#MM｜心理學解構覆上司短訊學問 廢話唔緊要最重要快 試過最夜幾點收到上司短訊？職場Emoji解讀大不同 增加親切感但容易中伏｜#Pantry有嘢斟

Mills︰一個都應該好多問題啦喎

Karen︰佢就話呢，佢成日遇到一個問題就係，佢係whatsapp group到send message出黎呢，同事個反應非常之冷淡，而我呢就做左一個小小既統計

(短片: Karen)
係我手頭上，我就print左二月和三月，我地某一個MM既工作group既對話，總共都有144頁，咁我依家呢就做一個人手既人肉統計。粗糙統計由阿姐開始發言既對話大概有24次，當中有6次即係25%係冇人回覆，而頭三位會第一個回覆阿姐既同事，分別就係阿Sam回覆左5次，Social Media既同事同埋我呢就各自回覆左4次既。

(回到現場)
Karen︰因為我呢個人肉統計，所以點都有一啲Error既，大概見到阿姐既message冇被回覆真係有出現既

(大家驚訝)

Michael︰關於咩內容架?

Karen︰跟住發現通常既狀況呢，例如佢話「呢個題目大家有冇興趣阿? 不如做一樣呢啲咁樣既野好嗎?」 同埋試過有一次問大家食吾食糖水

(大家笑)

Mills︰呢個我有印象喎

Manyi︰呢個好hurt喎

Karen︰有回覆既，最後係隔左3個鐘之後，Chucky第一個回覆。我想講呢，阿姐有點名話阿Sam係暖流黎既，通常佢都係會第一個回覆，但係佢都有講其實佢回覆既都吾係咩重點黎既

阿Sam︰其實通常我係見到既話就會覆先既，因為我驚我自己吾記得啦，或者可能表示我有睇到咁樣囉

Manyi︰我想幫阿Sam加持，覆上司既message呢件事，大家會尷尬邊個做第一個，你做左第一個又驚下下每一次都覆就會驚人地會吾會覺得你「擦鞋仔」或者係上司既就好快覆，但阿Sam係邊一個人send message出黎，佢見到都會即刻覆，佢反應堆黎既

Karen︰工作group由其是，差兩個人開多左個group，其實個啲資訊氾濫係咪令到大家吾覆既一個原因之一呢?

Mills︰我覺得資訊氾濫會令人遲覆既，而現今世代差吾多係會接收到一年裏面既message，係等於過往6至10年既，其實send message個個人不單只係老細，其實用所有既電子通訊渠道或者網絡上既溝通都吾應該期望對方太快覆既，因為真係會比較遲既，但係選擇覆邊個group同點覆法呢，係關心理學事，因為心理學有一個叫做新啲既，叫做Cyberpsychology(網路心理學)，意思即係講緊網路相關而導致一啲既心理情況，係Cyberpsychology其中一個好重要既因素就係Anonymous Effect(匿名效應)，例如成班人開會，即係講一句野大家都係吾應架啦，但起碼大家啲表情各樣野動作睇得到，但係如果係係whatsapp入面，我吾講野或者有幾多次吾講野，其實吾會有人特別數特別去知架嘛，安心好多吾覆或者點樣既

Karen︰幾時覆? 幾耐先覆? 即係個期望應該係點樣呢

Mills︰你地覺得呢?

Manyi︰我吾知係我本人問題定點啦，我係有種被教育既心態呢，under大老闆個個人係有一個責任去回覆大老闆架嘛，所以我就會成日等中層覆左之後見到個方向先會再去覆，你地有冇阿? (笑) 你地吾好話冇阿

Michael︰我係咪都吾覆架因為

Mills︰我會覺得呢個係好正常既情況黎既

Manyi︰強調返呢句「好正常」出黎

Mills︰因為你既意見要覺得係咪究竟approve同埋驚對抗緊老細，但係從真係老細角度黎睇，佢又真係會諗，其實我又吾需要，如果係其他人都肯發言反而覺得自己好開明，大家溝通好好，即係反而係鐘意，除非個樣野係要上司approve

