1
姐姐做乜唔開門俾我😡？！Mum～我代你避邪😏？！工人姐姐之匪夷所思 Part.2 爆笑回歸 😂
機動電視台RTV | 娛樂類 | Feb 22, 2022
此影片謄本由見字飲水＆芝士爆炸頭製作
★非作商業用途，本檔案版權歸版權持有人獨有★
Wee~ 我哋自機友嘅會員制已經開咗啦，你join咗未啊？我哋價錢只不過係$19加$1，即係$20，你冇理由唔join掛？快啲來做自己友！
Wee~又到咗匪夷所思嘅時間，拿今日呢，仍然都係姐姐的匪夷所思，因為呢上次個反應就幾好，就連我媽嗰個姐姐個agency呢都send短信嚟話幾好笑。但係我媽到宜家呢都未同我講過哩件事，咁我唔知嗰個agency有冇send埋比佢，咁啊我哋所以就唔好講呢個啦，費事我阿媽知道，但我哋今日照講啊okay。不過講之前呢，有啲嘢比大家睇嘅，拿，睇到枱面哩啲呢，就係我哋啱啱收到嘅，哩個呢就喺我哋嘅嗰個叫咩啊——開運門神鎮宅開運箍臣套裝，拿，就係咁樣嘅，哩個係真實嗰個size，我哋有曬tag（標籤）喺度嘅。
旁白：係啊，因為我哋覺得呢哩個size好似大家容易啲使用。
鄭中基：冇錯，可以一次過擁抱我哋三個噶，正。
我哋就事不宜遲，馬上開始嘞。提一提大家先，如果鍾意我哋嘅片，記得呢就CLS同埋禁哩個鐘啊。
旁白：哇，你好叻啊，叻，真係叻。
鄭中基：哇，喂，呢段剪三次，因為好緊要。
旁白：（大笑）你好叻啊，叻，真係叻。
鄭中基：好嘞，我哋第一個，第一位就叫做Joyce Liu。
Joyce Liu：「屋企全棟大廈搭棚 有一日在家揾不到姐姐 當我揾緊佢既時候突然見到有人由窗口爬翻入黎 原來係佢 佢話跌咗野 爬棚架落去攞返 你話激死唔激死 佢仲話it’s ok no problem」
旁白：No Bull Shit Let’s Go.
下載檔案
下載檔案
1
1
所有資料非作商業用途，若有內容侵權，請即通知我們移除。
1
鄭中基：點解佢唔搭lift呢？佢可能係，哦，佢會唔會係跌咗啲嘢……
旁白：應該近啲啊嘛？
（字幕：唔係掛）
鄭中基：你幾多樓啊Joyce？即係佢會唔會係跌咗啲嘢呢，卡咗係個棚嗰度，佢一定要喺嗰度爬落去，如果唔係即係吊住咗喺度呢，就好似跌咗個bra落去咁，晾住咗喺度嗰類，我覺得係嘅，如果唔係冇理由噉樣嘅，一係就啱啱睇完Mission Impossible.
