荒廢三十年的「猛鬼戲院」金茂坪 竟與70年代大災難有關？ | 都市傳說 | 原子檔案 Mr. Atom

大家好，我是原子。今天為大家帶來的是金茂坪戲院的前世今生和解構它三個神秘的都市傳說，而在影片最尾，原子還會帶大家實地考察一下金茂坪戲院的最後命運。

戲院輝煌年代
在70年代，香港電影業興起，功夫巨星李小龍從美國回流香港主演《唐山大兄》、《精武門》等武打片； 而許氏兄弟自編自演的喜劇，例如： 《鬼馬雙星》、《天才與白痴》、《半斤八兩》都大受歡迎。另一方面，由於當時香港經濟急速發展，電影業環境大好，吸引了許多在海外的電影從業員回流，利用創新手法拍攝各種以社會為題材的電影，帶起了影響深遠的香港電影新浪潮。市民都以電影為主要娛樂，各個戲院都人流興旺，全港戲院數量過百，總座位數達十二萬個，令香港成為全球入場觀賞電影人數最高地區之一。然而並非所有市民也能輕易到戲院觀賞電影，例如： 秀茂坪邨的居民。

秀茂坪邨，位於九龍觀塘區的徙置區，區內共有44座舊式公屋。因為秀茂坪處於地勢較高的山上，令邨內的發展比觀塘的其他地方遲，邨內的配套和設施不多，居民需要費上一段時間乘搭交通工具到其他地區才能享受各種娛樂。在這個情況之下，華懋集團當時便決定於秀茂坪邨開設戲院，以秀茂坪邨邨民作為目標觀眾，專門為他們提供電影娛樂。在1978年10月19日，位於九龍秀茂坪曉光街40至44號的金茂坪戲院正式開業。

金茂坪戲院是一座單幢式獨立戲院，鄰近曉麗苑。戲院面積約36, 000平方呎，共有1, 300個座位，分為下層的普通座和上層的超等座。規模雖然比不上銅鑼灣、尖沙咀等地區的大型戲院，但以地方獨立戲院而言已是非常龐大。在開幕當日，集團更請來當年佳藝電視大熱劇集《射鵰英雄傳》中飾演郭靖的白彪、歌曲《每當變幻時》的原唱薰妮以及著名電影公司邵氏旗下的紅星潘冰嫦、艾飛等擔任剪綵嘉賓，場面盛大。自此之後，許多秀茂坪的街坊也會到金茂坪戲院看電影，常常全場滿座，非常興旺。

在80年代，香港電影的產量、票房也成績輝煌，電影工業總產量僅次於美國荷里活，所以被稱為「東方荷里活」。不少集團也看準時機，在香港開設戲院。華懋集團為了提高金茂坪戲院的競爭力，特意在戲院裏增設桌球室，吸引更多年輕人光顧。

由盛轉衰
香港電影業經歷了1980至1990年代初的黃金盛世時期，於1990年代中後期由盛轉衰，逐漸失色，加上美國不斷出產多部大受歡迎的荷里活電影，同時不少投資商對香港1997年後的前途擔憂而退資，而且翻版影碟興起, 因此香港電影業大受打擊。港產片製作數字從1990年代初，每年超過200部，到90年代中後期下降了超過一半。而且，秀茂坪邨開始重建，區內44座公座全部被拆卸，令不少居民遷出秀茂坪邨，因此金茂坪戲院的入場人數大幅下滑，進一步打擊戲院收入。更不幸的是，當金茂坪戲院的入場人數減少後，坊間開始傳出與戲院有關的傳說。而要了解這些傳說，我們就要回到70年代，金茂坪戲院落成前，了解震撼全港的兩宗大型災難。

都市傳說起源
時間回到1972年6月18日，當時連日暴雨，導致香港多區出現山崩事故，因而被稱為「六一八雨災」，當中就以觀塘區翠屏道木屋區最為嚴重。由於當日是星期日，很多市民也留在家中，走避不及被山泥活埋，最終觀塘區山泥傾瀉造成71人遇難，當年山泥傾瀉的重災區就是現時的曉光街休憩花園和秀茂坪紀念公園。然而，觀塘區的厄運並未結束。四年後，即1976年，在當時的秀茂坪下邨第9座後面的一幅填土坡在豪雨中突然塌下，導致18人身亡。發生事故的地點，同四年前山泥傾瀉的位置只相距200米，而且兩次意外地點都與金茂坪戲院接近，所以有玄學家認為：戲院附近曾經發生過多人身亡的嚴重意外，而且戲院外形又與石棺相似，加上室內環境長期幽暗，所以自然成為鬼魂逗留的地方。久而久之，坊間慢慢流傳出三個都市傳說，令大眾多年來也認定金茂坪戲院為「猛鬼戲院」。

