6/4 《圍爐取戀》與女上司一夜情後爆出愛火花

東方昇：大家好呀！嘩，我哋今日⋯⋯其實唔係今日，自此以後呢，我哋可能都係得三個人呀。

專家Dickson：永遠都冇㗎喇嘛？

Kneta：唔係嘅，唔係嘅，我相信唔係嘅。

東方昇：因為利君牙就⋯⋯唉⋯⋯

專家Dickson：唔使做喇。

Kneta：暫時啫！

東方昇：唉⋯⋯從此就退出娛樂圈。

專家Dickson：唔使做喇。

Kneta：幕前！

東方昇：就去咗渡蜜月。

Kneta&專家Dickson：係～

東方昇：同佢老公阿Bu。阿利君牙，嗱，你唔好咁開心呀，如果你哋去外國見到啲⋯⋯

專家Dickson：靚女！

Kneta：洋腸。

東方昇：靚女呀，或者啲咩呢，拍啲片返嚟同我哋打個招呼。不過佢離開咗呢，我其實好開心嘅。

專家Dickson：係。

Kneta：點解呢？

東方昇：因為我哋可以搵新嘅主持呀！！

Kneta：知你啦！！

專家Dickson：係咪女仔？女仔吖嘛？

東方昇：梗係搵女仔啦！佢離開咗我哋，梗係重新諗吓搵過啲咩人啦。

Kneta：我估我估！

東方昇：係。

Kneta：後生嘅？

東方昇：梗係啦！你都年紀唔細喇！

Kneta：我都好嫩口呀！！

東方昇：嗱，應該問Dickson，Dickson，嗱，搵個二十歲以下好唔好先？

專家Dickson：你睇吓我個樣已經⋯⋯都不斷有好多嘢冥想緊。

東方昇：嗱，搵個二十歲以下，就對愛情就充滿憧憬，得得意意嘅。

專家Dickson：得得意意好緊要！

東方昇：因為你都係老手。

Kneta：唔得意唔OK嘅？

東方昇：係呀，你都係老手，我哋搵個後生少少嘅。

專家Dickson：冇咁叻嘅。

Kneta：純情啲！

［純情小妹妹］

專家Dickson：等我都可以搞得掂嘅。

東方昇：係喇！嗱！觀眾如果你係當事人呢。

Kneta：有興趣。

東方昇：即刻就Inbox我哋《圍爐取戀》嘅IG，就話畀我哋聽你想做主持，就睇吓有冇啱啦，如果啱，我哋就pick啲嚟試吓做啦，希望搵到啦！

專家Dickson：係真㗎喎！真係inbox我哋，我好期待㗎喎。

Kneta：我要女！

東方昇：喂，好喇！咁我哋言歸正傳，我哋講今日個題目喇，今日犀利喇，今日係講一個忘年戀嘅一夜情㖭，好似話係。

專家Dickson：咁老嗰個係男定女呀？

東方昇：好似係女嚟嘅，女上司㖭呀！

［・本集主題・愛上我的女上司！］

Kneta：呢個爆呀，好少聽。

東方昇：正呀真係。嚟！接佢入嚟聽吓先！豪仔你好～

圍爐Buddy 豪仔（化名）：你好，各位主持人。

東方昇：喂！嗱，我知道今日個case好犀利喎，你好叻仔喎，你係一個忘年戀喎，係咪呀？你同另一個，大過你好多㗎喎。

豪仔：唔好講到咁樣啦。

東方昇：點呀？大過你咪忘年囉！一係你就唔認戀啫，純粹係一夜情。

Kneta：佢想係姊弟戀。

東方昇：哦⋯⋯

Kneta：姊弟戀係咪好聽啲？！

豪仔：呢個好好多。

東方昇：姊弟戀！OKOK！

豪仔：咁首先我今年係一個比較後生啲嘅新晉員工啦。

東方昇：幾多歲先？

豪仔：23呀，我今年。

東方昇：23？

專家Dickson：即係啱啱畢業咋喎。

［初入職場的Fresh Grad］

東方昇：都係弟弟嚟嘅，係～

豪仔：咁我就入咗間公司做，咁原先跟我嗰個阿頭。

東方昇：跟你？你跟嗰個。

［遇上工作狂上司］

豪仔：我跟佢，我跟佢，佢本身喺公司入面就出咗名係嗰啲⋯⋯好鬼搏盡呀，做嘢做到好鬼癲呀，即係會Chur員工Chur到去零晨兩、三點仲Chur緊嗰啲人，咁我一開始其實都好鬼驚佢咁樣啦，之後就同佢合作咗個Project啦，畀佢Chur完一排之後，跟住佢後尾都起碼⋯⋯欣賞我嘅工作能力先啦，即係佢覺得依家嗰啲新晉嘅員工好多都唔係好襟Chur呀，唔係好襟鬧呀，做嘢又好冇交帶呀，咁大家一路Keep住做嗰時做到好夜，咁做嘢做到兩、三點，唔會即時瞓到教，因為個人好緊張。

