上線開會的你被Fire了！視訊一次解僱900名員工，狂人CEO回鍋能挽回頹勢嗎？【TODAY 看世界】

大家好！ 我係范琪斐，歡迎大家收睇范琪斐既Today看世界。今年44歲嘅Vishal Garg 出身於印度，七歲嘅時候搬到紐約，佢中學讀嘅係要經過嚴格考試先入到去嘅名校Stuyvesant High School 。聽講當時佢喺學校裏面就已經開始靠賣二手書同二手服飾賺錢，中學畢業之後佢入咗紐約大學讀金融同國際商務，喺大學就同都係印度裔嘅同學Raza Khan 成立咗網上學貸公司MyRichUncle， 非常有商業頭腦。

不過之後MyRichUncle陷入財務危機Vishal Garg同同學反咗面，Raza Khan指控Vishal Garg 挪用資金同有專利嘅軟件獨自創立左Better.com， 雙方告上法庭。 根據法庭文件兩人喺法庭相見嘅時候Vishal Garg 甚至威脅Raza Khan要將佢釘喺牆上活生生燒死。 嘩！好朋友都係唔好一齊創業啦！不過呢個爭議並無影響到better.com嘅成長，目前為止呢間公司市值69億美元，仲係2020年同2021年登上左Linkedin嘅最佳創業公司排行榜第一，但係呢個時候Vishal Garg 嘅領導問題亦都開始浮上水面。

老闆非常偏心又鍾意鬧人 公司營運問題多多
根據Forbes雜誌，喺2020年11月Vishal Garg發電郵俾員工話：「你哋太慢啦！真係一班蠢海豚（關海豚咩事海豚好聰明囉好唔好）你哋唔好做喇！將我嘅臉都丟光！」而且佢鬧人嘅時候都好鍾意將啲英文全部大寫。原文： you are a brunch of DUMB DOLPHINS and…DUMB DOLPHINS get caught in nets and eaten by sharks. SO STOP IT. STOP IT. STOP IT RIGHT NOW.YOU ARE EMBARRASSING ME.

除咗咁之外美國新聞網The Daily Beast曾經報道Vishal Garg 非常偏心，例如曾經俾一個對佢忠心耿耿嘅副手價值幾百萬美元嘅股票選擇權令其他員工好妒忌，估唔到呢位副手仗勢欺人，最後因為欺凌同事而被停職。今次仲誇張係Zoom一口氣炒咗900幾位員工，喺會議上面佢話呢一次係佢人生中第二次需要裁員，佢仲話：「上一次我有喊今次希望我會堅強一啲！」呢句說話對被炒嘅員工嚟講實在係太諷刺！要喊都係佢哋喊先啦！除咗咁之外，喺美國聖誕節前夕宣布呢個消息， 就好似喺台灣，老闆喺新年之前炒你等你年都無得好好地咁過，夠慘啦掛！

根據Fortune報道，Vishal Garg仲喺矽谷耆英工程師匿名群組Blind裏面發文指責呢啲被炒嘅員工不務正業，每日只係工作兩個鐘，話佢哋係薪金小偷。 但係影片公開之後，群眾對佢嘅憤怒排山倒海而來，佢嘅態度180度大轉彎，不但公開道歉仲寫信比員工話自己無對受到影響嘅員工表示適當嘅尊重同讚賞係佢嘅錯，同時宣佈開始無限期請假。Better.com嘅董事為咗平息風波於是請第三方公司進行公司領導能力同文化嘅評估 並納入公司嘅長期目標之一。不過根據The Daily Beast，一個現職嘅員工話經過炒人事件之後公司嘅文化越變越差，所有部門都出現離職潮，業務亦都大受影響。Better.com 只可以將大量工作交俾印度導致各種混亂嘅情況不斷發生。



公司聲稱會監督老闆 但員工有唔想埋單
估唔到Vishal Garg休息左兩個月都未夠，公司嘅董事會就發電郵比員工話行政總裁要返嚟，強調Vishal Garg喺休假嘅期間已經好好反省自己嘅領導能力，重新去建立令公司變得更好嘅價值觀，亦都請咗一名高級主管擔任教練好好咁監督Vishal Garg。根據CNN仲有CNBC取得嘅電郵內容，董事會請咗一間外部法律公司去審查Better.com的職場文化，亦進行包括增加管理人員同人力資源經理等等嘅改革，表示佢哋對於Vishal Garg同佢致力於做出嘅改變充滿信心，仲話公司係呢個關鍵嘅時刻需要佢嘅領導能力、專注力同遠見。 同日，Vishal Garg 亦都有發電郵俾員工話：「我了解過去果幾個星期對大家有幾咁辛苦， 我對我嘅行為所造成嘅焦慮、苦惱同難堪深感抱歉，佢話自己用咗好多時間去思考公司嘅處境同需要嘅領導。」

咁員工點睇呢？ 係今次風波被炒嘅核保訓練師Christian Chapman同紐約時報講佢唔意外可以返公司繼續領導，但係佢希望見到公司建立一個更加健康嘅文化， 要做好一門生意要人、產品同流程三樣嘢都要做得好， 而Vishal Garg最缺乏就係人。 仲有另一位員工就匿名同The Daily Beast表示無人希望佢返嚟，仲話如果佢返嚟繼續做行政總裁既話佢就會同一班員工辭職。 雖然Vishal Garg已經順利回歸，不過佢出生嘅印度就對佢有好多批評， 印度既Business Stardard 就將今次解僱900幾位員工嘅事件選為<<2021年五大公關災難之一>>。 另一間報社Business Line 就刊登評論表示Vishal Garg的行為喺美國可能唔係咩大事過一排就會淡，因為美國嘅企業文化就係在於成就行政總裁而忽略左背後付出嘅基層員工，呢啲企業嘅領導醉心於權力，以自我催眠嘅方式以為公司嘅成功全部都係自己嘅功勞。

無論如何對於企業來講，營利先係王道。上年五月better.com獲得Softbank嘅資金將會同另一間公司Aurora Acquisition合併，以方便掛牌上市。估唔到爆出左呢一件事之後令到上市計劃延遲，現在Vishal Garg又係一片不看睇好嘅風氣下返嚟公司，我地即管睇吓佢可唔可以改頭換面贏反員工嘅心，再創事業高峰。

今日想問吓大家，你覺得老闆係炒人嘅時候應該要用幾多時間同員工宣布呢個壞消息呢？