3/25 《圍爐取戀》男友叫我搵多條仔3P

東方昇：費事我地傳染比佢啦，叫佢休息下啦。

東方昇：好，我地今集係一個咩既問題？唔好咁複雜wo。

（今集呢個女事主就打上黎，話佢男朋友想佢搵SP。）

Dickson：下咁激動。

東方昇：佢男朋友。。。想佢搵sp？

（係呀）

東方昇：搵sp？咁即係點呀？

（好複雜呀，因為事主既男朋友想佢地一齊玩3P，咁所以要多個人，就要個女仔搵SP）

Dickson：嘩，你趁我地病先搵d咁熱血沸騰既野返黎？
東方昇：正喎

利君牙：醒哂喎你地兩個即刻。

東方昇：我好返，我可以參與佢地個個。。。。

Dickson：真係飄飄慾仙呀大佬
東方昇：呢個3p喎。。。好，我地接佢地入黎，睇下我合唔合資格先。

東方昇：喂，Christy你好

Christy： hello各位主持人你好，我係Christy呀

東方昇：聽講你男朋友想3p喎，係咪呀

Christy：errrrrrr，係呀。。。。其實我識佢一段時間先一齊啦。咁我地未一齊之前呢，其實佢都有講過佢d ex個d野既。即係佢會話佢個ex會有幾個sp，咁佢係覺得ok 接受到。咁因為個陣時仲係朋友丫ma。我聽到就係覺得震驚啦，竟然有男人可以接受到自己個另一半比其他人搞啦。咁但係都不以為意咁樣架啦。

東方昇：即係係另一個男人搞佢既ex。

Dickson：係呀，而且唔止一個。

東方昇：即係3p其實如果搵多個女仔我冇所謂呀，我都好開放架。但搵多個男仔我就好保守啦呢方面。

Christy：即係覺得，「唔係出軌呀，搵多個人搞咋嘛，我接受到冇問題」咁樣啦。咁但係到到我地一齊左喇，咁就床上運動個d好快已經開始做喇。咁其實佢一開頭已經同我講就希望我淫d，賤d。

Dickson：唔係，佢個個exactly個告說話係點樣講呀？

利君牙，東方昇：你想學野呀？

Dickson：唔係，我想知呢d咁露骨既野點樣可以exactly咁同另一半講姐。

Christy：即係我同朋友講野係比較露骨咁樣啦，咁所以其實好容易就會傾到個方面既話題，佢都好直接講架所以。

Dickson：即係佢直接同你講「你可唔可以淫d呀Christy」。

Christy：sorry唔係淫d呀，係淫賤d呀

東方昇：要個「賤」字呀，淫都唔得，要埋個「賤呀」。

東方昇：咁我想問你幾多誰先

Christy：err 就有d年紀既

東方昇：哦～即係都唔係18 22，即係你都判斷到，ok既？

Christy：係喇

東方昇：即係唔係小淫婦，係大淫婦。哈哈哈

利君牙：對方呢？

Dickson：唔係，佢要求架嘛，佢未必接受架嘛

Christy：對方年紀都同我差唔多架咋

利君牙：哦 大家都好成熟架啦

Christy：唔係年輕人黎既

東方昇：即係都有d經歷架啦，如果兩方面都接受到其實冇問題呀，幾開心丫

Christy：拿，呢個就係個個位啦。即係我冇拍拖既時候其實我有SP既，咁但係我既角度係我冇男朋友，我有SP冇問題，我冇後果。咁但係我覺得自己拍左拖之後我應該要對另一半即係有忠貞個d咁啦。咁我係唔會同其他人搞既 。但係佢完全係衝擊我三觀。

東方昇：有d乜野先？拿 除左叫你淫d之外，我覺得呢個好平常呀？

Christy：即係例我同佢搞咁樣啦，咁有一次，佢叫我「叫，不如你戴眼罩咁樣」

東方昇：即係跑馬戴眼罩咁樣

Dickson：加配件

Christy：哈哈，都算啦～ 係咁，咁上下。總之戴左個眼罩，跟全就開始進行個件事啦，然之後佢就會同我講話「不如你試下諗下而家你係同另一個男人搞，另一個男人x你」咁樣啦。