［因勤奮態度獲賞識］

東方昇：係。

豪仔：跟住我有陣時就會同佢臨瞓之前都會傾吓偈輕鬆吓咁樣嘅。

東方昇：傾啲咩呢？傾啲咩呢？嗱，我淨係知道放低工事之後，因為我就真係唔會同上司傾偈。

［東方昇提問：跟女上司閒聊的話題］

Kneta：唔係！我唔會零晨傾囉！

東方昇：所以我想知道傾乜嘢？

豪仔：傾吓大家有咩興趣，都了解到其實佢唔係想像中啲同事吹到咁恐怖，其實佢私底下都係比較友善啲嘅老細。

［了解後發現上司另一面］

東方昇：即係唔係一個女強人啦，即係其實有柔弱嘅一面啦，而你又開啟咗佢呢個門口喇。

豪仔：其實都唔係我開啟嘅，佢本身就係一個咁嘅人。

Kneta：啲人唔理解佢啫。

東方昇：哦～好喇，跟住點樣萌生愛情喇？

［東方昇追問：如何萌生愛意？］

豪仔：因為佢本身都係一個好注重自己外型嘅人嚟嘅，佢係成日做運動嗰啲人，我本身係一個肥仔嚟嘅，佢會帶埋我一齊做運動。

［開始相約一同做運動］

專家Dickson：哦，即係你兩個一齊做運動？

豪仔：係喇。

東方昇：咁我問喇，唔好意思呀，佢幾多歲先？

豪仔：你想講我當陣時對佢嘅認知定後尾？

東方昇：即係你⋯⋯

專家Dickson：即係初初係估㗎啫？

東方昇：你估佢幾多歲呀？

豪仔：我憑佢個職位估應該⋯⋯起碼三十中。

［視覺年齡：30中］

東方昇：好，嗱，因為我想有個Picture，咁一齊做運動啦，佢係著嗰啲瑜伽褲，跟住運動Bra Top咁樣嘅，定係T-shirt呢？

Kneta：長褲。

豪仔：做運動梗係瑜伽褲啦。

東方昇：返工梗係黑絲啦！哦～咁吸唔吸引先？嗰個Picture。

豪仔：吸引～正㗎其實。

專家Dickson：嗱，我又要問返喎，其實佢係咪靚女嚟㗎？

豪仔：係！

［秒.速.回.答］

東方昇：嘩⋯⋯咁你開心㗎喎，一齊做運動，流晒汗。

豪仔：而且佢個外型係完全真係我杯茶。

東方昇：嘩⋯⋯

Kneta：係點嘅先？形容吓先！我想知喎。

豪仔：因為我自己鍾意啲嬌小身型小小嘅女仔。

東方昇：嗯～

Kneta：細細粒。

豪仔：係喇，細細粒嗰種。

東方昇：糖妹咁樣喎！鄭融咁樣啦！

豪仔：我覺得係似林明禎囉。

東方昇&Kneta：嘩！！！！

［全場即時暴動］

Kneta：你係唔係呀？！

東方昇：林明禎，瑜伽褲，著住Bra Top，三十幾歲。

Kneta：你上司。

東方昇：你上司嘅林明禎，嘩！

專家Dickson：半夜兩點，三點會同你講興趣！

東方昇：仲要同你一齊做運動，嘩！喂，你心動係合理喎，我理解到你喎。咁你應該發展得好好吖你呢個情況，跟住呢？

