🤣一人一個運動旁述之匪夷所思🏅游泳選手會即場交換泳褲🩳？！點解衝咗線仲繼續跑🏃‍♂️🧐？！

鄭中基：我都聽過呢啲啦，踢波成日都會有：「嘩呢場波一定好精彩！因為兩隊都唔係好想輸。」仲有一個好出名㗎喇，佢就話佢有三大缺點：「冇速度、跑得慢、唔夠快」呢啲成日都有。

Jim Li：「一個波點先為之快？就係睇慢鏡都覺得快啊！」

鄭中基：喂呢個好合理呀！

旁白：我真係有咁覺得睇呀！因為我嗰日就睇跑步啦，然後我望住我阿媽話：「咦係咪已經慢鏡咗？」

鄭中基： （笑聲）係囉！即係你慢鏡都覺得佢好快，咁佢梗係好快啦！

旁白：係呀，你判斷唔到。

Chun Pak Pan：好緊張，相信七百萬人一齊心跳。

（字幕： Are you serious ？）

鄭中基：我諗每一分每一秒每一刻都七百萬人一齊心跳

旁白：係呀，不過個beat唔係sync㗎囉。

鄭中基：咁心跳我諗人人都有嘅。

旁白：七百萬人冇心跳就要驚啦

鄭中基： （笑聲）

Gigi Chong：「女排 中國對土耳其：『第一場中國隊打得好辛苦，第二場輸得好輕鬆』」

鄭中基： （笑聲）邊個講㗎呢一個？

Joey Tsui：「自由式游水比賽：『睇佢每一下動作都係向前』」

鄭中基： 我諗大家都知邊一個叫如花（李健仁）㗎啦。咁嗰陣我就喺大陸拍緊戲，適逢嗰陣時就係網球溫布頓比賽。咁跟住呢方力申就一齊喺度睇，睇睇下網球比賽佢就問方力申：「喂你嗰時游水比賽呢有冇試過喺度詐諦爬？」

（字幕：咩問題嚟㗎 ？）

旁白：（笑聲）

鄭中基：我直情呆咗！比賽喎！做乜嘢要詐諦爬？方力申就話梗係冇啦！唔會啦比賽緊㗎嘛點會詐諦爬？咁我就諗咁你自己開工嗰陣時有冇成日喺度好忙咁做嘢，其實扮做嘢？佢dead air咗一陣，冇！邊有呢？哈哈哈哈

Joyce Chan：「我好記得12年奧運，無線評述員話：『長江後浪推前浪，前輩死喺沙灘岸。』當時打緊沙灘排球。」

鄭中基：都幾勁！咁起碼佢都作到一首咁樣嘅詩。

Yen Yen：「佢而家穩守位置，係對尾。」

鄭中基：呢啲係mean嘅。

Micoal Tsang：「雖然唔係見屆奧運但我好友印象， 2014索契冬奧競速滑冰， TVB個旁述有一個：中國嘅選手都拋開領先嘅選手相當多嘅距離。』我本來打緊機都望一望個電視，問阿媽到底邊個先係領先？」

鄭中基：咁即係其實邊撚個領先啫？
旁白：即係好似同頭先嗰個一樣，我諗唔通。
鄭中基：你要問返TVB先知。

HK Chris：「田子南徑 4x100…」

鄭中基： （笑聲）我今日去睇示單範位。

Serena Sze：「游水比賽，其中一個主持問喺比賽有冇特別技巧，另一個話：『個選手喺水底到就要閉氣』…」

鄭中基： （笑聲）
旁白：呢啲好似以前作文唔夠字數嗰陣呢…
鄭中基：呢啲要即刻接㗎嘛，一講就：係呀，一有機會就要快啲上嚟唞氣㗎喇！

Gary Mak：「N年前亞視，女主持問過乒乓波旁述教練：『我教練啦，打21分係咪即係打21分鐘啊？』呀教練靜L咗1秒就答佢：係打21分…」

鄭中基：咁如果係差一隻字，我諗佢哋都會講埋出嚟嘅，即係唔係太過辛苦，講多個鐘字。

Lam Ho：「呢個南韓女選手唔知有冇整容。」

鄭中基：呢個係，下？真係旁述嚟㗎？評論嚟㗎呢個？即係佢睇緊個選擇嘅時候問？

旁白：係囉以佢咁樣講就係。

鄭中基：嘩，呢個真係，呢個真係唔得喎，咁樣去問人。

Shum Shum：「冧巴主持：而家進行嘅係男子氣步槍……
專家：係氣手槍！
冧巴主持：初賽成績會帶入決賽……
專家：係唔會帶入決賽！
冧巴主持：頭5發係限時4分10秒……
專家：係3分10秒！
冧巴主持： ……」

