14/1《圍爐取戀》條仔身邊有個臭八婆！光頭幫天水圍GANG GANG踩場！

（圍爐取戀片頭動畫）
（主持：東方昇、專家Dickson、利君牙、Kneta）
東方昇：大家好呀，我係東方昇。我返嚟喇！係咪好歡迎我呢？Yeah！！！！
專家Dickson：Yeah……
東方昇：喂！我好期待㗎我！見到你集集趁我走咗，就集集搵唔同嘉賓嚟。
利君牙：係呀。
東方昇：嘩，睇到我喺個隔離房度幾技癢呀。
Kneta：技咩癢呀？
東方昇：真係呀！同埋隔離咗啦，我個人好自閉呀，我好想搵人傾偈呀。所以你哋呢，每集搵一個嘉賓吖嘛，我又唔得。今集呢，我話事，搵足三個！
專家Dickson：咁咪好多人？
東方昇：玩足三個！好！嚟！我哋有請 光 頭 幫！
眾人（歡呼） ：喂！Hello！！！
東方昇：啲Rapper要Yo！Come On！Yeah！！！

<天水圍GANG GANG MV片段>
（嘉賓：光頭幫－福正、阿奇、賴泰）
東方昇：喂~歡迎你哋！
福正：早晨早晨~大家好。
東方昇：其實我一直都好想問㗎喇，你哋啲rapper啦，即係俾人感覺就係嗰啲Fu*k Boy呀，嗰啲MC乜乜乜呀，係咪好荒淫嘅先？真實其實。
福正：我哋唔係嘅。
東方昇：哦~你哋清泉嚟嘅？
福正：因為我哋平時三個就係自己圍內做自己嘢嘅。
東方昇：做好音樂！
利君牙：醉心音樂！
Kneta：做自己嘢！
阿奇：乖仔乖仔。
東方昇：聽返嚟有冇啲朋友嘅情況？荒淫。
阿奇：我哋寫啲嘢最多係寫得荒淫囉，但個人就唔係好荒淫。
東方昇：哦‥‥‥即係幻想出嚟嘅？

專家Dickson：咁有冇啲無名氏係荒淫㗎？
福正：我知道呢，有三個男仔，夾埋砌一個女仔，上網有片睇嘅。
東方昇：三個男仔砌一個女仔，仲唔係你哋！？
（眾人起哄）
東方昇：自爆！自爆！自爆！咁呢個都‥‥‥OK吖。呢個荒唔荒淫呢？都荒嘅。
福正：但係其實香港嘅話就比較少啲例子嘅。
東方昇：驚畀人話，所以就‥‥
光頭幫眾人：係呀。
東方昇：就檢點啲。咁好似你哋啲歌啦，都係有時有啲色情呀，就係扮嘅啫，幻想嘅啫。
阿奇：係，唱啲自己平時唔會做嘅嘢吖嘛。
Kneta：即係「raper」嗰啲。
賴泰（恥笑）：「raper」
東方昇：OK！

東方昇：喂，咁我哋今日解決一愛情問題，睇吓你哋就解唔解決到喇喎。
阿奇：可以。
東方昇：喂！講嚟聽吓睇吓咩故事呢？
畫外音：咁今日打上嚟位女事主呢，就覺得佢男朋友個女仔friend好煩。因為呢個女仔經常都纏住佢男朋友嘅，所以位女事主就打上嚟問下各位，可以有咩方法應付到呢個女仔friend呢？
東方昇：嗯~好，我哋接佢入嚟聽吓啦。

本集主題：《如何擊退機心女！》
事主Jason（化名）

東方昇：Senna你好。
Senna：各位主持人，你哋好啦~咁我今日打上嚟，問下關於點樣可以應付我男朋友嘅一個女性朋友。
眾人：嗯~
Senna：咁我男朋友就有一個識咗十幾年嘅女仔朋友啦，喺未一齊之前呢，呢個女仔已經知道，或者feel到我男朋友想追我啦，就講咗好多唔同嘅壞話，而啲壞話都係好過分嘅。

