Damia體驗搬運工人　一日去勻港、九、新界　運送貨物同七師傅、許廷鏗有關？｜Damia｜ACOO

Damia： Hello你好呀，你叫咩名啊？
搬運司機：叫我安仔得啦。
Damia：安仔，你好呀你好。今日我哋會做啲咩啊？
安仔：我哋今日會拎檢測包同搓手液去啲NGO。
Damia：去幾多間NGO？
安仔：大約應該四間，深水埗，觀塘，鰂魚涌，仲有將軍澳。
Damia：嘩！我哋即係要去晒九龍新界同埋港島。
安仔：係呀。
Damia：哇，咁我哋今日嘅行程都應該好緊密。
安仔：好緊密。
Damia：有冇得休息㗎 ？
安仔：應該有嘅。
Damia：應該有…有冇得食飯㗎 ？
安仔：希望有。
Damia：咁我哋而家出發囉？
安仔： OK。
Damia：好！GO！

-在車裡，前往目的地中-
Damia：我哋而家上咗車啦，司機哥哥，我哋第一站去邊啊？
安仔：我哋去深水埗嘅SoCo（香港社區組織協會）。
Damia：想問你係咪一直做開送貨司機？
安仔：係呀，冇錯。
Damia：做咗幾耐啊？
安仔：會泄露年齡秘密個喎。我諗都10年啦。
Damia：之前係送開乜嘢㗎 ？
安仔：各式各樣嘅嘢都有。
Damia：呢排就主要係送抗疫物資？
安仔：係呀冇錯。呢排條街啲人會較為緊張，可能個社會環境令佢哋好似要打醒精神咁樣。
Damia：今次係第幾次出動送物資？
安仔：第幾次啊？我諗由過年後開始已經做緊。
Damia：即係應該都送咗好多次。
安仔：係呀係呀。

-到達深水埗-
Damia：好！我們而家已經到咗深水埗啦，咁我哋而家搬貨。
（搬貨中）
Damia：我而家已經到咗SoCo驚門口啦，呢度有幾多件茶包？
安仔：呢度有500個。
Damia：有500個，睇吓先！呢度係七師傅俾SoCo嘅500個檢測包。好啦，我哋而家入去搵施姑娘。

-入到SoCo-
Damia：呢位就係施姑娘啦。Hello!
施麗珊（香港社區協會副主任）
Damia：檢測包會送俾邊個？
施：我哋復我嘅多數都係籠屋、板間房、劏房，有啲露宿者。
Damia：你哋服務對象嘅範疇都好多喎！
施：係呀係呀！比較貧困社群住嘅環境比較惡劣。
Damia：疫情下，面對緊咩嘅困難？
施：其實好多貧困家庭都好困難嘅，好多都冇攞綜援嗰啲，九成五係面臨失業同開工不足，甚至而家都要接仔，交唔到租。佢哋嘅生活物資，食物，生活嘅收入都係好大嘅困難。
Damia：我哋而家同觀眾打客氣呀，好唔好？
施：而家嘅日子大家都唔係咁易過，齊心就好快克服難關，消除疫情。
Damia：加油加油！咁我哋去下一個地方， Let’s Go！

-回到車中-
Damia：好，而家我哋準備去下站啦，安仔，我哋下一站去邊啊？
安仔：去觀塘翠屏道。
Damia：點解會做運輸抗疫物資？
安仔：我覺得OK嘅，幫到人，自己又做唔到啲乜嘢，唯一呢樣嘢可以幫到人。我嘅位置能力有限，呢樣係我唯一可以做到嘅嘢。
Damia：幾點開工同幾點收工㗎 ？
安仔：通常7點來鐘我就開車，最夜試過泊完車1:00返到屋企。
Damia：凌晨一點？
安仔：係呀。
Damia：你去邊度啊嗰陣？
安仔：嗰陣啱啱係送暖爐嗰陣。
Damia：即係最多幾日，去醫院？
安仔：係呀係呀。我搞掂返到屋企泊車都一點。
Damia：好辛苦喎嗰陣都應該。
安仔：我唔辛苦，你去到醫院睇到啲人就辛苦，咁冇諗過香港醫院會咁樣，即係喺晒出邊咁樣，又凍又落雨。
Damia：好多小朋友老人家都係過多。
安仔：係呀係呀，你冇估到有呢個畫面出現。
Damia：有冇好心痛呀見到？
安仔：都有揦一揦。
Damia：有冇遇過感動嘅事？
安仔：有時送到去，佢會同你講好多謝你呀，好感動呀，原來香港仲有人會做呢啲嘢。我聽完都覺得好似好舒服呢，突然之間，又真係人間有情。

