【Juno麥浚龍的音樂哲學】不追潮流　不複製成功創作　Juno 4大創作原則｜從「扮型」到「藝術家」｜專訪｜盡做

麥浚龍：我諗我嘅歌裏面係有一種Bittersweet，只係甜蜜嘅歌曲我諗我係得兩、三首。咁我去錄好甜蜜嘅歌曲，對我嚟講係好有難度，因為你把聲要好開心。要用嘅情緒要用嘅，嘅所有嘅技巧都好唔同。其實我好多個裏面我覺得佢係有一種希望，但我亦都唔想佢係一個只係正掛帥。

麥浚龍：我好喜歡浪漫呢個感覺，夜晚又唔代表一定係黑暗嘅，即日夜晚有一種浪漫係日光媲美唔到嘅。每個人對浪漫定義都唔同, 浪漫唔一定係同人嘅，可能係我同我嘅貓培養咗種感情，培養咗種信任，呢種對我嚟講都係浪漫。

記者：你製造過最浪漫嘅時刻係咩﹖

麥浚龍：唔話畀你知（笑）

麥浚龍：今次同阿Fi嘅合作，咁佢比我感覺就係佢成熟咗好多，《月球上碰面》同《月球上碰面》呢首歌詞同以往阿Fi嘅歌好唔同，喺以往佢嘅音樂裏面充滿著一種童話嘅色彩，我呢兩個章節我係想講呢個女生佢合埋咗佢本童話故事書，咁點解呢個女仔咁嚮往童話嘅世界呢，佢合埋一本書之後，到底呢個女生佢嘅真實生活係點呢﹖好快就已經諗到月台上呢個呢個畫面，我覺得佢有少少柏拉圖式嘅情感，月台上碰面，你當畫面上就係我只係拍佢嗰邊個月台，咁直至到月球上碰面先至有畫面見埋兩邊月台呢兩個人隔住一個路軌喺度傾計。咁而呢兩個人佢哋分別都各自等緊佢哋要等嘅人。

麥浚龍：對我嚟講我覺得等待都係好浪漫嘅嘢，即係你可以好多人會覺得等待其實好痛苦，因為你唔知你等唔等到啦，同埋等緊乜嘢。但係，等待其實，我覺得人生係咁樣。人生其實到最終你等咩呀﹖

麥浚龍：當然我對自己嘅要求係我唔想重複，我覺得如果我要重覆嘅時候，我會選擇離開。不能夠係我因為《羅生門》好成功所以我就做多十首《羅生門》，呢個唔係我嘅創作理念。