東方昇：你幻想下Dickson係到。。。

Dickson：咁痴線？？

東方昇：哈哈

利君牙：係咪個男仔咁樣講已經好興奮架啦，即係佢其實唔係真係想個女人做d咩

Christy：係呀 聽得出既 聽得出既。我個下係呆左啦，然之後有d shock啦，收哂水咁樣啦，完全係唔enjoy既成件事。

東方昇：係～咁個下之後你有冇話比佢聽你唔舒服呢？

Christy：嘩，我個樣係完全表露哂出黎，咁就問佢點解你會想咁樣？即係要我ff呢樣野。咁住佢就帶出佢就想3p咁樣，純粹覺得「好野要同大家分享」

東方昇：好野同大家分享？？

利君牙：即係讚緊Christy

Christy：係啦 係啦，佢個3p係兩男一女咁樣既

東方昇：咁個男仔有冇話搵邊個呢，係搵佢個friend？

Christy：唔係～佢唔係搵d識既人既，佢d識既人呢應該唔知佢有呢個癖好既

東方昇：我懷疑呢我從男人既角度呀 點解佢叫你幻想另一個人或者搵第三個，其實佢想呈現你呢個角色係一個好淫賤既角色。

Dickson：即係人盡可夫。係咪呀？

Christy：即係佢再講多少少就係話佢覺得佢望住我比另一個人搞既時候我個樣就會好淫～好正～ 即係佢覺得佢咁樣會再興奮d

東方昇：咁我會問啦，呢個係佢既諗法丫，咁你點睇點？

Christy：我自己覺得我拍拖既時候我就要乖，我要對得住另一半，我唔應該咁做既。其實因為呢，我地一齊左一段時間之後呢，跟住我地就分隔異地啦。咁所以依家我地long d既期間呢，佢就好努力另我接受呢件事，然之後返到香港之後就可以即刻進行喇。

東方昇：嗯。。。

Christy：咁仲有呢，就係佢想我個人開放d，接受到呢件事呢，佢而家係同我講話「不如你響異地試下搵sp先啦，你試下你有男朋友既情況下你都有sp」

利君牙：即係佢想你衝破個個枷鎖下嘛

Christy：佢係覺得我淨係肉體上比人食咋嘛，咁我既精神上呀感情上冇出軌佢覺得好ok既

利君牙：咁你有冇同你男朋友講「喂，如果我真係搵sp既話，我有機會會中意佢架喎」

Christy：佢就話咁樣就唔得囉，跟住佢就會嬲嬲咁樣囉。

東方昇：哦，佢都好講道理喎，佢都好保守wo。

東方昇：咁你接唔接到佢同你一齊既時候佢有sp呢？

Christy：拿 呢個就係我講個個唔得既野囉。

東方昇：係啦，又 long d 你地。

Christy：係啦，跟住佢就發哂誓話唔會，佢話「淨係想另一半開放d，淫賤d」然之後佢就會同我講話，佢d ex 試過一次呢「就好鐘意呢件事」。同埋覺得係對感情上有昇華既。但係呢一刻係未明既。

東方昇：所以其實擺係你面前既你自己想唔想架咋喎，因為如果我當呢一刻你為左好愛佢而接受左啦。咁之後佢又同你話，我想同隻「鯨魚」一齊3p咁呢？

利君牙：或者騾仔呀個d

Dickson：或者話養隻狗，咁住然後同隻狗咁樣

東方昇：即係愈黎愈誇張，你只會要再讓步咋喎，其實就係你接唔接受到囉。

Christy：係呀，即係我都有同佢講話你而家可能要求level 1 既野，咁可能我接受到，ok啦，咁佢就會ask for more架嘛，同埋即係3p都唔係咁簡單架喎，係要講緊我要好做奴咁樣呀...我要.....

東方昇：係呀。

Christy：去畀人調教，即係我要將自己擺到好低囉，係冇尊嚴嘅，因為我又唔係好接受到啦，咁佢又喺度講啦，又說服唔到我，咁咪變咗有少少嘈...

東方昇：明呀，實有衝突架嘛，所以我想問另一個問題，就係如果萬一，你唔接受佢玩呢啲咁既野啦，佢係咪會同你分手呀？

Christy：佢都有直接講過....如果性方面冇咁夾既時候，係會相對冇咁鍾意。

東方昇：係呀。

Christy：咁所以就係呢樣野，令到我覺得我係咪應該要去接受佢既要求囉。

東方昇：嗱， 甚至乎我覺得呢個都...撇除左一個性既問題，其實係同任何情侶關係都係啦，其實只不過係男朋友要求一啲野咋嘛，究竟你愛佢大唔大過你要suffer你要就佢呢？

Christy：我唔知，因為我依家Long D緊，我覺得我可以避到個問題呀嘛，跟住我就會揾啲野去distract果樣嘢啦，即係可能講其他啦。

東方昇：避唔到架。

專家Dickson：嗱， 所以我覺得唔想就唔好。

東方昇：係呀。

專家Dickson：嗱， 我既睇法就係....你依家唔係話究竟我做定唔做，你係諗緊我點避開。

東方昇：係呀

利君牙：因為我覺得你用得「避」呢個字呢。

專家Dickson：你係好唔想喎。

利君牙：其實你都答咗自己啦。

專家Dickson：係呀，啱呀啱呀。

利君牙：喂，但係我有個小方法喎，即係呢...