Karen︰其實我地係吾夠自信心，你睇下阿Sam

Michael︰佢真係好好，佢個人係好直接，例如阿姐成日問YES NO question，有冇興趣，咁我冇興趣冇理由答我冇興趣，好冇禮貌架嘛呢件事，例如啱啱話「食吾食糖水?」咁我吾食冇理由「吾食阿 啱啱食左嘢 咁難食」阿Sam真係講得出架

Karen︰但係作為第一個覆好似阿Sam咁樣有冇好處呢? 因為阿姐會覺得佢暖流

Michael︰但係佢覆廢話喎

Manyi︰吾係廢話，係sticker

Mills︰我覺得快覆好喎，總之快覆一定係好既，我甚至於覺得response既速度係緊要過response既內容，我地叫做一個Non-synchronous Communication(非同步溝通)，面對面呢係同步既，例如我講一樣野大家即時會有反應，聲畫係完全接收到曬既，而係類似whatsapp個情況我講左出黎既時候其實係同步吾到架，究竟啲人鐘吾鐘意呢? 佢地係吾鐘意所以吾應，定係忙所以吾應，完全係一個Uncertainty (不確定性) ，人係Uncertainty自然就會不安，不安既時候有小小焦慮啦，縱使係冇乜內容，例如我send「OK收到 再諗下先」，其實上司就會覺得起碼大家知道呢件事，佢就會放心好多，如果對方係老細，更加係呢個情況，因為佢會覺得大家好似有責任去諗同做某啲野，根據我呢個咁既行動

Karen︰但例如多左whatsapp成為左工作既工具之後呢，好多打工仔其實覺得係好慘，你試過最夜收到個message係幾多點?

Manyi︰凌晨囉

Karen︰有吖，凌晨一定有，咁我地工作一定有

Mills︰甚至係每一個鐘數都試過收到，凌晨1,2,3,4,5,6點都試過收到message

Manyi︰真係24個鐘都收到

Karen︰Mills你有冇介定某一個鐘數就吾搵自己下屬?

Mills︰(笑) 可吾可以盡量吾好問我?
(眾人大笑)

Michael︰你地平時搵Mills幾多點阿?

阿Sam︰咁我就好有人性既，過左10點就好小搵阿Mills既

Mills︰(大反應)有冇呀你?!

(眾人大笑)
Mills︰係咩? 你有咁樣既人性出現咩? 吾係喎~~~ 因為我好夜晚做野既，咁所以呢我係好夜晚覆，但係我希望啲同事知，我都有同佢地講，總之我send我又驚吾記得，我又驚等陣間漏左個件事啦，咁我就會先send左出黎，其實佢地依家大家都有所習慣，佢地係吾會特別覆，而我亦都吾會特別追，因為我只係為左做record
Karen︰因為你expectation就係其實你聽日覆我都得既，只不過我有時間想send左比你地先
Mills︰係吖，因為真係會吾記得，不過呢句講出黎，肯定會有人話「我上司吾係咁」

(眾人笑)
Mills︰但我覺得大部份都係咁樣既，我覺得如果一個上司佢要求你3,4點，或者2點幾啦，甚至1點過後，都一定要快覆既呢，我認為佢係非常之吾合理既

Karen︰放心，我地既上司吾係咁樣
Michael︰我想講我地阿姐，如果佢假期搵我佢會好貼心既，「吾好意思， 放假都搵你，不過呢」
(眾人大笑)

Mills︰咁起碼佢都貼心既，因為佢太多野去記，又驚吾記得，我覺得你可以同佢講，夜晚我真係覆吾到你幾點之後，我send比下屬佢可以吾覆，當然我見到有啲同事戚奴性很重既，我都會減小啲既，我既意思佢係見到message就要覆我都廢事打擾佢太多，雖然我都有
(眾人大笑)

