挑戰街頭搵人唱賀年歌！最洗腦賀年歌係邊首？　Damia教外國人唱「財神到」　結果竟然係......｜登打士與威靈頓｜ACOO

Damia：我想問你地新年會唔會聽賀年歌？
受訪者A：邊會有人屋企播賀年歌㗎？
受訪者B：唔會。一定唔會，我覺得老土囉！
受訪者C：我唔聽新年歌，由細到大我都冇聽過。
受訪者D：唔會囉，喺條街到都聽夠啦！
受訪者E：唔會呀，你都係俾人問緊你有女朋友咪啊。
受訪者F：自己嘅話會少聽啲。

Damia：咁你覺得邊首賀年歌係最洗腦？
受訪者A：Twins嗰首...唔記得咗叫咩名啦。
受訪者B：喜氣洋洋。
受訪者C：呢排Hit啲...嗰首call call call...
受訪者D：唏呀唏呀唏呀唏！
Damia：呢個係皆大歡喜嚟㗎喎。
受訪者E：李光洙嗰首能得利，嗰排好興新年喺度賣廣告，嗰排真係最洗腦。
受訪者F：財神到囉。
受訪者G：我個腦淨係諗到財神到。
受訪者H：我諗到年又過年。
受訪者I：財神到囉。

Damia：其實我有個挑戰，就係要搵人同我一齊唱賀年歌。
受訪者A：你呢個係咩台嚟㗎？我好驚喎大佬。

受訪者B：你頭先純粹話做訪問咋喎。
Damia：你有冇邊首歌想唱？
受訪者B：能得利啦...
Damia：其實我有兩盆桔，一人揸住一盆嚟唱。
受訪者B：邊度？（笑）
Damia：喺嗰度，係公仔嚟。（笑）
受訪者B：點樣唱？
Damia ：能得利～能得利～
受訪者B：淨係唱呢兩句，再講就加錢。
Damia & 受訪者B：能得利～能得利～（唱）

受訪者C：就 唏呀 唏呀 唏。
Damia & 受訪者C：唏呀唏呀唏 呀唏呀唏～團結一心有新轉機（唱）

受訪者D：財神到啦。
受訪者E：財神到。
受訪者F：財神到。
Damia & 所有受訪者：財神到～財神到～好心得好報～財神話～財神話～搵錢依正路～財神到～財神到～好走快兩步～得到佢提起你～你有前途（唱）

Damia：如果要你推介一首賀年歌比外國人，你會介紹邊首？
受訪者A：就財神到啦！
受訪者B：財神到！
受訪者C：財神到。
受訪者D：如果你話要介紹俾外國人，你揀啲有代表性，點都係財神到呢啲。

「外國人聽財神到Reaction」
外國受訪者A：我識啊！
外國受訪者B：好正喎！
外國受訪者C：（笑）
外國受訪者D：佢就係財神？
Damia：係呀。

Damia：我有個挑戰，就係你哋要同我一齊唱。
外國受訪者A：我估到你會咁講（笑）
外國受訪者B：好啊！試吓呀！

開始挑戰...

外國受訪者A：菜心到～菜心到～（唱）
外國受訪者B：耗心Duck好報～（唱）
外國受訪者C：啋神話～啋神話～Run錢腰正路～（唱）
外國受訪者D：財神到～財神到～好走快涼步～（唱）
外國受訪者E：Duck都區睇希理～你有千套～（唱）

Damia：挑戰係成功嘅！估唔到外國人一教就識唱，果然首歌真係洗腦。唔知你哋又點睇呢？