豪仔：因為其實我哋做住Friend嗰陣，其實有陣時我會上佢屋企咁樣，因為其實佢係啲好好客嗰啲人嚟嘅。

東方昇：對你啫！

Kneta：Welcome to my home～

專家Dickson：咁快就可以上上司屋企㗎咩？！

豪仔：其實佢好多Friend㗎，即係佢係要將自己24小時填滿晒嗰啲人嚟嘅。

東方昇：嗱，呢啲我唔想知（開始萌生邪念），我想知佢邀請你上佢屋企做乜嘢呢？

豪仔：我有陣時會幫佢拎嘢嘅，我幫佢拎完嘢之後跟住可能拎到上去，咁佢會話：「坐一陣啦，飲杯嘢先走。」

東方昇：嘩，林明禎叫我上佢屋企呀！！

專家Dickson：飲咖啡呀！

東方昇：林明禎叫我上佢屋企呀！

豪仔：因為佢知我識彈琴㗎嘛，咁有陣時上到佢屋企，佢會叫我彈琴畀佢聽囉。

專家Dickson：吓？

東方昇：嘩⋯⋯

專家Dickson：呢個其實已經唔係一般上司下屬嘅關係嚟㗎喎。

［超越普通上司下屬關係］

東方昇：已經一早轉咗喇！

Kneta：愈講愈恐怖喎。

東方昇：嘩，開心啦！咁我想問喇，即係你彈緊嗰時呢，咁佢就咁樣挨住你個膊頭定點呢？

豪仔：梗係唔係啦！梗係唔係啦，佢坐去另外一面㗎。

東方昇：就攞住杯紅酒，嘩，喺度嗒緊。

Kneta：著住個浴袍。

東方昇：有著白襪仔㗎嘛？

豪仔：唔好FF太多先，其實嗰陣時全部行為動作仲係好正常。

東方昇：嘩，仲係好正常，OK！好！跟住點樣呢？

豪仔：跟住後尾有一次就有個餐聚啦，咁同佢一齊出席完喇，咁出席完之後佢就醉醉哋咁樣啦，因為我同佢住得好近，就送佢返屋企啦，咁送佢返屋企之後，佢就叫我留一留低，因為佢話驚我嘔呀﹗

東方昇：佢嘔﹖

豪仔：唔係，佢驚佢自已嘔。

東方昇：咁佢屋企嚟，咪自己嘔囉﹗

全部：哈哈哈哈哈

豪仔：因為佢自己一個人住，佢驚整污糟佢屋企。

東方昇：藉口啦﹗

Kneta：佢驚整污糟自己咋﹗

東方昇：跟住呢跟住呢

豪仔：咁佢一開始嗰陣時呢，佢就坐咗喺度啦，咁佢暈，佢就揆住咗張櫈叧外嗰面嘅，咁跟住我嗰吓唔舍知黐咗咩線呢，我走去抽佢水囉。

東方昇：抽佢水﹖即係你去摸佢膊頭﹖

豪仔：係呀‧。

東方昇：我想問嗰下，其實有無10成把握啦﹖如果唔係，佢嗌非禮㗎﹗


豪仔：其實我都有諗過如果但有任何反抗動作，我就即刻停手，但佢無。

全部：哦~

東方昇：暗好意思我再問清楚，我代觀眾問，因為佢本身係上司嚟㗎，咁你發生關係嘅時候，佢係一個上司嘅角色，定係...

全部：（笑）

東方昇：即係佢係上把定下把﹖變咗做情侶角色，定係佢仲條一個上司概角色呢﹖

豪仔：其實佢嗰吓全程呢，我feel到佢真係wing嘅，咁所以其實係...

東方昇：你做上司喇﹖

豪仔：又唔條做上司，即係其實佢唔條話..