（字幕：臭八婆罪狀 #1 - 無故抹黑 搬弄是非）
東方昇：有幾壞話，講嚟聽吓先！
專家Dickson：講啲例子嚟聽吓先。
Senna：有幾壞話呀？佢屈我同同事做炮友囉。
眾人：嘩‥‥‥
福正：誣衊喎！
東方昇：你冇嘅？
福正：係囉係囉。
Senna：明明做炮友嗰係佢自己囉！仲要搞人哋男朋友，仲要搞埋人哋老公。
眾人：嘩‥‥‥
東方昇：咦，咁我想問喇，佢有冇搞你個男朋呢？
Senna：就係想囉！
東方昇：但係冇嘅？
Kneta：你肯定？你肯定？
專家Dickson：係肯定！你唔知㗎喎。
Senna：肯定冇嘅。

東方昇：哦~好！咁仲有啲咩壞話呢？
（字幕：臭八婆罪狀 #2 - 挑撥離間 煽風點火）
Senna：個女仔每次一WhatsApp我男朋友就：「喂！其實你好愛佢咩？你有冇諗過你自己冬天凍嘅時候，想有人攬住先會鍾意佢，先同佢一齊咋？」
眾人：嘩⋯⋯
Senna：「可能你唔係咁想要呢」咁囉。覺得我會呃我男朋友囉，唔知呃我男朋友啲咩囉。佢講到好似我男朋友條Jer係鑲鑽石咁樣呀，你知唔知。即係覺得我好似呃佢感情咁樣，呃佢個鑽石Jer咁樣囉。
眾人：嘩‥‥
Kneta：因為佢痕呀！
東方昇：咁有冇鑽石呀其實？
福正：閃令令嘅原來？
東方昇：有冇鑲珠呀？
阿奇：鑲珠有冇？
Senna：冇囉，冇囉。
東方昇：冇嘅？哦~
福正：我想問你男朋友個條件係‥極好？
專家Dickson：即係佢係咪‥‥‥
Senna：普通男仔一個囉
東方昇：普通男仔一個
福正：哦~


東方昇：咁你知唔知佢哋係點樣認識㗎呢？
Senna：好耐之前嘅舊同事嚟㗎。
福正：嗰個女仔係你哋一齊咗之後吖，開始咁主動出擊吖，定係還是佢之前已經主動出擊㗎？
（字幕：臭八婆罪狀 #3- 無事獻殷勤）
Senna：喺知道個男仔追我嘅時候，都已經開始咁主動出擊㗎喇。個女仔係送咗好多嘢畀佢。
利君牙：喂！
Senna：即係啲嘢全部都係貴㗎。
Kenta：即係其實佢係貪呢個女仔送嘢畀佢，而唔係覺得呢段右誼咋喎。
阿奇：咁佢都分得幾清
Senna：係嚴重到呢，我嗰時同佢一齊咗之後啦，咁我就送咗啲情侶嘅嘢畀我男朋友啦，就希望佢戴住啦。咁然後個女仔知道咗之後，平時呢，即係送幾千蚊嘅首飾就話：「喂，其實我幾千蚊買畀你，你做咩唔戴呀？」嗰啲囉。
專家Dickson：咁即係個女仔有用銀彈攻略，嚟攻你個男朋友㗎喎。
Senna：係呀！
東方昇：課金喎。
Senna：然後仲要係成日買嘢飲畀我男朋友呀。有時係明知我喺度，你都要黐到我男朋友咁近，我以為我男朋友係聽障有問題咁樣，好似唔黐埋係講唔X到嘢咁樣囉。
東方昇：即係擺明唔放你大婆在眼內。
Senna：係呀
賴泰：但係你哋係會一齊‥‥‥一齊出街嗰啲嘅？
阿奇：你哋會共事嘅？
Senna：Err唔會㗎。
Kneta：共「侍」哈哈。
阿奇：返工啫
Senna：我男朋友唔會同佢出街㗎。但係佢就成日撩我男朋友出街囉。

