AirPod Pro 2或支援ALAC．SONY踩入電車界成立汽車部門．ASUS摺Mon手提電腦Zenbook 17 Fold OLED｜廣東話【Price Weekly #96 2022年1月 】

規格方面配備 Intel 12 代 Core i7 U 系列 CPU和 Iris X 圖像引擎和兩個 USB-C Thunderbolt 4 接口，支援 75Wh 電池高速充電和外接顯示屏，螢幕支援 100% DCI-P3 色域和 Dolby Vision。音響方面就備有 Harman Kardon 認證 4揚聲器系統並支援 Dolby Atmos。其他智能功能還包括支援 Windows Hello 的 HD IR 鏡頭，配合 Intel Visual Sensing 控制器，作人面辨識開機和用戶存在感測，內置色彩感測器可以自動調整屏幕亮度和色溫。500 萬像素鏡頭和 ASUS 3D 降噪技術提供清晰視像通信，Zenbook 17 Fold OLED 將於 2022 年年中上市。

另一樣係CES發表嘅新產品就係Samsung The FreeStyle 微型投影機，重量只有 830g，但係集合投影機、智能揚聲器和氣氛燈的多合一裝置。除了能夠投射出最大 100 吋的畫面，另一賣點就是毋須連接家用電源，由流動電源供電都能夠使用支援 USB-PD 和 50W / 20V 以上電源輸出的流動電源供電，可以帶住佢周圍用都無問題。Samsung The FreeStyle 投影機自建支架可以 180 度旋轉投射。系統不但擁有自動梯形和水平修正、更懂得根據投影表面和角度自動調整顯示，亦擁有自動對焦功能。The FreeStyle 內置雙被動輻射器，提供 360 度輻射式戲院級環繞音效，預載了與 Samsung 智能電視相同的系統，內置而家好重要嘅串流影片服務，亦可以連接 Android 和 iOS 裝置，將畫面鏡射和投影、更支援語音助理操控。The FreeStyle 已經在 Samsung 北美官網接受預訂，售價 899 美元約 7,007 港元，今年內會在其他市場陸續上市。

電動車愈嚟愈多，Sony都係CES發表佢地第二款嘅概念電動車 Vision S 02。
外型由豪華房車改為 SUV 車款〝比起之前嘅淨係技術展示，今次真係認真起嚟，因為Sony同時宣佈成立汽車部門進軍電動車市場。Sony 表示 Vision S 02 已經開始了一般道路的測試，又透露車身內外共配備了 40 個用作安全監控的感應器，跟市場不少電動車一樣支援 OTA 功能更新、還有 5G 連線，其他功能包括 Sony 自家 360 Reality Audio 音效，和能夠遠程連線玩 PlayStation 遊戲的車載娛樂系統等，縱使暫時未有兩款 Vision S 概念電動車的投產安排，但 Sony 表示會在今年春季成立 Sony Mobility Inc. 公司目標之一就是將電動車商業化推出。

唔知大家仲記唔記得Shure隻大牛龜Aonic 50，今年的 CES 上 佢嘅後繼機型 Aonic 40 正式登場，是以相似的功能之下 比前代大減 150 美元，定價係 249 美元 變得更親民，但同樣會有可調整的主動式降噪 ANC 功能﹛也保留了耳機上的實體控制鍵，而且續航力也增加了 5 小時 至 25 小時，快充 15 分鐘可用 5 小時。Aonic 40 有黑、白兩色並改以更纖巧的鋁金屬支架，配以蛋白皮的軟墊，而且更重要的是加入了折疊收藏能力、更便利使用者把耳機收好，在配對的 ShurePlus Play 手機 app，會提供 ANC 和環境音的設定，同時也會有可自訂 EQ 的功能。

之後係Apple嘅消息，AirPods Pro已經係3年前嘅產品。根據最新預測 AirPods Pro 2將會有大量嘅更新並將於今年第 4 季度登場。首先係外觀設計上，外型會同 2021 年推出的 Beats Fit Pro 相近，同時 AirPods Pro 2 會加入新的感應器，用作監測用家健康情況。另外AirPods Pro 2 更會支援Apple Lossless Audio Codec，仲會好實用咁將充電盒加入發聲功能，去配合「Find My」功能，讓用家更容易尋回。大家又期唔期待新功能呢？歡迎留言講講。

大家仲記唔記Apple 推出過一個成3萬蚊嘅Pro Display XDR 高階外接顯示器？而根據 Bloomberg 嘅爆料人 Mark Gurman，係佢嘅文章提到，Apple 正準備推出一個新的外接螢幕，而定價大概係 Pro Display XDR 的一半，預計 2022 年內會推出。佢相信 Apple係會去調低亮度同埋配置，推出質素接近或者尺寸較小嘅屏幕，去令到成本同售價比較低。另一方面，9to5Mac 消息指Apple 正開發較小的 24 吋和 27 吋螢幕以及 Pro Display XDR 的後繼型號、甚至會內建 A13 Bionic chip，即係有同 iPhone 11 差唔多嘅運算能力去借助神經引擎，來加速需要機器學習的顯示工作。

想當年拎住部BlackBerry就知你係個商務人士，BlackBerry可以話係開創左流動辦公室嘅先河。不過早幾日已經正式走入歷史 成為時代嘅眼淚。BlackBerry 表示 BlackBerry OS 系列在 1 月 4 日會停止支援，包括 BlackBerry 10、BlackBerry 7.1或以下版本以及 BlackBerry PlayBook 將無法保證可以正常運作、包括網絡連線、短訊甚至電話功能都可能會無法使用，而 Android BlackBerry 產品則暫時未受影響。BlackBerry於2002年發表左第一款支持收發郵件功能的手提電話 5810，實體標準鍵盤成為左特色。雖然係先驅 ，但係封閉式作業系統係智能手機普及之後就失去優勢。2013 年的時候 BlackBerry 10 推出，希望可以扭轉局面。在 2015 年更加採用 Android已經為時已晚。用過BlackBerry嘅你不妨係下面分享你嘅諗法。

小熊維尼Winnie the Pooh相信大家都識佢，呢個角色係由英國作家 Alan Alexander Milne 所創作，係1926 年 10 月面世。根據美國法律規定，作品推出超過 95 年後即進入公有領域，因此小熊維尼這個角色的版權自今年 1 月 1 日起正式向大眾開放，可免費分享和進行二次創作，任何人無須授權或支付任何費用，即可使用小熊維尼的名字進行二次創作或分享當年故事書中的內容。而初版米奇老鼠在20年代推出，也即將在2024年向公眾開放版權。如果大家仲記得嘅話，之前宮崎駿嘅吉卜力工作室都曾經拎出400張劇照俾大家係網上任用，最後造成網上memes圖大爆發。不過唔好咁開心住，版權開放範圍暫時只包括該年所著的原創故事想法和人物角色。而大家諗起紅衫大肚dum個隻迪士尼版本係1966 年才推出，所以版權仍然係迪士尼到。