東方昇：你主導﹖

豪仔：即係唔係話好多反應畀到我嘅佢嗰吓係，

東方昇：即係你主導啦﹗

豪仔：係啦--類以啦。

東方昇：犀利喎。升職加薪喇﹗

東方昇：好喇﹗我哋問到呢度喇。咁其實發生咗呢件事之後，你話你係驚嘅﹖


豪仔：因為完咗事之後，咁我無即刻走到啦。跟住佢應該醒醒哋，佢第一句嘢就問我，「你驚唔驚我報警呀其實。」

東方昇：嘩，呢句嘢好挑釁呀﹗嗱，問下女仔先。

Kneta﹔呢句嘢係極聰明嘅挑釁㗎嘛。

豪仔：唔係囉我唔覺得嗰句嘢係，因為我嗰下係驚到痴咗線囉。我心諗死啦，我嘅人生係唔係就咁玩完。

Kneta﹔因為我覺得呢佢咁樣講係唔想你覺得佢咁容易囉。

東方昇：佢純粹覺得我係可以反抗㗎。

專家Dickson﹔同埋佢呢句嘢係有少少你唔驚我報警，其實佢係去返上司嗰度。

東方昇：即係去返上次嗰度，你明唔明呀，一秒返返去一個高位呀。

豪仔：我嗰下淨係好想走呀，我淨係覺得死啦，我做咗啲乜嘢呀﹗

東方昇：我只係有呢種感覺我覺得你吸引佢就係因為你咁驚青，做一個上司嚟講佢覺得你好吸引㗎。

專家Dickson﹔咁講你其實你嗰個心理狀態我都好明白，咁佢點樣回應你呢個心理狀態呢﹖

豪仔：即係佢見到我好驚之後，佢咪話你對其他女仔唔好咁樣呀，如果唔係佢哋會覺得你唔認真。

東方昇：然後你又點﹖跟住你就返咗屋企﹖

豪仔：跟住我返咗屋企啦，係呀。

東方昇：等陣先，拿去到呢度都幾美滿呀。一個好浪漫又刺激嘅一夜情，我覺得各位觀眾都好希望發生呢啲咁嘅事。

豪仔：其實一啲都唔浪漫。我係超級驚嘅嗰下。

東方昇：跟住之後呢第二日返工係咪呀﹖

豪仔：跟住第二日返工其實我一開始都覺得好尷尬嘅，不過佢又當冇乜嘢咁樣囉好似。

東方昇：即係尷尬嗰個係你，佢就正常冇嘢發生過咁樣。

豪仔：係呀。亦都有對你好似情侶咁樣，我覺得嗰件事完咗之後呢我哋嘅關係可能仲好咗啲添。

東方昇：梗係啦梗係啦。（邪惡嘅笑容）

豪仔：除咗係好似之前咁樣大家都會做一啲約會呀、或者做運動呀呢啲嘢之外呢。佢會開始送嘢畀我囉，佢有架車佢自己唔揸嘅，跟住佢畀咗條車匙畀我。

Kneta﹔喂你上曬車啦。

東方昇：即係姨姨我不想努力了。

專家Dickson﹔唔係呀，我哋又要再歸納下個情況係乜嘢。林明禎咁嘅樣、又食又拎，講完啦。

全部：（笑）哈哈哈哈

豪仔：跟住呢跟住第二次嗰日就2月14，咁我就約咗佢嘅，我知佢悉心打扮過嘅，因為佢平時著衫嘅style唔係咁樣。咁我覺得佢嗰日佢係特登就我啲口味著到咁嘅樣嘅。

東方昇：係點嘅樣咩口味﹖

豪仔：我自己係鍾意啲日係嗰啲qq妹即係lolita

東方昇：Lolita﹗

專家Dickson﹔林明禎lolita﹗

東方昇：咩侍應衫吖嘛，嗰啲叫做女僕。

豪仔：唔係咁痴線呢種，不過我feel到佢已經係盡佢所能地接受嘅style入面盡量加入呢啲元素，因為佢曾經講過佢覺得嗰啲日糸嗰啲妹豬好白痴，著埋啲lolita衫。

東方昇：佢願意為咗你扮一個痴線妹。

豪仔：我哋都有約會嘅一日，咁完咗嗰一日之後呢，我哋搭地鐵返屋企啦。咁我哋搭地鐵返屋企嗰陣喺地鐵幕門嗰度反光嗰啲位攬住咗佢，跟住我就好細聲喺耳邊咁樣問佢可唔可以做我女朋友。

Kneta﹔哦﹗即係你鋪咁耐其實你鍾意佢。

東方昇：呢一下係你第一次正式向佢表白。

豪仔：係啦類似咁樣。不過其實佢冇覆我過我任何嘢，不過全程搭緊返屋企嗰陣佢都有畀我攬住咁樣樣囉。咁之後都一齊過咗夜囉，嗰晚。

東方昇：哦即係有第二次啦﹗

豪仔：係啦係啦，完咗之後嗰日就真係過夜瞓到第二朝嘅。跟住第二朝嗰陣大家就醒咗跟住

東方昇：佢有冇報警呀﹖

豪仔：佢冇，今次冇。跟住佢就好認真咁樣問我，其實你對我了解有幾多﹖跟住我嗰下有少少呆咗，因為其實唔係話對佢了解唔多，而係有啲嘢我唔夠膽問。例如好簡單年齡咁樣，其實年齡嗰啲我一早知佢一定大過我，佢有問過我覺得佢幾多歲，跟住我都係話我覺得你30中左右囉。跟住佢話其實佢唔係30中囉。