利君牙：咁我想問下呢。你男朋友對呢個女仔朋友嘅態度係點樣㗎？
Senna：以前聽我男朋友講過啦，呢一個女仔係影響到我男朋友之前嘅某啲女朋友，因為呢個女仔而分手嘅。
（字幕：原來早有前科）
眾人：嘩‥‥‥
利君牙：即係佢成功過㗎喎。
東方昇：但係我想問糾纏咗幾耐呀咁樣？
Senna：糾纏到而家都未完呀。
Kneta：但係你男朋友都係照樣咁樣？由佢喺呢度揖揖揚揚都唔覺得有問題嘅？
Senna：佢就係覺得‥‥Err 識咗十幾年，要有嘢就一早有嘢啦。
（字幕：男友無動於衷⋯⋯）
Senna：覺得自己因為冇朋友，但係呢個朋友難得識咗十幾年‥
阿奇：即係當咗佢係兄弟？
Senna：但係個女仔去到而家，開始越嚟越過份。
（字幕：Senna表示我⋯⋯對方變本加厲，令自己忍無可忍）
Senna：過份到我係終於頂唔順，我係要出聲。

東方昇：有咩嘢令到你忍唔到，你要出聲呢？係咩事件呢？
Senna：喺前一排啦，佢就話想約我男朋友食嘢嘅，咁俾我就見到佢喺個對話內容裏面，個女仔就話「Err我搬咗去大圍喎，不如去大圍食吖，順便送埋我返屋企」。咁我男朋友就話「吓？其實你咁大個人，你自己行返屋企啦」。個女仔覆「喂，咁不如咁囉，你上我屋企食啦，我屋企最多嘢食」
眾人：嘩‥‥
Kneta：臭㗎！有陣臭味呀！
賴泰：大膽出擊喎
Senna：然後我就勁嬲啦。然後佢去到而家呢，直情去埋我男朋友個新工嗰度做𠻹。
眾人：嘩⋯⋯
Kneta：跟埋去喎。

東方昇：去到呢個情況呢，我分析啦。咁你男朋友都OK㗎喎。
（字幕：東方昇認為‥男友尚算自制，沒有出軌嫌疑）
東方昇：首先你男朋友係冇咁主動啦，個女仔自己賤格啫。
Kneta：哈哈哈
賴泰：病態嚟㗎呢個係
東方昇：係吖
Senna：其實喺我未鬧我男朋友之前呢，佢就覺得我太敏感囉。
賴泰：嗯~我想問佢有冇提供啲解決辦法畀你呢？
Senna：佢就叫我唔好諗咁多嘢囉，唔好咁敏感囉。
賴泰：OK，OK。

東方昇：嗱，我哋問下女人先，
Kneta：係。
男：你哋覺得呢個女人係咪有問題先？
Kneta：黐線啦！
東方昇：係啦，係咪立心不良？
Kneta:擺到明啦、即係臭嘅添啊直情！
東方昇:係係係！聞到啦！隔住電話都聞到
Kneta:基本上你冇可能咁樣樣，你有啲咩居心啫係咪先？我覺得佢有少少唔係..唔係因為鍾意男仔嗰種病態、佢係想搶嘢嗰種病態
(Kneta認為…對方只是享受拆散情侶的快感)

東方昇:嗯~認同嘅。咁我問吓男仔，嗱，你覺得個男仔咩心態先？
福正:我覺得嗰種關係……我唔知應唔應該咁講啦，因為我唔想見人分手呀嘛，但係你諗吓你咁唔鍾意…即係如果我係一個男朋友嘅話，我一定會同呢一個女仔絕交先啦第一件事，但係佢仲要keep住喺度咁樣做呢啲事嘅話，咁係咪…即係點講呢…即係佢哋應該係有一啲好微妙嘅關係
(福正認為…男方應為女友主動劃清界線)
阿奇:但係我覺得係關佢男朋友性格問題嘅，即係我feel到佢男朋友可能比較內向，冇乜朋友啦佢都講
(阿奇猜測…男方性格內向)
Senna: 唔係內向啊
阿奇:唔內向嘅？
Senna:我男朋友雖然係內向，但係一開頭識佢覺得佢完全係中央暖爐添囉！
眾人:哇…..!!

