13/04《圍爐取戀》女友求救！主持即時搵男友講數

Tiffany：咁我同男朋友其實都一齊咗兩年幾啦，咁其實近呢半年呢，我男朋友都不斷叫我搬過去同佢一齊住，咁有陣時佢又會「老婆」咁樣叫我啦。咁其實我自問都算係一個比較傳統嘅人啦，我覺得你未結婚，甚至你未去到求婚嗰個位就叫呢個稱呼我就覺得唔係太好。
東方昇：咦，我想問啦，你話你傳統啲啦，即係你唔想同佢同居
Tiffany：其實我哋又有啲搞笑位，就係我間唔中會去佢屋企嘅，咁佢間唔中都會去我屋企嘅。但係呢一種情況我又覺得我可以接受到，但係問題係佢而家想我直頭將我屋企所有嘅物品都搬晒落去佢屋企嘅時候，咁呢個位我就卻步左。
東方昇：咦，咁你覺得不能夠同居嘅原因係咩？例如，同居左就好大機會有婚前性行為，咁我唔要婚前性行為，所以我唔想同居；定係你覺得如果我同居左之後，咁人哋會覺得我好似好隨便咁，成日去人哋屋企住。你係咩原因呢？
Tiffany：呢個位我覺得係好似去到有一個有份無名嘅感覺？

專家Dickson：有實無名，係唔係呀，你想講、
Tiffany：係喇！
東方昇：明白
Kenta：我想知你哋年紀幾大先，因為我想知個男朋友係唔係去到一個適婚嘅年齡？
東方昇：即係如果16歲就唔好喇
Kenta：係啦， 16歲我就要諗一諗先
東方昇：啱呀啱呀！
Kenta：我要諗一諗係咪真係好愛我，認定我
Tiffany：咁我男朋友係個A0嚟嘅，咁其實佢而家都27歲左右
專家Dickson：但佢未曾經向你正式求婚，或者意圖諗住搵你結婚嘅嘢嘅？
Tiffany：係我哋一齊未夠一個月啦，我就見咗佢媽媽㗎啦已經，咁再過多三四個月左右，係已經見埋佢屋企嘅其他成員。因為一開始嘅進展，其實已經係太快嘅時候，嗰下我係覺得有啲唞唔到氣。不過後來keep住相處落之後，咁我自己都覺得我都係認定咗呢個男友㗎啦，咁冇問題啦咁樣。

專家Dickson：咁你大概用咗幾多時間去認定呢個男仔？
Tiffany：都用咗一年左右嘅時間。因為其實呢一年佢真係對我好好，我感覺佢好多地方都好遷就我，好錫我。各方面我都覺得大家相處好舒服，所以好快一年左右都已經覺得okay咁樣囉～咁喺半年前，行街嘅時候經過金鋪或者珠寶首飾店，佢係直頭拖住我去揀求婚戒指。你冇聽錯，係求婚戒指！即係，喂唔係呀？呢樣嘢唔係應該你俾Suprise我㗎咩？？
專家Dickson：嗱，我要幫A0嘅人講說話！你諗吓佢之所以係A0，因為佢老根上邊或者佢知識或者資源上面，佢係冇一個真正大部份人都會有嘅想法。可能係佢想法入邊，佢覺得：啊，一陣間我揀咗隻求婚戒指佢唔鍾意。
東方昇：啱呀！
專家Dickson：咁我咪求婚唔成功囉！咁咪唔得囉！
東方昇：係呀！
專家Dickson：咁不如我帶埋你去揀你最鍾意嘅嘢，咁我送嗰樣嘢俾你，你咪好開心囉！咁我求婚咪成功囉！
東方昇：喂， Dickson如果拍拖呀，避孕袋都要帶埋女朋友去買呀我同你講！所以你男朋友冇問題呀我覺得。