東方昇：60﹖

豪仔：唔係60，係40頭。即係畀我預計嘅再大多幾年咁樣。

Kneta﹔ok呀。嗱四十如果佢keep到咁，好後生其實問題不大呀。

豪仔：其實我ok其實我覺得40頭其實完全冇問題嘅。但係後面最爆嗰個位係其實佢好早已經結咗婚，而且有個仔囉。佢個仔已經係今年考DSE，應該我大佢個仔四五年左右。

專家Dickson﹔都震撼嘅。我想像到豪仔嗰下都幾震撼嘅，又縮一縮嘅。

東方昇：都係啦，呢個情況其實我覺得豪仔係好認真。因為佢真係視佢為另一半。因為如果唔係咁，作為一個性伴侶啦，其實係唔需要care咁多嘢嘅，開心咪得囉。理得你有咩前夫或者有冇仔，而佢考慮年齡。其實豪仔係好乖嘅，佢係真係想同佢繼續發展下落去嘅，所以佢聽到佢原來都四十歲啦，加埋有前夫，同埋有個仔呢，所以你嗰下都幾震撼㗎下話。

豪仔：其實四十歲一啲都唔係問題，我自己覺得冇問題嘅。

東方昇：前夫就震撼啦﹖

豪仔：前夫都唔震撼。有小朋友就好震撼，因為完全唔察覺。個小朋友仲要同我差唔多大，

東方昇：即係做你細佬都得。

豪仔：跟住我唔係好識畀反應，佢見我都冇乜反應，咪話不如一齊食早餐啦，

東方昇：打圓場喇。

豪仔：完咗之後我感覺佢對我疏遠遠咗好多

東方昇：我覺得個上司咁主動同你講其實就唔會expect你咁樣，佢知你介意呀，而佢自動，唉，都費事畫出腸，即係你畀錯咗反應，所以扣咗分喇呢個位。

東方昇：而你係想繼續同佢發展架嘛？定係因為佢都有個仔，所以你都驚左呢？

嘉賓：其實如果可以既話我會想繼續留低。

東方昇：咁點呀？佢疏遠你喎。

嘉賓：咁之後係有係咁搵佢，即係例如send下d千字文比佢，係咁打電話比佢呀，其實佢都唔係好覆個d，即係好「已讀不回」個種既感覺呀。

Dickson：你介唔介意講下你千字文入面係講d咩呢？

嘉賓：我話「我會回憶返以前同你一齊發生過既事情，我感覺都仲會係鐘意你呀」之類個d野。

東方昇：岩呀。

嘉賓：咁就唔係好介意佢個年齡，不過我冇講過我唔介意佢個仔，因為講真我好介意佢個仔丫嘛，所以唔講呢d野囉。

Dickson：因為其實你好介意佢有個咁大既仔。

東方昇：而佢就係介意你介意佢個仔呀嘛。

Dickson：係呀，而你又想搵返佢做你伴侶，咁佢個仔唔會唔見左 。

東方昇：其實你唔使send千字文架，你淨係send幾個字，我唔介意你有小朋友，已經work左喇。你send一千字但你唔講呢樣野。。

嘉賓：講唔出口呀嘛，你明唔明姐？我講唔出口丫嘛。因為我感覺上你多左個仔之後，組成唔到個家庭既感覺呀。即係始終有個外人係度我會覺得係。

Kneta：點解呢？

東方昇：唔係唔係，因為我覺得阿豪仔呢就比較傳統思想，就覺得如果前夫有個仔咁樣呢，咁我係佢既stepfather，即係後父，仲要佢同我年齡咁近呢，我直情個腦function唔到呀。真心我覺得其實而家好多人都離過婚啦，所以有個仔其實都好正常丫，唔通有個仔就唔簡咩。因為佢個仔都可以有好多處理方法架嘛。因為你都講啦，佢都考dse已經大個啦，其實係唔係佢養呢，應該唔係呀，因為你話你去佢屋企，佢個仔唔會係個房度架嘛，即係即係唔係啦。咁我估啦，係佢前夫養啦。

