BAD Ltd. 特約 《國家級任務》英國篇 第五集 - 從混血肥仔的一天出發 Ft @OUR. Studio | 混血肥仔 @CHIN WAI芊蕙子

［背景音樂：尋找他鄉的故事］
火車未到，我就喺火車站搵吓有冇靚女影畀大家當係手信送畀你哋。嗱！呢個！呢個呢個呢個呢個，呢個唔錯。唔係淨係得女嘅，都送啲靚仔畀大家，見唔見到？嗱！呢個！幾靚仔，吓話？（指自己）我指呢個呀（⋯⋯）係咪靚仔呀？大家喺畫面見到呢位靚仔，佢搭咗半個鐘頭嘅火車，終於同我哋今集呢兩位移民嚟英國都未夠一年，大家可能都熟悉嘅嘉賓見面喇～佢就係混血肥仔同埋佢老婆芊蕙子。

你好你好你好。
混血肥仔：你好你好你好。
東方昇：歡迎（？）你招呼我哋。
混血肥仔：（你歡迎我？）
東方昇：我哋而家係去你屋企先係咪？
混血肥仔：好呀好呀。
東方昇：（你屋企）喺呢度隔籬㗎咋？
［前往混血肥仔屋企中］
［背景音樂：齊天大聖孫悟空OST］

東方昇：好多謝你畀我上你屋企，招呼我啦。頭先你都有講，其實揀呢度，呢個叫Guildford嘅地方。
混血肥仔：係。
東方昇：咁係因為呢度治安好？
混血肥仔：治安好呀，呢度係⋯唔知真定假啲數據，就話係Top4（全英國治安最好）。
東方昇：我嚟咗之後可能差啲啦。
混血肥仔：露體就絕對唔係犯法嘅。（混血肥仔的魔性笑聲）（移民）一定要揀一個你最舒服嘅地方做第一站，因為太多嘢要適應，你個地方已經唔舒服，你好難適應得到。
東方昇：嗯～好呀，嚟到梗係要睇吓你哋屋企，遊覽吓啦。

［混血肥仔 X 芊蕙子 屋企導賞團］
［背景音樂：宜室宜居有辦法OST］
芊蕙子：好，呢度就有個開放式廚房。
［廚房］
東方昇：嘩，你係會煮嘢食嘅人？
芊蕙子：Er⋯唔係。
東方昇：所以要求一個⋯都唔係嘅？
芊蕙子：煮嘢食嘅擔當喺嗰邊。（指混血肥仔）
東方昇：反而你係大廚嚟？
芊蕙子：係呀係呀，大廚。
東方昇：呢個就係佢嘅corner。
芊蕙子：係佢嘅corner，不過執拾都係我執拾。
東方昇：哦哦哦好！

芊蕙子：即係好似有錢佬煮飯咁，佢煮完飯呢我就⋯
東方昇：你就係小助廚？
芊蕙子：唔係，直情係工人。（講嘢有骨）洗返哂啲嘢、擺返好。跟住呢個就係佢書房，佢設計嘅（又有骨），你見到有哂阿仙奴。
東方昇：呢度佢嘅？你做嘢就唔喺度喇？
芊蕙子：Er⋯
混血肥仔：有！佢部電腦咪喺度囉！
芊蕙子：係係係。
東方昇：都有嘅都有嘅。你係呢一格，跟住佢就係呢度。
芊蕙子：呢～～度。呢度唔畀我霸㗎，佢話咩拍嘢要個景深呀～（又又有骨）跟住呢度唔畀擺嘢，我都唔知係咪。
東方昇：真係慘呀真係。

芊蕙子：仲有呢度要唔要講埋？
東方昇：好呀好呀。
芊蕙子：因為呢度係我最討厭嘅地方。（又又又有骨）
東方昇：呢度就係露台。
芊蕙子：因為有好多鴿呀，我好憎啲鴿，跟住佢哋平時就會喺度獻舞咁，喺度轉轉轉轉轉。
混血肥仔：（公審完未）
東方昇：嚟嚟嚟嚟嚟。
混血肥仔：嚟！試吓！
芊蕙子：喂呀！我冇出過去㗎！
東方昇：唔係呀？真係未出過去？好喇！我出去睇吓。
混血肥仔：你出去啦，人哋過門都係客，同人哋出去行吓啦。（推老婆去死）

芊蕙子：你出去！你出去！
東方昇：咁咪好嘥囉咁大個露台？
混血肥仔：你想問嘅喇我都想問好耐㗎喇。（還擊）
東方昇：係呀？我代你問先。夜晚坐喺度飲杯紅酒，係呢個景啦英國。
芊蕙子：夜晚咁凍，唔會做啲咁嘅嘢。
東方昇：個景真係好靚。
芊蕙子：我喺度欣賞吓得㗎喇。
混血肥仔：我出嚟囉主要係。
東方昇：咁你出嚟做咩呢？哦即係平時有第二個女人？