Tiffany：初初聽嘅時候係幾可愛嘅，但當你每一次出街不斷去重複呢個步驟嘅時候，你就會覺得：你夠喇……
專家Dickson：即係可唔可以唔好玩嘢啦
Kenta：即係係咪一出街：啊，我哋係唔係去睇戒指？
東方昇：因為Tiffany唔鍾意嘅係點解你次次得個講，冇買嘅，係唔係啊？
Tiffany：因為佢本身佢都係計劃咗可能五年之後結婚咁樣啦，咁我就心諗；如果你唔係話而家想同我去進入下一個階段，你點解要係咁同我睇姐？好似係係咁隊把刀落去，哦！你想要啊？我唔俾你，我唔俾你，我唔俾你！咁嘅感覺囉。
東方昇：其實我覺得係一個happy problem嚟㗎喎，其實因為你又鍾意佢啦，我好鍾意你啦，只不過你要嘅係就係結咗婚先姐。
Tiffany：但係每一次佢都係會有一個藉口就係「我未儲完錢，所以我唔結婚住」咁樣，但係其實我哋個plan可能有結婚啦、買樓啦，或者係唔同嘅一啲計劃嘅未來啦，但係我嗰陣時就諗啦：okay，冇問題，同你一齊儲錢。但係當我哋如果真係儲左錢之後，你呢舊錢比得邊樣呀？點解唔可以先……

Kenta：一步一步嚟？
Tiffany：一齊咗之後，係喇！佢每一次就係同我講「哦，你係唔係驚我唔要你呀？」「我唔要你就一早走咗啦」
專家Dickson：佢無端端反客為主咗。即係明明一開始嘅時候就好似佢唔捨得你要纏住你，然後就帶埋你去見啲姨媽姑姐，跟住點知無端端去到後尾一個屈尾十，變咗好似你唔捨得佢、好似而家你嚟逼我婚啦咁樣。
Tiffany：係啦，冇錯啦！
專家Dickson：因為佢已經由一個A0，變咗有一年嘅拍拖經驗，所以佢變咗做….
東方昇：情聖呀變咗！變咗情聖啊！
Tiffany：咁我哋其實不斷喺呢個位度糾纏左一段頗長嘅時間。
東方昇：嗱，好啦，Kneta 我想問吓你，面對着呢啲咁嘅愛情青頭仔，喂，點樣呢？你會點呢、
Kenta：我會有個妥協囉，我會有個妥協。即係譬如而家你唔想咁快結婚住，唔緊要，咁我可能唔好五年啦大佬，一年後，咁大家有個適應期，咁我慢慢搬去你屋企住。慢慢啊！唔係一下！差唔多時間啦，你都醒水同我求婚啦，好唔好？咁就大家都退一步，咁樣好似大家都會開心啲、舒服啲囉。

Tiffany：咁其實我哋已經儲咗一舊錢出嚟㗎啦
東方昇：結婚？
Tiffany：係啦！咁我就奇怪咁你仲要儲乜嘢？
Kenta：我知啦！我feel到。
專家Dickson：我心裏有答案
Kenta：我覺得佢唔係唔想娶你 突然冇咗舊錢好似……即係佢男朋友係咁有責任啦，同埋咁現實，會諗錢方便嗰樣嘢，就係……就係好似好辛苦儲咗一舊錢喎，不如……
東方昇：不如買高達囉！不如買高達
Kenta：越唔好搞住先啦咁樣
東方昇：嗱，我覺得好簡單啦，你唔好理佢啦，因為佢都真係唔係好知自己做乜。
專家Dickson：可能佢好知㗎！
東方昇：你比方向佢啦，你明確啲講啦

Tiffany：其實已經攤咗出嚟講，已經講到我口都臭埋嘅時候就…… 唉，我唔知呀……
東方昇：喂，不如你依家打俾佢呀！我哋幫你問，真係，一齊問吓佢。
Tiffany：其實我而家喺佢屋企。
Kenta：快啲叫佢過嚟啦！
東方昇：真係，你叫佢一齊speaker問吓佢！
Tiffany：你等一等我，睇吓佢……
東方昇：得，你叫佢入嚟之後，我同佢解釋件事，okay！嘩，好緊張！
Tiffany：哈哈哈哈，咁你哋等一等下
東方昇：好～冇問題！

