"二等公民" 自駕河船 Self Drive River and Canal Cruises in London

今天太陽照常升起，我們來倫敦Paddington火車站旁邊的盆地我們來這裏開船。這裏有幾一家船公司GoBoat London。他們在倫敦有三家分店，第一間就是這裏Paddington，可以去遊運河。另一間分店就在京士頓Kingston可以遊泰晤士河。第三間分店就在金絲雀碼頭Canary Wharf，可以遊附近的盆地。上市之前，可以在旁邊的Marks & Spencer買些食物和飲料。玩一次這些船花費多少呢？一條船最多可以坐八個人，兩個四口子的家庭或一班朋友。可以選擇1小時、兩小時或3小時。最多的3小時平均每人大約200港幣，所以也不算貴。經過職員簡單的介紹後，便可以開船。這個也很容易學上，最初可能要熟習一下掌舵，但是5分鐘便學會了。

Paddington也算是一個舊區重建的成功例子。以前讀書的時候，不會來這裏，因為那時有很多癮君子在河邊小便。到今時今日，整個社區翻身了，有很多商業和住宅樓宇落成。但是正正就如我之前的影片所說，在英國進行一個社區重建是需要20年，所以若果香港的經紀跟你說：『買這一區吧，這一區正在發生，幾年後就不一樣了。』不要信他們，要10多20年啦。

整條路線也很容易行，不太可能迷路，除了這個位置。先讓這艘船越過。看到左邊的藍色橋，我們不要駛進去，那邊是另一個世界。我們轉右駛進了攝政運河Regent’s Canal。一進來就是小威尼斯Little Venice。這裏是倫敦的傳統富豪區，價錢完全反映出來，呎價跟香港差不多。但是今集不是介紹房子的，大家看看風景吧。

前面有一條隧道叫Maida Hill Tunnel，全長250米。這條隧道是全黑的，但是不用害怕只要你平穩地操舵，不用2分鐘便穿過。

穿過隧道後，我們來到攝政公園的範圍。趁這個時間跟大家分享一下關於這條運河的歷史。這一段運河叫做Regent’s Canal，在19世紀初建成。從Paddingto一路到東倫敦的Limehouse，再進入泰晤士河。

興建運河的原因當然不是給我們遊玩啊，是用來運貨用的，最主要是用來運易燃物品和火藥。那時候的倫敦正在快速發展，而貨品則主要用馬車運送。馬車需要經過人口密集的地區，若果火藥在那些地區爆炸，攻擊了他人的村莊，便大獲了。再加上船的載貨量一定比馬車的載貨量高，所以便建了這條運河。能夠避開穿過倫敦市中心之外，也可以將貨品直接送到泰晤士河，上大海然後出公海。這是1830年的地圖，運河就是橙色那條線。你可以看到，運河外邊就是郊區，所以從運河運送貨品的風險就會比較低。

走了一會兒就會來到一個迷你海鮮舫，訂兩個小時的朋友就需要在這裏掉頭，但是我們訂了三個小時，所以可以繼續開船。

一路走我們開始見到很多塗鴉，也開始聞到一些大麻味，代表我們到了Camden。前面就是很著名的Camden Lock，很多人來這裏逛街。也是小船可以走到最遠的地方，我們要在這裏掉頭。

3小時的遊船河就是這樣，是不是很慘很枯燥呢？我一直在苦笑，真的很悲哀。認真說，這個活動很適合一家大細少，剛過來的香港家庭，還有一兩個月好天氣，可以試試這個。除了這個之外，還有另一個小船活動可以跟大家介紹。接下來的這個地方是遠一點，我們來倫敦開了一個半小時車來到牛津郡的Henley on Thames。

最近香港啟德嗰度有個新盤，好似係恆基盤嚟，叫做The Henley。個名就好大機會係源自呢度㗎啦。

今次我哋就幫襯咗呢間有超過一百年歷史嘅船公司Hobbs of Henley。呢度有好多船揀嘅，價錢亦都有辣有唔辣。可以租呢D Rowing Boat出去玩又得，但係我哋就租咗一架有Bimini，亦即係有帳篷嘅船仔啦。就係呢架Antaris：一啲荷蘭造嘅船仔。我就會建議大家租有bimini嘅船仔嘅，落雨或者好太陽都幫到手。

