Lingoda特約：我在英國識鬼妹😎 一路向北識女仔 #04

Jacqueline：過嚟開始讀大學。
肥仔：所以你喺英國住咗……
Jacqueline：差不多9年，我有完成埋香港 A-Level。
肥仔：你英文考咩grade？
Jacqueline：我唔識考英文喇。
肥仔：（面表無奈），我有考。我嘅成績係…… E。
Jacqueline：E?（剪接倒帶咗幾吓）唔係啊話，真係㗎？
肥仔：真係呀。
Jacqueline：Oh my god. 但係你啲英文都……OK。
肥仔：（搖頭），（廣東話）我覺得好大壓力啊今日。（英文）我覺得……好輕鬆。
Jacqueline：噢，噉就好啦。 (笑)

（肥仔努力嘗試喺近牆泊車位落車，Jacqueline 一路睇一路笑。）
肥仔：（廣東話）唉，愈嚟愈瘦……嚟到之後愈嚟愈瘦。

（行緊去餐廳）
肥仔：（英文）落雨落到好澀滯。
Jacqueline：真係好澀滯，係啊今日啲天氣真係麻麻哋。
肥仔：但係倫敦好似日日都係噉。
Jacqueline：一年入面八成日子都係噉。成日都落雨，但係英國人係唔會擔遮。
肥仔：係呀？（廣東話）佢話啲人唔擔遮。（即刻指住街上面有幾位女士擔緊遮）
肥仔：（英文）你把遮好靚！（自己傻笑）

你哋唔好覺得我又係自肥先得㗎，我搵 Jacqueline 就係想知道香港人同英國人嘅文化差異。你哋要多謝我先得㗎！

（坐低咗，食緊熱狗）
肥仔：（英文）第一條問題係：英國人瞓覺之前真係唔會沖涼？
Jacqueline：（笑）係啊。
肥仔：真㗎？
Jacqueline：大部分人都係。因為佢哋通常都係一朝早起身沖涼。（鏡頭影住對面枱嘅人岌頭表示認同）
肥仔：英國人係咪會直接著鞋入屋或者上床？
Jacqueline：係真嘅，重會上埋梳化。
肥仔：如果喺香港畀我嫲嫲見到我著鞋入屋，佢會由屋企門口打到我入屋。
Jacqueline：（笑）
肥仔：尤其是係年青人，係咪人人講嘢都會加粗口？
Jacqueline：係啊係啊，佢哋好鐘意講。其實華裔（Chinese people）都好鍾意講粗口。
肥仔：冇錯，尤其是係香港人。
Jacqueline：哈哈冇錯，所以呢個我覺得一半一半。
肥仔：你哋係咪食咩肉都好憎有骨？
Jacqueline：冇錯，我大部分嘅英國朋友都唔鍾意食雞翼，任何有骨嘅都唔鐘意。食魚嘅要食魚柳，唔會鐘意喺啲骨到夾啲肉嚟食。
肥仔：佢哋係咪唔識洗碗？
Jacqueline：用手？係啊。
肥仔：聽講佢哋會留返啲泡喺面。
Jacqueline：你意思係唔會過水？呢個我唔知，因為佢哋係用洗碗碟機。但係如果洗碗碟機壞咗，佢哋可能會就噉放喺到，等部機整好先再洗。
肥仔：（指住觀眾，廣東話）你哋要話我知啊，究竟你識嘅英國朋友係唔係就噉樣將嗰啲碟啊放喺個架上面呢，連埋啲泡等佢乾呀？
肥仔：（英文）如果有個英文渣嘅人同你傾偈，你係唔係會覺得好討厭？
Jacqueline：欸……
肥仔：一定要誠實！
Jacqueline：要誠實呀……我諗我會先約一次出嚟睇睇，如果唔好玩就冇下次。
肥仔：（笑）
Jacqueline：走先喇～唔係喇我講笑啫。
肥仔：（笑）係咪㗎……
Jacqueline：如果初次約會我覺得好玩我真係會去第二次，但係如果唔好玩就真係唔好……
肥仔：但係你永遠都唔會知佢覺得好唔好玩。
Jacqueline：因為女仔唔會話你知？都係……
肥仔：OK。

Jacqueline 嘅意見呢，就只係代表 Jacqueline 㗎啫，就唔係全部英國人都一定係噉嘅。英國人係點? 自己去識吓囉。

（行行吓市集見到有得影貼紙相）
肥仔：（廣東話）咁難得見面又有貼紙相機。（英文）真係好經典。
Jacqueline：真係好經典。
肥仔：10年前我成日都會影。
Jacqueline：我細個嗰陣都係啊！
肥仔：（廣東話）我哋試吓呀不如。
（好錯愕噉影緊貼紙相，影完）
Jacqueline：影到好迷惘，影到我個樣好迷惘。
肥仔：（英文）真係好正。
Jacqueline：真係好正，我好鐘意啊。