旁白：唔係啊，因為佢覺得要換套衫，跟住行出門口再搭個lift咁落去，可能佢覺得好麻煩，但係擒出去呢就好快。
鄭中基：通常佢哋都唔會再換衫架。
旁白：（笑）我係。
鄭中基：你就會換套衫啫。好，呢個叫Bobo Kwan，佢就話嘞：
Bobo Kwan：「新工人黎返工頭兩個星期，唔帶胸圍4圍走，買左胸圍比佢又對住我老公玩自己對奶（喬奶）…wee~~~有時得我同佢兩個果陣，佢又問媽咪點解你咁大我好細（渣住自己對奶問）淨係講對奶都講左2個月……wee~~」
鄭中基：哩個好似我嗰時，細個有隻歌架，女殺手，剝衫剝褲通街走，唔戴胸圍打關斗。（笑）
唔係我作嘅，真係啊，啱啱睇到話唔戴胸圍四圍走，我……
旁白：細個啲人好鍾意作啲鹹濕歌嘅。
鄭中基：係啊……馬來亞~少女~唔着底褲~騎馬~嗰啲囉……
（複述留言）買咗個胸圍比佢呢，又對住我老公，玩自己對奶……（震驚）
旁白：吓！
鄭中基：佢哩度跟住括住叫「喬奶」喎。
旁白：哦，即係自己喺度adjust嗰個bra呢。
鄭中基：哦……我都係今日先知咩叫喬奶。
（複述留言）有時得我同佢兩個嗰陣呢，佢又問媽咪點解你咁大，我好細，渣住自己對奶問，淨喺講對奶都講咗兩個月，wee~ （大笑）
吓？
好啦，哩個喬奶都幾唔錯。
好啦，哩個叫Mony Chan，佢就話：
Mony Chan：「我屋企人放工返屋企嗰陣，見到姐姐企系鐵閘同大門中間。原來佢朝早出門口掉垃圾無帶鎖匙，大門自己閂咗，佢唔知可以去邊，所以企入個gap度，閂埋鐵閘困住自己一日」
鄭中基：（複述留言）我屋企人放工返屋企嗰陣，見到姐姐企系鐵閘同大門中間。
旁白：（大笑）
鄭中基：即係，你明唔明啊？
旁白：即係我哋卡住咗係公司嘅門口同閘中間啊？
鄭中基：係啦，即係兩邊都閂曬嘅。
（複述留言）原來佢朝早出門口掉垃圾無帶鎖匙。 （大笑）
旁白：（大笑）嘩！
鄭中基：（複述留言）個大門呢就自己閂咗，佢呢就唔知可以去到邊，所以就企咗入個gap度，閂埋個鐵閘就困住咗自己一日。
旁白：但係個鐵閘開到㗎嘛應該。
鄭中基：佢可能佢噉樣啫係我都仲係屋企入面範圍，我冇出街呀Mum。（大笑）
咁你都好好喎，你請到個咁瘦嘅姐姐（笑）
旁白：你羨慕啊嗎？
鄭中基：羨慕，妒忌，恨（笑）
即係唔係憎嗰個恨啊，係好恨有一個嗰個恨。
哩個就叫做Joyce Ho，佢話：
Joyce Ho：「Ex菲姐姐-係我屋企做咗大概幾個月到，有日同我講“Mamm，我feel到你間屋有鬼呀，我係philippines識得有人做女巫，我叫佢幫你趕走佢，好唔好？”我見，無計啦，你都出到呢招，咁我唯有出佢講出真相，“唔好呀，我高價請佢返嚟睇住你有冇偷懶ga！”我真係恭喜你個發呀~」
鄭中基：但係都幾好笑啊，晚黑返嚟見到——Mum，我feel到你屋企有鬼啊~ （笑）我讀得衰啫，可能佢唔係咁嘅（大笑）
下一位就叫做Bling Bling Kiki，佢就話：
Bling Bling Kiki：「Weee，我工人姐姐成日半夜三更喺間房度將啲枕頭呀，被呀，箍臣噠嚟噠去，仲要一路噠一路大哎，如是者過咗一排。有日佢放完假返屋企，拎咗個跆拳道比賽金牌番嚟！」