－已接通事主男友Andy－
Andy：喂？
東方昇：你好你好，其實呢係咁樣嘅～，其實因為你女朋友呢就打過黎，咁佢就有啲難題想我地幫佢解答，咁其實就係話呢……
Dickson：但係都係一個甜蜜既難題黎既
東方昇：係好開心既。咁佢就話同你一齊好開心，佢好鍾意你～
Andy：係～
東方昇：佢覺得你好可愛
Andy：吓…吓話？
Dickson：係呀，直情講到話…
東方昇：讚到呢…
Dickson：即係話…
Kneta：覺得你所有野都好cute架喇
Dickson：佢連你講嗰句說話exactly係點佢都講得返出黎架喇
東方昇：係呀係呀。咁但係個問題就係呢……咁佢都知道你地其實都好想結婚，係唔係架？
Andy：都有呢個打算
東方昇：你有呢個打算架嘛，係唔係呀？
Andy：係
東方昇：真架嘛？唔係我逼你架嘛？哈哈哈哈哈，即係唔係佢get錯丫嘛？不如我問下你喇，點解你想同佢結婚呢？你覺得佢有幾好？令到你……「哎！我覺得係呢個女人喇」咁樣呢
Andy：吓，佢係我隔離都要講呀？
主持s：梗係要啦
東方昇：愛的表示就係要係隔離講呀
Dickson：你知唔知我幾想同人講都無得講呀大佬呀

東方昇：係，有咩好呢佢？
Andy：咁呀，因為其實我識佢……我諗都係3年左右啦，咁但係我見到佢呢就好似見到一個將來既感覺，即係好似話好假呀嘛？
東方昇：唔係呀
Andy：但係事實係即係每次見到佢就會幻想到未來生活係點樣樣呀，或者見到佢有種返到屋企呀、好攰呀、即係可以休息既感覺囉，其實我就希望呢個人可以陪埋我下半生啦咁樣
東方昇：嘩……咁我想問多少少喇，佢都話你其實多次都有講你係選定佢啦，佢又心意屬你啦已經，但係你臨門一腳呢就好似……
Dickson：硬係傾唔…
東方昇：kick住kick住咁樣
Andy：其實我覺得我個人係傳統少少，就覺得我想準備好哂，即係心理上或者經濟上都準備好喇，咁先至去求婚之後再進注去結婚呢條路。

－男友表示…心理和經濟上準備周全才求婚－

Andy：我就話唔想話……隔幾年先至有呢個能力再去擺酒結婚呀，或者各樣既形式。是係我既諗法係咁樣囉，我都好似有同佢講過
東方昇：嗯～我會覺得……拿我地從女人既角度，女人最需要既呢係一個承諾
Kneta：一個名份
東方昇：係呀
Kneta：拿你唔好見我咁我，稱呼上面呀，或者同唔同居嗰啲我都……有少少傳統架。就係覺得如果我真係想同呢個男仔行落去，我先會選擇同佢同居丫嘛。咁但係如果你恈恈然叫我日日都去你屋企住，好似入贅左咁，而你又唔係咁快同我結婚喎，我會有個擔心就係……哎，唔知將會點呢？咁我自己就覺得其實有啲野可以一步一步黎既，唔使話儲好哂所有錢，非常之足既planning，咁我覺得你愛要及時，大家相愛喇，咁咪求左婚先囉

－Kneta認為……將來難以計算，愛要及時－

Dickson：同埋我都係咁講Andy真係，人生苦短，單身好寂寞架
東方昇：你好幸福架你
Dickson：唉～
Andy：okay～明白明白～其實我可能諗法就單一啲啦，咁聽完你地講，係女仔角度再了解多啲，咁我會再諗下既，明既
東方昇：係呀
Kneta：好好呀
東方昇：好，我地可以俾返Tiffany講丫～
Andy：okay，我俾返佢先下
東方昇：多謝你
Kneta：thank you你


