Samsung超平5G機 Galaxy M33定價$2,298 ．香港銀行首創手機入票．Insta360全新OneRS模組運動相機｜廣東話【Price Weekly #107 2022年3月 】

另一樣有關Studio Display，就係佢機背電源線唔預你掹走，我地亦都搵到APPLE喺產品支援嘅頁面上面，都寫明咗Studio Display電源線無法拔除。不過外國就有人強行掹走電源線，並且post左上Twitter，其實睇落都係一個普通三腳插座。另外都有人係Twitter 有張相，指係蘋果支援部門用嘅特殊工具將條線拉出，係一個手柄的圓形滾輪，以呢個工具去睇，可能條電線要係需要用好均勻嘅力度，同埋水平嘅角度去拉出嚟，所以大家都係唔好亂試啦。

講起運動相機，諗起 GoPro同DJI之外，當然唔少得Insta360，呢排推出左One R 的後繼機種 One RS，新機的定位是升級款，機身方面觸控螢幕旁邊有「快捷預設」和「即時變焦」按鍵，而且它還增加了一個收音咪，電量亦都比上代多 21%. 而Insta360的獨家Flowstate防震技術，無需再用Insta360 app進行後製，現在可以直接由相機本身應用。

而新的電池底座也向下兼容，但不能用舊的保護邊框，因為廠方在新版外框上進行咗快速拆裝的體驗，而新機嘅4K 廣角增強鏡頭模組，有 1/2 英寸的 48MP 感光器，亦都有 f/2.4 16mm嘅等效鏡頭，做到4K 60fps 錄影，或者係2.35:1 6K 25/24fps，仲有 1080p 200fps 慢動作影片。售價是 HK$2,398 起，如果你已經有上一代One R 的話，Firmware update後都可以用到呢個4K 廣角增強鏡頭。另外仲有兩個套裝，分別係「雙鏡頭套裝」同埋「1 英寸感光元件套裝」，價格 HK$4,498 起。

SAMSUNG 繼宣佈推出Galaxy A33 5G及 Galaxy A53 5G 後，再宣佈在香港推出M系手機—Galaxy M33 5G，售價為$2,298。有絲光藍、絲光棕及絲光綠三色。Galaxy M33 5G 採用
6.6 吋 TFT LCD屏幕，同時支援 120Hz屏幕刷新率，配備 Dimensity 720 處理器，內建6GB RAM + 128GB ROM，搭載5000萬像素主鏡頭、800萬像素廣角鏡、500萬像素同200萬像素及1300萬像自拍鏡頭，佢有5,000mAh電池容量及25W 超快速充電，支援5G連接，同時亦支援高達1TB的 microSD卡。在機身按鍵設有指紋感應器。

將於4月8日於香港Samsung網上商店、三星專門店、特約零售商和經銷商門市及網站發售。

睇準content creator嘅市場，Sony 剛剛發表 FE PZ 16-35mm F4 G 恆定光圈超廣角變焦鏡頭，係早年推出的 FE 16–35 mm F4 ZA OSS 的後繼型號。

Sony FE PZ 16-35mm F4 G 僅重 353g，廠方表示是現時最輕巧的恆定 F4 光圈超廣角變焦鏡頭，比上代輕了 32%，對於鍾意handheld拍野嘅朋友就更加有利。受惠於內對焦設計，鏡頭有著防塵防滴的性能，而鏡身有三操作環，其中更有著段落式和無段式光圈調整的開關。另外變焦的速度也可以在 1~8 級之間選擇，連同轉動方向都可以透過自行設定來配合實際需要。電動變焦可以在鏡身撥桿、相機、外接手把同埋專屬手機 app 上操作。

據 Sony 表示，16-35mm F4 ZA OSS 與新鏡仍會同步發售而且還有價格調整，新定價為HK$8,490. 如果在拍片和對解像力有更嚴格要求的話，這支新嘅 G 鏡會是最佳的選擇，將會在 3 月 24 日開始預售，4 月 27 日正式上架，定價 HK$10,490.