Mills︰幾慘，做呢個節目仲要自己攻擊自己，講自己衰野，呢一集真係好陰毒

Manyi︰其實大家覺得觀察上面係幾多點之前係適當放工之後會覆既時間呢? 我就覺得係凌晨12點之前

Karen︰我地份工係囉， at least 12點之前

Mills︰我認為你地份工係既，我覺得如果係香港黎講呢，可能就會係7點之前，食飯前係一個關口

Karen︰同埋放假囉，放假都收到message

Manyi︰(舉手)我試過一次吖，我試過一次放長假去旅行啦

Mills︰哦~~~我聽過吖

Manyi︰我阿頭呢都貼心既，咁佢知我幾時落機既

Mills︰呢句好「戴頭盔」，哈哈哈哈哈….

Manyi︰之後呢我就落機既時候，一開個data就不停彈出黎，我就已經見到阿頭已經send定野比我同我講要做啲咩，但係落機之後第二日都仲係放緊假既

Michael︰跟住你要銷假架嘛另外

Manyi︰吖係，然後佢下一句就問我話「你介唔介意聽日銷假返左黎先」，然後我就係落機個下，拎住個喼

Mills︰咁個件事係咪真係咁急架?

Manyi︰都……

Mills︰OK 得左
(大家大笑)

Manyi︰都..急既

Mills︰急既，老細角度係急既

Karen︰咁點樣禮貌地回覆呢如果係作為一個打工仔

Mills︰唔知大家肯吾肯做，我就覺得如果想build up自己習慣，就真係吾覆囉
(其他人回應:哦~~~~~)

Mills︰因為講真呢，例如我去左旅行，咁真係覆我，咁我下次都真係會知道Manyi有機會係旅行回覆，即係我意思我會小左減低其他option去解決呢件事囉，如果當然更加好啲就係應該事前溝通個方法同模式係點樣，我覺得咁樣係最好既

Karen︰但係好似阿Sam咁樣，成日都覆隻柴犬貼圖出黎，咁有陣時你講公事同講私事係吾同，咁你突然間向上司覆隻柴犬，可能咁樣有反效果架嘛\

阿Sam︰柴犬咁得意，點會有反效果阿

Mills︰所有呢啲我地叫做數碼溝通既情況下，其實emoji, sticker係大幫助架

Karen︰但佢覺得柴犬得意姐，吾係個個都覺得柴犬得意架嘛，好似有個肥仔既sticker，阿京話佢見到個個肥仔就想打落去

Mills︰所有sticker同emoji呢，其實佢吾係代表cute同埋唔cute，哪 我意思人地話鐘意有呢啲，其實你地應該係做social media都知道架，如果我寫一段文字多emoji或者標題野，啲人係會鐘意睇啲

Karen︰即係好似IG post同facebook post

Mills︰係啦，好過全部得文字既，我可以係個文字當中睇到情緒，睇到你點解會咁樣寫，同我地平時傾計，係有一個咁樣異曲同工既情況既，直程有啲研究解釋emoji個角色係點，咁佢就直程係話用emoji係會增加同雙方既感情
(其他人回應:哦~~~~~)

Mills︰係喇，同埋呢個個順暢度同個速度架，大家會覆得快啲，因為你會小左去諗，即係例如我寫一句話「你送既野我好鐘意」，佢冇任何開心既符號，你會覺得係咪真係鐘意架? 係客氣定係暗串，如果佢話「真係好好食」有曬好好食既emoji，你會收囉個情況，總使佢send個陣時候，其實都係目口目面

Karen︰好，咁問題就黎啦，因為呢emoji係同一個icon但係可能吾同人get到個個情緒係吾同架嘛，或者幾時用個樣野都係有分別架嘛個感覺，因為例如我啦有個錫錫咀心心既，如果吾係好熟個啲人send比我就話，你做乜錫錫咀心心，我就會覺得超過左咁樣囉

Manyi︰我都試過話說有一段時間我同Michael做野啦，得佢有一個standard，佢覆三個OKOKOK手勢既人頭🙆🏻‍♀️，咁好長既時間我覺得個個emoji係好乞我憎既，我就會覺得佢假裝表面友善，但其實係西緊我既狀態

