一坪半的性別空間？2359帶你探討性小眾文化

呢度嗰個面積大約一坪半，喺呢個咁細嘅空間個可能性其實可以好大。

書店有一格嘅書係講性別，但可能我哋就覺得唔係好夠，即係我哋會想做一個真係完全性別友善嘅空間，係去接納唔同人嘅性取向。


有一位，佢其實係一個有宗教背景啦，佢自己其實都係一個跨性別人士。所以對佢要come out自己個身份認同係再困難啲嘅。自己圈子嘅朋友呀，或者佢屋企人未必可以放膽去講，可能佢喺呢個safe space就可以好放心咁講佢嘅問題。一直以來大家講性別係一個好空泛嘅個詞語，你唔會知，即係咩呀﹖係真係一樣好流動嘅嘢囉，因為佢經常可能會變。你有你嘅原生性別畀你就係一個男性或女性，但係唔係你就係咁樣囉。

最大感受就係原來真係有呢個需要囉。一開始都會諗嘅係其實會唔會好普通呀，遇到唔同背景嘅人，我哋係將呢度打咗成一個好舒服嘅地方，真係畀一個性別小眾、甚至、其他啦真係有一方面疑惑嘅、或者係問題多啲想explore嘅人, 佢哋係真係會覺得呢度會治癒到佢哋。