Microsoft 5千億收購暴雪 破遊戲界紀錄．MediaTek首度展示Wi-Fi 7技術．Baby Shark突100億Views｜【Price Weekly #98 2022年1月 】

Microsoft 近日宣布以 687 億美元即係大約 5,352 億港幣，收購美國遊戲開發商動視暴雪。呢個遊戲界史上最高金額嘅收購，直接令佢哋一躍成為全球收入第三大嘅遊戲公司，僅次於騰訊同Sony。Microsoft 表示今次嘅收購計劃有助佢哋提升喺手機、PC、遊戲主機及雲端領域嘅實力並加速遊戲業務嘅發展。

而未來暴雪旗下嘅《魔獸世界》、《Call of Duty》、《Diablo》、《Candy Crush》同《Overwatch》系列遊戲亦會加入Xbox Game Pass，為玩家提供更多元化嘅遊戲選擇。目前Game Pass嘅訂閱人數已經超過2,500萬，相信 Microsoft 收購暴雪消後 人數會繼續上升，唔知大家又有無心郁郁想由Playstation轉會到Xbox呢？歡迎喺下面留言話比我哋知。

有傳第10 代 iPad將會喺今年年底之前發佈，並且首度提供 5G 嘅版本。消息指新機將配備 10.2 吋熒幕、A14 Bionic Chip並且支援藍牙 5.0 同 Wi-Fi 6，及繼續使用 Lightning 接頭。另外亦有消息指Apple 有意將 MagSafe 引入 iPad Pro，而內部測試已經開始，其中一個Prototype嘅無線充電速度甚至比 iPhone 更加快。據了解工程師打算將 iPad Pro 機背嘅 Apple Logo放大並改用玻璃物料製造，令到新機會可以係沿用金屬機殼嘅情況下實現無線充電。

唔知各位iPhone 13嘅用家近排喺講電話嘅時候，有無發現通話質素差咗呢？如果有嘅話，你大可以放心，因為呢個並唔係你手機嘅問題，而係 Apple 喺 iPhone 13系列移除咗「通話語音降噪功能」。其實早喺舊年12月，已經有用家發現用唔到降噪功能，只係 Apple 近日先證實呢件事，但佢哋就無解釋咁樣做嘅原因，亦都無透露之後會唔會有更新去改善通話質素。

Canon 近日推出新嘅咗全片幅無反相機EOS R5 C，新機嘅規格同上年出嘅EOS R5差唔多，一樣搭載咗 45MP 嘅感光元件、DIGIC X 圖像處理器，並且支援 Dual Pixel 對焦同埋最快20fps嘅電子快門連拍，而比較大嘅分別在於 R5 C引入咗 Cinema EOS 嘅設計，機身加入咗散熱風扇，去被解決不少用家詬病啲散熱問題，令相機終於可以無限時咁，拍攝 8K 60fps 嘅影片。不過機身厚度亦咁明顯增加，由 88mm 加厚到 111mm。EOS R5 C 3 月起喺美國發售，零售價格為 US$4,499折合港幣$35,000，但就未知幾時會喺香港上市。

疫情持續，學生都要上網課，HP 最新發布三款 Fortis Notebook，機身以堅固耐用物料、採用橡膠防撞設計及改良電源線插頭位置減低因拉扯造成的損壞，專為兒童學習而設計。第一款係14吋 ProBook G10，熒幕可作180 度平躺擺放，機頂設 88 度廣角高清攝像鏡頭及雙收音咪，規格採用 Intel 12代 i3／i5 處理器及可選擇 Wi-Fi 6E 或4G LTE 網絡功能；跟著就係有兩款 11 吋翻轉式二合一 Notebook，分別係Pro x360 Fortis 11 G9 及 G10。兩者的差異主要在於處理器：G9 規格處理器採用Snapdragon 7c處理器，提供 4G LTE 或 Wi-Fi 5 無線網絡連接；G10配備Intel 12代 i3／i5 處理器。而二合一 Notebook這裡還多了觸控筆支援及選配的 5MP 後鏡。Pro x360 Fortis 11 G9 定價 US$399 起；而 Pro x360 Fortis 11 G10 則是售價未定。相信呢個系列應該都滿足列小中大童嘅學習需要，家長可以留意一下。

早前改咗名做 Meta 嘅 Facebook，亦有傳會係今年內推出佢哋旗下第一隻智能手錶：Facebook Technologies。舊年就同世界知識產權組織申請一個「可拆攝影鏡頭模組」嘅專利。從呢份公開嘅專利文件可見，呢隻錶配備可拆式熒幕，熒幕正面仲至少配備一個 甚至三顆個以上嘅相機鏡頭，而用家仲可透過轉動屏幕改變拍攝嘅角度。對於呢項專利，外國媒體Tom's Guide就推測鏡頭可應用於VR或AR，拓展元宇宙產業生態。

被網民稱為洗腦神曲嘅「Baby Shark」，相信大部分人都有聽過，而呢首由韓國公司 Pinkfong 製作係 2016 年 6 月 18 日上戴到YouTube嘅兒歌，最近就突破咗 100 億 View，成為咗 YouTube 上 第一條有100億View嘅片。至於觀看次數排行第二嘅「Despacito」，現時只係得77億 View，所以距離下條100億影片嘅誕生 似乎仲有一段時間。
其實一直以嚟YouTube見證著唔少影片爆紅，就例如係「PPAP」、「Gangnam Style」同「天竺鼠車車」等等。不過官方就似乎唔太識營運自己個Channel，YouTube 營運總監Robert Kyncl 日前就表示YouTube Originals將會停止製作大部分原創節目，而佢哋將會喺未來幾日聯絡受影響嘅創作者，相討有關安排。

網上行近日宣布推出全新2500M 光纖入屋寬頻服務成為咗香港第一間推出同類服務嘅供應商。從官方放出嚟嘅Speed Test 結果可以見到2500M 光纖嘅上下載速度，分別達到2401同2438 Mbps，比起見嘅1000M寬頻的確定有好大提升。其實依家市面唔少router都支援 2.5Gbps 網絡接口，所以如果對網速有較高要求嘅話，不妨留意下網上行今次呢個新plan，嘗試用盡router嘅性能。

講起Wifi，晶片生產商 MediaTek近日就第一次喺現場向客戶和合作夥伴展示擁有超高傳送速率同極低延遲嘅Wi-Fi 7技術。佢哋指新一代嘅 Wi-Fi 7將會以 2.4GHz、5GHz 同 6GHz 作為主力頻段，透過引進 320MHz 頻寬、4K QAM 調製技術，令傳輸速度比 Wi-Fi 6 快 2.4 倍。雖然佢哋未有公佈 Wi-Fi 7 嘅速度數據，但之前有資料指最高峰值可達 30Gbps。而MediaTek更估計，首批配備 Wi-Fi 7 嘅產品會係 2023 年推出。