Michael︰係吾覺得咁樣好跳脫咩(做OK手勢) 🙆🏻‍♀️，咁樣咁樣喎

Karen︰呢個誤會好大吖

Manyi︰過左段時間之後呢我就直接問佢話「你依家係咪有啲咩不滿姐，拎出黎講囉咁樣」，之後佢就話「咁樣都吾友善?」

Michael︰本身我OK手勢既👌🏻，有一年既時間就好似friend左啦，就諗住可以跳脫啲啦，之後我有再加既，係個emoji後面括住「友善的」

Karen︰其實大家對於個啲emoji其實個感覺係點，即係你會多用邊個架?

Manyi︰(合手)呢個囉

Michael︰咁樣好假吖呢啲

Manyi︰同埋(鞠躬)

Karen︰(合手)呢個呢，有人講返比我知以為呢個emoji係擊掌阿

Michael︰本身係for high five

Mills︰(驚訝)真係架?!

Michael︰真係架

Mills︰真係好誤會喎呢家野，邊個你地常用架話?

阿Sam︰(笑喊)最常用囉

Mills︰(笑喊)我都常用

Manyi︰我吾知個啲咩野既時候就會比個(笑喊)佢

阿Sam︰(打斜笑喊)我都覺得有啲乞人憎既

Karen︰下?! 點解吖

Mills︰(大笑)真係好多誤會

阿Sam︰(打斜笑喊)好似好囂張咁樣

Mills︰我通常兩個夾埋架

Karen︰即係打斜同打直，打直打斜打直打斜

Michael︰(大笑)咁好心機既你打得

Mills︰真係好笑阿嘛

(圖片加入︰
(笑喊) 😂官方解釋
- 笑得太厲害了而流下眼淚
- 表達樂趣
- 強烈喜悅

(打斜笑喊) 🤣官方解釋
- 笑到失控流淚在地上打滾
- 非常有趣
- 極度幽默)

Manyi︰我想講最乞人憎係呢一個，同事send過黎 (掉轉微笑)，如果假設話冇所謂OK再加個(掉轉微笑)，即係佢吾OK囉

Karen︰我會覺得係無奈囉，冇掉轉既係小無奈，掉轉左既係超級無奈
(大家大笑)

(圖片加入︰
(微笑) 🙂官方解釋
- 淺笑讓人有點不安
- 消極不安
- 諷刺情景)

Karen︰咁我地揀一個最不明所以既啦每個人
(思考中…)

Michael︰我覺得呢個囉🥴，呢個係咪忍笑阿?

Mills︰係咪討厭阿?

Karen︰唔係喎，我又覺得吾係討厭喎

Michael︰無奈吖?

Karen︰諗唔明?

(圖片加入︰
(頭昏眼花)🥴官方解釋
- 好像醉酒了的表情
- 醉酒
- 意見不同
- 不開心
- 疲憊
- 很滿足)

Karen︰阿Sam係咪話有啲係勁憎架?

阿Sam︰呢個係我最憎既😊(溫馨笑)，通常呢「你去打機啦😊」加個(溫馨笑)咁樣呢啲就大鍋啦

Mills︰我想講呢，我收過呢個有個女人發緊脾氣，然後講啲好鬧緊你但加左呢個emoji

Michael︰我唔會話比你聽係阿姐黎既
(大家大笑)

Manyi︰但不過如果職場黎講呢，我收到呢個係最溫和既😉

阿Sam︰我覺得呢個係好串架喎，即係「我有野醒你」或者「等我教精你啦」

Mills︰真係好慘，真係好大誤解

Karen︰呢個我覺得係OK冇問題喎

Manyi︰呢個係最溫和既係我眼中

Karen︰但我地覆吾覆上司關唔關其實個上司既管理模式事架呢?

