M2 MacBook Air 於6月發佈？Epic Games x LEGO 開發元宇宙．Samsung投影機The FreeStyle｜廣東話【Price Weekly #110 2022年4月】

除咗新MacBook之外，《彭博》亦報導Apple 今年9月可能會推出三款Apple Watch，包括 Watch Series 8 和 Watch SE以及一款適合極限運動的加強版型號。當中 Watch Series 8將加入健康感測器，當用家體溫過高時就會發出提醒，另外亦預計會在現時的心房顫動檢測上增加一個叫做「負荷」(Burden) 的功能，可以偵測到用家在固定時間內某一心房顫動的頻率次數。而在短期內就有機會加入提醒食藥的功能，傳聞話透過掃描藥瓶就可以做到。至於傳了很久的血壓檢測和無創血糖檢測就因為遇到技術上的問題，估計要等到2024年先會推出。

早排我哋就為大家介紹過幾款Projector，而Samsung亦即將於香港推出第一款微型智能投影機－The FreeStyle，呢部機重量只有830g，但係就集合了投影機、智能喇叭以及情境照明三個功能，可以投射出最大 100 吋的畫面，亦都可以作出180 度旋轉並配備自動梯形和水平修正，亦有自動對焦功能。而音效方面就做到360度輻射式戲院級效果。另外亦支援語音操作，內置串流影片以及支援 Android 和 iOS 裝置的鏡像投射功能，如果唔想睇戲的話，亦都可以當成喇叭或氣氛燈使用，只要選擇變色龍模式和半透明上蓋，就可以做到不同的燈光效果。而另個一賣點就是支援 50W 充電，插住尿袋就可以帶去開Party或者露營，售價方面賣$7,980，將會喺4月27日上市

電動車成為大勢所趨，除了Tesla之外而家都多咗好多選擇，其中Mercedes-Benz EQV最近就推出咗新電動七人車，具備 378 公里續航力，最快只需約 45 分鐘，電量就可以由 10%充到去80%，由於電池配置喺車身底部，車內的地台較平坦，車廂的空間相當靈活，除了設有可以放腳的獨立豪華座椅，亦都可以將中排的座椅調轉。另外有一個 10 吋觸控屏幕，同埋具備語音操控功能。性能方面摩打輸出達到 204hp，最高時速有140公里。而在安全方面就配備了主動式煞車輔助系統和車道保持輔助系統，與 V-Class 一樣，EQV 的量產版本都係喺西班牙北部生產，一共有3,200 毫米長軸距和 3,430 毫米特長軸距兩個版本。在一換一的優惠價之下，長軸距新車的售價將不高於 HK$1,200,000，而特長軸距新車的售價將不高於 HK$1,000,000。

近排有網民發現intel第12代處理器，扣實主機板之後中央位置輕微凹陷，令到CPU同cooler嘅接觸面積減少，溫度提升最多 5°C。為咗解決呢問題，坊間就就有人嘗試搵嘢墊喺扣具下面令CPU表面恢復平整，不過 Intel 近日就回應指，輕微變形情況屬於正常，唔會影響CPU運作，而佢哋亦唔建議用家自行改裝插槽或者扣具，因為咁樣會失去保養並且有可能燒壞CPU。Intel亦都表明唔會改善扣具設計，但係會繼續監測產品質量，同調查任何潛在問題。

近日 Epic Games 同 LEGO 就宣佈將會合作喺元宇宙，開發一個小朋友專屬嘅空間，雖然兩間公司都未有透露具體細節，但就表明會將小朋友嘅安全和福祉放喺第一位，並且保護佢哋嘅遊戲權利，同時賦與兒童和家長工具，讓他們能掌握自己嘅遊玩同埋學習體驗。對於今次嘅合作，有外媒就估計LEGO好可能會以《Fortnite》做基礎或者利用 Epic 提供開發嘅 Unreal Engine去創作一個虛擬世界。至於入面嘅內容同受眾，好大機會同《Roblox》重疊，唔知會唔會對《Roblox》嘅市佔率構成威脅喇。

Pokémon Go開發商Niantic最近又有新搞作，佢哋發布全新AR手機遊戲Peridot，呢款game有啲似AR版嘅Tamagotchi，玩家可以利用手機鏡頭拍攝實境，而熒幕上面亦都會見到名為Peridot嘅虛擬寵物，陪同玩家一齊散步同埋探索現實世界，期間Peridot仲可以同環境或者生物互動，例如喺沙灘上面挖果實，又或者喺實體寵物狗身上，伏低休息再跳落嚟，更加可以同其他Peridot互動同埋繁殖，誕生出更多唔同嘅虛擬寵物，好似豹、龍、獨角獸等，睇落幾有GameFi的潛力。而家Peridot已經開放事前登錄，想第一時間體驗到Peridot有幾好玩，記得要去官網登記喇。