【唯有自己肯做飯】生意額跌六成 銅鑼灣Cafe轉型賣兩餸飯Work唔Work？老闆：「再低谷都試過，希望大家一齊撐住」｜盡做｜專訪｜精品咖啡店

廚房嘅工作其實係雙倍，因為本身做開果個MENU,然後夜晚又要轉做第二個MENU。西餐可能就去一碟一碟咁去煮，咁兩餸飯就一盤一盤，一大鑊咁去做。咁可能控製火候，味道上，耍不斷不斷咁探索。


有次煮左個沙薑雞翼，個客人拎左番屋企，跟住轉個頭就打個電話過黎，話喂!你地雞翼未熟嘅，即刻成盤雞翼拎番入去再煮。

我地係好知道我地唔係最叻呢樣野，但願意聆聽，做得唔好咪再做好、再改善。佢今日一陣間又會再黎買雞翼。」

[弧軍作戰 並肩作戰]
Cafe老闆EVELYN:「我每日都問住自己開唔開到舖，應唔應開，每一晚或晏就生意浮動好大，跌幅都大，平時接近跌6成。很多同伴都唔開時候，變相好人似一個人做呢件事，有種孤獨感。老實講，而家個狀態一定唔係收支平衡，因為每晚可能賣出20個，都只是回本，分分鐘有蝕。都係盡做...

我細舖，人工又唔高，地方又唔係大，設施又唔係好啦，最緊要係人情味，比個避風港大家。在這個重要時刻，大家都繼續有糧出，附近街坊都好好，每個買飯後都會講句加油。

對面物流他們攞貨都好辛苦，沒時間食飯。佢地同我講如果我地都唔開，佢地真係無辦法，因為好多大型食肆都唔開。所以我覺得我地開好似都係一個好嘅方向，就算結果點都好，始終有一日會過，應該唔會打持久戰。過左呢關雖然唔知如何走下去，或者唔知答案點都好，應該我地都會撐得到。

曾經都有低潮過，再低的情況都有遇過，都有曾經捱過上去，所以我更加有信心其實我地可以行得過，一定會行過。希望香港所有小店都可以撐得住，捱得過去。」