鄭中基：（複述留言）Weee，我工人姐姐呢，成日半夜三更喺間房度將個枕頭呀，被呀，箍臣噠嚟噠去。
吓？
旁白：呢個係唔係就係嗰隻鬼啊？
鄭中基：（複述留言）仲要呢，一路噠一路大哎，如是者過咗一個月……
即係點啊？
（字幕：模擬情景 *本節目沒有任何箍臣受到傷害）
（鄭中基狂用箍臣打枱：啊啊啊啊）
旁白： 你睇下你幾憎我。
鄭中基：（箍臣打枱）啊！咁啊？
（字幕：湘姐：點解受傷嘅永遠都係我）
（摸著箍臣）哦，呢個你嚟架？（笑）
Sorry，唔好意思。
（複述留言）有日呢，佢就放完假翻屋企，就拎咗個跆拳道比賽金牌翻嚟……
哦……佢喺度練跆拳道跟住去比賽，哦……即係佢係參加比賽。哦，咁你哩個好啊，哩個姐姐。
旁白：佢唔疏於練習喎咁。
鄭中基：你除咗佢幫你日常家務之外，仲可以做埋你保鑣嘛宜家，幾勁啊。
旁白：你又羨慕啦你。
鄭中基：係啊，我又羨慕，妒忌，恨！好，跟住落嚟哩個叫 Priscilla Lau，佢就話：
Priscilla Lau：「wee~照顧我媽嘅工人姐姐平時連手機都唔玩，應該算好乖啦。（據我認知99%嘅工人姐姐一落街就即刻同啲仔facetime）。有一日我妹話工人姐姐誤send咗條佢匿喺廁所pat pat扭嚟扭去跳舞嘅片俾佢，嚇鬼死。我妹唯有當睇唔到deleted咗條片囉。原來幾乖嘅姐姐都有不為人知嘅一面。」
鄭中基：唔落街都facetime架我屋企嗰啲。
即係扭pat pat跳跳舞咁比佢啲friend睇。
旁白：我有試過呢，唔係豔舞嚟嘅，但我以前屋企個姐姐……
鄭中基：扭pat pat （笑）
旁白：個工人姐姐成日都笑啦，即係佢係開心果啦，之後我發現佢add咗我Facebook，我見到原來呢佢每一日下晝都會開live唱歌，但佢會唱嗰啲慘情歌，對面有個男仔同佢一齊唱。
鄭中基：都幾好啊（笑）
旁白：佢個背景就係我同我老公喺到食飯，行過去廁所咁，哩種苦景之下唱歌。
鄭中基：嘿嘿，食飯啊？好啊，你哋慢慢食啊。（喊）
旁白：相逢何必曾相識嗰種。
鄭中基：哇，相逢何必曾相識哩啲，歌詞真係好鬼死矛盾。係囉……
旁白：係喎係喎（笑）
鄭中基：即係其實我覺得以前啲歌詞真係好鬼死矛盾，我怕愛，同樣怕得不到愛，咁你想點樣啫？可以笑的話不會哭，咁梗係啦，傻咗咩你。哎呀，呢個叫CTAA咁樣。
旁白：CITAI.
鄭中基：讀漏咗咁多啊（笑）
CI T AI：「有日見到印尼姐姐隊咗支思高膠地拖入馬桶裡面，我好奇走去問佢做緊咩？佢答我「洗地拖囉！mom」我問佢點洗，佢㩒咗下個沖水制，嘩啦嘩啦~~佢將個地拖晌啲廁所水度「了」咗幾下，一推一拉個地拖水制壓乾水，搞掂！我問你平時都係咁洗架？佢答「Yes，mom」wtf~~嗰個地拖係專用黎拖個廳同房架！」
旁白：嘩！
鄭中基：我諗佢嗰個思維，拿，沖咗一次嘞，咁嗰啲應該係乾淨曬嘅水，咁我宜家就再攞嗰啲乾淨嘅水就再整囉。但佢唔知道嗰啲係鹹水嚟嘅。即係廁所水同嗰啲飲用食水係唔一樣架。係囉即係佢覺得，咦有個電動井喺度，點解唔用嗰啲井水呢？
旁白：電動井，哈哈哈。
鄭中基：You are so stupid Mom（笑）買咗個井翻嚟都唔識用。好，哩個叫做Hin Yau Ng，佢就話，聽翻嚟嘅
