Samsung新一代智能顯示器M8．Dyson首款穿戴產品 空氣淨化耳機．Intel推出Arc獨立顯示卡｜廣東話【Price Weekly #108 2022年4月 】

迎戰Xbox Game Pass嘅全新PlayStation Plus終於出現啦！呢次一共有三個plan可以揀！首先係 PlayStation Plus Essential，其實即係而家用緊嘅PlayStation Plus 會員，只係改左個名。每個月都係可以下載兩款遊戲、獨家折扣，保存遊戲的雲端儲存空間和多人線上的存取權限。價格都會維持不變，香港定價為每月HK$48 / 每季HK$128 / 每年HK$308。然後就係PlayStation Plus Extra，就可以下載埋包括 PlayStation Studio 和第三方工作室，多達 400 款的 PS4、PS5 遊戲。首批遊戲預計包括《God of War》、《Marvel’s Spider-Man》以及《Returnal》等等，收費每月 HK$75 / 每季 HK$215 / 每年 HK$515。至於最貴的級別是PS Plus Premium，不過香港地區不支援雲端串流，所以用唔到。

Sony就出左PlayStation Plus Deluxe去代替，價格會比 Premium平啲，可讓玩家下載和玩在初代PlayStationPS2 和PSP的經典遊戲，並提供期間限定的遊戲試玩服務。會員也將享有頭兩個level嘅項目，香港訂閱價為每月HK$85 / 每季HK$239 / 每年HK$599。

跟著係Dyson新產品嘅消息，今次唔係吸塵機，唔係風筒風扇，而係 Dyson首款穿戴式產品，Dyson Zone空氣淨化耳機。就咁睇相似係一個Headphone，連接住一個面罩。根據資料所講，耳罩內的壓縮器採用精密設計，能在耳機的咁細嘅空間，通過雙層濾網抽取空氣，帶有負電荷的靜電濾網，可捕捉致敏源呢啲微細粒子，以及來自剎車、工業燃燒和建築等的顆粒。而加入鉀的碳濾網，可捕捉二氧化氮和二氧化硫等城市空氣污染，然後壓縮器再將潔淨空氣，沿著非接觸式面罩，佢幾何形狀與回流引，加上中央織網能放出兩股氣流，確保從濾網出嚟潔淨空氣，可不受側邊嘅風影響，從而送到口同個鼻到。空氣淨化方面，有4種模式 低、中、高和自動。由於不同程度的活動，需要不同的呼吸模式，Dyson Zone使用了內置的加速計偵測，並會在自動模式中按需要，切換高、中、低淨化速度。而作為一個耳機嘅話，Dyson就指，每個耳罩內，有高效能的釹電聲系統，有廣闊的頻率回應、同埋精準嘅左右平衡。佢有3種主動降噪模式，最高等級：隔絕模式。仲有對話模式，咁空氣淨化功能就會自動關閉去慳電，增強對話語音。然後就係通透模式，咁一路聽住歌，一路聞住清新嘅空氣，應該心情都好啲。Dyson Zone預計將係今年秋季起發售，確實發布時間及銷售詳情，就要再等Dyson公布。

韓國品牌Astell&Kern出開player大家都知！推出品牌⾸個Hi-Fi TWS 真無線藍牙耳機，型號AK UW100。UW100 採⽤⼈體⼯學設計耳機外殼，以物理隔⾳隔做被動降噪，每邊皆配備兩個獨立收⾳咪，⽤上 Voice Communication Package，收⾳抑噪技術，可以有效分辨環境中之，噪⾳⼲擾、迴⾳及⽤家聲線，經消除環境雜⾳後，保留清晰通透的通話效能。耳機內側亦配有Proximity Sensor感應器，⽤家亦可於應⽤程式，⾃定機觸控⾯版上不同操作⼿勢。UW100 每邊耳機皆內置，AKM AK4332ECB解碼晶片⽤作⾳訊處理，可以獨立處理⾼達32bit嘅⾳頻訊號。解碼芯片亦都有獨立放⼤器。UW100用左Knowles全頻動鐵單元，係於耳機內加入3D打印氣壓調⾳部件，Acoustic Chamber Module，以作調⾳及固定單元。資料指，可以減少失真並提⾼準確性。AK UW100 採⽤⾼通旗艦級別QCC5141藍牙晶片，⽀援藍牙5.2規格、同埋aptX Adaptive解碼，最⾼傳輸 24bit/420kbps 的串流⾳頻。耳機配備6⼩時單次續航，配合充電盒18⼩時續航，令AK UW100⽀援24⼩時總續航效能。耳機同時⽀援無線充電及快充功能，充電10分鐘即可使⽤長達1⼩時，建議零售價 HK$2,380。