Manyi︰哇，呢個好危險阿下

Mills︰佢吾一定係關係，但佢一定係其中一個因累黎既，所以上司一定要第一件事應該係見到有咁既情況，佢係應該先評估自己，多過去評估溝通渠道或者其他野既，呢個既意思係做老細既責任咁個個情況，但係呢又未必一定係佢既問題，你諗返自己唔回覆或者遲回覆，甚至乎藍剔左唔覆，甚至乎keep佢係到吾藍剔，即係吾睇佢，你諗下啲理由係多到不得了，上司永遠都要諗下自己，因為上司下屬溝通我認為其中一個最大因累始終係上司，永遠下屬係熟悉上司既工作模式，多過上司熟悉下屬既工作模式

阿Sam︰呢個你講過幾次，係金句黎架

Mills︰係囉，因為上司係吾會特別理個同事係點樣我先至會同佢傾既，但同事永遠都會諗上司幾時開心幾時唔開心，講乜佢唔鐘意講咩鐘意，即佢地點反應一定係反映返自己個行為囉，但係如果係工作場所上面，上司就一定要諗，究竟你係咪自己都吾係成日都快覆呢?咁同事自然都唔快覆你都係好正常姐，係咪Reciprocal Effect(互惠性)，究竟係咪都關自己send既message裏面既含量吖，會唔會好複雜啦，同事需要好多時間消化啦，會唔會製造左責任既問題，類似呢啲，當然最大鍋既就係真係第一個覆個個我就真係搵佢做野既，咁咁你係一定叫緊吾鼓勵人地快覆

Karen︰雖然我地頭先有講，叫上司吾好咁大期望大家會覆得快啦，但如果佢真係想有一個適切既回應，有冇一啲方
法呢?

Mills︰我自己會覺得咁既，即係上司要有咁既心理上既準備，我覺得都要既，因為短訊工具本身係咁既，而我自己做上司既話，我自己係會咁send一個message出黎大家可能未必會即刻覆既，咁自己調節啦下，OK咁跟住呢我就會想人地覆既話呢，如果我吾係直接既話呢，我就會係send一個更新出黎，即係話呢依家個情況點呢，大家又會點睇吖，其實都係暗示比大家聽覆啦個隻，到到真係大家又吾覆我又好想大家覆既，我就可能「喂，大家有咩睇法，可唔可以每人都講一個」

Manyi︰每人都講一個，呢個都係好方法

Mills︰即係我係會大約咁樣既步驟

Karen︰跟住全世界輸入中…等下邊個第一個send出去

Manyi︰已經打到句號，然後在線睇下邊個第一個

Michael︰我真係好怕「輸入中….」呢個功能

Manyi︰係吖，所以我覆message既時候我會覆上司一啲好好嚴肅既話題，我會係個note先打好曬，先再copy去個whatsapp到

Michael︰我都係吖

Manyi︰你比佢見到你「輸入中…」咁耐既時候，佢就會在線問你點解你要打咁耐

Karen︰點知你打左咁耐之後，只係收到一合「OK 冇問題」

Mills︰對方更加諗，頭先你乜呢? 如果佢想真係純粹真係個目的係話叫大家多啲野發言既，咁我反而可能係小啲發言個個，我特登問佢，我寧願你觀察到我係一個點樣去覆message回應既人，咁我就去試下睇下點同你去溝通，例如Michael很多事都唔會係個group到覆既，我真係想得到你既回應咪直接去問佢，甚至乎我同佢講「喂 不如你個group到覆一句啦」，你地係咪借刀殺人架呢一集，教緊上司同埋安撫上司

Manyi︰我地會收集返你講過既野比返你啲下屬睇架啦
(大家大笑)

阿Sam︰你有冇諗點解突然之間今集改左名

Mills︰咪就係囉，好有陰謀阿大家

Manyi︰我地Pantry吾啱去講呢集既話題

Mills︰跟係要我係咁話我上司，好似幫曬你咁喎

Manyi︰唔好咁講，你節目黎架嘛

Michael︰話曬你主持

Manyi︰話曬你主持，今日都挽得開心架係咪吖

Michael︰下次記得邀請我喎

(完)