1
1
Hin Yan Ng：「聽返嚟既，有家人同個姐姐關係好好。姐姐要結婚返去啦，咁臨走之前就整左兩個蛋糕，一個就請個家人食，另一個就話自己帶走。咁姐姐走左個晚，他們就係個雪櫃拎個蛋糕出嚟，話好重，切落去有啲硬物，撩開先知，係嗰家人既金器嚟。」
旁白：哦…即係偷野囉。
鄭中基：但佢還返比佢囉姐係。
旁白：唔係，佢撈亂左，一個要拎走，一個唔拎走。
鄭中基：哦！Jacky你醒呀。
旁白：嘩好叻啊。
鄭中基：即係佢攞走咗個個真蛋糕，佢自己本身要攞個個，有金器個個就擺返係到，即係佢調轉左。
旁白：嘩佢勁喎但係，諗到呢條橋。
鄭中基：其實點解唔直接係個晚就切呢兩個都。喂，切L左嚟食呀，你個個係唔係一樣味，切嚟睇下。(笑) 個晚就即刻報警。哦～咁就算你好彩啦真係。
Eden Porsche：「近期所有幼稚園如果有上呼吸道感染既case呢全部都要驗poo poo。係家長群組入面，有個家長分享，佢就話：『佢屋企個姐姐問佢洗唔洗將啲poo poo放入雪櫃 (確保新鮮)，聽朝俾佢帶返公司。』」
鄭中基：同埋你驗poo poo都唔洗一整條架，你係咁耳攞啲咪得囉。係囉，成條poo poo 免切。
Samuel Sze：「我個姐姐扭計要放假， 」
鄭中基：(左右扭動上半身模仿姐姐扭計)
Samuel Sze：「但琴日先放完。我們唔比，佢瞓喺地下唔郁，」
眾人：(笑聲)
鄭中基：好似細佬啊，好似我個仔咁呀，瞓係度，唔比玩就瞓係度唔郁。
Samuel Sze：「我們影左佢相send比中介，中介應該send 左張相問她發生咩事，佢仲用張相做左Whatsapp icon。」
眾人：(笑聲)
鄭中基：好cute喎呢個姐姐
旁白：姐係佢好proud of 喎
鄭中基：係囉，琴日先放完喎，今日唔比放。跟住boom，即刻一個揪慣跌落地下度，唔郁，瞓係度。呀好嘢呀呢啲真係。
Ka Re Cheung：「話說，阿仔放學就扭計唔肯返屋企，要喺公園玩。由於仲有其他活動，所以阿Sir 就唯有親自趕去學校附近個公園，諗住接姐姐同個小朋友。同時打電話同姐姐講：『你地唔好周圍走，我而家過嚟接你地。』然後呢個姐姐企喺原位冇走過，四歲既阿仔跟咗個同學去左對面街玩。我問佢企係度做咩，點解阿仔唔跟住佢。姐姐答：『阿Sir 叫我企係度唔好走，會嚟接我。』」
鄭中基：(笑) 即係講少一句都唔得既。「嗱，你拖住個仔係度阿，你地兩個都走開，我嚟接你地。」咁佢就ok啦。
鄭中基：跟住落嚟呢位都…咦都係Ka Re Cheung嚟架喎。哇，他有幾個喎。
Ka Re Cheung：「話說，有一天就落街買餸半小時，揸住一秋二能，無手開門唯有禁門鐘啦。咁姐姐呢打開木門後呆呆咁樣企左係度，仲要退後幾步。咁呢位Mum呢就按耐不住呼喝左一聲：『開門啦你企係度做咩啊。』咁姐姐隨即就打開個閘，Mum放低左啲東西之後當然立即質問姐姐：『做咩你唔開門呀？』姐姐就答：『我唔認得你呀太太。』」
旁白：吓！！！
鄭中基：(笑) 我唔認得你。Who the fxxk are you? (字幕：誰法克是你？) Get the Fxxk out.