混血肥仔：唞吓氣唞吓氣。
東方昇：有電話就出嚟呢度聽喇？
混血肥仔：唞吓氣咋喺呢度。
東方昇：哦～明嘅明嘅。近排如果見到佢好密咁出嚟，就要小心啲喇。
混血肥仔：小心啲喇。
東方昇：小心啲喇。
芊蕙子：好。
［背景音樂：Code Geass Lelouch of the Rebellion OST］
東方昇：大鑊喇！同佢哋傾咗幾句，大家有冇發覺佢哋夫妻間好似有啲不和咁呀？咁我會唔會成為佢哋婚姻破裂嘅導火線㗎⋯咁就正喇！開正我嗰範！立即將《國家級任務》轉做《圍爐取戀》，探討吓佢哋呢對移民夫妻嘅愛情問題先～

［圍爐取戀 國家級任務特別版］
［背景音樂：Oops My Mistake］
東方昇：頭先睇到你哋啦，你哋嚟（英國）嗰時有冇鬧交？為咗啲⋯
混血肥仔：啊。
芊蕙子：吓？我哋每日都鬧交。
東方昇：即係正常嘅。
混血肥仔：千祈唔好覺得話去到邊個地方會唔鬧交。
東方昇：係。
混血肥仔：呢個係錯誤嘅諗法。
東方昇：係。
混血肥仔：如果你本身係鬧交，你到世界任何一個地方都係鬧交。
［混血肥仔認為：兩公婆鬧交係不受地域限制］

東方昇：其實你去到外國，你兩個就係互相扶持，就要對住對方，冇辦法一定要。
混血肥仔：唔好話扶持吖，唔好推跌大家都算係咁。
東方昇：同埋睇得出，你話揀樓方面都係佢決定？
混血肥仔：哦～呢個係一定要做㗎，我要同所有觀眾講。
東方昇：係係係，你講。
混血肥仔：如果你本身個關係，係有個人你明知佢⋯假設唔係好順佢意會嬲嘅話，你千祈都順下佢意。
東方昇：最尾都係你受罪嘛如果唔係。
混血肥仔：係喇，假設你揀咗間佢唔啱嘅，你去到嗰度，乜嘢壞都係「X！都話唔好揀呢間㗎啦！」好但而家呢間佢鍾意嘅，嚟到呢度。

東方昇：你可以講喇。
混血肥仔：你咪可以⋯
東方昇：「最衰都係你啦！」「你話揀㗎！」
芊蕙子：所以啲人話女人蠱惑，男人先無賴呀！
東方昇：首先我真係多得你唔少呀。
混血肥仔：係係係。
東方昇：因為今次我嚟呢，話唔係移民，啲人全部都唔信，佢話你一定好似混血肥仔咁樣，嚟探路嘅！你之後就會移民㗎喇！
混血肥仔：你係嚟探路㗎。
東方昇：咩話？梗係唔係啦！唔係呀！唔係呀！我真係嚟做嘢㗎！
混血肥仔：咁要話你係探路嘅，就算你話你嚟做嘢，都話係探路㗎啦。咁你做嘢嘅時候，你都要行嗰條路，你都可以當係探路㗎嘛。
東方昇：都啱都啱都啱嘅。咁嗰時其實有冇移民呢個念頭？

［星期三港案］
混血肥仔：有嘅，一直呢⋯⋯因為我哋有小朋友，之前諗法就係佢會銜接呢度學校，講緊幾年之後畀佢過嚟讀書。
東方昇：咁聽你講，其實你係為小朋友移民係最大原因？
混血肥仔：未必係全部啦，因為又不負責任嘅我咁樣講，我自己就啱啱喺七月份辭咗職，我哋就傾，喺香港繼續做多幾年嘢，定係早啲計劃（移民），嗰時咁啱有個時間差，因為九月尾香港租約完。
東方昇：係。
混血肥仔：所以咁啱就七至九月呢段時間做決定。
東方昇：係咪因為為咗嚟呢度而放棄事業？定係唔係？
混血肥仔：唔係，放棄就「被」㗎啫，我係被放棄嘅，不過喺我諗法上，其實我一直都覺得（創作）係冇一個地域性，我之前其實都有過嚟拍片，啲片係受歡迎啦，咁根基都係喺香港，有好多台都係咁做，所以我本身諗法都係咁。
東方昇：咁你覺得有冇困難呀咁樣？
混血肥仔：其實我哋係重新學習緊時間分配，喺香港，基本上我哋八個鐘返工，放工就係玩，但係呢度⋯工作同埋拍嘢，或者湊小朋友、玩呀，堆埋一齊，而家我哋要幾個月時間重新適應囉。
東方昇：嗯～