嘉賓：嗯

東方昇：咁其實你係冇所謂喎，即係你唔會同佢接觸喎。你既角度就係，我就唔接受你個仔，但我又想同你一齊，咁佢個仔唔會無啦啦消失架啦。

嘉賓：因為講真，你問我係咪真係到呢一刻都接受唔到，我會講係，我會講「真係接受唔到」

東方昇：所以我明白喇，我覺得豪仔呢，你唔了解咩係愛情，愛情就係對方唔係100％符合你心意架嘛。你個個上司已經係99％，係林明禎，就係個1％因為佢有個仔，你就覺得個1％篤眼篤鼻。喂，Kneta結左婚，Mavis又結左婚，冇一個結左婚既人覺得佢係100％，其實一定唔係滿架喇。

Kneta：係冇可能架。

東方昇：80分，70分，60分，60分都值得結，你個個99分啦已經，你都仲。。。

Dickson：人地係盡力地為左你去扮一d自己唔鐘意既白痴妹喎～

東方昇：我講一句姐，我見到個女上司為你犧牲左好多野，咁你為佢犧牲左d乜野呢？

嘉賓：你講得岩，我真係冇，呢段關係入面我係接受哂佢d好意囉。

東方昇：係呀，如果我，林明禎係到呀，佢有12個仔呀足球隊呀，我都得呀大佬。

Dickson：最多我幫佢守龍門姐。

東方昇：咪係囉，一隊足球隊我都得呀，你明唔明呀？

嘉賓：嗯，我明呀。

東方昇：我覺得你要明白左你真係要為佢犧牲，而你要氹返佢呀，因為你傷害左佢呀！

Dickson：所以你個段千字文要寫過呀，你要知道佢為你付出左好多，你一定要寫呢個point，就算佢再接唔接受你，你都一定要多謝佢。因為佢真係為你付出左好多。好偉大呀，我覺得呢個愛情。

嘉賓：我知道，其實我都感受到。

東方昇：我覺得要follow返呢個case，之後我會問返你，究竟發展成點。我覺得觀眾或者大家都好關心呢個故事發展成點。

嘉賓：我唔知，我唔可以好肯定同佢講會跨出呢一步，不過你話要多謝返佢，其實我覺得係既。因為其實呢一段相處入面我真係冇好鄭重咁多謝佢。

東方昇：係呀，你點都多謝佢先，即使佢reject你你都唔好嬲佢，你要衷心多謝佢。

嘉賓：不過我知我對佢仲係好有感覺。

東方昇：咁得啦，所以去馬啦，你離幸福差半步咋，因為如果你地呢件事成就左愛情，所有人都開心。

嘉賓：ok

東方昇：好啦，我等你好消息好冇。

嘉賓：嗯，好啦好啦。

東方昇：好！拜拜！！！！

--- 過場 ---

東方昇：嘩，呢個故事真係講到我地好激動呀。

Dickson：但係大家千其唔好以為我地激動呢係因為覺得，嘩，點解佢會介意有個仔，因為呢個其實都係正常反應黎既，即係例如你聽到話，我鐘意既人原來有個仔，好似我咁大喎。咁其實豪仔呢個係正常反應，咁而我地咁激動既原因為係因為我見佢又咁乖仔，即係唔係想玩玩，淨係想搞人地。

東方昇：係呀，唔得呀，比我，我一定繼續開心落去。

Kneta：佢岩先都話唔要happy呀。

東方昇：佢都乖仔黎既。

Dickson：個女仔又咁好喎，咁一段愛情冇人犯錯但係竟然冇左，點會唔著急姐？

東方昇：喂，我地「圍爐取戀」既核心係咩呀，係關於真愛丫嘛，真係係要犧牲，真係唔係話一邊拎哂著數，一邊點點點。即係要兩方面犧牲包容對方，一定有d野係唔係咁妥既，但係點樣包容對方呢個先係愛情丫嘛。

Dickson：真愛可以打破哂呢d所有框框。

Kneta：局限呀。

東方昇：喂，大家仲有咩奇怪故事呀，繼續黎同大家分享，即係比大家了解下愛情係一樣乜野，

Dickson：由其是比我了解下愛情係乜野。

東方昇：係呀，同埋最後我地星期二，四10點鐘，youtube都有直播既，係100毛既youtube live。

Kneta：「love from home」呀。

東方昇：係呀，幫人配對。咁大家記住睇我地直播，係呀，直播過癮好多呀。

Kneta：係呀，男女都要報名呀，好緊要呀。

Dickson：係呀，你有份參與呀！

東方昇：下集見同埋直播見，byebye！！！