都市傳說 — 鬼母子
金茂坪戲院第一個都市傳說，亦是坊間廣傳一個鬧鬼傳聞，而且大眾認為這與70年代兩宗山泥傾瀉有關。這個都市傳說的背景發生在一個滂沱大雨的晚上，一個女教師獨自步行回家，當時街上人煙稀少。正當她途經金茂坪戲院時，她看見一對母子。奇怪的是，這對母子在大雨中沒有撐傘，母親正蹲下為孩子抺面。女教師見狀，便打算上前把雨傘借給他們，好讓母子二人不用冒雨走路。然而，當她走近母子後，才發現令她為之驚恐的畫面： 母子的五官不斷湧出泥沙，女教師立即嚇到拔足狂奔。由於傳聞中母子五官湧出泥沙，所以有人認為事件與70年代兩宗山泥傾瀉有關，還認為傳說中的這一對母子正是山泥傾瀉的死難者鬼魂，因為在災難中突然慘死，而彌留在人間。 後嚟，喺2002年上映嘅電影異度空間，即係哥哥張國榮生前嘅最後一部電影，亦有呢個鬼母子傳說激情之出現喺電影入面。

而第二個都市傳說同樣去同一對母子有關，相傳由於金茂坪戲院的票價好平，所以就一個媽媽帶住個仔到戲院睇戲，一如媽媽所料，戲院位於山上偏僻位置，開場嘅時候只得母子倆個人，喺電影開始播放之前，個仔就自己一個去到洗手間，但離奇嘅係，佢返返戲院之後，就發現戲院坐滿曬，但係觀眾都目光呆滯，木無表情，個仔冇乜為意，就返番個位睇戲。喺套戲完咗之後，媽媽同個仔離開戲院嘅時候，媽媽總自滿咁讚間戲院，佢表示金茂坪戲院戲飛平，只係需要幾十蚊就可以包曬成個戲院，聽到之後個仔諗返起啱啱見到全院滿座嘅畫面先至驚覺佢啱啱見到啲觀眾竟然唔係人。

不過原子就發現，呢個同鬼觀眾有關嘅都市傳說，同另一間早喺1974年結業，而且前身係萬國殯儀館嘅東城戲院，所流傳出嚟嘅鬼故事內容都相當接近。而東城戲院嘅版本，甚至被拍成有吳啟華關詠荷主演嘅無線電視劇 - 全院滿座。究竟金茂坪戲院呢個全院滿座嘅都市傳說，其實係咪出自東城戲院嘅呢? 可能我哋已經無從考究。

而第三個都市傳說一個同火有關嘅故事。有傳有對年輕學生情侶因為家人反對戀情，一怒之下走到戲院上層洗手間放火自殺，結果火勢迅速蔓延，多名正係欣賞緊電影嘅觀眾走避不及，被困火場追蹤多人喪命。相傳戲院喺火災之後封閉在一段時間，裝修之後先再重開。但係戲院重開之後怪事連連，例如有觀眾喺戲院睇戲嘅時候，突然聽到多把慘叫呼救嘅聲音。又有人喺洗手間難聞到燒焦嘅味道，甚至有人喺午夜睇到戲院入面有大量人影逃走嘅情況，有人認為當日火災令多名觀眾慘死，佢哋嘅靈魂被困喺戲院入面唔能夠離開，所以引致多宗怪事。

不過，原子喺手集資料嘅時候，就見到一個姓薑嘅網民喺facebook聲稱，佢一直喺非常接近金茂坪戲院嘅大廈單位居住多年，佢表示戲院由始至終都冇發生過大火而原子認為若果金茂坪戲院曾經發生過大火，而且有多人傷亡，相信一定會轟動全港，唔多唔少都有資訊留低，但係原子就一則相關嘅新聞都搵唔到，所以初步推測呢個可能只係一個以訛傳訛嘅恐怖故事。