混血肥仔：所以好似而家咁，我哋都適應緊㗎，我哋都唔知而家做嘢定係⋯⋯
東方昇：係囉係囉，好迷惘㗎喎其實。
混血肥仔：好迷惘㗎。
東方昇：你哋兩個都會⋯⋯
混血肥仔：但唔緊要啦，迷惘咪迷惘囉。
東方昇：嗯～
混血肥仔: 冇乜所謂嘅。
芊蕙子: 係囉，okay嘅。
東方昇: 我之前都睇咗報道話你喺呢度拍片都有目的，其實想製造一個香港人同呢度嘅人嘅橋樑。

混血肥仔: 其實簡單嚟講就係，我對上一次嚟嘅時候，我見到呢度大部分香港人都係懷住一個自卑、內疚、唔鍾意、唔開心嘅心情。我返香港我見到啲香港人，有句說話我好深刻，就係我隔離時，我說:「好想出去呀」，跟住佢有句說話就係:「唉~你唔好覺得出到去真係咁好」，呢個心情就係大家都唔開心，香港人不論你喺世界各地，其實香港喺其中一個地方。我覺得而家都係過緊一個新生活，呢個新生活大家適應緊嘅時候，如果互相嘲笑大家，我覺得就係最討厭嘅。嗰個心態同取態係我想調整下，唔係呢度咩嘢都好，亦都唔係香港咩嘢都好，或者唔係香港咩嘢都衰，咁樣。
東方昇: 好sad咁樣好似講到。
混血肥仔: 唔sad呀，你sad之嘛。
東方昇: 喂喂喂喂! 喂! 好呀! 唔好講呢啲咁嘅嘢喇。喂! 我想問一個問題就係，我覺得對好多香港人嚟講，好多人都好難適應(英國)，就係好悶呀呢度。
混血肥仔: 本身我同佢相處已經…
東方昇: 好精彩?
混血肥仔: 因為你有情緒波動，你就唔會悶。
東方昇: 係係係，覺得自己alive緊呀，生活緊呀。
混血肥仔: 係喇。所以如果你覺得好悶嘅朋友可以嘗試吓同自己鬧交嘅。但萬一你真係好似呢度咁悶嘅話，我覺得又可以試吓… 享受呢一種… 冇咁精彩。
東方昇: 咁我哋陣間跟你一日，睇吓你平時生活點樣，好冇呀?
混血肥仔: 好呀。
東方昇: 好!

混血肥仔英國日程表:

湊囡起身出門口 (需時半小時)

湊囡步行至餐廳 (需時半小時)

湊囡食飯飯 (需時一小時) (過程中囡囡在餐廳做出拱橘動作)

抱囡返學 (需時一小時)
東方昇: 平時係咪扭計㗎? 今日就勁乖?
混血肥仔: 未扭計啫。
東方昇: 未扭計? 嘩陣間實好精彩呀~ 好期待呀。

到達學校 (順便𥄫Miss) (需時15分鐘)
混血肥仔: 嘩! 新Miss! 好索喎!
東方昇: 係?
混血肥仔: 新老師好靚呀!
囡囡: 鳴哇*N

氹囡入學校 (需時: 按囡囡心情而定)

Camman哥哥: 我哋back to school
囡囡: NO! Baby don’t want! Baby don’t want!
混血肥仔: 係咪好慘呀?
囡囡: Baby don’t want go to school。
混血肥仔: OK啦，其實我都唔想你返學㗎，鬼叫我交咗學費咩?
(囡囡最後還是進入了學校)
東方昇: 正啦，自由喇喎你哋!
任務完成!

東方昇: 咁你哋平時送完佢，你哋有咩做呀? 就係…
混血肥仔: 各自活動囉。佢行下街，我又可以去飲吓嘢。
東方昇: 哦好啦，咁你係咪會去…
芊蕙子: 去行街，拜拜。
東方昇: 好啦，陣間見啦，拜拜，小心啲啦。
旁白(東方昇): 唔怪得你嘅生活唔會悶啦，原來你哋要湊囡。我就未生囡喇，所以就唔係好理解，不過… 我對一啲大個咗嘅女就有興趣喇~
東方昇: 你老婆走咗喇喎。
混血肥仔: 係係係。
東方昇: 咁我哋做正經嘢，因為我一路想問一個問題，如果單身寡佬嚟到英國，究竟媾唔媾到鬼妹呢?
混血肥仔: 識呢，我覺得就冇難度，你一行條街就已經見得到。但係咪真係鍾意你呢? 就唔知
東方昇: 我，咁靚仔 (後期製作人員: 無恥)，你都靚仔
混血肥仔: 係 (後期製作人員: 更無恥)
東方昇: 應該我哋冇問題，我哋不如就試吓好冇呀?
混血肥仔: 好。

