#米紙｜公路女車神｜女司機=公路炸彈？90後心理學碩士女生打破宿命 為興趣考獲12車牌+船牌 電單車貨車巴士齊牌 好友車禍身亡嘆生命無常 駕駛安全最重要｜#筆記紙 #人物專訪 #4K

（旁白）：Tina係香港大學社會科學系碩士，主修心理學，將來希望可以成為心理治療師。就咁聽落，就好似同商用車，大纜都扯唔埋。原來儲齊呢一啲車牌，只係單純來自佢對駕駛嘅熱愛。

Tina：我記得啱啱入U，嗰陣自己啲時間彈性啲，咁就可以抽到時間去學車。多數人都係考私家車先嘅，我都係，嗰陣我都係純粹心血來潮想探索下一啲唔同嘅興趣。自己租咗一部私家車，跟住又周圍去兜風、遊車河。咦原來好enjoy呢種感覺喎，即係好似冇其他嘢係可以有呢一種感覺，先至再去考電單車車牌。揸車，我係同機器有一種collection。你揸到好似(同架車)可以有一個bounding咁，某程度係一種藝術嚟㗎我覺得。譬如你講考牌，佢係一個階梯性，好似俾你一步一步去考今日咁嘅成績。有啲嘢跟可以做完，完成嗰件事嗰個感覺，但係你話呢一刻下一個目標係咩，我暫時未諗到。

（旁白）：個幾月之前考完呢個牌之後， Tina就再冇機會揸過貨櫃車。今次拍攝就特登安排師傅同埋貨櫃車，睇吓呢個外表嬌滴滴嘅女仔，點樣可以揸到呢架重型貨櫃啦！

Tina：師傅我要去練習。
Ruby@米紙：你咁唔緊張呀？
Tina：又唔係好緊張嘅，佢（師傅）喺度緊咩張啊，不過如果我撞桶呢，記得cut咗佢喎，哈哈……

Tina：當中實有人會潑冷水㗎啦，你問我嘅問題一般人講嘅嘢，我都諗過。即係：考黎做咩呢？但係當初吸引我去考咁多車牌呢，我係想自己有一個技術上嘅提升。我想成為一個有實力嘅司機。
（攝影師：係唔係你拖頭人生第一次五波？ ）
Tina：唔係，考試要五波㗎！
（攝影師：係咩？用五波嘅咩？ ）
Tina：係呀，所以點解我話難考，中型都係三波就可以啦。
（攝影師：係呀！我唔知要上到五波咁犀利。）
（師傅：高級駕駛嚟㗎嘛。）
Tina：大學級㗎師傅話。
（攝影師：咁呢一轉合唔合格呀？）
（師傅： OK嘅，揸掂架車行得郁架車冇乜大問題就得㗎啦。）
Tina：你知唔知道呢啲雙黃線唔可以踩到㗎？
（師傅：知唔知點解？）
（攝影師：真嘅咩？ ）
Tina：考試唔可以踩㗎。
（攝影師：咁你衰咗啦喎！ ）
（師傅：佢踩唔到，掂到呀嘛，唔算唔算。）

Ruby@米紙：想唔想呀？
Tina：爽呀，咁耐冇揸大貨櫃。我好似放甩咗你喎！好有成功感！
Ruby@米紙：係呀哈哈，你揸住架大車都甩咗我哋。
Tina：哦，等燈位姐。

Ruby@米紙：咁你考到邊一個牌係最有成功咁？
Tina：呢隻，掛接式車輛。我記得嗰陣泊位真係拍到好氣餒啦。商用車輛又要考試啦，又要操波（練習）又要泊位。路試順利返到嚟仲要做埋拆架。操作技巧上嘅嘢，譬如雙重離合器，或者係落波嘅時候又要呼油，或者你見到而家車身咁多塊鏡，同細車唔同，點樣適當用駕駛鏡，都係一門學問。

Ruby@米紙：考試同車都係你嘅興趣嚟㗎 ？
Tina：你都可以咁講嘅哈哈。你唔鍾意車嘅話邊度捱得住啊？你會覺得坐上司機位好討厭個喎。
Ruby@米紙：你考貨櫃車牌考咗幾多次？
Tina：我其實考咗兩次嘅，最緊要考到呀嘛！考幾多次唔重要嘅，最緊要係有結果。