跟住都係新產品嘅消息，早前 Casio 公佈全新 MTG-B3000 錶款，是有史以來最薄的 G-SHOCK 太陽能錶款，MTG-B3000 的錶身由金屬和樹脂製造，具備防震功能，比起上代薄了超過 2mm，能夠成為最纖薄太陽能 G-SHOCK 手錶。

因為 Casio 使用了全新的高密度組裝技術，令整體模組變得更薄，加上由碳纖強化的樹脂外殼，結合金屬組件的全新雙核心保護結構，令到MTG-B3000 能夠做到輕巧薄身之餘，亦維持 G-SHOCK 錶款一直追求的堅固。MTG-B3000 的 Tough Solar 太陽能充電，可以在充滿後提供長達 18 個月的使用時間，其他功能包括 200 米防水、無線電波校準同埋藍牙連接智能手機等。

Casio G-SHOCK MTG-B3000 將會在 5 月率先於日本上市，有灰、紅、綠 3 種配色選擇，定價121,000日元起，大約 7,850 港元。

講起手錶， Swatch 同 OMEGA 最近推出聯名系列叫 Speedmaster MoonSwatch，設計靈感嚟自「太空」，並一口氣出左11款以太陽系行星為名的錶款。雖然叫做Speedmaster，不過新錶設計亦有別於標準規格，但仍會保留不對稱錶殼、「Dot over 90」測速儀刻度，同埋獨特的 Speedmaster 小錶盤。而Swatch表示今次手錶所用的物料叫做BIOCERAMIC，係由三分之二陶瓷加三分之一生物來源材料所組成，可見呢款新錶花上唔少心思，而手錶另一引起話題的地方，就係佢嘅售價只係賣$2100港幣，以 OMEGA 嚟講真係相當吸引。

講起 Nothing ear (1)，相信大家都會記得佢透明嘅機身同埋Anson Lo。佢地前幾日舉行咗發佈會，品牌創辦人 Carl Pei 就指繼 Ear 1 耳機後，Nothing Phone 1 將會是公司旗下的第二款產品，旨在「改變沉睡的智能手機市場」，要成為 Apple 以外最引人注目的產品。他確認首款手機，將會採用基於 Android 的 Nothing OS 系統介面，為用戶提供獨一無二的設計，但硬件配置和其他細節就未有透露，淨係知道品牌將會同Qualcomm、Samsung、Sony等等合作，亦承諾會為 phone (1) 用家，提供 3 年的 OS 更新及 4 年的保安更新。又提到 Nothing OS 的 Launcher 程式，會在 4 月開放下載，屆時指定 Android 手機可以率先體驗，介面將會使用 Nothing 的點陣式字體，至於中文字體會如何顯示就等到時正式推出先知。

NVIDIA 喺較早前嘅GPU Technology Conference，正式發表以美國電腦科學家 Grace Hopper 命名的NVIDIA Hopper 架構，以及採用該架構的 NVIDIA H100 GPU接替兩年前推出的 NVIDIA Ampere，成為新一代的高性能架構。但初期將僅供資料中心和 AI 訓練等高強度的應用使用，NVIDIA H100 採用的台積電 4nm 製程，是台積電 5nm 製程的強化版本，在效能、功耗、及密度方面都有所提升，它擁有 800 億個電晶體，是首款支援 PCIe 5.0及首款使用 HBM3 的 GPU 產品，記憶體頻寬高達每秒 3TB。

Hopper 架構將特別專精於一種名為 Transformer Engine 的特殊 Tensor core，來迎合機器學習市場在這方面的高度需求。相對於 Ampere 的 A100，在一般使用下 H100 可以快上 6 倍以上，而如果是 Transfomer 運算的話，則可是能達到 16x 至 30x 的速度提升。

NVIDIA 預計在 2023 年上半起，將 Grace Superchip 出貨給美國能源署，屆時可以單購 CPU 系統，或是與最多 8 個 Hopper 搭配為一個伺服器整體。至於 H100 的話，則會出現在 NVIDIA 自家的 DGX 和 DGX SuperPod 伺服器中，也會透過 OEM 伙伴銷售 PCIe 卡等產品。不過無論是哪種形態，它們應該都是高度客製化的系統，決非一般消費者會用得到。

今時今日電子消費都好普遍，聽到收支票都覺得好麻煩，而家入支票都可以電子化。滙豐及恒生宣佈在3月23日推出香港銀行首創的「手機入票服務」，個人和商業客戶都可以使用手機的網上理財 App，24 小時進行遙距入票，使用方式相當簡單，登入手機 App 後選擇「手機入票服務」，跟隨指示拍下要處理支票的正面和背面，然後確定支票資料後就會開始結算程序。支票本身無需提交。

匯豐表示個人客戶每個營業日可以透過這個服務存入 5 張支票，最高 2 萬港元，商業客戶上限為 20 張支票，每張最多 10 萬港元，總額最多 50 萬港元。

在支票處理完成後，客戶可以獲得短訊和電郵通知。