（肥仔行緊去攞車）
攝影師：如果你評個分畀 Tommy，你會俾幾分？
Jacqueline：今日成日呀？10/10。（笑）其實大家喺 Camden Market（康登市集）行吓，係噉意講吓兩地嘅文化差異，喺落住咁大雨嘅情況下都算係噉。
攝影師：佢再約你嘅話會唔會應承？
Jacqueline：點解唔可以？一齊玩吓囉！
攝影師：噉佢啲英文呢？
Jacqueline：佢啲英文……真係要改善吓。（笑）但係佢一定會越講越好嘅。

（行緊公園）
Jacqueline：你睇吓！今日天氣真係好差—
肥仔：（大笑，指住遠處，廣東話）但係重踢緊波啊佢哋，你睇吓佢哋！
肥仔：（英文）如果係英國約會，就算落雨—
Jacqueline：都係咁浪漫。
肥仔：真係浪漫？
Jacqueline：我哋可以要把遮，𠊎住大家（肥仔順勢搭住 Jacqueline 膊頭），就係噉啦。
肥仔：同埋要做埋呢樣嘢。（除低風褸幫 Jacqueline 擋雨）
Jacqueline：多謝曬……

英文唔好、唔夠膽，我諗唔係藉口令你喺呢度識唔到朋友。我噉嘅英文都做到，你點會唔得吖。

（喺涼亭休息緊）
肥仔：我嘗試緊認識一啲本地人。
Jacqueline：係。
肥仔：喺呢度有冇啲唔同嘅做法？
Jacqueline：最好嘅方法我覺得落吓 pub，或者去吓一啲 social bar？因為有音樂可以跳吓舞識吓朋友，或者有少少酒精可以幫到你有自信啲講嘢。
（按：Bar 通常係細細間酒吧，而 pub 通常直情係一間屋，會有多啲嘢食同埋有得睇波玩飛鏢之類，會有家嘅感覺。）
肥仔：（廣東話）啫係其實去到 pub 到識吓朋友，雖然你英文未必好好但係通常都唔會托手㬹嘅。
肥仔：（英文）你覺得識朋友嘅時候英文講得唔好係唔係一個好大嘅阻礙？
Jacqueline：唔會喎。我覺得如果你好玩，性格幾好，又願意去嘗試吓同人打開話題，我唔覺得會識唔到朋友。
肥仔：就算講到好似我噉都係？
Jacqueline：嗯，可能啦。（笑）
肥仔：（廣東話）好多香港人講英文係好叻嘅，但係就算你講得唔叻都好，就算講到好似我噉呀，我都可以同佢照傾咗成日。我都了解大家更加多啦。
Jacqueline：就算你講錯，可能 grammar 錯錯哋，其實真係冇問題。你夠信心同我傾偈，我可以提返你嘅。
肥仔：（英文）你作為一個英國居民，你歡唔歡迎香港人嚟英國?
Jacqueline：當然喇，我覺得英國最厲害就係噉。因為呢到係一個有多元文化嘅社會，所有人都係來自五湖四海，我唔覺得有多啲香港人過嚟會有咩問題。起碼我係開心嘅，因為我喺香港成長，對我嚟講係好事。其他人其實都好歡迎你哋。
肥仔：（廣東話）學啲英文啦，呢個係我哋一定要融入當地嘅其中一個辦法嚟嘅。
Jacqueline：同意啊。
肥仔：點解我硬係縈住佢識聽中文噉嘅？

睇到呢到，如果你英文好好，你鼓勵多啲身邊嘅人講英文喇！如果你英文好差，唔駛驚，冇人會笑你㗎，除咗啲戇鳩仔。

（喺公園停車場）
肥仔：好喇又到送禮物嘅環節啦。（英文）送畀你㗎。
Jacqueline：多謝你啊！
肥仔：我知道你曾經讀過 drama
Jacqueline：係啊！
肥仔：你鐘意呢套戲係咪？
Jacqueline：係啊，我好鍾意 Léon: The Professional（《這個殺手不太冷》），多謝你啊。
肥仔：有冇嘢想同咁多位觀眾講？
Jacqueline：（廣東話）好撚大雨，快啲走喇。
肥仔：（笑，廣東話）學得太快啦呢啲，有粗口嘅嘢永遠都學得快。下集見！

大家係唔係好想知道佢有冇 keep 到張貼紙相呢？
肥仔：（英文）啲相你想唔想要?
Jacqueline：哦唔使啦，你 keep 喇。
肥仔：你話你好鍾意㗎。
Jacqueline：我唔需要喇，你要喇，你要喇。多謝哂。