東方昇:我覺得個男仔其實就享受兩邊有女仔需要佢囉
(東方昇認為…男方享受左擁右抱的感受)
阿奇:兩家茶禮
東方昇:真係有冇嘢呢？我唔知
Dickson:係
福正:唔敢講
東方昇:可能你男朋友係清白嘅，但係佢就享受攬住兩個女嗰種感覺
利君牙:爭呀，型呀，有人爭我
東方昇:換取一啲認同感嘅
福正:皇帝

Dickson:係喇，佢係透過其他人鍾意自己呢，然後去換取自己嘅價值呀！即係佢覺得自己係一個好受歡迎嘅人，佢好proud of自己呢樣嘢，但係我唔係咁嘅人嚟嘅
東方昇:係，你做唔到呀都！
(一語道破)
眾人:哈哈哈哈
Kneta:喂呀….又嚟
Dickson:因為我係懷疑嗰個女仔其實係要攻陷全世界嘅男人 ，而你個男朋友冇俾佢攻陷呢，所以佢係用盡一切辦法
(Dickson認為…對方瘋狂出擊，代表她尚未得手)
東方昇:你講得啱呀，所以嗱，而家個情況呢，我分析係樂觀嘅！點解呢？如果嗰個女人，嗰個狐狸精有同你男朋友上床嘅話呢，佢就唔會咁樣宣示主權㗎啦！所以如果佢咁明顯係你面前宣示嘅話呢，起碼佢未得到你男朋友先！

Dickson:未攻到城嘅！
東方昇:係喇！
Dickson:未破門嘅
東方昇:所以你係贏緊嘅
肥仔:贏面大啊而家
東方昇:所以我係信你男朋友嘅
Dickson:係~
東方昇:喂，女人點睇？
利君牙:嗱，我覺得佢贏面好大，但係佢而家慢慢跌咗落一個奸妃嘅陷阱入邊囉，因為嗰個奸妃而家開始想激嬲你呀！令到你喺阿皇帝面前發脾氣

(利君牙分析…對方最想看到事主自亂陣腳)
東方昇:就嚟得逞啊佢，要你失態呀！
利君牙:所以你要保住自己呢，你就要繼續做一個冰清玉潔嘅女朋友囉
(臨危不亂 處變不驚)
東方昇:唔好因為個敵人埋緊嚟，你而太緊張令到你驚惶失措，做錯決定
利君牙:冇錯，你要做返個賢妃呀！
東方昇:因為如果你咁緊張，你會箍住你男朋友啦，你男朋友會因為咁樣而唔舒服，而唔鍾意你呀
阿奇:真係
Kneta:咁所以係咪要返過嚟呢？
Senna:佢以前有五六個Ex都係因為比呢個女仔激到發脾氣啦，然後最後分手個原因都係個男仔覺得點解你唔信我？
東方昇:所以喇

福正:係招式嚟嘅
東方昇:所以同樣招數囉
阿奇:佢都講過佢五六個Ex都係咁，即係其實佢好有經驗㗎啦
東方昇:係呀！
阿奇:所以你係更加唔可以用返舊嗰套
(面對高手要出奇制勝)
東方昇:係呀！你唔可以俾佢激到啊
Dickson:我見阿Kneta谷到一臉都係..你係咪好想講
Kneta:唔係，真係好X嬲呀！呢啲咁嘅死八婆呢