Tina：你未做之前咩都覺得難㗎啦！我初初都覺得港大讀碩士好難㗎，最終咪又係完成到。當自己不填充嘅時候，就會忘記咗原來有啲嘢我哋本身覺得好難，然後放慢腳步去做囉。

Tina：我哋今日去出車，我約咗兩個朋友一齊去遊車河。我喺港島東呢邊出發，由西隧過海，然後向荃灣屯門方向進發。

Tina：我真係好想玩車中泊。
Sandy （車友）：好肚餓！
Tina：你好肚餓？
Sandy （車友）：唔係唔係。

（旁白）：喺social media上面，都唔難搵到一啲愛車之友嘅group。Tina都喺呢啲group裏邊識到唔少好朋友，閑時都會一齊約出嚟車聚㗎 ！

Tina：同呀點識咗四五年啦係咪呀？
呀點（車友）：嗯，差唔多。
Tina： Sandy就係新一啲嘅朋友，大約識咗半年左右。

Tina：應該係石澳。
呀點（車友）：係呀。
Tina：第一次見你哋兩個就係石澳。
呀點（車友）：我細細個已經聽過石澳Tina姐嘅名喇！

呀點（車友）：如果喺我年代呢，幾十年前，女車友的確比較少！但近年女車友按比例黎計呢，好似唔會遜色過男士。
Sandy（車友）： （車聚）其實都係講吓日常生活嘅嘢，又或者飲飲食食其實都有。可能搵咗一個落腳點之後，就大家一齊傾吓計，買啲嘢飲。
Tina：同埋呀點手車好穩陣，所以跟佢出車會好放心。
Sandy（車友）： 有佢哋帶住，教我點樣控制極力子（雙重離合器）。可能佢哋會提醒我要着多啲保護腳踭嘅高筒鞋，同埋一定要戴手套。我哋會戴頭盔，女仔多數要紮頭髮。我就會着啲高領小小嘅衫，因為天氣凍嘅時候，頭盔位會入風，好容易冷親。
Tina：褲方面都可以着一啲最高保護性啲有pad嘅咁樣囉。
Sandy（車友）： 其實電單車界都好有愛！有時爆軚或者點樣，即刻喺個group度求救，就會有附近嘅車友即刻飛嚟救你，幫手。

（旁白）：車聚嘅地點就會去搵港九新界，其中呢度就係一個對Tina嚟講好有意義嘅地方。

Tina：當自己好攰，需要一啲獨處時間就會想兜下風。可能有嘢諗吓又或者，開心唔開心都會想揸吓車。自己好鍾意嚟呢個地方！一係因為好開闊、好靚，望住過海好舒服嘅感覺。我記得幾年前係一個朋友帶我嚟呢度嘅，佢好鍾意影相。佢係一個好熱愛生命嘅人。但係好可惜佢帶我嚟到呢度之後，嗰年嘅年尾佢交通意外走咗。有時想靜一靜嘅時候就會過嚟呢個地方，可能係探下佢又或者諗下野。當你每一個角色，每一本車種都揸過嘅時候，就算我今日喺條路上面係揸細車，但我可以兼顧到其他大車喺路上嘅需要，知道佢哋嘅難處。例如大車有啲習性有啲需要，例如轉彎一定要用兩條線，所以確實係有層次上嘅昇華。自己睇嘢嘅角度會宏觀左。我嘅唔同之處對我而言，我唔會再開快車。即係而家係越揸越穩陣，因為我揸過大車，了解到佢哋有好多盲點，譬如睇唔到行人或者細車。點解我成日強調要安全駕駛，要防禦式駕駛？就係因為揸電單車，係好深刻咁感受到生命好無常，所以點解我咁想透過呢個訪問去推廣安全駕駛，而且好想鼓勵大家一齊去勇敢追夢。即係唔係話我覺得呢樣嘢好危險我就唔做，反而係點樣可以有更加啱嘅態度去對待駕駛，保護自己。