Boom! 閂門。如果係之前個個姐姐就：哦 ~ 法克U，法克U。嘩咁都幾好笑喎。
旁白：呢個勁哦…
鄭中基：係喎。
Betty Yim：「工人姐姐呢就無咩野做，咁有一日就同奶奶講條腰骨好痛，」
鄭中基：姐係講佢自己條腰骨好痛。
Betty Yim：「第二日就喊住同我講 ”Mum my bone is so pain, (字幕：Mum 賣泵熱蘇Pain.) I am so worry, I still have a son, I afraid I got a serious problem.” 喊到我呢即刻覺得好有大病 (我有睇過袁詠儀套戲有骨癌都係腰痛既) 我立即同公司請假啦，同佢去睇醫生。佢一喊呢就喊得好淒涼咁同醫生講情況。然後個醫生就淡淡然同佢講左句 “OK I tell you, you sit too much.” ，連藥都唔洗食，叫佢郁多D得架啦。」
鄭中基：(笑聲) 即係佢一日坐9左係度，坐到條腰骨都痛L埋。係喎，呢個故仔一開始就話個姐姐無咩野做。佢個醫生都勁呀，OK I tell you. You sit too much (笑) 但係我地會唔會又比人鬧，我地係咁笑佢，但係真係好好笑喎，I don’t care ~ (笑)
Isaac Hui：「細個某個星期日呢老豆就賭緊馬，之後呢個印傭姐姐就突然同我老豆講：『我係人你是Dog』」
旁白：咩話？！？！
鄭中基：(笑聲) 我係人你是Dog
Isaac Hui：「之後我老豆問佢：『咩話！？』之後佢好認真咁答：『我係人你是Dog』
我老豆就話：『你夠膽講多次！』」
旁白：(笑聲) 跟住佢又真係講多次呀可。
Isaac Hui：「佢又真係講多次：『我係人，你是Dog!』最後唔記得左點樣理解番原來佢係講『我去印尼士多』。」
眾人：(笑聲)
鄭中基：我去印尼士多 (笑) 你夠膽講多次！佢心諗，我去印尼士多點解唔夠膽講呀，我係人你是Dog。好彩你擺左盒紙巾係到啫今日。 (笑到漂眼水，拎紙巾抹)
Bonibella Lee：「Wee~ 好耐好耐之前呢媽咪個老友個姐姐清潔、打掃就好乾淨既，仲會日日都換床單…有一日呢auntie就唔舒服早咗返屋企，佢話開極門呢都開唔到喎，打返屋企又無人聽電話喎，就揾開鎖佬開門啦。就發現左姐姐呢同個男人著住底褲瞓咗喺佢張床個到，」
旁白：嘩！！！！！
Bonibella Lee：「兩個人呢都意識好模糊。auntie就終於call白車送咗佢地兩個入醫院。」
旁白：吓……
鄭中基：我諗係掛。
Bonibella Lee：「咁過咗兩日姐姐就返屋企同auntie 講『mum, 我同朋友係屋企幫你做昇運儀式，你唔好誤會……』」
(畫面靜止加轉色；係鄭中基個樣上面有字幕：wasted )
旁白：嘩…！佢係個啲性交轉運，仲要可以代你做喎 (字幕：工人姐姐–我代你做)
鄭中基：係囉，昇運喎…如果係既話咁你地再昇多一次呀，我將佢拍低。(笑) 唔得，NG， CUT. 嚟過。哈哈哈哈，CUT，唔得呀。
Ivy Kong：「星期日偷偷做小販被拉左兩次既姐姐。被政府告佢，佢寧願坐監都唔肯罰款，上完庭之後打電話返嚟話要去羅湖坐監。我小朋友無人照顧，老豆仲叫我使唔使去探下佢呀。」
鄭中基：佢都幾勁架喎。(扮打住電話講) Mum, I go to jail now, I will be back. (笑) Terminator 咁L樣。
Mr Ben：「Wee~ 有日阿媽開門返屋企，然後個工人企咗係門口拍晒手咁講：『好嘢！太太返嚟啦！』」