旁白：佢冇樣嘢係啱……
鄭中基：即係有一樣嘢勁囉佢，錯完佢仲繼續喺度biliblala，咁樣：「哦係咩？唔啱呀，好！」跟住又講：「係咩又錯？」即係你好少見到呢啲情況出現，我諗嗰個專家都係第一次見。

鄭中基：咦？呢個係伍家謙嚟㗎喎！

伍家謙：「三兩屆之前聽過一個：『踢波嘅會交換波衫，你哋游水運動員會唔會交換泳褲㗎 ？係咪即場交換？』」

鄭中基： （拍枱）邊個講緊呢一個！似我喎！哈哈
旁白：精彩啊！
鄭中基：我淨係聽過一個叫做：「贏咗嗰個就披國旗，輸咗嗰個就冚國旗。」都唔知邊個講㗎。

Ngo Cheung Shek：「阿媽係由女人變出嚟，而我係由阿媽變出嚟。」

鄭中基：呢個係咩運動嚟㗎 ？
旁白：我最好奇其實係，到底呢個係咩項目嚟？
鄭中基：係囉呢個係咩項目嚟㗎？
鄭中基：跟住落嚟呢個勁啦，呢個我darling，谷德昭

谷德昭：「堅Gor：呢班足球員非常勤力，每日都到更衣室加操……
Keyman：咁犀利？喺更衣室都加操？
堅Gor：係呀，唔係更衣室，係健身室……」

鄭中基： （笑聲）會嘅，有時口快快都會嘅，送足金鳩猴，嗰兩次都係足金鳩猴，即係有時都會嘅。

Jan Wong：「今日英文旁述：兩位都未曾輸過比對方，因為佢哋從未對戰過。」

（字幕：咩評述嚟㗎 ？」

鄭中基：唔好以為講英文呢就特別誠懇冇事呀我話你聽！一樣係唔掂啊！

CL Wong：「頭先女子空手道有個男聲問，選手發出啲聲係咪配音……即場比賽點配音？」

鄭中基：係配到㗎。話說呢以前粵語長片大家可能都未睇過，有一個演員叫于素秋，佢拍粵語長片嘅時候就係即場配音嘅。佢自己做口型，跟住有人喺鏡頭外講佢嗰啲對白。

Herbert Chow：「數年前嘅體操比賽直播『呢個動作難道好高，我一定做唔到』我知，所以你咪坐喺度睇人哋表演。」

鄭中基：有好多人都係咁㗎，一講咩都會講自己嘅事。即係有時同人哋傾偈：呀我琴日跌咗銀包啊。訴苦嗰個人就會話：啲銀包我試得多！我上次乜乜乜……好多呢啲人將所有事套喺自己度。

Eunice Mak：「3號選手好犀利呀，佢後面嗰個同佢有至少50米，（20秒後）佢衝線啦！咦 ？佢做咩仲跑緊嘅？哎呀，原來佢差一個圈先跑完喇」

鄭中基：哈哈，即係人哋個個都衝線啦，佢仲向前跑。

PKChau：「有足球員受傷，個旁述員話，而家攞緊張碌架床入嚟」

鄭中基：係擔架床先啱，碌架床點會呢？佢只有一個人受傷，起碼兩個人受傷先會擔碌架床。

梁鈞壕：「後生仔有興趣可以喺屋企練下跳水。」

旁白：你屋企有幾廿層樓高呀？
鄭中基：咁你邁向個窗打開佢，一躍而下啦。就係咁簡單咋嘛⋯痴線！

Aer Aar Liu：「嗌咁大聲因住喉嚨發炎！by TXB 唔知邊場乒乓波」

鄭中基：佢都幾為人設想啊，喉嚨發炎。你因住喉嚨發炎，應該唔會嘅。

鄭中基：今次比我想像中嘅冇咁好笑。可能因為大家都係睇嗰幾個，冇我想像中咁好笑，可能因為大家都聽過晒。