野生捕獲3位靚女
東方昇: Hello，Beautiful girl撈
3位女士: Hi~
東方昇: Hello~ We are from H.K. We want to ask, Er… if… er Hong Kong people can date with a English beautiful girl? Will you accept… (S.O.S)，我英文好渣，已經頂唔順喇 (尷尬)
混血肥仔: Will you accept a dating with Hongkongers?
女士A: Yea~ Why not?
東方昇: 哦呀…ya
混血肥仔: You meet some Hongkongers before?
女士C: Yea
女士A: Um… Ya ~ Ya ~ a few. Really nice, friendly
女士B: Friendly, reachable
女士A: Nice people
東方昇: I give you a choice, he(混血肥仔) and me, be your boyfriend, which one will you choose?
女士A: I’m gonna choose you, because you are taller.
東方昇: 嘩! 好慘呀! 中刀!
女士A: Sorry, because I’m quite tall
東方昇: You re虧st your boyfriend taller than you?
混血肥仔: I’ll still grow up.
女士A: You still gonna grow up?
東方昇: He is very rich.
女士A: Really?
東方昇: Yea.
女士A: (指向女士B) She likes money
東方昇: Yea, will you choose him?
女士B: Still the high.
東方昇: 即係高係一個問題。 How about you? (指向女士C)
女士C: Money Money
東方昇: You choose money? 哦原來錢係一個好重要嘅問題。 But we are also very handsome.
女士A: Very handsome.
東方昇: You agree?
女士A: Yea~ very handsome~
東方昇: You agree? 掂啦。
混血肥仔: 啲人話英國人假，原來真係假!!
東方昇: 唔係呀! 我覺得佢真㗎!
東方昇: Ok ok! Thank you! Can you…… Er … er … I add your IG?(對女士A)
女士A: My IG?
東方昇: Yea~
女士A: Sure
東方昇: 好呀嚟嚟嚟! 我個電話喺度
(拎咗混血肥仔電話俾女士A)
東方昇: OH YEA~ Thank you!
混血肥仔: 但唔好意思呢個係我IG嚟
東方昇: 喂唔係呀畀返我! 畀返我!
混血肥仔: No way
東方昇: 喂! 你有老婆㗎! 你有老婆㗎!

東方昇: 而家等你個女放學，湊佢放學之前，我哋就坐低。首先有一樣好重要嘅嘢，畀返頭先個女仔個IG我先。
混血肥仔: Okay.
東方昇: 係喇，咁跟返先。
混血肥仔: 佢未accept我呀。
東方昇: 得㗎啦，佢會㗎喇，佢唔accept你之嘛，會accept我，最緊要follow咗佢先。
東方昇: 你嚟咗呢度個幾月，你覺得有咩tips可以香港人比較容易適應英國?
混血肥仔: 首先盡量對自己好啲，好老套呢個，但盡量唔好咁急逼住自己去適應或者去搵錢，你嘗試吓去enjoy當地嘅節奏。記住(移民)係一個浩大工程喺你人生，包括settle硬件嘢，心靈都要settle。唔好怕圍爐，香港人成日都會… 「你咃唔好群埋啲香港人」
東方昇: 係囉，外面啲人成日都會咁講。
混血肥仔: 呢個係蠢嘅，最緊要搵到一個自己覺得唔好咁大壓力，輕鬆啲嘅一個方法。你去見朋友咪見朋友，講廣東話就講廣東話，其實真係冇人理你。
東方昇: 好~ 感謝你 感謝你。最後我就代表公司送移民盒裡面一個菲林相機畀你，咁就希望你影多啲家庭照，留低開心嘢，寄返香港畀親戚朋友。
混血肥仔: Thank you，多謝! 多謝!
東方昇: 同埋大家多啲subscribe你個channel，
混血肥仔: 係係係
東方昇: 同埋你老婆啦
混血肥仔: 佢嗰個唔知啦，我嗰個一定要
東方昇: 你一定，佢嗰個都唔使，你嗰個一定先嘅。
混血肥仔: 而家佢唔喺度唔緊要啦。
東方昇: 係。感謝你! 感謝你! 感謝你! 飲杯
混血肥仔: 飲杯
東方昇: 呢個飲杯好老套，但我覺得… 冇辦法啦!
(混血肥仔的魔性笑聲)