阿奇:喂，我有啲驚佢喺後面
Kneta:其實你係唔明點X解呢啲人可以繼續存在，但係你只能夠靜觀其變囉喺旁邊
東方昇:我覺得欲擒先縱就係你對你男朋友好:「哎，我信你㗎喇！你唔會有嘢㗎喇！」但係你另一邊廂呢，你又陰陰險險地，其實你一路check住佢嘅。當佢真係有越界行為呢，你就斷正佢，咁咪同佢分手囉。喂！拍拖求開心啫！我覺得就係，你唔應該俾你男朋友或者個狐狸精，令到你喺呢段愛情中好煩，好唔開心，咁你起碼唔使煩吖嘛
阿奇:因為我覺得你男朋友係唔會改㗎喇
眾人:係呀！！
阿奇:只可以你接受佢
東方昇:除非你愛佢愛到，我可以容忍、接受咁咪咁囉

Senna:因為我曾經有結過婚嘅
眾人:哦……
Senna:我諗如果接受到呢一樣嘢嘅話嘅人都幾難嘅
(事主坦白…離婚的經歷令她自覺不如其他人)
利君牙:所以而家個問題呢，反而係你自己內心嘅問題喎，原來你會覺得自己因為結過婚，所以好難搵個第二個男朋友，會唔會有個咁嘅感覺啊？
Senna:係呀，點解呢個女仔咁唔鍾意我，佢就係因為知道呢一樣野啦
眾人:哦~
Senna:然後佢就覺得:「唉，你都冇乜價值㗎啦講真」
東方昇:你都唔使覺得因為你離過婚而好冇價值，其實真係唔係㗎
阿奇:唔關事嘅
(離婚並不可恥)

東方昇:你要搞掂你自己個內心先喇
Dickson:千祈唔好因為驚冇人要就亂嚟
東方昇:如果係咁嘅話，如果你覺得自己離過婚就價值低，喂！咁你男朋友做乜嘢你都要包容佢啦
Dickson:就算佢有10個狐狸精
東方昇:係呀，你都冇辦法，因為你覺得「唉~咁我唯有接受」但唔係囉就係
Dickson:唔係咁㗎嘛
(離過婚也值得被愛)
東方昇:咁你永遠都唔幸福，你俾人牽住個鼻？
Senna:嗯
阿奇:好嘢！
眾人:好嘢！！(向東方昇拍手)
東方昇:我講完之後覺得自己好偉大呀
利君牙:啱！

Kneta:牽住個鼻
利君牙:真係好耐冇講嘢啊你！
東方昇:係呀！
Dickson:仲要連珠炮發咁樣㗎喎
東方昇:所以你係要知道自己係有價值㗎
Senna:Er…我要強大少少囉
肥仔:建議去跑步
眾人:建議去跑步？
肥仔:做運動！變強大自己個內心
東方昇:啱呀啱呀！
肥仔:你跑一轉45分鐘嘅，唔停嘅，我諗你個思路會好清晰，如果你真係郁嘅話

東方昇:係呀！Rap得唔得呢？
阿奇:得！
肥仔:都得！
東方昇:Rap咗啲情緒出嚟
肥仔:係呀！
阿奇:試吓唱歌，試吓freestyle
東方昇:愛自己先啦~好冇啊？
Senna:好！
東方昇:好！感謝你感謝你！
眾人:多謝你~加油加油！
Senna:拜拜
眾人:拜拜

東方昇:喂，咁我想問喇，其實作為我哋呢啲俊男美女呢，我哋一定會有異性嘅同事或者朋友呀，咁係我哋拍緊拖嘅時候，其實我哋點樣比到安全感我哋嘅另一半呢？
(情境題:如何給伴侶更多安全感?)
阿奇:其實我覺得女仔要嘅嘢好簡單，就係交代啫！你留個message就OK嘅我覺得，即係我而家個關係係咁樣囉
(阿奇認為…凡事交代就是女生要的安全感)
東方昇:即係你會自願……
Dickson:即係話俾對方聽你做緊乜嘢
阿奇:即係如果個場合真係好多女仔嘅，好似今日咁~咁多靚女
東方昇:咁你今日有冇交代先！有兩個靚女喺度！
阿奇:就係未啊！
眾人:你 大 鑊 喇！！！！
阿奇:咁佢都係想知嘅其實，其實佢係得個「知」字嘅啫，佢唔會懷疑你嘅，佢純粹要知囉就係