-到達觀塘-
Damia：話咁快已經到咗觀塘嘅基督教家庭服務中心，唔講咁多，即刻去搬野先！（拎住一箱物資）呢度就係其中一雙嘅小林退熱貼，我同安仔一齊搬緊入去。呢啲小林退熱貼其實係吳安儀送㗎！多謝晒！咁我哋而家下一站去邊度呢？
安仔：而家我哋應該入將軍澳㗎啦。
Damia：將軍澳。

-到達基督教靈實協會，繼續搬貨-
Damia：我哋而家嚟咗靈實啦，我哋啱啱都搬咗八箱野，平時每一日去送貨會搬幾多箱呢？
安仔：我諗都超過20箱㗎啦。
Damia：有冇整親過啊其實？
安仔：點都有，有時快得滯呀，自己跳上跳落屈親腳都有。
Damia：咁你係咪好多相玩啊？
安仔：冇呀，要那林自己搞掂㗎啦。
Damia：咁頭先就送咗七師傅嘅檢測包，仲有吳安儀嘅小林退熱貼，咁今次會係送啲咩啊？
安仔：今次係搓手液，蘇樺偉送出嘅。
Damia：好！咁我哋而家就送埋啲貨先，咁我哋一陣間見啦，拜拜。

-搬貨中-
Damia：見到安仔都出晒汗，好辛苦咁呀。
安仔： OK啦。
Damia：辛苦晒你呀真係。
安仔：你都辛苦。（板車卡住）我要你幫一幫我，撐一腳。（搞掂）
Damia：平時一個人送貨係咪好辛苦？
安仔：係呀，所以會盡量就。

-搬完貨-
Damia：我見你頭先都好辛苦啊。（安仔：係呀）你而家流晒汗啦。
安仔：好彩頭先有你幫手撐過一腳，如果唔係就仲辛苦。
Damia：你平時一個人搬貨，咁點算呀？
安仔：都係踎低扯囉。一係就係喺後邊好似你咁撐，但前邊就要即刻撈一撈佢。因為兩邊有坑呀嘛，所以嗱嗱臨撈住佢。
Damia：好啦，我哋啱啱就送完貨去靈實嗰邊，咁我哋下一站就係去？
安仔：下一站去鰂魚涌。
Damia：傷健協會！好，我哋一間又再見啦拜拜。

-到達鰂魚涌-
Damia：我哋已經嚟到最後一站，呢度就係鰂魚涌嘅傷健協會，咁我哋而家會送啲咩物資啊？
安仔：檢測包，許廷鏗同謝影雪嘅，係佢哋兩個送出嘅檢測包。
Damia：咁我哋而家即刻送貨！

-推貨中-
Damia：今次冇咁辛苦啦（安仔：今次輕鬆啲）係呀！呢個輕鬆好多，比起頭先真係...
安仔：頭先嗰啲真係，又有大斜路…
Damia：而家就送貨嚟呢個香港傷健協會。Hello你好呀！
鄒穎詩（香港傷健協會服務總監）：Hello你好呀，唔該晒你呀！
Damia：點稱呼你啊？
鄒：我係Alvina。
Damia：呢一雙係檢測包嚟嘅，比你哋嘅。
鄒：唔該晒！
Damia：會送檢測包俾邊個㗎 ？
鄒：我哋香港傷健協會主要係服務香港同地區裏面嘅殘疾人士，其實喺疫情裏邊，佢哋好唔方便能夠得到一啲檢測包，所以我哋會分返去我哋唔同嘅中心，亦會上門派發比啲殘疾人士，可以用返呢啲檢測包。
Damia：一齊對住鏡頭同大家講聲加油啊！
Damia 和鄒：加油啊！

-送完貨，回到車上-
Damia：今日我早一日運貨師傅嘅任務係完成！
安仔：你覺得辛唔辛苦啊？
啲：都辛苦嘅，我哋由朝頭早九點開始，到而家差不多四點，我哋都去咗四個location。都還好嘅又唔係話好辛苦，同埋而家天氣又唔係話太熱。
安仔：係呀，未係最熱嘅時候。
Damia：咁你覺得呢？你覺得今日辛唔辛苦？
安仔：基本日常運作啦！冇咩特別嘅，如果真係再熱啲就會辛苦啲。
Damia：如果落雨嘅時候呢？
安仔：攞件風褸笠住自己囉，搵嘢包住啲貨等佢唔好濕。
Damia：但係都好麻煩㗎喎。
安仔：係呀都冇辦法啊，搵件卸水雨褸着住囉，冇計架啦。
Damia：不如我哋又同大家打客氣啦，疫情之下大家都好唔開心。
安仔：呢個期間其實大家都要努力啊香港人！自己能力範圍做到嘅，就盡做啦！
Damia和安仔：加油啊！
Damia：好啦，咁我哋下次見啦，拜拜！

-完-