專家Dickson：點呀？有計架？

利君牙：即係我好奇問吓啫！

專家Dickson：係咪有啲野取代到架可以？

利君牙：唔係，即係男朋友鍾意呢一種刺激啫，即係可能佢鍾意睇開呢套劇，你可唔可以介紹佢睇第二套劇呀，即係第二個方向。

東方昇：都係兩個人玩，就玩癲啲！

利君牙：係囉。

東方昇：就唔好三個人。

利君牙：係囉，有冇得咁呀？

Christy：例如呢？

利君牙：即係換吓衫嗰啲得唔得呀？

專家Dickson：木頭人嗰啲呀？

Christy：係咪好低階呀我講呢啲而家？

東方昇：玩吓辣椒醬嗰啲得唔得呀？

眾人：哈哈哈哈。

專家Dickson：辣椒醬...嗰啲唔得，嗰啲要玩到入急症室架。

Christy：有冇啲咩方法可以唔牽涉多一個人，但係我又可以淫賤啲呢？

東方昇：呢個可能就係要你哋互相探討，繼續行落去既方法嚟架喎。

Christy：係...

專家Dickson：係呀。

利君牙：Christy你而家仲有咩煩惱呀？你諗緊咩呀？講嚟聽吓呀？

Christy：即係佢咪叫我去試吓搵SP既。

利君牙：嗯。

Christy：佢話如果我同個SP即係發生關係，就最好錄埋畀佢睇。

眾人：嘩...

專家Dickson：嘩， 咁係變態喎。

利君牙：要錄埋添呀？錄有啲危險喎聽落。

東方昇：佢直情將個「性」大到...凌驚咗你，可能你會漏咗條片出去呀。

專家Dickson：又或者可以開心share架嘛。

東方昇：係呀，唔得呀。咁佢又話分享，佢又攞咗你條片之後，佢又同佢啲朋友分享咪...

利君牙：「好嘢呀， 好嘢呀。」

東方昇：你明唔明呀？但係阿Christy呀，對你嚟講，你搵一個另一個男仔唔係咁難咋嘛？點解一定要揀呢個呢？

利君牙：聽落你個性格一定係...

東方昇：係囉，又開朗。

利君牙：勁多人鍾意嗰啲。

Christy：即係我唔係嗰啲....想騎牛搵馬既人嚟既，即係我拍拖，我係想一世架喇，我結緍架喇諗住。

專家Dickson：咁你3P一世架喇喎，你玩到50歲都仲係玩緊。

東方昇：一路加落去加到...成個安老院一齊同你玩架喇喎，諗起都壯觀呀真係。

專家Dickson：哈哈哈哈。

東方昇：唔係喎，真係喎，呢個你係要不斷只會...

專家Dickson：成個安老院（走音）。

利君牙：因為...因為佢只係越嚟越覺得唔夠刺激呀嘛。

東方昇：係呀。

Christy：我唔知呀...

利君牙：你知既。

東方昇：係呀，我覺得你揀咗架喇。你唔使咁急同佢斷絶，咪一路reject佢囉，你話畀佢聽你既底線，你攞返個主導權。嗱， 我既底線就係咁樣，你覺唔覺得我好到你可以為咗我而放棄3P先？

專家Dickson：係。

東方昇：你明唔明呀？點解要你諗呢？點解唔可以佢為你犠牲呢？而喺呢段關係裏裡，你淨係覺得好似你要遷就佢係理所當然，因為得你兩個呀嘛，而家我哋外人話畀你聽就唔係囉。唔使喎，佢開既要求同道德有問題呀麻。

專家Dickson：同埋今日就房事咋喎，第日就第二啲嘢架喇喎。

東方昇：咪係囉。

Christy：基本上呢個話題係一兩日就會講一次架喇，一到夜晚就...