呢啲咁慘絕人環嘅活動點可以淨係得我哋兩個人受㗎，拉多兩條友落水先(笑)。佢哋係一個我好鍾意睇嘅英國廣東話頻道，叫做：Moving Socks。呢架船我覺得要多啲人先好玩，所以今次就約咗佢哋兩個一齊去explore explore啦。咁Henley呢度有咩咁出名呢，佢每年就一個好大型嘅划艇比賽叫做Henley Royal Regatta。如果大家記得早幾年有套facebook嘅戲叫做The Socialnetwork。嗰兩兄弟就喺度划艇嘅，跟住輸咗嗰場比賽。呢度就係個現實場景啦。

同埋呢一段嘅泰晤士河啲風景都可以話係最靚㗎啦。呢段嘅河流就係叫做Non Tidal。即係唔受到潮漲影響，水質就翠綠啲靚啲。就唔似London或者Woolwich嗰啲呢望出去係啡色；糞便咁樣嘅。呢度除咗風景靚，屋都好靚。呢度係Berkshire同Buckinghamshire兩個郡，就係啲傳統鄉郊紳士富豪區嚟。沿著河揸兩邊都係呢啲過萬呎嘅大宅Mensions㗎，流下口水咁啦，望住佢哋；沿途我哋都要經過四五個水閘嘅，咁你就要排隊慢慢行入去：先畀啲大船行先，跟住就到啲細船，然後就到划艇咁樣。咁每一個水閘都會有呢啲lockkeeper嘅,即係白衫呢位人兄啦。佢就好人嘅，如果佢知道係新手嘅話，佢就會主動去幫你guide你埋去一個位度呀。所以大家唔使擔心唔識揸。

咁就揸咗兩個鐘頭船，過咗幾個水閘，見到好多靚景呀。目的地去邊呢？就係去到下游嘅一個town叫做Marlow。呢個town係吸引到好多體育明星住㗎：有好多足球員、欖球員、哥爾夫球手、F1賽車手都曾經住過，或者現居緊。當然出名嘅就係五屆奧運划艇金牌得主Sir Steve Redgrave。佢喺度出世嘅。同埋呢個town有好多好嘢食㗎喎，人口唔多得一萬五千人到但係有三間米芝蓮餐廳。喺外圍仲有好多間添。

如果有去過匈牙利布達佩斯嘅話，你就一定去過呢條橋㗎啦，連接Buda同Pest嘅一條橋。咁其實佢個設計就係源自呢條Marlow Bridge。我哋泊好架船之後呢，就係船上Pinic。我哋可以好好寫意咁樣花個零兩個鐘㗎。嗰陣時佢哋(Moving Socks)啱啱買到樓呀，所以就買支香檳賀吓佢啦。傾吓樓經，啲時間就好快過。我哋又要返去啦。呢架船真係highly recommended。嗰日玩得好開心。咁我哋呢就去咗下游，如果下次有機會就同大家行下上游啦。同埋希望可以再同Stevo同Fei再發掘一啲唔同嘅活動畀大家睇啦。

橫掂都係坐船，畀多一個船仔節目畀大家睇：我哋又返嚟London金絲雀碼頭。金融區都有船玩？係嘅呢度都有船玩，同埋呢一隻船都幾撚抵死。我哋就嚟到Skuna Boats。有兩種船玩嘅，一個Hot Tube Boat啦，但我哋玩呢個BBQ冬甩船。好老實講，如果講風景嘅話呢就一定唔夠之前嗰兩條船比㗎啦，望來望去都係啲石屎樓。不過呢架船就Activity based啦，所以行多一陣之後就拍埋一邊開爐啦。你可以預訂佢哋嗰啲嘢食套餐嘅，咁但係當然嘢食就梗係自己買最好啦。喺個market度見到呢啲印度洋馬撚巨蝦，忍唔住買咗兩隻。可以買啲麵包餵下呢啲天鵝啦，呢啲天鵝一見到你行埋嚟呢，就跟撚住你㗎啦。同埋呢個船呢係絕對唔可以outrun佢哋嘅。

三架船；三個唔同backdrop；三種唔同玩法。一D唔係break the bank；即係唔係好撚貴，但又好啱一家大細嘅活動。就好啱啱啱過嚟，仔女又未開學嘅家庭玩下啦。點呀係咪好慘絕人寰呀(狂笑)？唉，講真呀講得出二等公民論嗰啲人呀，啲仔女全部喺曬外國㗎喇。英美澳紐加你自己篤一個啦。喺外地嘅網友，無論你係加拿大又好，美國又好，英國又好，你哋覺得自己係咪二等公民呀？不過無論點都好啦，咩等級都好，做個良好嘅公民，離開前執拾好架船先還俾人。下次再見。