東方昇:你就未拍過拖？
肥仔:我A0呀！
Dickson:所以你建議人跑步嗰時，我都想建議佢跑步喎
(Dickson&肥仔 High Five) (A0者聯盟)
Kneta:你帶埋女朋友一齊跑步可能遲啲
東方昇:跑步係抒發「精」力啫，係咪呀？
肥仔:抒發啲精神！
東方昇:咁呀你呢？
福正:我就唔可以同女仔接觸囉，保持距離囉，即係可能見面講兩句，但係返去最好就唔好溝通囉，因為我會share晒我啲野比佢嘅，即係我哋大家都知道大家平時做緊啲咩，跟住一有電話就會聽
眾人:嗯~

(福正選擇…跟異性保持距離 主動分享所有資訊)
東方昇:我係自律囉
福正:我都係自律嘅
Kneta:何謂自律？何謂自律！
東方昇:即係可能你同同事做嘢咁樣，如果真係feel到佢對你有意思 (指住Kneta)
Kneta:行開啲！！
東方昇:咁我寧願我自己閘咗先
(防患於未然)
Dickson:同佢(福正)一樣囉即係
東方昇:令人哋唔好愛上我，因為我知道自己靚仔，吸引力強啊！
福正:嗯…..
東方昇:你都係啦！

阿奇:如果係男性呢？
Kneta:(東方昇)可唔可以隔離多21日啊？
東方昇:男性咁更加要閘啦！
利君牙:咪就係你哋講嗰啲囉
Kneta:係呀
利君牙:即係一日可能一個message啊、一個WhatsApp
東方昇:雙方都要付出囉，唔係永遠都話男仔畀安全感女仔，唔係嘅~其實兩邊都要畀嘅~好啦！咁今日多謝你哋啦！同埋今日請你地嚟係因為你哋有演唱會啦！不過好不幸地，因為疫情嘅問題暫時就會延期，情況點樣呢？可能你交代下？
肥仔:點都會搞㗎喇！
東方昇:咁就放心喇
肥仔:等政府個措施公布咗
東方昇:咁之後大家繼續支持你哋啦，總之幫你地坐爆佢
Tomfaki:好！！
眾人:好！！

東方昇:我要借呢個時間！喂！你係咪都想有女朋友㗎 ？
肥仔:係，想嘅……
利君牙:有啲咩擇偶條件？
東方昇:讚下你兄弟先！有啲咩好處
阿奇:佢首先好大力！
Dickson:點樣好大力先？
阿奇:佢因為成日做運動囉
Dickson:渾身是勁
東方昇:抱起嗰啲！？我唔明點解你冇女朋友呢？
阿奇:我哋都唔明啊
福正:佢大把女圍住佢轉呀
東方昇:早知今日就係解決你呢個問題啦！
阿奇:其實佢同你唔同㗎 Dickson ！你要記住呀！
Dickson:佢梗係同我唔同啦！

Kneta:割蓆！
東方昇:唔係呀！的確啊！所有對你有興趣，即管inbox你IG (fatty_tai)
福正:成日有㗎喇！
肥仔:冇呀！
東方昇:即係你眼角高
利君牙:你講少少要求聽吓先
Kneta:你鍾意跑步嘅？
肥仔:鍾意做運動嘅OK
東方昇:哦~總之自己埋嚟啦！你唔係Fu*k Boy嚟㗎嘛？
Kneta:唔係淫亂就OK！
東方昇:唔係Fu*k Boy嚟嘅

肥仔:絕對唔係
東方昇:Fu*k 都冇得fu*k呀
Dickson:頭先利君牙哄前啲，佢面紅呀！
東方昇:好男仔！好喇！唔講喇！下次搵一集專解決你好冇啊？我哋Speed Dating就搵你啦！
Kneta:解決佢需要
利君牙:係呀！
東方昇:一齊跑步！(走音)
眾人:拜拜！