅事啦（向SP們揭露真相，就不再介入事件），咁之後你就當自己功成身退啦，你做咗你要做嘅嘢啦
Dickson：係
東方昇提問-有後悔過這段戀情嗎？
東方昇：咁點啊你，睇清楚呢個男人之後後唔後悔呀？
Christine：我係又覺得我蝕底俾佢，因為我係處女嚟嘅本身
三人一齊：嗯… …

Christine：本身係好乖乖嗰啲人嚟㗎啦，然後話你同男仔講電話都唔會囉，所以我係基本上放棄咗好多嘢，跟住去信任佢啦。不過我就覺得，即係我覺得人生好多嘢都係會難嘅，咁但係你播返轉頭你學到，咁咪咬住個包就向前走㗎喇。
東方昇：明啊，我都覺得唯有當上一堂帶眼識人（勁一事長一智）。其實唔好話咩處唔處女啊，就算你經驗老到到俾人呃啦，俾人欺騙感情。同埋你可以講嘅就係，你係一個俾人呃嘅心理，講吓嗰啲男人有幾衰，因為有班男人就係咁自私，覺得我年少氣盛我想扑嘢就係周圍扑嘢㗎啦。
Kneta： 呢啲叫面皮厚啊
Dickson：同埋佢哋覺得呢啲係一個成功啊

東方昇：係呀，佢覺得冇責任，就係咁㗎啦
Dickson：甚至乎佢可能冇咩 罪疚感可言㗎， 係成功感㗎咋
東方昇：係呀，我又勁喎咁樣，咁其實佢係傷害咗好多人囉
Dickson：成間公司都係我嘅咁樣
Christine：係呀，其實我有Approach我嘅人嘅，但係我都好驚囉，即係可能係一個好正常嘅人，但係其實佢內裏都可以係好恐怖，同埋你係唔會知道佢有啲咩係瞞住你。
東方昇：我覺得冇得咁樣影響之後㗎，你睇清楚啲囉
Kneta： 初戀同初夜永遠都係一個最差嘅體驗嚟㗎

東方昇：係咩
Kneta：係呀
東方昇：我唔係喎， 你係呀？
Kneta： 你初夜梗係開心啦！
東方昇：我唔知呀，我男仔覺得就係唔好咁快同佢上床囉（情侶發生關係前要有足夠觀察期），可能觀察耐啲先囉
Kneta： 係係係
東方昇：咁又唔係叫你等五年咁樣，都係半年一年咁，但係你咪睇吓佢係咩意思囉
Kneta： 係一個考驗囉

東方昇：係囉，唔好咁快俾佢得手囉
Kneta： 如果你真係好擔心
東方昇： 我係男人都係咁話呀我同你講
Dickson：我直情應該要咁話！
東方昇：係咩！你都咁諗㗎 ？
Dickson：最好其他人都得唔到手
Kneta：得你得
Dickson：唔係，我唔得都無所謂，全部行都唔得

東方昇：係。好啦，希望你講咗出嚟之後舒服啲啦，好唔好啊？
Christine：好啊，多謝你哋嘅意見呀
東方昇：好，多謝你嘅勇敢分享
Christine：好啊，再見
三人一齊：拜拜
Kneta： 其實我想講呢， 真係作為女人呢，真係好慘囉！ 即係我先唔評論SP ABC係咩嘅諗法啦，咁但係Christine根本上就係被利用嘅一個心態囉，即係如果佢唔愛呢個男人，都唔會因為佢三言兩語，就俾佢氹佢繼續上床啦。所以其實啲男人真係可唔可以負責任啲啊（拍枱）

東方昇：同埋佢先可能頭幾次拍拖呢，佢覺得，哎，愛就係要付出所有，希望我付出所有，你會有同等嘅回報，點知就係啲衰人哋用呢樣嘢，咁同埋最慘就係可能咁樣講出嚟啦，人哋就會人言可畏，反而會覺得你好蠢呀
Kneta： 送上門啊
東方昇： 即係仲要Blame the victim，咁所以變咗女人就好大壓力
Kneta： 因為呢我發現一個現象就係呢，點解啲女人成日會講呢件事出嚟，人哋話「你哋抵啦」，或者佢覺得我哋成日講出嚟，咁但係如果唔係我哋唔講嘅話，咁我哋可以去邊度申訴呢
Dickson：冇得發洩啊

東方昇：咪就係keep住啲男仔就覺得，原來我咁樣…冇後果個喎
Kneta： 之後冇人會講個喎！咪繼續做囉！
Dickson：所以我一定係睇唔過眼㗎啦真係好老實咁講，喂，點解呢個社會分布咁唔平均
Kneta：哈哈哈哈，一拖五啊
東方昇：從經濟嘅角度，資源分布嘅角度
Dickson：點解嗰啲咁嘅人就可以三妻四妾，成個後宮咁樣。以我啲咁嘅人呢…
東方昇：你獻出所有咁忠心，乜都冇
Dickson： 我就做咗其他嗰啲侍衛，係個後宮出邊揸住碌嘢

東方昇：同埋我覺得男人鹹濕就咁㗎喇，但係我作為一個理性同埋負責任嘅男人，我哋可以用工具自己搞掂咪得囉，即係意思就係唔會害到人呀嗎，點解要透過欺騙感情來解決自己性慾呢，自己搞掂咪得囉。所以鹹片係一個好偉大嘅發明！
Dickson：好偉大㗎
Kneta： 飛機杯
東方昇：好偉大！好啦咁樣
Kneta： 希望啲男人負責任啲啦
東方昇：同埋大家如果有口難言，受咗啲咩委屈或者受害者就搵我哋
Kneta： 男人都得㗎
東方昇： 係，講出嚟，男人都得㗎，好似Johnny Depp咁樣，俾人打啊，咁都可以打上嚟，等大家知道多啲咁樣啦。好！拜拜！