Wi-Fi 6E Router 即將推出？Snapchat Pixy 自拍航拍機 · Marshall Emberton II、Willen【Price Weekly #113 2022年5月】

Price.com.hk 香港格價網 | 科技類 | May 9, 2022

此影片謄本由綾崎颯製作

★非作商業用途，本檔案版權歸版權持有人獨有★

歡迎收看Price Weekly，我們一起看看今個星期最熱門的科技新聞。

唔想下下出街影相都要用自拍棍或者叫人幫手嘅話，Snapchat最近推出嘅航拍機就可能幾啱你喇。呢部叫做「Pixy」嘅小型航拍機細細部，預設咗四種模式，一樣識得好似其他航拍機，飛去你前面幫你影相。又或者跟住你飛，錄低你同朋友嘅生活點滴。佢嘅操作相當簡單，無論係起飛定係降落，只要伸隻手出嚟，就識得自動飛出去或者飛返嚟，全程都唔需要用到遙控。影完之後「Pixy」亦都識得send返啲相去「Snapchat Memories」，你就可以加返啲filter、effect、或者音樂，再Share出去。售價方面大約係$1,800，而電池與充電器就要另外再買，分別係$156(電池)和約$392(充電器)，但暫時未知幾時喺香港推出。

下載檔案

所有資料非作商業用途，若有內容侵權，請即通知我們移除。

沙灘開返，又係時候去chill下喇。唔少人都鍾意帶個喇叭去播下歌，Marshall最近就發佈咗兩款便攜式藍牙喇叭，分別係 Emberton II 同 Willen。兩部機都加入咗 Stack Mode，意思即係Connect咗之後可以同步播歌，而且兩款都支援IP67防水防塵。規格方面，Emberton II沿用兩組兩吋嘅10W單元，而續航力就由20小時延長至30小時，售價係 HK$1,499。而Willen就再細部吋，只得手掌咁大隻，佢配備有一組兩吋全域單元，機身背面有一條橡筋繩，可以掛喺袋、方便帶出街用，售價係 HK$999。

近年很多Laptop都內置OLED熒幕，帶來更豐富的色彩，同埋更高對比度的畫面。不過可惜嘅係，刷新率一直未追上IPS面板，最近終於都有Laptop可以做到喇。講緊嘅就係Razer最新推出的Blade 15，佢將會成為第一款搭載240Hz OLED熒幕嘅Laptop，有1440p的解析度，支援100% DCI-P3色域。而作為電競Laptop，佢內置12代Intel Core i9-12900H處理器、RTX 3070 Ti顯示卡、1TB PCIe SSD，同埋 32GB DDR5 RAM。另外仲配備了散熱腔冷卻系統，而機身厚度就控制在 17mm 以下，只係重2.1kg。在同級電競 Notebook 嚟講，算是最輕薄的一款。售價大約係$27,500，預計今年第4季發售。

Apple喺推出iPad Pro嘅時候，就曾經以「Your next computer is not a computer」作為標語，但事實上因為iPad OS嘅問題，就算部機配備M1晶片，都未必可以完全取代到電腦。不過有外國媒體就報導，Apple近日正式取得鉸鏈式鍵盤配件專利，當iPad駁咗呢個Keyboard之後，介面就會變成Mac OS咁樣。雖然暫時都未知呢款Keyboard，係咪會令iPad好似Surface咁，有齊電腦同平板模式，但如果Apple真係有心改一改iPad OS，令佢可以變得更似macOS，對用家嚟講都係一件好事。

Apple 近日宣布為美國用戶提供零件、工具，以及維修指引，如果iPhone 12 、13 或者 SE 3 壞咗嘅話就可以自行維修。不過有外媒就指出，自己維修分分鐘仲貴過拎去比Apple整，因為租用呢啲工具嘅價錢每星期要HK$382。以 iPhone 12 mini 為例，如果要換電池，就算比返舊電池Apple，淨零件都要港幣 HK$370，加埋工具嘅租金就要HK$750。但拎去Apple整嘅話，都只係HK$540，便宜$200之餘，又不用咁麻煩。

Studio Display我哋就評測咗喇，睇返啲comment似乎唔少朋友都覺得太貴。外國就有一個 YouTuber 因為覺得唔抵買，索性自己買部差唔多規格嘅 27 吋 iMac，改裝成為 Studio Display。首先佢就將熒幕以外嘅所有部件例如係喇叭、風扇和火牛等等拎走，再將部 iMac 拆到淨低 Display panel，然後喺 eBAY 買咗個HDMI Adapter 駁上去，令到佢可以好似普通mon咁有HDMI同Type C port口。而原本 iMac 的內置鏡頭亦可正常運作，但就沒有 P3 色域。最後埋單計數，佢總共用咗$6,500，就完成咗呢部平價版的 Studio Display，價錢足足便宜一半。唔知大家又會唔會考慮自己落手整呢？

通訊事務管理局近日發出文件，批準公眾使用6GHz嘅頻譜，意味住支援呢個頻譜嘅 Wi-Fi 6E產品終於可以推出市面喇。現時主流嘅 Wi-Fi 6 同埋 Wi-F 5只係用到2.4GHz以及5GHz兩個頻譜，而新嘅Wi-Fi 6E就可以更高頻嘅6GHz，令到Router可以額外使用14個80MHz頻寬，同埋7個160MHz頻寬，可以解決頻譜唔夠用嘅問題，並提供更快嘅連線速度、以及更低嘅延遲。

「安心出行」最近被發現內置「人臉識別」功能，政府日前就回應表示事前並不知情，佢哋解釋今次事件係因為開發商整呢個APP嘅時候用咗市面上常見嘅程式套件，但沒有拿走牽涉人臉識別功能的程式碼。不過開發商強調，「安心出行」並無啟動相關功能，而政府亦已經要求他們盡快移除「人臉識別功能」的程式碼。被問到會唔會聽取業界建議公開「安心出行」程式碼，當局就未有正面回應，只係強調個App安全，並且公開了獨立審計報告及程式設計圖，

今集既Price weekly又差唔多啦，你地又最期待邊樣新product呢？歡迎係下面留言講低！我地好快會有新片同大家見面！