鄭中基：(笑加拍手) 好嘢！喂，太太返嚟啦！嘩，都幾好喎，迎賓。
旁白：無啦？
鄭中基：無啦，完啦。(笑) 係囉，迎賓喎。即係日日都有人係度歡迎你幾好，返到屋企都有「返嚟啦，太太好嘢！」咁我覺得都幾warm呀呢件事。
旁白：睇嚟你好想要喎。
鄭中基：咁我又唔洗。
gleechu2007：「我同事有一日打電話返屋企，但係冇人，就打電話比工人問公公係邊度。工人就話：『我地係醫院。』，同事問發生咩事呀，工人就答公公仆親。同事即刻問邊間醫院，飛的去。去到見到公公問佢點呀，佢答冇嘢呀…最後先知原來係「複診」。」
鄭中基：即係我是人你是Dog (笑聲)，佢就以為佢講「仆親」，但原來佢講複診。
旁白：哦…哦，我而家先get 到。
(無開名)：「好啦，有一次我發現廁所有舊大便未沖廁，問勻全屋無人認，」
鄭中基：多數都係咁架啦，係咪你屙屎阿？無。係咪你放屁？唔係。即係個啲，一定係唔認既。
(無開名)：「之後工人姐姐一口否認，話舊大便一定唔係佢留低既。我就話點解你咁肯定？」
眾人：(笑聲)
(無開名)：「佢話因為個大便旁邊係有廁紙，」
眾人：吓！！！！！
(無開名)：「而佢大便係從來唔用廁紙既，咁我問佢，你用咩呀？佢show 左一個膠水兜同隻手比我睇，我終於知道個啡啡地色既水兜掛係廁所既用途。」
鄭中基：吓…佢話佢終於知道個啡啡地色既水兜掛係廁所既用途喎…
(無開名)：「即刻問呀女沖涼有無用過個水桶嚟玩水，好彩無…」
鄭中基：都勁呀，都勁呀。
鄭中基：哎呀，無啦。哎呀，好好笑呀哎呀，無啦。哎呀！不過今次真係好好笑，如果要我揀，我都係揀：我係人你是Dog，你地呢？
旁白：我覺得頭先個個好勁喎，抹屎個個。
鄭中基：抹屎個個都勁。其實夾係個閘同大門中間個個好有畫面啊個個，姐係好抵拍個個360，用2部攝影機呀嘛。係囉，同埋呢個都好呀，Mum 我feel到你屋企有鬼個個都幾好。
鄭中基：好啦，真係好L精彩。我唔知仲會唔會有第三集啦。如果你地想有第三集既話，就繼續再投稿啦。如果鍾意我地啲片既話，記住CLS同埋禁叮叮鐘。我地下次睇下係咪又係工人姐姐第三集見啦。好啦，而家係咁先，拜拜~
1
1
1
1
1
牆內能夠接觸外間資訊的渠道寥寥可數，Youtube 機頂盒為每星期從 Youtube 上挑選不同種類的專題影片並製作成謄本、印刷成信件的長期計劃。
其他最新謄本
💥腦筋急轉彎2片尾解析＋12大彩蛋｜小彬彬竟然出現？霹靂包原型？AC113？留言抽官方贈品
那些電影教我的事 Lessons from Movies | 電影類
💥戰勝阿焦大作戰！腦筋急轉彎2最強指南｜4招把阿焦變成神隊友｜劇透｜Inside Out 2｜留言抽好書
那些電影教我的事 Lessons from Movies | 電影類
💥腦筋急轉彎2無雷解析｜小心你的情緒內戰！5招搞懂你的腦｜留言抽好書｜Inside Out 2
那些電影教我的事 Lessons from Movies | 電影類
#MM｜返工成日聽到「一代不如一代」 係源於心理偏見？社會學分析不同年代人特徵 點解00後會衝擊職場生態？｜#Pantry有嘢斟 #4K
Mill MILK | 心理類
#MM｜00後擲廿萬創業開韓式自拍館 半年回本開分店 月打4份工返茶餐廳做樓面 拍Reels過900萬觀看次數 00後鍾意創業搵滿足感 抗拒朝9晚5？｜#700萬種生活 #4K
Mill MILK | 社文類
0