準備移民？好想旅行？Damia搞機場歡送會　聽聽留下來的人心底話｜Damia｜ACOO

Damia: 咁我今日呢，就帶咗一部即影即有相機，希望佢哋臨飛之前，同佢哋影張相留念啦。燈凳！（紙牌：免費紀念照）

開始

Damia： （搜尋中）免費影相......有冇人理我呢？（尷尬......）

—

Damia: 會唔會想我幫你哋影張相？我會送返張即影即有畀你哋。

男士：你又知我會飛？

眾人：（大笑）

Damia：不如我同你哋兩個影張相想送返比你啊？

女士：我同埋你一齊影啊！

Damia：（驚喜）同我一齊影？

---

Damia：不如我幫你哋影張即影即有送俾你地啊？

---

Damia： 你哋成家人去邊度啊？
家庭A： 去英國。
家庭B：英國。
家庭C：移民去英國。
家庭D：我哋去紐西蘭。
男士A：加拿大。
女士A：去里斯本。

Damia: 係去玩定......
女士A：去玩。

男士B：飛去日本。去留學......
Damia: 但係我見到你有PS5啦。
男士B：係啊，因為......
剪接：我都抽唔到
男士B：即係讀書，就喺學校讀嘅。
Damia 和男士B：（大笑）
男士B：返到屋企就要玩。
Damia：我見你成個喼都係game……(笑)
男士B： 遲啲就唔知會唔會有其他事，咁可能又去唔到，咁啊諗住盡快過到去就過咗去先。

—

男士A：自己對某啲嘢都無感，咁咪去一個新嘅地方。

—

女士A：本來今日都飛唔到，差啲飛唔到去（葡萄牙），我地今晚最尾一班飛（溶斷機制），聽日飛唔到㗎啦呢班機。

---

Damia：啱啱去紐西蘭嘅係你哋嘅朋友嚟？
男士：係啊，無錯。
女士A：佢哋本身喺紐西蘭嗰邊嘅人。
女士B：返嚟做嘢。
Damia：但係點解而家又返去嘅？
女士A：佢嗰兩個女要幫佢地搞入籍。

—
家庭A

女士：係啊，為小朋友着想啊。
男士：學下英文啦。
Damia：係咪幫小朋友做曬入學啊？
男士：有啊。
Damia：捨唔捨得啊？
女士：唔捨得啊。
眾人：（笑）
女士：屋企人、朋友......
Damia：你有冇唔捨得啊？
小朋友：有
Damia：最唔捨得啲咩啊？
小朋友：朋友。
Damia：最唔捨得邊個朋友啊？
小朋友：表妹......
女士：(揚手)哥哥......
Damia：有冇好唔捨得啊？
哥哥：冇喎！
眾人：（笑）
哥哥：因為去到嗰邊唔知，得兩日功課做啊嘛！

（母親（衰仔）、父親（返香港啦））

—

男士A（去加拿大）

Damia： 你有冇唔捨得佢地啊？
（朋友（冇））
男士A：梗係唔捨得啦，識咗好多年。
朋友：（走）
男士A：真損友，識咗好多年嘅啲朋友，唔捨得都一定有嘅。
好兄弟：都維持咗10幾年，一世人冇乜邊幾個。

—
家庭C （去英國）

Damia：你哋最唔捨得係乜嘢？
男士A：最唔捨得屋企個WIFI。
男士B：最掛住香港嘅兩餸飯啦。同埋茶餐廳嘅凍檸茶走甜。

—
男士B（日本留學）

Damia：因為見你都有好多朋友嚟送你機，有冇好唔捨得佢哋？
男士B：就算喺香港都唔係咁容易見到，再加埋飛去日本就更加難見啦。

---

禮物時間

（Damia攞出九製陳皮）
Damia：呢個，驚你掛住香港......（笑）
男士B：（笑）好啊，好啊。
Damia：跟住呢就係有九製陳皮啦，山楂餅、陳皮梅，同埋送多個口罩俾你。
（卡片：Have a safe flight！Bon Voyage！！ Damia）
男士B：好啊，多謝曬，多謝曬。

---
男士A（去加拿大）

男士A：我都諗過買唔買定啲嘢，結果就係......原來機場乜嘢都冇開（笑）

—
家庭A

Damia：思鄉可以食。
女士：（笑）多謝多謝。
Damia：一路順風啦。

—
二人（去里斯本）

女士朋友：Thank you， Thank you.
Damia：噉你地要safe flight啦。
女士：好，好啊......
女士朋友：多謝多謝。

—
家庭B（去英國）

男士：介唔介意一齊影張相？又或者你幫我地影張相？
Damia：可以啊。
男士：係一齊同埋你一齊影。
Damia：哦，可以啊。
（影相）
Damia：你要一路順風......快啲返嚟香港探大家。
男士：好，多謝。
Damia: Bye Bye…
—

（再見？）

家庭C
男士：（搭住另一位男士膊頭）聽日佢就要去日本讀書。我有個女仲未畢業，而家我哋一家五口，各散東西。即係......（紙巾拭淚）

—
男士B（日本留學）

男士B朋友1： 始終好多年朋友......
男士B朋友2：啫係越嚟越多朋友都離開香港，咁去咗之後，大家就各散東西，都唔知幾時會再見。（喊）我哋係小學同學嚟嘅，咁就之後都讀埋同一間中學，好多時就即係好多事呢，都係大家一齊經歷過，咁所以都好唔捨得嘅你問我。希望大家珍惜自己嘅朋友。因為係一個即係經歷好多分別嘅時候，無論係屋企人定係朋友啦咁樣，咁所以可能呢幾年，呢啲時間真係大家珍惜相處嘅日子......

(背景音樂：Rubberband Ciao）
（説了再見）
（約定再見）

眾人：（揮手再見）

（説了再見）
（就會再見）