聽聞左咁耐，Intel 日前終於推出左Arc獨立顯示卡。第一批嘅 Arc A 系列，係專為Notebook而設，有三個定位分別係Arc 3 enhanced gaming、Arc 5 advanced gaming、Arc 7 high performance gaming。目前初登場的是 Arc 3，至於另外兩款嘅規格就要等到今年夏天。Arc 3 將有 A370M 與 A350M 兩款，鎖定是入門輕薄、遊戲 商用玩家。A370M 具備 8 Xe-core、8 光追單元、4GB GDDR6 記憶體。A350M 則是 6 Xe-core、6 光追單元、4GB GDDR6 記憶體，建議售價為美金 $899 起。

第一款登場嘅notebook係，SAMSUNG Galaxy Book2 Pro 超輕薄設計，採用第 12 代 Intel Core 處理器與 Intel Arc 3。後續 ASUS、GIGABYTE等等都會搭載 Arc GPU種。
Samsung 前排發表 新一代智能顯示器 M8，比起上代M7似乎都有唔少嘅改變。先睇機身方面，驟睇落同iMac都幾似，採用新設計台座，只有 11.4mm 的厚度，全平面機背和薄邊屏幕設計，機頂訂設有磁吸式可拆除 SlimFit Cam，供面部追蹤和自動變焦功能。機身有 4 種顏色選擇，分別有暖白、夕陽桃紅、日光藍、春綠。而係聲畫上都有提升，具備配備 32 吋UHD 4K解像度及HDR10+，但係仍然只有 60Hz 刷新率。支援 10 億種顏色，同埋99% sRGB色域，對比度 3,000:1，色彩支援亦由上代的1,670 萬色，提升至 10.7 億，反應時間亦較上一代提升一倍至到4ms。至於M8聲效內置 2.2 聲道揚聲器，具備升級版的Adaptative Sound+，根據用戶播放的內容種類，以及身處的環境的噪音水平，即時自主修正。連接方面，上一代 HDMI 連接只提供一個 micro HDMI，而家M8 就有埋USB-C 連接，2 個USB-C 接口，有一個提供最高 65W 充電，但就唔見3.5mm ear jack。想連耳機可能就要用TWS，而無線連接就提供 Wi-Fi 5同埋藍牙 4.2，售價方面雖然 M8 有 4 種顏色，但香港只會發售白色版本，定價$6,480。

OnePlus 早喺今年年頭，分別推出 10 Pro 同 Nord CE2 兩部新機，分別係高階同中價嘅定位10 Pro 配備 6.7 吋 2K+ 120Hz，曲面AMOLED熒幕，Snapdragon 8 Gen 1 處理器，Hasselblad 相機系統。而Nord CE2 就擁有 6.43 吋，Fluid AMOLED 熒幕，6400 萬像素主鏡頭，4,500mAh 大電池，都支援5G上網。宜家終於有港版行貨，10 Pro 會有 8GB+256GB 版本，只有黑色可以揀 售價為$7398。而 Nord CE 2 就會有 8GB+128GB，分別有鏡面灰、巴哈馬藍2隻色，售價$2798。2部機都會喺4月15日正式上市。