香港電影業式微，加上戲院鬧鬼的傳聞不斷發酵，所以金茂坪戲院的生意額持續低下，最終戲院喺90年代中結業，雖然戲院早已經結束營業，但係佢嘅靈異事件仍然不斷傳出，坊間有傳聞指金茂坪戲院嘅業權持有人華懋集團，自戲院見結業之後一直有計劃將佢拆卸，但係每次開始拆卸工程嘅時候都會出現怪事，例如工人喺已經廢咗嘅戲院入面，不是會聽到嬉笑聲同埋身邊嘅燈光。除此之外每次施工嘅時候都會有意外發生，導致工人受傷。後來發展商更加請咗法師做法事，但係施工嘅時候仍然意外不斷所以工人都稱之為拆不得戲院，唔願意去進行拆卸工程。

就係咁，戲院就被丟空多年。不過以上都係坊間有關拆卸嘅傳聞，冇相關嘅新聞事件去支持呢個講法，所以信唔信就交畀大家決定啦。喺戲院丟空期間，室內裝修以致座位層次都原封不動，不過隨著時間的推移加上冇人修理而變得殘破，戲院入面荒廢嘅設施，幽暗嘅環境，加上多個靈異傳說，多年嚟亦吸引唔少令探靈愛好者到訪。當中，仲有多人亦都表示將入咗戲院之後，會覺得唔舒服同埋聽到奇怪嘅聲音。由mirror成員有份演出嘅VIUtv《無限斜棟有限公司》亦曾經喺金茂坪戲院取景拍攝，而劇中更加提及金茂坪戲院多年嚟嘅鬧鬼傳聞。但係事實上，除咗金茂坪戲院嘅都市傳說之外，亦有唔少人討論點樣去處理荒廢多年嘅戲院。

時間去到2013年，華懋集團決定將持有多年嘅金茂坪戲院放售，標價約2億元。可惜一直未能成功將物業出售。華懋集團只可以繼續丟空戲院。直到七年之後即係2020年，上任觀塘曉麗區議員張敏峰指，華懋集團有計畫將金茂坪戲院翻新成香港電影文化中心，中心將設有電影院、主劇場、共享工作室、咖啡店，有保育人士認為，金茂坪戲院係香港少數現存單幢式嘅獨立戲院，充滿住秀茂坪街坊嘅集體回憶同埋歷史，更加標誌著香港電影業70年代嘅風光，所以如果能夠活化戲院，就算添上商業元素，都情有可原。

不過喺2021年7月，金茂坪戲院外面有張貼於清拆告示。華懋集團表示，空置近30年嘅金茂坪戲院會喺本月或者下個月開始拆卸，重建成香港電影文化中心，仲會喺2024年啟用，指希望藉此推動香港電影文化，清拆消息傳出之後，呢個計劃好快就受到保育人士批評，佢哋認為金茂坪戲院盛載秀茂坪區多年歷史，而且亦質疑喺偏遠地區興建電影文化中心嘅成效。更加表示華懋集團一方面話要保育，另一方面就將舊有嘅建築清拆，係自相矛盾嘅做法。有住喺觀塘區嘅朋友henry將原子提供咗戲院清拆嘅實地考察片段。喺片段中我哋可以睇到，目前為止清拆嘅工程仲未完成，但係出入口就有膠圍欄圍住，而內部都有工人進出，我哋可以清楚見到戲院入面比較凌亂，雖然外圍已經開始架起金屬支架，仲有工程車輛喺隔離，但係金茂坪戲院目前為止仍然保留著舊有嘅外貌，唔通有拆不得的戲院之稱嘅金茂坪戲院今次真係難逃被清拆嘅命運?

鬼母子、全院滿座同埋戲院火災，呢三個金茂坪戲院背後嘅都市傳說，除咗係茶餘飯後討論嘅靈異故事之外，更重要嘅係佢反映咗香港歷史上嘅重大事件同埋電影業嘅時代變遷，你認為呢個充滿著香港故事嘅戲院應唔應該被保留呢? 咁如果將來香港電影文化中心落成之後，又會唔會有新嘅靈異傳聞出現呢? 多謝收睇件案件。