－事主再次登場－
Tiffany：hello
東方昇：喂！我地講你將你既諗法表達左俾佢喇，你地真係好sweet呀。我會公平啲，頭先你男朋友呢，就講左佢鍾意你啲乜，你呢度都要讚返佢！
Dickson：係呀
Kneta：鍾意佢啲乜野！
Tiffany：咁我其實好鍾意佢好細心啦，即係佢無時無刻都嘗試去處於我既角度為我做每一樣野，為我地既將來去planning既呢一樣野係，同埋有陣時可能我有啲脾氣呀咁其實佢係好包容我，甚至呼係好似做左一個出氣袋，一個樹隆咁樣，我隨時隨地搵佢佢都可以係我身邊
東方昇：嘩，呢啲結得婚架喇。講多樣，我要想為Dickson講既，其實A0既男仔有咩好呢？

－A0男生的優點－

東方昇：哈哈哈哈，單純啦
Dickson：標籤我？
東方昇：sell下Dickson呀，因為你係過來人呀，A0既男仔有咩好呀？
Tiffany：好似蓮花咁
東方昇：點解呢？即係含苞待放？
Tiffany：係呀，即係仲未話經過其他愛情既洗禮，咁佢地又唔會對呢份感情無乜希望，反而佢地係永遠都存在住一個好高既憧憬
東方昇：出淤泥而不染呀！喂！多謝你！嘩我地今日好開心呀，又幫到你！又幫到Dickson！又幫到啲A0
Dickson：我仲未開花呀不過
東方昇：唉，就黎開架喇，就黎開架喇
Kneta：有多啲憧憬
東方昇：喂！好，多謝你多謝你，希望你地開開心心呀
Tiffany：多謝你地
東方昇：希望幫到你地
Kneta：聽到好消息呀我地想
Tiffany：好丫
東方昇：好！拜拜！
－收線－

Dickson：拿，咁今次聽完你啲case之後，我係好興奮
東方昇：梗係啦
Dickson：首先我…
東方昇：因為A0都有得拍拖
Dickson：A0有希望，呢個第一樣興奮既。第二樣野就係通常呢，打上黎嗰啲嘉賓呀，嗰啲難題都係比較慘情一啲既，一係就去到分手呀
Kneta：負面啲既
Dickson：一係呢就係求我地點樣幫助佢去脫離苦海呀，但係今次呢個係sweet既難題喎，即係求我地幫佢點樣可以結到婚
東方昇：唔係，本身有啲難題，好彩，拿我地無夾定，真係，原來咁岩佢男朋友隔離，佢又肯，所以就……大家我覺得聽到都開心
Dickson：同埋肯已經係一個好大既優點黎架喇我覺得，唔係人人肯架
東方昇：所以打過黎既，未必一定係難題架
Dickson：係～
Kneta：未必係慘野架
Dickson：你哂命都得既
東方昇：係呀，哂命呀，示愛呀，或者激嬲佢想黎道歉呢，都可以…
Dickson：我地又可以幫你打埋佢
東方昇：幫你打埋俾另一方面，咁就一齊解決呢個問題，或者一齊分享你既幸福，好唔好呀？好！下集見！
主持s：拜拜！
東方昇：交你地既故事！

東方昇：大家好呀。拿，見到得我地三個姐，利君牙就去左渡蜜月啦
Kneta：飛左～
東方昇：飛左喇，咁呢個時候呢我地就可以揀女喇！！揀個女主持喇
Kneta：你地梗係想喇！
東方昇：係喇。Dickson想要啲咩人先？
Dickson：我係有份揀架嘛？
東方昇：梗係啦！你想有咩要求呢？
Dickson：我呀？我就…要求好簡單架渣～
東方昇：你快啲啦！係度諗！我地要求係啲咩呢？
Kneta：靚女！
東方昇：就係乜年齡都得啦，後生又得，如果你十八歲可可愛愛，鍾意講野又得。如果你話……
Dickson：好多愛情經歷既
東方昇：係呀，好多愛情經歷又得
Kneta：多過我啦最好就！
東方昇：Dickson乜都岩！
Dickson：我好攰呀哈哈哈，因為我需要人地黎教導返我，如果甚至乎你生埋他，結埋婚
Kneta：都可以架！都可以架！
東方昇：六十幾歲！結左婚四十年，教導下大家有啲咩正確既愛情觀念都得！乜人都得！總之健談，唔怕醜就得架喇
Kneta：就可以上黎報名
東方昇：好！快啲黎報名！去《圍爐取戀》既ig inbox我地！拜拜！