東方昇：係呀，唔得呀。

利君牙：咁一兩日...其實你個個心理壓力都好大囉。

東方昇：係呀，如果我係呢個男仔，我提出我都覺得自己好煩呀，咪講咗「No」囉，仲提出？

專家Dickson：咪就係囉。

Christy：唉....Er...好呀，睇吓點樣可以同佢討論到，另一個方向？

東方昇：係呀。

Christy：係囉，睇吓有冇另一個方向先，冇另一個方向就...拜拜啦。

東方昇：如果唔係你就變咗討論，哎，咁得喇，有3P，咁要討論嗰個人係邊個喇。Dickson咁樣得唔得呀？

眾人：哈哈哈哈。

東方昇：一係就係嗰種就係...你搵一個超靚仔既。嘩，係維持到一個鐘、兩個鐘，跟住佢就自卑喇，我相信佢唔會覺得...

利君牙：唔好喇！唔好再玩喇Christy！

東方昇：係呀。

Christy：咁易咩...

東方昇：唔係呀，橫掂係咁就咁樣喇。

專家Dickson：逆向思維呀。

Christy：一係做，一係唔做，一做就做到盡係咪呀？

東方昇：係囉。如果我係你，我Long D，我喺外國，揾個男朋友開心吓仲好啦，你又要為佢忍，跟住返嚟又要喺度煩，係咪先？

Christy：係，好呀。

東方昇：好啦，好，拜拜！

東方昇 &　利君牙：拜拜！

Christy：拜拜！

東方昇：其實頭先個case看似好複雜，其實好簡單，我發覺好多個女仔都有個問題就係呢，成日都會自己變咗遷就男仔，或者變咗滿足個男仔而改變自己呀。

利君牙：因為有時如果太鍾意呢，即係控制唔到呀，同埋覺得咁樣，咁樣係咪就係好女仔。

東方昇：就係愛呀！

利君牙：就係愛既表現呀。

東方昇：但係其實佢冇分清楚嗰個係咩事先，即係如果頭先個case，佢個男朋友叫佢「喂！你唔好食咁多煙喇！」、「戒煙啦」，咁又合理，你遷就佢好合理呀，但係叫佢直情去搵SP，其實根本佢諗都唔使諗呀，佢已經佢入咗嗰個mode就係，哎，我要挽留呢段關係，我一定要遷就個男仔。

專家Dickson：同埋甚至乎...即係佢叫佢拍片喎，即係有可能佢啲片係會流出街，佢都仲要去咁樣做呢，咁即係佢完全唔覺得佢個女朋友受傷害係啲咩問題。

利君牙：即係個男仔自私啲囉，冇諗過人哋囉，淨係諗自己enjoy。

東方昇：甚至乎佢凌駕咗個女仔，如果真係愛你女朋友，其實你唔會日日咁樣同佢講，跟住又日日提，咁其實佢都唔開心啦。

專家Dickson：你唔好講砌嘢先啦，你淨係講砌模型咁樣，譬如兩日叫你，「喂，砌呀」、「砌模型呀」咁樣，咁樣我都想死啦。

利君牙：同埋我覺得佢個招數有啲low囉，即係佢淨係不斷講叫你做，叫你做，即係佢冇啲招數呀，如果佢醒目啲既話可能都會...

專家Dickson：例如有啲咩招數可以...

利君牙：即係可能佢自己喺度砌砌吓，「嘩，好正呀！」、 「你砌唔砌吓？」

眾人：哈哈哈哈哈。

專家Dickson：吸引吓佢先，又幾好喎咁樣。

東方昇：不過冇辦法啦，可能喺一段關係裏面，大家都當局者迷，其實就要第三者去提吓佢啦。

利君牙：嗯。

東方昇：如果大家咁清醒，我哋呢個節目就唔使做啦！係咪呀！

專家Dickson：係。

東方昇：所以啱既！

專家Dickson：多啲打上嚟。

東方昇：要搵人問喇，就問吓我哋啦。咁好啦，下集見！

利君牙：拜拜！

＝＝＝＝＝＝＝＝＝＝＝＝＝

東方昇：大家好呀！知道大家呢排都留喺屋企，唔出街啦，咁就點呀？溝唔到仔，溝唔到女，好慘架嘛！所以我哋就特登而家就會定期搞一個Youtube直播既Speed Dating，叫做「Love From Home」，咁大家就快啲過嚟交個名畀我哋啦，咁我哋就會幫你matching架喇！好！Dickson！你都要落去參加架喎！

專家Dickson：我交個名畀你呀？

東方昇：係！交個名畀我！好！大家快啲嚟睇同參加喇！